Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17642

Click on a sentence to show its analysis
Keep the mouse pointer over a lemma to show its meanings.

atha yuddhabhuvaṃ prātar jagmuḥ sūryaprabhādayaḥ / (1.1) Par.?

śrutaśarmādayas te ca saṃnaddhāḥ sabalāḥ punaḥ // (1.2) Par.?

punaś ca sendrāḥ sabrahmaviṣṇurudrāḥ surāsurāḥ / (2.1) Par.?

sayakṣoragagandharvāḥ saṅgrāmaṃ draṣṭum āyayuḥ // (2.2) Par.?

śrutaśarmabale cakravyūhaṃ dāmodaro vyadhāt / (3.1) Par.?

vajravyūhaṃ prabhāsaś ca sūryaprabhabale 'karot // (3.2) Par.?

tataḥ pravavṛte yuddhaṃ tayor ubhayasainyayoḥ / (4.1) Par.?

tūryaiḥ subhaṭanādaiś ca badhirīkṛtadiktaṭam // (4.2) Par.?

samyak chastrahatāḥ śūrā bhindanti mama maṇḍalam / (5.1) Par.?

itīva śarajālāntaśchanno bhānur abhūd bhiyā // (5.2) Par.?

dāmodarakṛtaṃ cakravyūham anyena durbhidam / (6.1) Par.?

bhittvā prabhāsaḥ prāvikṣad atha sūryaprabhājñayā // (6.2) Par.?

taṃ ca dāmodaro vyūhacchidram etyāvṛṇot svayam / (7.1) Par.?

prabhāso yuyudhe taṃ ca tatraikaratha eva saḥ // (7.2) Par.?

praviṣṭam ekakaṃ taṃ ca dṛṣṭvā sūryaprabho 'tha saḥ / (8.1) Par.?

paścāt pañcadaśaitasya visasarja mahārathān // (8.2) Par.?

prakampanaṃ dhūmaketuṃ kālakampanakaṃ tathā / (9.1) Par.?

mahāmāyaṃ marudvegaṃ prahastaṃ vajrapañjaram // (9.2) Par.?

kālacakraṃ pramathanaṃ siṃhanādaṃ sakambalam / (10.1) Par.?

vikaṭākṣaṃ pravahaṇaṃ taṃ kuñjarakumārakam // (10.2) Par.?

taṃ ca prahṛṣṭaromāṇam asurādhipasattamam / (11.1) Par.?

te pradhāvya yayuḥ sarve vyūhadvāraṃ mahārathāḥ // (11.2) Par.?

tatra dāmodaro 'pūrvaṃ svapauruṣam adarśayat / (12.1) Par.?

yad eka eva yuyudhe taiḥ pañcadaśabhiḥ saha // (12.2) Par.?

tad dṛṣṭvā nāradamuniṃ pārśvasthaṃ vāsavo 'bhyadhāt / (13.1) Par.?

sūryaprabhādyā asurāvatārā akhilās tathā // (13.2) Par.?

śrutaśarmā madaṃśaś ca sarve vidyādharā ime / (14.1) Par.?

devāṃśās tad ayaṃ yuktyā mune devāsurāhavaḥ // (14.2) Par.?

tasmiṃś ca paśya devānāṃ sahāyaḥ sarvadā hariḥ / (15.1) Par.?

dāmodaras tadaṃśo 'yam evaṃ tad iha yudhyate // (15.2) Par.?

evaṃ śakre vadaty asya dāmodaracamūpateḥ / (16.1) Par.?

mahārathāḥ samājagmuḥ sāhāyyāya caturdaśa // (16.2) Par.?

brahmagupto vāyubalo yamadaṃṣṭraḥ suroṣaṇaḥ / (17.1) Par.?

roṣāvaroho 'tibalas tejaḥprabhadhuraṃdharau // (17.2) Par.?

kuberadatto varuṇaśarmā kambalikas tathā / (18.1) Par.?

vīraś ca duṣṭamadano dohanārohaṇāv ubhau // (18.2) Par.?

dāmodarayutās te 'pi vīrāḥ pañcadaśaiva tān / (19.1) Par.?

sūryaprabhīyān rurudhur vīrān vyūhāgrayodhinaḥ // (19.2) Par.?

tato 'tra dvandvayuddhāni teṣām āsan parasparam / (20.1) Par.?

dāmodareṇāstrayuddhaṃ samaṃ cakre prakampanaḥ // (20.2) Par.?

brahmadattena ca samaṃ dhūmaketur ayudhyata / (21.1) Par.?

mahāmāyas tu yuyudhe sahaivātibalena ca // (21.2) Par.?

tejaḥprabheṇa yuyudhe dānavaḥ kālakampanaḥ / (22.1) Par.?

saha vāyubalenāpi marudvego mahāsuraḥ // (22.2) Par.?

yamadaṃṣṭreṇa ca samaṃ yuyudhe vajrapañjaraḥ / (23.1) Par.?

samaṃ suroṣaṇenāpi kālacakro 'surottamaḥ // (23.2) Par.?

sākaṃ kuberadattena yuddhaṃ pramathano vyadhāt / (24.1) Par.?

siṃhanādaś ca daityendraḥ samaṃ varuṇaśarmaṇā // (24.2) Par.?

yuddhaṃ pravahaṇo duṣṭadamanena sahākarot / (25.1) Par.?

prahṛṣṭaromā roṣāvaroheṇāpi ca dānavaḥ // (25.2) Par.?

dhuraṃdhareṇa ca samaṃ vikaṭākṣo vyadhād yudham / (26.1) Par.?

yuddhaṃ kambalikaś cakre samaṃ kambalikena ca // (26.2) Par.?

ārohaṇena ca samaṃ sa kuñjarakumārakaḥ / (27.1) Par.?

mahotpātāparākhyeṇa prahasto dohanena ca // (27.2) Par.?

evaṃ mahārathadvandveṣv eṣu tatra parasparam / (28.1) Par.?

vyūhāgre yudhyamāneṣu sunītho mayam abhyadhāt // (28.2) Par.?

kaṣṭam asmadrathāḥ śūrā nānāyuddhavido 'py amī / (29.1) Par.?

ruddhāḥ pratirathair etaiḥ paśya vyūhapraveśataḥ // (29.2) Par.?

prabhāsaś caika evāgre praviṣṭo 'trāvicāritam / (30.1) Par.?

tan na jānīmahe kasya kim ivātra bhaviṣyati // (30.2) Par.?

etac chrutvā bravīti sma taṃ suvāsakumārakaḥ / (31.1) Par.?

trailokye 'pi na paryāptāḥ sasurāsuramānuṣāḥ // (31.2) Par.?

ekasyāsya prabhāsasya kiṃ punaḥ khecarā ime / (32.1) Par.?

tad eṣā katham asthāne śaṅkā vo jānatām api // (32.2) Par.?

evaṃ munikumāre 'smin bruvāṇe kālakampanaḥ / (33.1) Par.?

vidyādharaḥ prabhāsasya yudhi saṃmukham āyayau // (33.2) Par.?

tataḥ prabhāso 'vādīt taṃ re re hy apakṛtaṃ tvayā / (34.1) Par.?

atīva nas tad adyeha paśyāmas tava pauruṣam // (34.2) Par.?

ity uktvā vyasṛjat tasmin prabhāso viśikhāvalim / (35.1) Par.?

so 'pi taṃ sāyakaiḥ kālakampano 'vākirac chitaiḥ // (35.2) Par.?

astrapratyastrayuddhena yuyudhāte mithas tataḥ / (36.1) Par.?

pradattabhuvanāścaryau tau vidyādharamānuṣau // (36.2) Par.?

atha prabhāso viśikhenaikenāpātayad dhvajam / (37.1) Par.?

dvitīyenāvadhīt kālakampanasya ca sārathim // (37.2) Par.?

caturbhiś caturaś cāśvān dhanur ekena cāchinat / (38.1) Par.?

dvābhyāṃ hastau bhujau dvābhyāṃ dvābhyāṃ ca śravaṇāv ubhau // (38.2) Par.?

ekena śitadhāreṇa śiraś cicheda tasya ca / (39.1) Par.?

prabhāsaḥ pattriṇā śatror darśitādbhutalāghavaḥ // (39.2) Par.?

evaṃ prāṅnihitānekapravīrotthena manyunā / (40.1) Par.?

prabhāso nigrahaṃ kālakampanasya vyadhād iva // (40.2) Par.?

dṛṣṭvā ca taṃ hataṃ vidyādhareśaṃ manujāsuraiḥ / (41.1) Par.?

nādaś cakre viṣādaś ca jagme sapadi khecaraiḥ // (41.2) Par.?

tato vidyutprabho nāma kālañjaragirīśvaraḥ / (42.1) Par.?

prabhāsam abhyadhāvat taṃ krudhā vidyādharādhipaḥ // (42.2) Par.?

tasyāpi yudhyamānasya prabhāsaḥ sa mahādhvajam / (43.1) Par.?

chittvā cakarta kodaṇḍam āttam āttaṃ punaḥ punaḥ // (43.2) Par.?

tataḥ sa māyayotpatya cchanno vidyutprabho nabhaḥ / (44.1) Par.?

prabhāsasyopari hrīto vavarṣāsigadādikān // (44.2) Par.?

prabhāso 'pi vidhūyāstrais tadāyudhaparamparām / (45.1) Par.?

kṛtvā prakāśanāstreṇa prakāśaṃ taṃ nabhaścaram // (45.2) Par.?

dattvā mahāstram āgneyaṃ tattejodagdham ambarāt / (46.1) Par.?

vidyutprabhaṃ bhūmitale gatajīvam apātayat // (46.2) Par.?

tad dṛṣṭvā śrutaśarmā tān nijagāda mahārathān / (47.1) Par.?

paśyatānena nihatau dvau mahārathayūthapau // (47.2) Par.?

tat kiṃ sahadhve sambhūya yuṣmābhir hanyatām ayam / (48.1) Par.?

tac chrutvāṣṭau rathāḥ kruddhāḥ prabhāsaṃ paryavārayan // (48.2) Par.?

ekaḥ kaṅkaṭakādrīndranivāsī rathayūthapaḥ / (49.1) Par.?

ūrdhvarometi vikhyāto vidyādharamahīpatiḥ // (49.2) Par.?

dharaṇīdharaśailādhipatir vikrośanābhidhaḥ / (50.1) Par.?

vidyādharāṇām adhipo dvitīyaś ca mahārathaḥ // (50.2) Par.?

indumālī tṛtīyaś ca līlāparvataketanaḥ / (51.1) Par.?

vīro 'tirathayūthasya patir vidyādharaprabhuḥ // (51.2) Par.?

malayādrinivāsī ca kākāṇḍaka iti śrutaḥ / (52.1) Par.?

rathayūthapatī rājā caturthaḥ khecarottamaḥ // (52.2) Par.?

niketādripatir nāmnā darpavāhaś ca pañcamaḥ / (53.1) Par.?

ṣaṣṭhaś ca dhūrtavayano nāmnāñjanagirīśvaraḥ // (53.2) Par.?

vidyādharāv imau cātirathayūthapatī ubhau / (54.1) Par.?

saptamo gardabharatho rājā kumudaparvate // (54.2) Par.?

nāmnā varāhasvāmīti yo mahārathayūthapaḥ / (55.1) Par.?

tadrūpo dundubhikṣmābhṛd ratho medhāvaro 'ṣṭamaḥ // (55.2) Par.?

ebhir aṣṭabhir āgatya muktān bāṇān vidhūya saḥ / (56.1) Par.?

prabhāso yugapat sarvān sāyakair vidhyati sma tān // (56.2) Par.?

jaghāna kasyacic cāśvān kasyacit sārathiṃ tathā / (57.1) Par.?

cakarta kasyacit ketuṃ kasyacic cāchinad dhanuḥ // (57.2) Par.?

medhāvaraṃ caturbhis tu śarair viddhvā samaṃ hṛdi / (58.1) Par.?

apātayan mahīpṛṣṭhe sadyo 'pahṛtajīvitam // (58.2) Par.?

tataś ca yodhayann anyān kuñcitodbaddhakuntalam / (59.1) Par.?

śareṇāñjalikenārād ūrdhvaromṇaḥ śiro 'chinat // (59.2) Par.?

śeṣāṃś ca ṣaṭ tān ekaikabhallanirlūnakaṃdharān / (60.1) Par.?

hatāśvasārathīn kṛtvā sa prabhāso nyapātayat // (60.2) Par.?

papāta puṣpavṛṣṭiś ca tasya mūrdhni tato divaḥ / (61.1) Par.?

uttejitāsuranṛpā vicchāyīkṛtakhecarā // (61.2) Par.?

tato 'nye tatra catvāraḥ preṣitāḥ śrutaśarmaṇā / (62.1) Par.?

mahārathāḥ prabhāsaṃ taṃ rundhanti sma dhanurdharāḥ // (62.2) Par.?

ekaḥ kācarako nāma kuraṇḍakagireḥ patiḥ / (63.1) Par.?

dvitīyo diṇḍimālī ca pañcakādrisamāśrayaḥ // (63.2) Par.?

vibhāvasus tṛtīyaś ca rājā jayapurācale / (64.1) Par.?

caturtho dhavalo nāma bhūmituṇḍakaśāsitā // (64.2) Par.?

te mahārathayūthādhipatayaḥ khecarottamāḥ / (65.1) Par.?

prabhāse pañca pañceṣuśatāni mumucuḥ samam // (65.2) Par.?

prabhāsaś ca kramāt teṣām ekaikasyāvahelayā / (66.1) Par.?

ekena dhvajam ekena dhanur ekena sārathim // (66.2) Par.?

caturbhir aśvān iṣuṇā tv ekenāpātayac chiraḥ / (67.1) Par.?

śarair aṣṭabhir ekaikaṃ samāpyaivaṃ nanāda saḥ // (67.2) Par.?

atha vidyādharā bhūyaḥ śrutaśarmājñayā yudhi / (68.1) Par.?

anye catvāra evāsya prabhāsasya samāgaman // (68.2) Par.?

ekaḥ kuvalayaśyāmaḥ kṣetre viśvāvasor budhāt / (69.1) Par.?

jāto bhadraṃkaro nāma dvitīyaś ca niyantrakaḥ // (69.2) Par.?

utpanno jambhakakṣetre bhaumād agninibhaprabhaḥ / (70.1) Par.?

tṛtīyaḥ kālakopākhyaḥ kṣetre dāmodarasya ca // (70.2) Par.?

jātaḥ śanaiścarāt kṛṣṇakṛṣṇaḥ kapilamūrdhajaḥ / (71.1) Par.?

jātaś coḍupateḥ kṣetre mahendrasacivād grahāt // (71.2) Par.?

nāmnā vikramaśaktiś ca caturthaḥ kanakadyutiḥ / (72.1) Par.?

trayo 'tirathayūthādhipatīnām eṣu yūthapāḥ // (72.2) Par.?

caturthas tu mahāvīras tadabhyadhikavikramaḥ / (73.1) Par.?

te ca prabhāsaṃ divyāstrair yodhayāmāsur uddhatāḥ // (73.2) Par.?

tāni nārāyaṇāstreṇa prabhāso 'strāṇy avārayat / (74.1) Par.?

teṣāṃ ca helayaikaikasyāṣṭakṛtvo 'chinad dhanuḥ // (74.2) Par.?

tatas tatprahitān prāsagadādīn pratihatya saḥ / (75.1) Par.?

hatāśvasārathīn sarvān virathān akaroc ca tān // (75.2) Par.?

tad dṛṣṭvā visasarjānyāñchrutaśarmā drutaṃ daśa / (76.1) Par.?

rathayūthapayūthādhipatīn vidyādharādhipān // (76.2) Par.?

damākhyaṃ niyamākhyaṃ ca svarūpasadṛśākṛtī / (77.1) Par.?

ketumāleśvarakṣetre jātau dvāv aśvinoḥ sutau // (77.2) Par.?

vikramaṃ saṃkramaṃ caiva parākramam athākramam / (78.1) Par.?

saṃmardanaṃ mardanaṃ ca pramardanavimardanau // (78.2) Par.?

kṣetrajān makarandasyāpy aṣṭau vasusutān samān / (79.1) Par.?

teṣv āgateṣu cādyās te 'py ārohann aparān rathān // (79.2) Par.?

taiś caturdaśabhiḥ kṛtsnair militaiḥ śaravarṣibhiḥ / (80.1) Par.?

niṣkampa eva yuyudhe prabhāsaś citram ekakaḥ // (80.2) Par.?

tataḥ sūryaprabhādeśād vyūhāgrāt tyaktasaṃgarau / (81.1) Par.?

sa kuñjarakumāraś ca prahastaś ca dhṛtāyudhau // (81.2) Par.?

utpatya vyomamārgeṇa dhavalaśyāmalākṛtī / (82.1) Par.?

tasyopajagmatuḥ pārśvaṃ rāmakṛṣṇāv ivāparau // (82.2) Par.?

tau padātī rathasthau dvau damaṃ ca niyamaṃ ca tam / (83.1) Par.?

vyākulīcakratuś chinnacāpau nihatasārathī // (83.2) Par.?

bhayād ārūḍhayor vyoma tayor ārohataḥ sma tau / (84.1) Par.?

sa kuñjarakumāraś ca prahastaś ca dhṛtāyudhau // (84.2) Par.?

tad dṛṣṭvā rabhasāt sūryaprabho 'tra prāhiṇot tayoḥ / (85.1) Par.?

mahābuddhyacaladbuddhī sārathitve svamantriṇau // (85.2) Par.?

so 'tha prahasto dṛṣṭvā tāv adṛśyāv api māyayā / (86.1) Par.?

siddhāñjanaprayogeṇa sakuñjarakumārakaḥ // (86.2) Par.?

tathā vivyādha bāṇaughaiḥ palāyya yayatur yathā / (87.1) Par.?

damaś ca niyamaś cobhau tau vidyādharaputrakau // (87.2) Par.?

prabhāso yudhyamānaś ca śeṣair dvādaśabhiḥ saha / (88.1) Par.?

teṣāṃ cakarta kodaṇḍān asakṛt kalitān api // (88.2) Par.?

prahasto 'bhyetya sarveṣām avadhīt sārathīn samam / (89.1) Par.?

sa kuñjarakumāro 'pi jaghānaiṣāṃ turaṃgamān // (89.2) Par.?

tatas tatrārathāḥ sarve dvādaśāpi sametya te / (90.1) Par.?

hanyamānās tribhir vīraiḥ palāyya samarād yayuḥ // (90.2) Par.?

tato 'nyau śrutaśarmā dvau rathātirathayūthapau / (91.1) Par.?

vidyādharau preṣitavān duḥkhakrodhatrapākulaḥ // (91.2) Par.?

ekaṃ candrakulādrīndrapateḥ kṣetre niśākarāt / (92.1) Par.?

utpannaṃ candraguptākhyaṃ kāntaṃ candram ivāparam // (92.2) Par.?

dhuraṃdharācalādhīśakṣetre jātaṃ mahādyutim / (93.1) Par.?

nagaraṃgamanāmānaṃ dvitīyaṃ sacivaṃ svakam // (93.2) Par.?

tāv api kṣiptabāṇaughau kṣaṇena virathīkṛtau / (94.1) Par.?

taiḥ prabhāsādibhis tyaktvā yuddhaṃ naṣṭau babhūvatuḥ // (94.2) Par.?

tato nadatsu manujeṣv asureṣu ca sa svayam / (95.1) Par.?

āgāc caturbhiḥ sahitaḥ śrutaśarmā mahārathaiḥ // (95.2) Par.?

mahaughārohaṇotpātavetravatsaṃjñakaiḥ kramāt / (96.1) Par.?

tvaṣṭur bhagasya cāryamṇaḥ pūṣṇaś cāpy ātmasaṃbhavaiḥ // (96.2) Par.?

caturṇāṃ citrapādādividyādharamahībhujām / (97.1) Par.?

malayādyadrināthānāṃ kṣetrajaiḥ prājyavikramaiḥ // (97.2) Par.?

tatas tenātyamarṣāndhenātmanā pañcamena te / (98.1) Par.?

ayudhyanta prabhāsādyās trayo 'tra śrutaśarmaṇā // (98.2) Par.?

tadā tair muktam anyonyaṃ bāṇajālaṃ babhau divi / (99.1) Par.?

raṇalakṣmyā tapaty arke vitānakam ivātatam // (99.2) Par.?

tato vidyādharās te 'pi punas tatrāyayur mṛdhe / (100.1) Par.?

virathībhūya ye naṣṭā babhūvuḥ samarāt tadā // (100.2) Par.?

atha tāñ śrutaśarmādīn militān āhave bahūn / (101.1) Par.?

dṛṣṭvā sūryaprabho 'nyān svān prabhāsādyanupoṣaṇe // (101.2) Par.?

mahārathān prahitavān prajñāḍhyaprabhṛtīn sakhīn / (102.1) Par.?

vīrasenaśatānīkamukhyān rājasutāṃs tadā // (102.2) Par.?

vyomnātra teṣāṃ yātānāṃ sa ca sūryaprabho rathān / (103.1) Par.?

bhūtāsanavimānena prajighāya dyuvartmanā // (103.2) Par.?

tataḥ sarveṣu teṣv atra rathārūḍheṣu dhanviṣu / (104.1) Par.?

vidyādharendrāḥ śeṣā apy ājagmuḥ śrutaśarmaṇaḥ // (104.2) Par.?

teṣāṃ vidyādhareśānāṃ taiḥ prabhāsādibhiḥ saha / (105.1) Par.?

saṃprahāraḥ pravṛtto 'bhūn mahāsainyakṣayāvahaḥ // (105.2) Par.?

tatra ca dvandvasaṅgrāmeṣv anyonyaṃ sainyayor dvayoḥ / (106.1) Par.?

hatā mahārathās te te mānuṣāsurakhecarāḥ // (106.2) Par.?

vīrasenena nihataḥ sānugo dhūmralocanaḥ / (107.1) Par.?

vīraseno 'pi virathībhūtaḥ san hariśarmaṇā // (107.2) Par.?

hato vidyādharo vīro hiraṇyākṣo 'bhimanyunā / (108.1) Par.?

abhimanyuḥ sunetreṇa hato haribhaṭas tathā // (108.2) Par.?

sunetraś ca prabhāsena śiraś chittvā nipātitaḥ / (109.1) Par.?

jvālāmālī mahāyuś cāpy anyonyena hatāv ubhau // (109.2) Par.?

kumbhīrako nīrasakaḥ prāharan daśanair api / (110.1) Par.?

kharvaś ca bhujayoś chedāt suśarmā cogravikramaḥ // (110.2) Par.?

trayaḥ śatrubhaṭavyāghrabhaṭasiṃhabhaṭā api / (111.1) Par.?

hatāḥ pravahaṇenaite vidyādharamahībhṛtā // (111.2) Par.?

sa surohavirohābhyāṃ dvābhyāṃ pravahaṇo hataḥ / (112.1) Par.?

śmaśānavāsinā dvau ca hatau siṃhabalena tau // (112.2) Par.?

sa pretavāhanaḥ siṃhabalaḥ kapilako 'pi ca / (113.1) Par.?

citrāpīḍas tato vidyādharendro 'tha jagajjvaraḥ // (113.2) Par.?

tataḥ kāntāpatiḥ śūraḥ suvarṇaś ca mahābalaḥ / (114.1) Par.?

dvau ca kāmaghanakrodhapatī vidyādhareśvarau // (114.2) Par.?

baladevas tato rājā vicitrāpīḍa eva ca / (115.1) Par.?

rājaputraśatānīkenaite daśa nipātitāḥ // (115.2) Par.?

evaṃ hateṣu vīreṣu dṛṣṭvā vidyādharakṣayam / (116.1) Par.?

śrutaśarmā śatānīkam abhyadhāvat svayaṃ krudhā // (116.2) Par.?

tatas tayor ā dināntaṃ sainyakṣayakaraṃ mahat / (117.1) Par.?

āścaryam api devānāṃ tāvad yuddham abhūd dvayoḥ // (117.2) Par.?

śatāni yāvad utthāya kabandhānāṃ samantataḥ / (118.1) Par.?

bhūtānāṃ cakrur ālambaṃ saṃdhyānṛttotsavāgame // (118.2) Par.?

ahnaḥ kṣaye 'tha bahusainyavināśavignā vidyādharā nihatabāndhavaduḥkhitāś ca / (119.1) Par.?

martyāsurāḥ prasabhalabdhajayāś ca jagmuḥ saṃhṛtya yuddham ubhaye svaniveśanāni // (119.2) Par.?

tatkālam atra ca sumeruniveditau dvau vidyādharāv adhipatī rathayūthapānām / (120.1) Par.?

abhyetya taṃ parihṛtaśrutaśarmapakṣau sūryaprabhaṃ jagadatur vihitapraṇāmau // (120.2) Par.?

āvāṃ mahāyānasumāyasaṃjñāv ubhāv ayaṃ siṃhabalas tṛtīyaḥ / (121.1) Par.?

mahāśmaśānādhipatitvasiddhā vidyādharendrair aparair adhṛṣyāḥ // (121.2) Par.?

teṣāṃ śmaśānāntasukhasthitānām asmākam āgan nikaṭaṃ kadācit / (122.1) Par.?

sadā prasannā śarabhānanākhyā sadyoginī divyamahāprabhāvā // (122.2) Par.?

kutra sthitā tvaṃ vada kiṃ ca tatra dṛṣṭaṃ bhavatyā bhagavaty apūrvam / (123.1) Par.?

sāsmābhir itthaṃ praṇipatya pṛṣṭā vṛttāntam evaṃ vadati sma deva // (123.2) Par.?

draṣṭuṃ prabhuṃ svaṃ saha yoginībhir devaṃ mahākālam ahaṃ gatāsam / (124.1) Par.?

vyajijñapat tatra ca matsamakṣam āgatya vetālapatis tam ekaḥ // (124.2) Par.?

asmanmahāsainyapates tanūjāṃ vidyādhareśair nihatasya deva / (125.1) Par.?

paśyāgnikākhyasya haraty akāṇḍe tejaḥprabho nāma mahārgharūpām // (125.2) Par.?

siddhaiś ca vidyādharacakravartipatnībhavitrī gaditā prabho sā / (126.1) Par.?

tan mocayaināṃ kuru naḥ prasādaṃ yāvan na dūraṃ hriyate haṭhena // (126.2) Par.?

ity ārtavetālavaco niśamya prayāta tāṃ mocayateti so 'smān / (127.1) Par.?

devaḥ samādikṣad athāmbareṇa gatvaiva sāsmābhir avāpi kanyā // (127.2) Par.?

saccakravartiśrutaśarmahetor etāṃ harāmīti ca taṃ vadantam / (128.1) Par.?

saṃstabhya tejaḥprabham ātmaśaktyā sāsmābhir ānīya vibhor vitīrṇā // (128.2) Par.?

tenārpitā ca svajanāya kanyā dṛṣṭaṃ mayā kāmam apūrvam etat / (129.1) Par.?

tato 'tra kāṃścid divasān uṣitvā praṇamya devaṃ tam ihāgatāsmi // (129.2) Par.?

ity uktavākyā śarabhānanā sā yoginy athāsmābhir apṛcchyataivam / (130.1) Par.?

ko brūhi vidyādharacakravartī bhaviṣyati tvaṃ khalu vetsi sarvam // (130.2) Par.?

sūryaprabho hanta bhaviṣyatīti prokte tayā siṃhabalo 'bravīn nau / (131.1) Par.?

asatyam etan nanu baddhakakṣyā devā hi sendrāḥ śrutaśarmapakṣe // (131.2) Par.?

śrutvaitad āryā vadati sma sā nau na pratyayaś cec chṛṇutaṃ bravīmi / (132.1) Par.?

yathā bhaviṣyaty acireṇa yuddhaṃ sūryaprabhasya śrutaśarmaṇaś ca // (132.2) Par.?

haniṣyate siṃhabalo yadāyaṃ yuṣmatsamakṣaṃ yudhi mānuṣeṇa / (133.1) Par.?

yuvām abhijñānam idaṃ vilokya vijñāsyathaḥ satyam idaṃ vaco me // (133.2) Par.?

etāvad uktvā kila yoginī sā yayau ca yātāni ca tāny ahāni / (134.1) Par.?

pratyakṣam adyeha ca dṛṣṭam etan martyena yat siṃhabalo hato 'sau // (134.2) Par.?

tatpratyayān niścitam eva matvā tvām eva sarvadyucarādhirājam / (135.1) Par.?

āvām imau pādasarojayugmaṃ samāśritau śāsanavartinau te // (135.2) Par.?

ity uktavantau sa mayādiyuktaḥ sūryaprabhas tāv atha khecarendrau / (136.1) Par.?

śraddhāya saṃmānitavān yathārhaṃ hṛṣṭau mahāyānasumāyakau dvau // (136.2) Par.?

tac chrutvā śrutaśarmaṇo 'tra sutarām udvegabhājo vyadhād āśvāsaṃ kila dūtyayā śatamakhaḥ saṃpreṣya viśvāvasum / (137.1) Par.?

dhīras tvaṃ bhava sarvadevasahitaḥ prātaḥ kariṣyāmi te sāhāyyaṃ raṇamūrdhanīti dhṛtikṛt saṃdeśya tatsnehataḥ // (137.2) Par.?

sa ca parabalabhedālokanotpannatoṣaḥ samaraśirasi dṛṣṭārātipakṣakṣayaś ca / (138.1) Par.?

punar api nijakāntāḥ projjhya sūryaprabhas tā niśi sacivasameto vāsakaṃ svaṃ viveśa // (138.2) Par.?

Duration=0.82684993743896 secs.