UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2623
- Click on a sentence to show its analysis
- Keep the mouse pointer over a lemma to show its meanings.
ālasyaṃ prathamaṃ paścādvyādhipīḍā prajāyate / (1.2)
Par.?
pramādaḥ saṃśayasthāne cittasyehānavasthitiḥ // (1.3)
Par.?
aśraddhādarśanaṃ bhrāntirduḥkhaṃ ca trividhaṃ tataḥ / (2.1)
Par.?
daurmanasyamayogyeṣu viṣayeṣu ca yogyatā // (2.2)
Par.?
daśadhābhiprajāyante muneryogāntarāyakāḥ / (3.1)
Par.?
ālasyaṃ cāpravṛttiś ca gurutvātkāyacittayoḥ // (3.2)
Par.?
vyādhayo dhātuvaiṣamyāt karmajā doṣajās tathā / (4.1)
Par.?
pramādastu samādhestu sādhanānām abhāvanam // (4.2)
Par.?
idaṃ vetyubhayaspṛktaṃ vijñānaṃ sthānasaṃśayaḥ / (5.1)
Par.?
anavasthitacittatvam apratiṣṭhā hi yoginaḥ // (5.2)
Par.?
labdhāyāmapi bhūmau ca cittasya bhavabandhanāt / (6.1)
Par.?
aśraddhābhāvarahitā vṛttirvai sādhaneṣu ca // (6.2)
Par.?
sādhye cittasya hi gurau jñānācāraśivādiṣu / (7.1)
Par.?
viparyayajñānamiti bhrāntidarśanam ucyate // (7.2)
Par.?
anātmanyātmavijñānamajñānāttasya saṃnidhau / (8.1)
Par.?
duḥkhamādhyātmikaṃ proktaṃ tathā caivādhibhautikam // (8.2)
Par.?
ādhidaivikamityuktaṃ trividhaṃ sahajaṃ punaḥ / (9.1)
Par.?
icchāvighātātsaṃkṣobhaścetasastadudāhṛtam // (9.2)
Par.?
daurmanasyaṃ niroddhavyaṃ vairāgyeṇa pareṇa tu / (10.1)
Par.?
tamasā rajasā caiva saṃspṛṣṭaṃ durmanaḥ smṛtam // (10.2)
Par.?
tadā manasi saṃjātaṃ daurmanasyamiti smṛtam / (11.1)
Par.?
haṭhātsvīkaraṇaṃ kṛtvā yogyāyogyavivekataḥ // (11.2)
Par.?
viṣayeṣu vicitreṣu jantorviṣayalolatā / (12.1)
Par.?
antarāyā iti khyātā yogasyaite hi yoginām // (12.2)
Par.?
atyantotsāhayuktasya naśyanti na ca saṃśayaḥ / (13.1)
Par.?
pranaṣṭeṣvantarāyeṣu dvijāḥ paścāddhi yoginaḥ // (13.2)
Par.?
upasargāḥ pravartante sarve te 'siddhisūcakāḥ / (14.1)
Par.?
pratibhā prathamā siddhirdvitīyā śravaṇā smṛtā // (14.2)
Par.?
vārttā tṛtīyā viprendrāsturīyā ceha darśanā / (15.1)
Par.?
āsvādā pañcamī proktā vedanā ṣaṣṭhikā smṛtā // (15.2)
Par.?
svalpaṣaṭsiddhisaṃtyāgātsiddhidāḥ siddhayo muneḥ / (16.1)
Par.?
pratibhā pratibhāvṛtiḥ pratibhāva iti sthitiḥ // (16.2)
Par.?
buddhirvivecanā vedyaṃ budhyate buddhirucyate / (17.1)
Par.?
sūkṣme vyavahite'tīte viprakṛṣṭe tvanāgate // (17.2)
Par.?
sarvatra sarvadā jñānaṃ pratibhānukrameṇa tu / (18.1)
Par.?
śravaṇātsarvaśabdānāmaprayatnena yoginaḥ // (18.2)
Par.?
hrasvadīrghaplutādīnāṃ guhyānāṃ śravaṇādapi / (19.1)
Par.?
sparśasyādhigamo yastu vedanā tūpapāditā // (19.2)
Par.?
darśanāddivyarūpāṇāṃ darśanaṃ cāprayatnataḥ / (20.1)
Par.?
saṃviddivyarase tasminnāsvādo hyaprayatnataḥ // (20.2)
Par.?
vārttā ca divyagandhānāṃ tanmātrā buddhisaṃvidā / (21.1)
Par.?
vindante yoginastasmādābrahmabhuvanaṃ dvijāḥ // (21.2)
Par.?
jagatyasmin hi dehasthaṃ catuḥṣaṣṭiguṇaṃ samam / (22.1)
Par.?
aupasargikam eteṣu guṇeṣu guṇitaṃ dvijāḥ // (22.2)
Par.?
saṃtyājyaṃ sarvathā sarvamaupasargikamātmanaḥ / (23.1)
Par.?
paiśāce pārthivaṃ cāpyaṃ rākṣasānāṃ pure dvijāḥ // (23.2)
Par.?
yākṣe tu taijasaṃ proktaṃ gāndharve śvasanātmakam / (24.1)
Par.?
aindre vyomātmakaṃ sarvaṃ saumye caiva tu mānasam // (24.2)
Par.?
prājāpatye tvahaṅkāraṃ brāhme bodhamanuttamam / (25.1)
Par.?
ādye cāṣṭau dvitīye ca tathā ṣoḍaśarūpakam // (25.2)
Par.?
caturviṃśattṛtīye tu dvātriṃśacca caturthake / (26.1)
Par.?
catvāriṃśat pañcame tu bhūtamātrātmakaṃ smṛtam // (26.2)
Par.?
gandho rasas tathā rūpaṃ śabdaḥ sparśastathaiva ca / (27.1)
Par.?
pratyekamaṣṭadhā siddhaṃ pañcame tacchatakratoḥ // (27.2)
Par.?
tathāṣṭacatvāriṃśacca ṣaṭpañcāśattathaiva ca / (28.1)
Par.?
catuḥṣaṣṭiguṇaṃ brāhmaṃ labhate dvijasattamāḥ // (28.2)
Par.?
aupasargikam ā brahmabhuvaneṣu parityajet / (29.1)
Par.?
lokeṣvālokya yogena yogavitparamaṃ sukham // (29.2)
Par.?
sthūlatā hrasvatā bālyaṃ vārdhakyaṃ yauvanaṃ tathā / (30.1)
Par.?
nānājātisvarūpaṃ ca caturbhir dehadhāraṇam // (30.2)
Par.?
pārthivāṃśaṃ vinā nityaṃ surabhir gandhasaṃyutaḥ / (31.1)
Par.?
etadaṣṭaguṇaṃ proktamaiśvaryaṃ pārthivaṃ mahat // (31.2)
Par.?
jale nivasanaṃ yadvad bhūmyāmiva vinirgamaḥ / (32.1)
Par.?
icchecchaktaḥ svayaṃ pātuṃ samudramapi nāturaḥ // (32.2)
Par.?
yatrecchati jagatyasmiṃstatrāsya jaladarśanam / (33.1)
Par.?
yadyadvastu samādāya bhoktumicchati kāmataḥ // (33.2)
Par.?
tattadrasānvitaṃ tasya trayāṇāṃ dehadhāraṇam / (34.1)
Par.?
bhāṇḍaṃ vinātha hastena jalapiṇḍasya dhāraṇam // (34.2)
Par.?
avraṇatvaṃ śarīrasya pārthivena samanvitam / (35.1)
Par.?
etat ṣoḍaśakaṃ proktamāpyamaiśvaryamuttamam // (35.2)
Par.?
dehādagnivinirmāṇaṃ tattāpabhayavarjitam / (36.1)
Par.?
lokaṃ dagdhamapīhānyadadagdhaṃ svavidhānataḥ // (36.2)
Par.?
jalamadhye hutavahaṃ cādhāya parirakṣaṇam / (37.1)
Par.?
agninigrahaṇaṃ haste smṛtimātreṇa cāgamaḥ // (37.2)
Par.?
bhasmībhūtavinirmāṇaṃ yathāpūrvaṃ sakāmataḥ / (38.1)
Par.?
dvābhyāṃ rūpaviniṣpattir vinā taistribhir ātmanaḥ // (38.2)
Par.?
caturviṃśātmakaṃ hyetattaijasaṃ munipuṅgavāḥ / (39.1)
Par.?
manogatitvaṃ bhūtānāmantarnivasanaṃ tathā // (39.2)
Par.?
parvatādimahābhāraskandhenodvahanaṃ punaḥ / (40.1)
Par.?
laghutvaṃ ca gurutvaṃ ca pāṇibhyāṃ vāyudhāraṇam // (40.2)
Par.?
aṅgulyagranighātena bhūmeḥ sarvatra kaṃpanam / (41.1)
Par.?
ekena dehaniṣpattirvātaiśvaryaṃ smṛtaṃ budhaiḥ // (41.2)
Par.?
chāyāvihīnaniṣpattirindriyāṇāṃ ca darśanam / (42.1)
Par.?
ākāśagamanaṃ nityamindriyārthaiḥ samanvitam // (42.2) Par.?
dūre ca śabdagrahaṇaṃ sarvaśabdāvagāhanam / (43.1)
Par.?
tanmātraliṅgagrahaṇaṃ sarvaprāṇinidarśanam // (43.2)
Par.?
aindram aiśvaryam ityuktametairuktaḥ purātanaḥ / (44.1)
Par.?
yathākāmopalabdhiś ca yathākāmavinirgamaḥ // (44.2)
Par.?
sarvatrābhibhavaścaiva sarvaguhyanidarśanam / (45.1)
Par.?
kāmānurūpanirmāṇaṃ vaśitvaṃ priyadarśanam // (45.2)
Par.?
saṃsāradarśanaṃ caiva mānasaṃ guṇalakṣaṇam / (46.1)
Par.?
chedanaṃ tāḍanaṃ bandhaṃ saṃsāraparivartanam // (46.2)
Par.?
sarvabhūtaprasādaś ca mṛtyukālajayas tathā / (47.1)
Par.?
prājāpatyamidaṃ proktam āhaṅkārikamuttamam // (47.2)
Par.?
akāraṇajagatsṛṣṭistathānugraha eva ca / (48.1)
Par.?
pralayaścādhikāraś ca lokavṛttapravartanam // (48.2)
Par.?
asādṛśyamidaṃ vyaktaṃ nirmāṇaṃ ca pṛthakpṛthak / (49.1)
Par.?
saṃsārasya ca kartṛtvaṃ brāhmam etad anuttamam // (49.2)
Par.?
etāvattattvamityuktaṃ prādhānyaṃ vaiṣṇavaṃ padam / (50.1)
Par.?
brahmaṇā tadguṇaṃ śakyaṃ vettumanyairna śakyate // (50.2)
Par.?
vidyate tatparaṃ śaivaṃ viṣṇunā nāvagamyate / (51.1)
Par.?
asaṃkhyeyaguṇaṃ śuddhaṃ ko jānīyācchivātmakam // (51.2)
Par.?
vyutthāne siddhayaścaitā hyupasargāś ca kīrtitāḥ / (52.1)
Par.?
niroddhavyāḥ prayatnena vairāgyeṇa pareṇa tu // (52.2)
Par.?
nāśātiśayatāṃ jñātvā viṣayeṣu bhayeṣu ca / (53.1)
Par.?
aśraddhayā tyajetsarvaṃ virakta iti kīrtitaḥ // (53.2)
Par.?
vaitṛṣṇyaṃ puruṣe khyātaṃ guṇavaitṛṣṇyamucyate / (54.1)
Par.?
vairāgyeṇaiva saṃtyājyāḥ siddhayaścaupasargikāḥ // (54.2)
Par.?
aupasargikam ā brahmabhuvaneṣu parityajet / (55.1)
Par.?
nirudhyaiva tyajetsarvaṃ prasīdati maheśvaraḥ // (55.2)
Par.?
prasanne vimalā muktirvairāgyeṇa pareṇa vai / (56.1)
Par.?
athavānugrahārthaṃ ca līlārthaṃ vā tadā muniḥ // (56.2)
Par.?
anirudhya viceṣṭedyaḥ so'pyevaṃ hi sukhī bhavet / (57.1)
Par.?
kvacidbhūmiṃ parityajya hyākāśe krīḍate śriyā // (57.2)
Par.?
udgirecca kvacidvedān sūkṣmānarthān samāsataḥ / (58.1)
Par.?
kvacicchrute tadarthena ślokabandhaṃ karoti saḥ // (58.2)
Par.?
kvaciddaṇḍakabandhaṃ tu kuryādbandhaṃ sahasraśaḥ / (59.1)
Par.?
mṛgapakṣisamūhasya rutajñānaṃ ca vindati // (59.2)
Par.?
brahmādyaṃ sthāvarāntaṃ ca hastāmalakavadbhavet / (60.1)
Par.?
bahunātra kimuktena vijñānāni sahasraśaḥ // (60.2)
Par.?
utpadyante muniśreṣṭhā munestasya mahātmanaḥ / (61.1)
Par.?
abhyāsenaiva vijñānaṃ viśuddhaṃ ca sthiraṃ bhavet // (61.2)
Par.?
tejorūpāṇi sarvāṇi sarvaṃ paśyati yogavit / (62.1)
Par.?
devabimbānyanekāni vimānāni sahasraśaḥ // (62.2)
Par.?
paśyati brahmaviṣṇvindrayamāgnivaruṇādikān / (63.1)
Par.?
grahanakṣatratārāś ca bhuvanāni sahasraśaḥ // (63.2)
Par.?
pātālatalasaṃsthāś ca samādhisthaḥ sa paśyati / (64.1)
Par.?
ātmavidyāpradīpena svasthenācalanena tu // (64.2)
Par.?
prasādāmṛtapūrṇena sattvapātrasthitena tu / (65.1)
Par.?
tamo nihatya puruṣaḥ paśyati hyātmanīśvaram // (65.2)
Par.?
tasya prasādāddharmaś ca aiśvaryaṃ jñānameva ca / (66.1)
Par.?
vairāgyamapavargaś ca nātra kāryā vicāraṇā // (66.2)
Par.?
na śakyo vistaro vaktuṃ varṣāṇāmayutairapi / (67.1)
Par.?
yoge pāśupate niṣṭhā sthātavyaṃ ca munīśvarāḥ // (67.2)
Par.?
Duration=0.2206449508667 secs.