Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 979

Click on a sentence to show its analysis
Keep the mouse pointer over a lemma to show its meanings.

sūtagandhagaganāyasaśulbaṃ māritaṃ ca paramāmṛtīkṛtam / (1.1) Par.?

iṣṭamekamapi mūlikāgaṇaṃ dehasiddhikaramāśu sevitam // (1.2) Par.?

mṛtakāntābhrakaṃ sūtaṃ gandhaṃ bhṛṅgaviḍaṅgakam / (2.1) Par.?

tvagvarjaṃ bilvabījaṃ ca pratyekaṃ palaṣoḍaśa // (2.2) Par.?

triṃśatpalaṃ tryūṣaṇaṃ ca triṃśattriṃśadghṛtaṃ madhu / (3.1) Par.?

citramūlaṃ daśapalaṃ sarvaṃ cūrṇaṃ viloḍayet // (3.2) Par.?

palāni triphalāyāstu viṃśapūrvaṃ catuḥśatam / (4.1) Par.?

kvāthyam aṣṭaguṇais toyair grāhyamaṣṭāvaśeṣitam // (4.2) Par.?

kaṣāyaṃ bhāvayettena māsaikaṃ pūrvaloḍitam / (5.1) Par.?

lohapātre khare gharme tatpalārdhaṃ sadā pibet // (5.2) Par.?

kṣīraiḥ śayanakāle tu varṣān mṛtyujarāpaham / (6.1) Par.?

bālo nibiḍasaṃdhiś ca jīvec candrārkatārakam // (6.2) Par.?

mahārasāyanaṃ divyaṃ kāminīśatatoṣakam / (7.1) Par.?

agnivarṇaṃ kṣipetkṣīre kṛṣṇābhraṃ vahnitāpitam // (7.2) Par.?

bhinnapattraṃ tataḥ kṛtvā jalamadhye vinikṣipet / (8.1) Par.?

triṃśatpalāni yatnena maricaṃ palapañcakam // (8.2) Par.?

cūrṇitaṃ nikṣipettasmiṃstridinānte samuddharet / (9.1) Par.?

tatsarvaṃ peṣayec chlakṣṇaṃ sitavastreṇa bandhayet // (9.2) Par.?

jalapūrṇe ghaṭe gharme dolāyantreṇa dhārayet / (10.1) Par.?

śuṣke toye punastoyaṃ dadyād yāvaj jale gatam // (10.2) Par.?

tadabhrakaṃ tato vastraṃ saṃtyajed rakṣayej jalam / (11.1) Par.?

triṃśadbhāgaṃ tataḥ kuryāt taj jalaṃ sābhrakaṃ sudhīḥ // (11.2) Par.?

tadbhāgaikena saṃloḍya palaikaṃ śvetataṇḍulāt / (12.1) Par.?

triṃśatpale gavāṃ kṣīre tat pacec cātha śītalam // (12.2) Par.?

madhvājyairdvipalairyuktaṃ niṣkaikaiś ca marīcakaiḥ / (13.1) Par.?

sādhako bhakṣayen nityaṃ māsān mṛtyujarāpaham // (13.2) Par.?

keśā dantā nakhāstasya patanti hy udbhavanti ca / (14.1) Par.?

vajrakāyo bhavetsiddho vāyuvego mahābalaḥ // (14.2) Par.?

amṛtābhrakayogo'yaṃ śambhunā gaditaḥ purā / (15.1) Par.?

mṛtābhraṃ gandhakaṃ śuddhaṃ kaṇā sarvaṃ samaṃ ghṛtaiḥ // (15.2) Par.?

karṣaikaṃ bhakṣayen nityaṃ varṣān mṛtyujarāpaham / (16.1) Par.?

koraṇṭakasya pattrāṇi mṛtābhraṃ gandhakaṃ samam // (16.2) Par.?

tatsarvaṃ nīlikādrāvaiḥ saptāhaṃ bhāvyamātape / (17.1) Par.?

tatkarṣaikaṃ pibet kṣīrairabdān mṛtyujarāpaham // (17.2) Par.?

mṛtābhrakasya karṣaikaṃ gavāṃ kṣīraṃ palaṃ tathā / (18.1) Par.?

samūlapattrāṃ sarpākṣīṃ sārdrāṃ piṣṭvā ca gandhakam // (18.2) Par.?

ekīkṛtya pibetsarvaṃ varṣaikena jarāṃ jayet / (19.1) Par.?

vajrakāyaḥ khecaraśca jīved brahmadinatrayam // (19.2) Par.?

mṛtābhraṃ kāntalohaṃ ca triphalā māgadhī samam / (20.1) Par.?

pañcāṅgaṃ badarīcūrṇamabhratulyaṃ niyojayet // (20.2) Par.?

sitāmadhvājyasaṃyuktaṃ palārdhaṃ bhakṣayetsadā / (21.1) Par.?

hanti varṣāj jarāṃ mṛtyumāyuḥ syādbrahmaṇo dinam // (21.2) Par.?

amṛtakrīḍe viṣṇusaṃvaraṇi svāhā / (22.1) Par.?

anena mantreṇa sarve abhrakayogā abhimantrya bhakṣaṇīyāḥ / (22.2) Par.?

mṛtaṃ kāntaṃ tilāḥ kṛṣṇā badarīphalacūrṇakam / (22.3) Par.?

kākatuṇḍībījacūrṇaṃ sarvaṃ tulyaṃ prakalpayet // (22.4) Par.?

śālmalīmallipattrāṇāṃ dravair bhāvyaṃ dinatrayam / (23.1) Par.?

tridinaṃ bhṛṅgajairdrāvair bhāvitaṃ śoṣayetpunaḥ // (23.2) Par.?

tasmin tulyaṃ guḍaṃ kṣiptvā vaṭikāḥ karṣamātrakāḥ / (24.1) Par.?

rudanty utthadravaiḥ kṣīrair madhvājyābhyāṃ pibet sadā // (24.2) Par.?

varṣaikena jarāṃ mṛtyuṃ hanti satyaṃ na saṃśayaḥ / (25.1) Par.?

mṛtaṃ kāntaṃ kṛṣṇatilāṃstriphalāṃ cūrṇayetsamam // (25.2) Par.?

śālmalīketakīdrāvairloḍitaṃ kāntapātrake / (26.1) Par.?

sthitaṃ rātrau pibetprātaḥ palārdhaṃ mṛtyunāśanam // (26.2) Par.?

vatsaraikāj jarāṃ hanti jīved brahmadinatrayam / (27.1) Par.?

kāntabhasma kaṇācūrṇaṃ nimbaniryāsameva ca // (27.2) Par.?

triphalātulyatulyāṃśaṃ madhvājyābhyāṃ palārdhakam / (28.1) Par.?

lihenmāsāṣṭakaṃ nityaṃ jīvedbrahmadinaṃ naraḥ // (28.2) Par.?

kuṣṭhakhaṇḍāni saṃpācya kaṣāye traiphale same / (29.1) Par.?

śoṣayitvā vicūrṇyātha tāni kāntaṃ mṛtaṃ samam // (29.2) Par.?

madhvājyābhyāṃ lihetkarṣaṃ varṣān mṛtyujarāpaham / (30.1) Par.?

koraṇṭapattracūrṇaṃ tu kāntabhasma tilā guḍam // (30.2) Par.?

tulyaṃ bhakṣyaṃ palārdhaṃ tad varṣān mṛtyujarāpaham / (31.1) Par.?

kāntabhasma samaṃ gandhaṃ tailair jyotiṣmatībhavaiḥ // (31.2) Par.?

lihen nityaṃ caturniṣkaṃ brahmāyurjāyate naraḥ / (32.1) Par.?

bṛhaspatisamo vācā vatsarādbhavati dhruvam // (32.2) Par.?

mṛtatīkṣṇaṃ trayo bhāgāḥ śuddhagandhāṣṭabhāgakam / (33.1) Par.?

gharme bhāvyaṃ trisaptāhaṃ tatsarvaṃ kanyakādravaiḥ // (33.2) Par.?

gokṣīrais tat pibetkarṣaṃ jīvedbrahmadinatrayam / (34.1) Par.?

varṣamātrān na saṃdeho divyatejā mahābalaḥ // (34.2) Par.?

mṛtaṃ kāntaṃ śilā śuddhā tulyaṃ madhvājyakairlihet / (35.1) Par.?

niṣkaṃ niṣkaṃ tu varṣaikaṃ jīvedbrahmadinatrayam // (35.2) Par.?

triniṣkaṃ mṛtatīkṣṇaṃ tu muṇḍaṃ vā kāntameva vā / (36.1) Par.?

pibeddhāroṣṇapayasā vayaḥstambhakaraṃ nṛṇām // (36.2) Par.?

varṣadvayaprayogeṇa jīvedācandratārakam / (37.1) Par.?

samyakkāntamaye pātre dhātrīcūrṇaṃ śivāmbunā // (37.2) Par.?

rātrau palaikaṃ saṃlipya prātarutthāya bhakṣayet / (38.1) Par.?

valīpalitanirmukto vatsarānmṛtyujidbhavet // (38.2) Par.?

lepayetkāntapātrāntaḥ palaikaṃ triphalāmadhu / (39.1) Par.?

divārātraṃ sthitaṃ peyaṃ tannityaṃ tu śivāmbunā / (39.2) Par.?

varṣānmṛtyuṃ jarāṃ hanti jīvedvarṣaśatatrayam // (39.3) Par.?

oṃ haḥ amṛte amṛtaśakti amṛtagandhopajīvi niṣpannaṃ candrāmṛtam ājñāpitaṃkuru kurusvāhā he he haṃ haḥ gaṃ iti gandhakalohayorbhakṣaṇamantraḥ / (40.1) Par.?

sarveṣāṃ lohayogānāmanu syātkṣīrapānakam / (40.2) Par.?

āsvādayet svādumustānāṃ svarasaṃ dantapīḍitam // (40.3) Par.?

mūlāni bhakṣayet tāsām āsyavairasyaśāntaye / (41.1) Par.?

baddhe koṣṭhe tu dīptāgnau taptaṃ kṣīraṃ pibetsadā // (41.2) Par.?

snānamardanatīkṣṇoṣṇaṃ viṣṭambhe sati varjayet / (42.1) Par.?

tāmbūlaṃ bhakṣayennityaṃ sakarpūraṃ muhurmuhuḥ // (42.2) Par.?

samyagjīrṇe tu dīptāgnau pibet paścād bubhukṣitaḥ / (43.1) Par.?

śṛtaṃ kṣīraṃ tato'nnaṃ ca sevyaṃ lauharasāyane // (43.2) Par.?

brahmavṛkṣasya pañcāṅgaṃ chāyāśuṣkaṃ sucūrṇitam / (44.1) Par.?

madhvājyābhyāṃ lihetkarṣaṃ varṣaikena jarāṃ jayet // (44.2) Par.?

jīvedvarṣasahasraikaṃ divyatejā mahābalaḥ / (45.1) Par.?

brahmavṛkṣasya puṣpāṇi chāyāśuṣkāṇi kārayet // (45.2) Par.?

triṃśatpalaṃ tu taccūrṇaṃ caturviṃśatpalaṃ ghṛtam / (46.1) Par.?

ekīkṛtya kṣipedbhāṇḍe taṃ ruddhvā dhānyarāśigam // (46.2) Par.?

kṛtvā māsātsamuddhṛtya bhāgān kuryāccaturdaśa / (47.1) Par.?

bhāgaikaṃ bhakṣayennityaṃ bhuñjīta kāntabhājane // (47.2) Par.?

evaṃ māsatrayaṃ kuryādvajrakāyo bhavennaraḥ / (48.1) Par.?

tasya mūtrapurīṣābhyāṃ tāmramāyāti kāñcanam // (48.2) Par.?

brahmavṛkṣasya bījāni cūrṇitāni ghṛtaiḥ saha / (49.1) Par.?

pūrvavaddhānyamadhye tu kṣiptvā māsātsamuddharet // (49.2) Par.?

palaikaikaṃ sadā khādedvatsarānmṛtyujidbhavet / (50.1) Par.?

valīpalitanirmukto jīvedbrahmadinatrayam // (50.2) Par.?

brahmabījotthitaṃ tailaṃ gavāṃ kṣīraiḥ paladvayam / (51.1) Par.?

tulyaiḥ pibedbhavenmūrchā siñcettasya mukhe payaḥ // (51.2) Par.?

bodhe kṣīraudanaṃ dadyānmāsājjñānī bhavennaraḥ / (52.1) Par.?

dvitīye śukratulyaḥ syāttṛtīye vajravadbhavet // (52.2) Par.?

dūraśrāvī caturthe tu pañcame khegatirbhavet / (53.1) Par.?

māsaṣaṭke svayaṃ kartā śivatulyaparākramaḥ // (53.2) Par.?

mahākalpāntaparyantaṃ jīvedvarṣaikasevanāt / (54.1) Par.?

brahmavṛkṣamatisthūlaṃ chedayedūrdhvabhāgataḥ // (54.2) Par.?

adho rakṣyaṃ trihastaṃ syāttasya mūrdhni bilaṃ kṛtam / (55.1) Par.?

pakvadhātrīphalaiḥ pūryaṃ tatkāṣṭhena nirudhya ca // (55.2) Par.?

kuśaistu veṣṭayetsarvaṃ lepyaṃ mṛdgomayaiḥ punaḥ / (56.1) Par.?

āveṣṭya vastrakhaṇḍena limpenmṛdgomayaistataḥ // (56.2) Par.?

śuṣke gajapuṭaṃ deyaṃ parito'raṇyakotpalaiḥ / (57.1) Par.?

svāṅgaśītalamuddhṛtya sadravāṇi phalāni ca // (57.2) Par.?

kṣipenmadhvājyasaṃyukte bhāṇḍe tānyeva bhakṣayet / (58.1) Par.?

yatheṣṭaṃ bhūgṛhāntasthaḥ kṣīrāhārī jarāṃ jayet // (58.2) Par.?

māsadvayena vasudhāṃ chidrāṃ paśyati niścitam / (59.1) Par.?

jīvedbrahmadinaṃ yāvatsarpavatkañcukaṃ tyajet // (59.2) Par.?

śvetapālāśapañcāṅgaṃ cūrṇitaṃ madhunā saha / (60.1) Par.?

karṣaikaṃ bhakṣayennityaṃ māsānmṛtyujarāpaham // (60.2) Par.?

brahmāyurjāyate siddho varṣamātrānna saṃśayaḥ / (61.1) Par.?

ajāghṛtena tadbījamekaikaṃ bhakṣayetsadā // (61.2) Par.?

śarīraṃ bhasmanā mardyaṃ māsānmṛtyujarāṃ jayet / (62.1) Par.?

jīvedbrahmadinaṃ yāvaddivyakāyo bhavennaraḥ // (62.2) Par.?

anye yogā yathā rakte brahmavṛkṣe ca ye guṇāḥ / (63.1) Par.?

tathaiva śvetapālāśe bhaveyuḥ sādhakasya vai // (63.2) Par.?

amṛtaṃ kuru kuru amṛtamālinyai namaḥ / (64.1) Par.?

anena mantreṇa sarvayogāḥ saptābhimantritā bhakṣaṇīyāḥ / (64.2) Par.?

śuklapakṣe'tha pūrṇāyāṃ puṣye vā śravaṇe tathā / (64.3) Par.?

revatyāṃ vātha sampūjya muṇḍīpañcāṅgamuddharet // (64.4) Par.?

chāyāśuṣkaṃ tu taccūrṇaṃ karṣaṃ gopayasā saha / (65.1) Par.?

varṣaikena jarāṃ hanti jīvedvarṣaśatatrayam // (65.2) Par.?

tasya mūtrapurīṣābhyāṃ tāmraṃ sauvarṇatāṃ vrajet / (66.1) Par.?

taccūrṇaṃ tu ghṛtairlehyaṃ tadvatsyādbalamadbhutam // (66.2) Par.?

oṃ namo'mṛtodbhavāya amṛtaṃ kuru kuru svāhā oṃ hrāṃ saḥ / (67.1) Par.?

iti auṣadhabhakṣaṇamantraḥ / (67.2) Par.?

chāyāśuṣkaṃ devadālīpañcāṅgaṃ cūrṇayettataḥ / (67.3) Par.?

madhvājyābhyāṃ lihetkarṣaṃ varṣānmṛtyujarāṃ jayet // (67.4) Par.?

jīvetkalpasahasraṃ tu rudratulyo bhavennaraḥ / (68.1) Par.?

taccūrṇaṃ karṣamātraṃ tu nityaṃ peyaṃ śivāmbunā // (68.2) Par.?

pūrvavajjāyate siddhirvatsarānnātra saṃśayaḥ / (69.1) Par.?

taccūrṇaṃ vākucīvahnisarpākṣībhṛṅgarāṭsamam // (69.2) Par.?

cūrṇitaṃ karṣamātraṃ tu nityaṃ peyaṃ śivāmbunā / (70.1) Par.?

varṣānmṛtyuṃ jarāṃ hanti chidrāṃ paśyati medinīm // (70.2) Par.?

punarnavādevadālyor nīrair nityaṃ pibennaraḥ / (71.1) Par.?

devadālyāśca sarpākṣyāḥ palaikaṃ vā śivāmbunā // (71.2) Par.?

pibet syāt pūrvavat siddhirvatsarānnātra saṃśayaḥ / (72.1) Par.?

devadālīṃ ca nirguṇḍīṃ pibetkarṣaṃ śivāmbunā / (72.2) Par.?

varṣaikena jarāṃ hanti jīvedācandratārakam // (72.3) Par.?

oṃ amṛtagaṇa rudragaṇāmbhaḥ svāhā / (73.1) Par.?

ayaṃ ca grahaṇamantraḥ / (73.2) Par.?

namo bhagavate rudrāya huṃ phaṭ svāhā / (73.3) Par.?

ayaṃ sādhakasya śikhābandhanamantraḥ / (73.4) Par.?

oṃ cara ra ra / (73.5) Par.?

ayaṃ bhakṣaṇamantraḥ // (73.6) Par.?

puṣye śvetārkamūlaṃ tu grāhyaṃ chāyāviśoṣitam / (74.1) Par.?

cūrṇakarṣaṃ gavāṃ kṣīraiḥ paladvaṃdvairyutaṃ pibet // (74.2) Par.?

māsaṣaṭkāj jarāṃ hanti jīvedbrahmadinatrayam / (75.1) Par.?

dravaṃ śvetārkapattrāṇāṃ bhṛṅgarājadravaiḥ samam // (75.2) Par.?

ekīkṛtyātape śuṣkaṃ cūrṇaṃ kṣīraiścaturguṇaiḥ / (76.1) Par.?

mṛdvagninā pacettāvadyāvatpiṇḍatvamāgatam / (76.2) Par.?

tatkarṣaikaṃ ghṛtairlehyaṃ varṣātsyātpūrvavatphalam // (76.3) Par.?

oṃ āṃ haṃ vāsaramāline svāhā / (77.1) Par.?

ayaṃ bhakṣaṇamantraḥ / (77.2) Par.?

grāhyaṃ somatrayodaśyāṃ hastikarṇasya pattrakam / (77.3) Par.?

chāyāśuṣkaṃ tu taccūrṇaṃ gavāṃ kṣīraiḥ pibetpalam // (77.4) Par.?

varṣamātrājjarāṃ hanti jīvedbrahmadinaṃ naraḥ / (78.1) Par.?

hastikarṇasya pañcāṅgaṃ chāyāśuṣkaṃ vicūrṇitam // (78.2) Par.?

karṣamātraṃ pibennityaṃ māsaikamudakaiḥ saha / (79.1) Par.?

āranālais tatas takrair dadhikṣīrājyakṣaudrakaiḥ // (79.2) Par.?

pratyekena kramāt sevyaṃ māsaikena jarāpaham / (80.1) Par.?

jīvedbrahmadinaṃ sārdhaṃ vajrakāyo mahābalaḥ // (80.2) Par.?

oṃ garaviṣaṃ dṛṣṭau gṛhṇāmi svāhā / (81.1) Par.?

hastikarṇagrahaṇamantraḥ / (81.2) Par.?

oṃ amṛtakuṭījātānām amṛtaṃ kuru kuru svāhā / (81.3) Par.?

anena pūjayet / (81.4) Par.?

oṃ amṛtodbhavāya amṛtaṃ kuru kuru nityaṃ namo namaḥ / (81.5) Par.?

bhakṣaṇamantraḥ // (81.6) Par.?

rudantyāścaiva pañcāṅgaṃ chāyāśuṣkaṃ vicūrṇayet / (82.1) Par.?

tadardhaṃ musalīcūrṇaṃ musalyardhaṃ phalatrayam // (82.2) Par.?

mūlānāṃ katakotthānāṃ tailaṃ pātālayantrake / (83.1) Par.?

grāhayedgarbhayantre vā tattailaṃ kṣālayejjalaiḥ // (83.2) Par.?

nālikerajalairvātha kṣālyaṃ pañcāṃśavārakam / (84.1) Par.?

etattailena saṃyuktaṃ pūrvacūrṇaṃ lihet kramāt // (84.2) Par.?

karṣādivardhanaṃ kāryaṃ palāntaṃ cātha vardhayet / (85.1) Par.?

evamabdājjarāṃ hanti āyuḥ syādbrahmaṇo dinam // (85.2) Par.?

siddhayogo hy ayaṃ khyāto vajrakāyakaro nṛṇām / (86.1) Par.?

puṣyārke grāhayet prātarnirguṇḍīmūlajāṃ tvacam // (86.2) Par.?

chāyāśuṣkāṃ vicūrṇyātha karṣamekaṃ pibetsadā / (87.1) Par.?

ajāmūtrapalaikena ṣaṇmāsādamaro bhavet // (87.2) Par.?

varṣamātraprayogeṇa śivatulyo bhavennaraḥ / (88.1) Par.?

taccūrṇaṃ kṣīramadhvājyair loḍitaṃ snigdhabhāṇḍake // (88.2) Par.?

ruddhvā kṣipeddhānyarāśau māsāduddhṛtya bhakṣayet / (89.1) Par.?

dvipalaṃ varṣaparyantaṃ jīveccandrārkatārakam // (89.2) Par.?

taccūrṇārdhapalaṃ cājyair lihetsyātpūrvavatphalam / (90.1) Par.?

taccūrṇaṃ triphalā muṇḍī bhṛṅgī nimbo guḍūcikā // (90.2) Par.?

vacā caiṣāṃ samaṃ cūrṇaṃ madhvājyābhyāṃ lihetpalam / (91.1) Par.?

varṣānmṛtyuṃ jarāṃ hanti jīvedbrahmadinatrayam // (91.2) Par.?

nirguṇḍīpattrajaṃ drāvaṃ bhāṇḍe mṛdvagninā pacet / (92.1) Par.?

guḍavatpākamāpannaṃ pītaṃ vāntivirekakṛt // (92.2) Par.?

niryānti kṛmayastasya mukhanāsākṣikarṇataḥ / (93.1) Par.?

rājayakṣmādirogāṃśca saptāhena vināśayet / (93.2) Par.?

māsatrayājjarāṃ hanti jīvedvarṣaśatatrayam // (93.3) Par.?

oṃ namo māya gaṇapataye bhūpataye kuberāya svāhā iti bhakṣaṇamantraḥ / (94.1) Par.?

bhallātako'bhayā vīrā kākatuṇḍyāḥ phalaṃ vacā / (94.2) Par.?

lāṅgalī nimbapattrāṇi sahadevī samaṃ samam // (94.3) Par.?

eṣāṃ pātālayantreṇa tailaṃ grāhyaṃ prayatnataḥ / (95.1) Par.?

tattailaṃ nīlikāmūlayuktamardhapalaṃ pibet // (95.2) Par.?

vatsarātpalitaṃ hanti āyuḥ syādbrahmaṇo dinam / (96.1) Par.?

tailārdhaniṣke tannasye kṛte syātpūrvavatphalam // (96.2) Par.?

kṛṣṇajīrakaprasthaikaṃ tattulyaṃ bhṛṅgajadravam / (97.1) Par.?

yaṣṭī nīlotpalaṃ caiva prati prasthārdhamāharet // (97.2) Par.?

pādaprasthaṃ tilāttailaṃ sarvamekatra pācayet / (98.1) Par.?

grāhyaṃ tailāvaśeṣaṃ tannasyaṃ tenaiva kārayet // (98.2) Par.?

nasyaṃ cāṅkollatailena kuryānmṛtyujarāpaham / (99.1) Par.?

niṣkārdhaniṣkaṃ varṣaikaṃ jīvedvarṣaśatatrayam // (99.2) Par.?

kākamācīphalaṃ piṣṭvā karṣaikamudakaiḥ pibet / (100.1) Par.?

vatsarātpalitaṃ hanti āyuḥ syādbrahmaṇo dinam // (100.2) Par.?

guḍūcī musalī muṇḍī nirguṇḍī ca śatāvarī / (101.1) Par.?

vijayā ca samaṃ cūrṇaṃ sitāmadhvājyasaṃyutam // (101.2) Par.?

khādetkarṣadvayaṃ nityaṃ vatsarātpalitaṃ jayet / (102.1) Par.?

uktaṃ gorakṣanāthena jīvedbrahmadinatrayam // (102.2) Par.?

kṛṣṇāṣṭamyāṃ kṛṣṇasūtrairvṛkṣaṃ śunakaśālmaleḥ / (103.1) Par.?

āveṣṭyāghoramantreṇa rātrau kṛṣṇājakaṃ balim // (103.2) Par.?

dattvāghoraṃ japettatra yāvadaṣṭasahasrakam / (104.1) Par.?

tasya mūlatvacaṃ grāhyaṃ chāyāśuṣkaṃ vicūrṇayet // (104.2) Par.?

madhvājyābhyāṃ sadā khādetpalaikaṃ vatsarāvadhi / (105.1) Par.?

valīpalitanirmukto jīvedbrahmadinaṃ naraḥ // (105.2) Par.?

tasya puṣpāṇi saṃgṛhya gavāṃ kṣīraiḥ sadā pacet / (106.1) Par.?

puṣpavarjaṃ pibetkṣīraṃ māsānmṛtyujarāpaham // (106.2) Par.?

phalaikaṃ tasya vṛkṣasya gavāṃ kṣīreṇa pācayet / (107.1) Par.?

phalavarjaṃ pibetkṣīraṃ kṣīramevaṃ pibedbudhaḥ // (107.2) Par.?

caturmāsaprayogeṇa vajrakāyo bhavennaraḥ / (108.1) Par.?

jīvetkalpāntaparyantaṃ vāyuvego mahābalaḥ // (108.2) Par.?

tasya mūtrapurīṣābhyāṃ tāmraṃ bhavati kāñcanam / (109.1) Par.?

kākamācī bhṛṅgarājaḥ sarpākṣī sahadevikā // (109.2) Par.?

samūlā devadālī ca nimbavākucībījakam / (110.1) Par.?

phalāni kākatuṇḍyāśca mūlaṃ brahmāśvagandhayoḥ // (110.2) Par.?

nīlakoraṇṭapattrāṇi triphalā ca samaṃ samam / (111.1) Par.?

cūrṇaṃ tatkanyakādrāvairbhāvayetsaptavāsaram // (111.2) Par.?

chāyāyāṃ śoṣitaṃ kuryātsitāmadhvājyasaṃyutam / (112.1) Par.?

bhakṣet karṣadvayaṃ nityaṃ varṣamātrājjarāṃ jayet / (112.2) Par.?

jīveccandrārkanakṣatraṃ mahākāyo mahābalaḥ // (112.3) Par.?

oṃ ṭhaḥ ṭhaḥ ṭhaḥ saḥ saḥ saḥ amṛte amṛtavarṣiṇi amṛtasaṃjīvani sarvakāmaprade bhagavān somarāja ājñāpayati svāhā iti bhakṣaṇamantraḥ / (113.1) Par.?

triphalā vākucībījaṃ pippalī cāśvagandhikā / (113.2) Par.?

sarvaṃ tulyaṃ kṛtaṃ cūrṇaṃ madhvājyābhyāṃ lihetpalam / (113.3) Par.?

varṣānmṛtyuṃ jarāṃ hanti jīvedbrahmadinatrayam // (113.4) Par.?

oṃ hrāṃ hrīṃ hrūṃ saḥ svāhā anena mantreṇa bhakṣayet / (114.1) Par.?

mūlikākalpayogeṣu guñjaikaṃ mṛtapāradam / (114.2) Par.?

pratiyogayutaṃ khādetphalaṃ śataguṇaṃ bhavet / (114.3) Par.?

rasendrasya prabhāveṇa śīghraṃ siddhimavāpnuyāt // (114.4) Par.?

asthimudrādharo mantrī lakṣamekaṃ śmaśānataḥ / (115.1) Par.?

japenmahābhayaṃ hanti siddhiṃ datte rasāyanam // (115.2) Par.?

tena bhakṣitamātreṇa jīvedācandratārakam / (116.1) Par.?

ajeyo devadaityānāṃ parvatānapi cālayet // (116.2) Par.?

oṃ hrīṃ mahābhayerum / (117.1) Par.?

prātaḥ puṣyārkamukhye vividhaśubhadine mantrapūjāvidhānair grāhyaṃ divyauṣadhīnāṃ phaladalakusumaṃ mūlapattraṃ rasaṃ vā / (117.2) Par.?

sarvāṅgaṃ vātha siddhyai sakalamabhinavaṃ sevayed brahmacārī kṣīrānnaṃ codakānnaṃ hitamaśanamidaṃ sarvamanyad vivarjyam // (117.3) Par.?

Duration=0.49338698387146 secs.