Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 8585

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

yuyutsuṃ tava putraṃ tu prādravantaṃ mahad balam / (1.2) Par.?

ulūko 'bhyapatat tūrṇaṃ tiṣṭha tiṣṭheti cābravīt // (1.3) Par.?

yuyutsus tu tato rājañ śitadhāreṇa patriṇā / (2.1) Par.?

ulūkaṃ tāḍayāmāsa vajreṇendra ivācalam // (2.2) Par.?

ulūkas tu tataḥ kruddhas tava putrasya saṃyuge / (3.1) Par.?

kṣurapreṇa dhanuś chittvā tāḍayāmāsa karṇinā // (3.2) Par.?

tad apāsya dhanuś chinnaṃ yuyutsur vegavattaram / (4.1) Par.?

anyad ādatta sumahac cāpaṃ saṃraktalocanaḥ // (4.2) Par.?

śākuniṃ ca tataḥ ṣaṣṭyā vivyādha bharatarṣabha / (5.1) Par.?

sārathiṃ tribhir ānarchat taṃ ca bhūyo vyavidhyata // (5.2) Par.?

ulūkas taṃ tu viṃśatyā viddhvā hemavibhūṣitaiḥ / (6.1) Par.?

athāsya samare kruddho dhvajaṃ cicheda kāñcanam // (6.2) Par.?

sa chinnayaṣṭiḥ sumahāñ śīryamāṇo mahādhvajaḥ / (7.1) Par.?

papāta pramukhe rājan yuyutsoḥ kāñcanojjvalaḥ // (7.2) Par.?

dhvajam unmathitaṃ dṛṣṭvā yuyutsuḥ krodhamūrchitaḥ / (8.1) Par.?

ulūkaṃ pañcabhir bāṇair ājaghāna stanāntare // (8.2) Par.?

ulūkas tasya bhallena tailadhautena māriṣa / (9.1) Par.?

śiraś cicheda sahasā yantur bharatasattama // (9.2) Par.?

jaghāna caturo 'śvāṃś ca taṃ ca vivyādha pañcabhiḥ / (10.1) Par.?

so 'tividdho balavatā pratyapāyād rathāntaram // (10.2) Par.?

taṃ nirjitya raṇe rājann ulūkas tvarito yayau / (11.1) Par.?

pāñcālān sṛñjayāṃś caiva vinighnan niśitaiḥ śaraiḥ // (11.2) Par.?

śatānīkaṃ mahārāja śrutakarmā sutas tava / (12.1) Par.?

vyaśvasūtarathaṃ cakre nimeṣārdhād asaṃbhramam // (12.2) Par.?

hatāśve tu rathe tiṣṭhañ śatānīko mahābalaḥ / (13.1) Par.?

gadāṃ cikṣepa saṃkruddhas tava putrasya māriṣa // (13.2) Par.?

sā kṛtvā syandanaṃ bhasma hayāṃś caiva sasārathīn / (14.1) Par.?

papāta dharaṇīṃ tūrṇaṃ dārayantīva bhārata // (14.2) Par.?

tāv ubhau virathau vīrau kurūṇāṃ kīrtivardhanau / (15.1) Par.?

apākrametāṃ yuddhārtau prekṣamāṇau parasparam // (15.2) Par.?

putras tu tava saṃbhrānto vivitso ratham āviśat / (16.1) Par.?

śatānīko 'pi tvaritaḥ prativindhyarathaṃ gataḥ // (16.2) Par.?

sutasomas tu śakuniṃ vivyādha niśitaiḥ śaraiḥ / (17.1) Par.?

nākampayata saṃrabdho vāryogha iva parvatam // (17.2) Par.?

sutasomas tu taṃ dṛṣṭvā pitur atyantavairiṇam / (18.1) Par.?

śarair anekasāhasraiś chādayāmāsa bhārata // (18.2) Par.?

tāñ śarāñ śakunis tūrṇaṃ cichedānyaiḥ patatribhiḥ / (19.1) Par.?

laghvastraś citrayodhī ca jitakāśī ca saṃyuge // (19.2) Par.?

nivārya samare cāpi śarāṃs tān niśitaiḥ śaraiḥ / (20.1) Par.?

ājaghāna susaṃkruddhaḥ sutasomaṃ tribhiḥ śaraiḥ // (20.2) Par.?

tasyāśvān ketanaṃ sūtaṃ tilaśo vyadhamaccharaiḥ / (21.1) Par.?

syālas tava mahāvīryas tatas te cukruśur janāḥ // (21.2) Par.?

hatāśvo virathaś caiva chinnadhanvā ca māriṣa / (22.1) Par.?

dhanvī dhanurvaraṃ gṛhya rathād bhūmāv atiṣṭhata / (22.2) Par.?

vyasṛjat sāyakāṃś caiva svarṇapuṅkhāñ śilāśitān // (22.3) Par.?

chādayāmāsur atha te tava syālasya taṃ ratham / (23.1) Par.?

pataṃgānām iva vrātāḥ śaravrātā mahāratham // (23.2) Par.?

rathopasthān samīkṣyāpi vivyathe naiva saubalaḥ / (24.1) Par.?

pramṛdnaṃś ca śarāṃs tāṃs tāñ śaravrātair mahāyaśāḥ // (24.2) Par.?

tatrātuṣyanta yodhāś ca siddhāś cāpi divi sthitāḥ / (25.1) Par.?

sutasomasya tat karma dṛṣṭvāśraddheyam adbhutam / (25.2) Par.?

rathasthaṃ nṛpatiṃ taṃ tu padātiḥ sann ayodhayat // (25.3) Par.?

tasya tīkṣṇair mahāvegair bhallaiḥ saṃnataparvabhiḥ / (26.1) Par.?

vyahanat kārmukaṃ rājā tūṇīraṃ caiva sarvaśaḥ // (26.2) Par.?

sa chinnadhanvā samare khaḍgam udyamya nānadan / (27.1) Par.?

vaiḍūryotpalavarṇābhaṃ hastidantamayatsarum // (27.2) Par.?

bhrāmyamāṇaṃ tatas taṃ tu vimalāmbaravarcasam / (28.1) Par.?

kālopamaṃ tato mene sutasomasya dhīmataḥ // (28.2) Par.?

so 'carat sahasā khaḍgī maṇḍalāni sahasraśaḥ / (29.1) Par.?

caturviṃśan mahārāja śikṣābalasamanvitaḥ // (29.2) Par.?

saubalas tu tatas tasya śarāṃś cikṣepa vīryavān / (30.1) Par.?

tān āpatata evāśu cicheda paramāsinā // (30.2) Par.?

tataḥ kruddho mahārāja saubalaḥ paravīrahā / (31.1) Par.?

prāhiṇot sutasomasya śarān āśīviṣopamān // (31.2) Par.?

cicheda tāṃś ca khaḍgena śikṣayā ca balena ca / (32.1) Par.?

darśayaṃl lāghavaṃ yuddhe tārkṣyavīryasamadyutiḥ // (32.2) Par.?

tasya saṃcarato rājan maṇḍalāvartane tadā / (33.1) Par.?

kṣurapreṇa sutīkṣṇena khaḍgaṃ cicheda suprabham // (33.2) Par.?

sa chinnaḥ sahasā bhūmau nipapāta mahān asiḥ / (34.1) Par.?

avaśasya sthitaṃ haste taṃ khaḍgaṃ satsaruṃ tadā // (34.2) Par.?

chinnam ājñāya nistriṃśam avaplutya padāni ṣaṭ / (35.1) Par.?

prāvidhyata tataḥ śeṣaṃ sutasomo mahārathaḥ // (35.2) Par.?

sa chittvā saguṇaṃ cāpaṃ raṇe tasya mahātmanaḥ / (36.1) Par.?

papāta dharaṇīṃ tūrṇaṃ svarṇavajravibhūṣitaḥ / (36.2) Par.?

sutasomas tato 'gacchacchrutakīrter mahāratham // (36.3) Par.?

saubalo 'pi dhanur gṛhya ghoram anyat suduḥsaham / (37.1) Par.?

abhyayāt pāṇḍavānīkaṃ nighnañ śatrugaṇān bahūn // (37.2) Par.?

tatra nādo mahān āsīt pāṇḍavānāṃ viśāṃ pate / (38.1) Par.?

saubalaṃ samare dṛṣṭvā vicarantam abhītavat // (38.2) Par.?

tāny anīkāni dṛptāni śastravanti mahānti ca / (39.1) Par.?

drāvyamāṇāny adṛśyanta saubalena mahātmanā // (39.2) Par.?

yathā daityacamūṃ rājan devarājo mamarda ha / (40.1) Par.?

tathaiva pāṇḍavīṃ senāṃ saubaleyo vyanāśayat // (40.2) Par.?

dhṛṣṭadyumnaṃ kṛpo rājan vārayāmāsa saṃyuge / (41.1) Par.?

yathā dṛptaṃ vane nāgaṃ śarabho vārayed yudhi // (41.2) Par.?

niruddhaḥ pārṣatas tena gautamena balīyasā / (42.1) Par.?

padāt padaṃ vicalituṃ nāśaknot tatra bhārata // (42.2) Par.?

gautamasya vapur dṛṣṭvā dhṛṣṭadyumnarathaṃ prati / (43.1) Par.?

vitresuḥ sarvabhūtāni kṣayaṃ prāptaṃ ca menire // (43.2) Par.?

tatrāvocan vimanaso rathinaḥ sādinas tathā / (44.1) Par.?

droṇasya nidhane nūnaṃ saṃkruddho dvipadāṃ varaḥ // (44.2) Par.?

śāradvato mahātejā divyāstravid udāradhīḥ / (45.1) Par.?

api svasti bhaved adya dhṛṣṭadyumnasya gautamāt // (45.2) Par.?

apīyaṃ vāhinī kṛtsnā mucyeta mahato bhayāt / (46.1) Par.?

apy ayaṃ brāhmaṇaḥ sarvān na no hanyāt samāgatān // (46.2) Par.?

yādṛśaṃ dṛśyate rūpam antakapratimaṃ bhṛśam / (47.1) Par.?

gamiṣyaty adya padavīṃ bhāradvājasya saṃyuge // (47.2) Par.?

ācāryaḥ kṣiprahastaś ca vijayī ca sadā yudhi / (48.1) Par.?

astravān vīryasampannaḥ krodhena ca samanvitaḥ // (48.2) Par.?

pārṣataś ca bhṛśaṃ yuddhe vimukho 'dyāpi lakṣyate / (49.1) Par.?

ity evaṃ vividhā vācas tāvakānāṃ paraiḥ saha // (49.2) Par.?

viniḥśvasya tataḥ kruddhaḥ kṛpaḥ śāradvato nṛpa / (50.1) Par.?

pārṣataṃ chādayāmāsa niśceṣṭaṃ sarvamarmasu // (50.2) Par.?

sa vadhyamānaḥ samare gautamena mahātmanā / (51.1) Par.?

kartavyaṃ na prajānāti mohitaḥ paramāhave // (51.2) Par.?

tam abravīt tato yantā kaccit kṣemaṃ nu pārṣata / (52.1) Par.?

īdṛśaṃ vyasanaṃ yuddhe na te dṛṣṭaṃ kadācana // (52.2) Par.?

daivayogāt tu te bāṇā nātaran marmabhedinaḥ / (53.1) Par.?

preṣitā dvijamukhyena marmāṇy uddiśya sarvaśaḥ // (53.2) Par.?

vyāvartaye tatra rathaṃ nadīvegam ivārṇavāt / (54.1) Par.?

avadhyaṃ brāhmaṇaṃ manye yena te vikramo hataḥ // (54.2) Par.?

dhṛṣṭadyumnas tato rājañ śanakair abravīd vacaḥ / (55.1) Par.?

muhyate me manas tāta gātre svedaś ca jāyate // (55.2) Par.?

vepathuṃ ca śarīre me romaharṣaṃ ca paśya vai / (56.1) Par.?

varjayan brāhmaṇaṃ yuddhe śanair yāhi yato 'cyutaḥ // (56.2) Par.?

arjunaṃ bhīmasenaṃ vā samare prāpya sārathe / (57.1) Par.?

kṣemam adya bhaved yantar iti me naiṣṭhikī matiḥ // (57.2) Par.?

tataḥ prāyān mahārāja sārathis tvarayan hayān / (58.1) Par.?

yato bhīmo maheṣvāso yuyudhe tava sainikaiḥ // (58.2) Par.?

pradrutaṃ tu rathaṃ dṛṣṭvā dhṛṣṭadyumnasya māriṣa / (59.1) Par.?

kirañ śaraśatāny eva gautamo 'nuyayau tadā // (59.2) Par.?

śaṅkhaṃ ca pūrayāmāsa muhur muhur ariṃdamaḥ / (60.1) Par.?

pārṣataṃ prādravad yantaṃ mahendra iva śambaram // (60.2) Par.?

śikhaṇḍinaṃ tu samare bhīṣmamṛtyuṃ durāsadam / (61.1) Par.?

hārdikyo vārayāmāsa smayann iva muhur muhuḥ // (61.2) Par.?

śikhaṇḍī ca samāsādya hṛdikānāṃ mahāratham / (62.1) Par.?

pañcabhir niśitair bhallair jatrudeśe samārdayat // (62.2) Par.?

kṛtavarmā tu saṃkruddho bhittvā ṣaṣṭibhir āśugaiḥ / (63.1) Par.?

dhanur ekena cicheda hasan rājan mahārathaḥ // (63.2) Par.?

athānyad dhanur ādāya drupadasyātmajo balī / (64.1) Par.?

tiṣṭha tiṣṭheti saṃkruddho hārdikyaṃ pratyabhāṣata // (64.2) Par.?

tato 'sya navatiṃ bāṇān rukmapuṅkhān sutejanān / (65.1) Par.?

preṣayāmāsa rājendra te 'syābhraśyanta varmaṇaḥ // (65.2) Par.?

vitathāṃs tān samālakṣya patitāṃś ca mahītale / (66.1) Par.?

kṣurapreṇa sutīkṣṇena kārmukaṃ cicchide balī // (66.2) Par.?

athainaṃ chinnadhanvānaṃ bhagnaśṛṅgam ivarṣabham / (67.1) Par.?

aśītyā mārgaṇaiḥ kruddho bāhvor urasi cārdayat // (67.2) Par.?

kṛtavarmā tu saṃkruddho mārgaṇaiḥ kṛtavikṣataḥ / (68.1) Par.?

dhanur anyat samādāya samārgaṇagaṇaṃ prabho / (68.2) Par.?

śikhaṇḍinaṃ bāṇavaraiḥ skandhadeśe 'bhyatāḍayat // (68.3) Par.?

skandhadeśe sthitair bāṇaiḥ śikhaṇḍī ca rarāja ha / (69.1) Par.?

śākhāpratānair vimalaiḥ sumahān sa yathā drumaḥ // (69.2) Par.?

tāv anyonyaṃ bhṛśaṃ viddhvā rudhireṇa samukṣitau / (70.1) Par.?

anyonyaśṛṅgābhihatau rejatur vṛṣabhāv iva // (70.2) Par.?

anyonyasya vadhe yatnaṃ kurvāṇau tau mahārathau / (71.1) Par.?

rathābhyāṃ ceratus tatra maṇḍalāni sahasraśaḥ // (71.2) Par.?

kṛtavarmā mahārāja pārṣataṃ niśitaiḥ śaraiḥ / (72.1) Par.?

raṇe vivyādha saptatyā svarṇapuṅkhaiḥ śilāśitaiḥ // (72.2) Par.?

tato 'sya samare bāṇaṃ bhojaḥ praharatāṃ varaḥ / (73.1) Par.?

jīvitāntakaraṃ ghoraṃ vyasṛjat tvarayānvitaḥ // (73.2) Par.?

sa tenābhihato rājan mūrchām āśu samāviśat / (74.1) Par.?

dhvajayaṣṭiṃ ca sahasā śiśriye kaśmalāvṛtaḥ // (74.2) Par.?

apovāha raṇāt taṃ tu sārathī rathināṃ varam / (75.1) Par.?

hārdikyaśarasaṃtaptaṃ niḥśvasantaṃ punaḥ punaḥ // (75.2) Par.?

parājite tataḥ śūre drupadasya sute prabho / (76.1) Par.?

prādravat pāṇḍavī senā vadhyamānā samantataḥ // (76.2) Par.?

Duration=0.49916815757751 secs.