Texts

Help

Select a text:
Bibliography

Select a chapter:
(no revisions)

Associated topic(s): Cosmography, Pitṛ worship, pitṛyajña

Show parallels Show headlines
Use dependency labeler

Chapter id: 16164

Click on a sentence to show its analysis
Keep the mouse pointer over a lemma to show its meanings.

mārkaṇḍeya uvāca / (1.1) Par.?

ity ukto 'haṃ bhagavatā devadevena bhāsvatā / (1.2) Par.?

sanatkumāreṇa punaḥ pṛṣṭavān devam avyayam // (1.3) Par.?

saṃdeham amaraśreṣṭhaṃ bhagavantam ariṃdama / (2.1) Par.?

nibodha tan me gāṅgeya nikhilaṃ sarvam āditaḥ // (2.2) Par.?

kiyanto vai pitṛgaṇāḥ kasmiṃl loke ca te gaṇāḥ / (3.1) Par.?

vartanti devapravarā devānāṃ somavardhanāḥ // (3.2) Par.?

sanatkumāra uvāca / (4.1) Par.?

saptaite japatāṃ śreṣṭha svarge pitṛgaṇāḥ smṛtāḥ / (4.2) Par.?

catvāro mūrtimanto vai traya eṣāṃ amūrtayaḥ // (4.3) Par.?

teṣāṃ lokaṃ visargaṃ ca kīrtayiṣyāmi tac chṛṇu / (5.1) Par.?

prabhāvaṃ ca mahattvaṃ ca vistareṇa tapodhana // (5.2) Par.?

dharmamūrtidharās teṣāṃ trayo ye paramā gaṇāḥ / (6.1) Par.?

teṣāṃ nāmāni lokāṃś ca kīrtayiṣyāmi tac chṛṇu // (6.2) Par.?

lokāḥ sanātanā nāma yatra tiṣṭhanti bhāsvarāḥ / (7.1) Par.?

amūrtayaḥ pitṛgaṇās te vai putrāḥ prajāpateḥ // (7.2) Par.?

virājasya dvijaśreṣṭha vairājā iti viśrutāḥ / (8.1) Par.?

yajanti tān devagaṇā vidhidṛṣṭena karmanā // (8.2) Par.?

ete vai yogavibhraṣṭā lokān prāpya sanātanān / (9.1) Par.?

punar yugasahasrānte jāyante brahmavādinaḥ // (9.2) Par.?

te prāpya tāṃ smṛtiṃ bhūyaḥ sāṃkhyayogam anuttamam / (10.1) Par.?

yānti yogagatiṃ siddhāḥ punarāvṛttidurlabhām // (10.2) Par.?

ete sma pitaras tāta yogināṃ yogavardhanāḥ / (11.1) Par.?

āpyāyayanti ye pūrvaṃ somaṃ yogabalena vai // (11.2) Par.?

tasmācchrāddhāni deyāni yogināṃ dvijasattama / (12.1) Par.?

eṣa vai prathamaḥ kalpaḥ somapānāṃ anuttamaḥ // (12.2) Par.?

eteṣāṃ mānasī kanyā menā nāma mahāgireḥ / (13.1) Par.?

patnī himavataḥ śreṣṭhā yasyā maināka ucyate // (13.2) Par.?

mainākasya sutaḥ śrīmān krauñco nāma mahāgiriḥ / (14.1) Par.?

parvatapravaraḥ śubhro nānāratnasamācitaḥ // (14.2) Par.?

tisraḥ kanyās tu menāyāṃ janayāmāsa śailarāṭ / (15.1) Par.?

aparṇām ekaparṇāṃ ca tṛtīyām ekapāṭalām // (15.2) Par.?

tapaś carantyaḥ sumahad duścaraṃ devadānavaiḥ / (16.1) Par.?

lokān saṃtāpayāmāsus tās tisraḥ sthāṇujaṃgamān // (16.2) Par.?

āhāram ekaparṇena saikaparṇā samācarat / (17.1) Par.?

pāṭalāpuṣpam ekaṃ ca vidadhe caikapāṭalā // (17.2) Par.?

ekā tatra nirāhārā tāṃ mātā pratyaṣedhayat / (18.1) Par.?

u mā iti niṣedhantī mātṛsnehena duḥkhitā // (18.2) Par.?

sā tathoktā tayā mātrā devī duścaracāriṇī / (19.1) Par.?

umety evābhavat khyātā triṣu lokeṣu sundarī // (19.2) Par.?

tapaḥśarīrāḥ sarvās tās tisro yogabalānvitāḥ / (20.1) Par.?

sarvāś ca brahmavādinyaḥ sarvāś caivordhvaretasaḥ // (20.2) Par.?

umā tāsāṃ variṣṭhā ca jyeṣṭhā ca varavarṇinī / (21.1) Par.?

mahāyogabalopetā mahādevam upasthitā // (21.2) Par.?

asitasyaikaparṇā tu devalasya mahātmanaḥ / (22.1) Par.?

patnī dattā mahābrahman yogācāryāya dhīmate // (22.2) Par.?

jaigīṣavyasya tu tathā viddhi tām ekapāṭalām / (23.1) Par.?

ete cāpi mahābhāge yogācāryāv upasthite // (23.2) Par.?

lokāḥ somapadā nāma marīcer yatra vai sutāḥ / (24.1) Par.?

pitaro divi vartante devās tān bhāvayanty uta / (24.2) Par.?

agniṣvāttā iti khyātāḥ sarva evāmitaujasaḥ // (24.3) Par.?

eteṣāṃ mānasī kanyā acchodā nāma nimnagā / (25.1) Par.?

acchodaṃ nāma tad divyaṃ saro yasyāḥ samutthitam // (25.2) Par.?

sā dṛṣṭvā pitaraṃ vavre vasuṃ nāmāntarikṣagam / (26.1) Par.?

nāmnā vasum iti khyātam āyoḥ putraṃ yaśasvinam // (26.2) Par.?

sā tena vyabhicāreṇa manasaḥ kāmacāriṇī / (27.1) Par.?

pitaraṃ prārthayitvānyaṃ yogabhraṣṭā papāta ha // (27.2) Par.?

trīṇy apaśyad vimānāni patamānā divaś cyutā / (28.1) Par.?

trasareṇupramāṇāni sāpaśyat teṣu tān pitṝn // (28.2) Par.?

susūkṣmān aparivyaktān agnīn agniṣv ivāhitān / (29.1) Par.?

trāyadhvaṃ ity uvācārtā patantī tān avākśirāḥ // (29.2) Par.?

tair uktā sā tu mā bhaiṣīr iti vyomni vyavasthitā / (30.1) Par.?

tataḥ prasādayāmāsa svān pitṝn dīnayā girā // (30.2) Par.?

ūcus te pitaraḥ kanyāṃ bhraṣṭaiśvaryāṃ vyatikramāt / (31.1) Par.?

bhraṣṭaiśvaryā svadoṣeṇa patasi tvaṃ śucismite // (31.2) Par.?

yaiḥ kriyante hi karmāṇi śarīrair divi daivataiḥ / (32.1) Par.?

tair eva tatkarmaphalaṃ prāpnuvantīha devatāḥ // (32.2) Par.?

sadyaḥ phalanti karmāṇi devatve pretya mānuṣe / (33.1) Par.?

tasmāt tvaṃ tapasaḥ putri pretyeha prāpsyase phalam // (33.2) Par.?

ity uktā pitṛbhiḥ sā tu pitṝn svān saṃprasādayat / (34.1) Par.?

dhyātvā prasādaṃ te cakrus tasyāḥ sarve 'nukampayā // (34.2) Par.?

avaśyaṃbhāvinaṃ jñātvā te 'rtham ūcus tataś ca tām / (35.1) Par.?

tasya rājño vasoḥ kanyā tvam apatyaṃ bhaviṣyasi / (35.2) Par.?

kanyaiva bhūtvā lokān svān punaḥ prāpsyasi durlabhān // (35.3) Par.?

parāśarasya dāyādaṃ tvaṃ vipraṃ janayiṣyasi / (36.1) Par.?

sa vedam ekaṃ brahmarṣiś caturdhā vibhajiṣyati // (36.2) Par.?

mahābhiṣasya putrau ca śaṃtanoḥ kīrtivardhanau / (37.1) Par.?

vicitravīryaṃ dharmajñaṃ tathā citrāṅgadaṃ prabhum // (37.2) Par.?

etān utpādya putrāṃs tvaṃ punar lokān avāpsyasi / (38.1) Par.?

vyatikramāt pitṝṇāṃ ca janma prāpsyasi kutsitam // (38.2) Par.?

tasyaiva rājñas tvaṃ kanyā adrikāyāṃ bhaviṣyasi / (39.1) Par.?

aṣṭāviṃśe bhavitrī tvaṃ dvāpare matsyayonijā // (39.2) Par.?

evam uktā tu dāseyī jātā satyavatī tadā / (40.1) Par.?

matsyayonau anupamā rājñas tasya vasoḥ sutā // (40.2) Par.?

vaibhrājā nāma te lokā divi bhānti sudarśanāḥ / (41.1) Par.?

yatra barhiṣado nāma pitaro divi viśrutāḥ // (41.2) Par.?

tān dānavagaṇāḥ sarve yakṣagandharvarākṣasāḥ / (42.1) Par.?

nāgāḥ sarpāḥ suparṇāś ca bhāvayanty amitaujasaḥ // (42.2) Par.?

ete putrā mahātmānaḥ pulastyasya prajāpateḥ / (43.1) Par.?

mahātmāno mahābhāgās tejoyuktās tapasvinaḥ // (43.2) Par.?

eteṣāṃ mānasī kanyā pīvarī nāma viśrutā / (44.1) Par.?

yogā ca yogapatnī ca yogamātā tathaiva ca / (44.2) Par.?

bhavitrī dvāparaṃ prāpya yugaṃ dharmabhṛtāṃ varā // (44.3) Par.?

parāśarakulodbhūtaḥ śuko nāma mahātapāḥ / (45.1) Par.?

bhaviṣyati yuge tasmin mahāyogī dvijarṣabhaḥ / (45.2) Par.?

vyāsād araṇyāṃ sambhūto vidhūmo 'gnir iva jvalan // (45.3) Par.?

sa tasyāṃ pitṛkanyāyāṃ pīvaryāṃ janayiṣyati / (46.1) Par.?

kanyāṃ putrāṃś ca caturo yogācāryān mahābalān // (46.2) Par.?

kṛṣṇaṃ gauraṃ prabhuṃ śaṃbhuṃ kanyāṃ kṛtvīṃ tathaiva ca / (47.1) Par.?

brahmadattasya jananī mahiṣī tv aṇuhasya yā // (47.2) Par.?

etān utpādya dharmātmā yogācāryān mahāvratān / (48.1) Par.?

mahāyogī tadā gantā punar āvartinīṃ gatim // (48.2) Par.?

amūrtimantaḥ pitaro dharmamūrtidharā mune / (49.1) Par.?

kathā yatra samutpannā vṛṣṇyandhakakulānvayā // (49.2) Par.?

traya ete mayā proktāś caturo 'nyān nibodha me / (50.1) Par.?

yān vakṣyāmi dvijaśreṣṭha mūrtimanto hi te smṛtāḥ / (50.2) Par.?

samutpannāḥ svadhāyāṃ tu kāvyād agneḥ kaveḥ sutāḥ // (50.3) Par.?

sukālā nāma pitaro vasiṣṭhasya prajāpateḥ / (51.1) Par.?

niratā devalokeṣu jyotirbhāsiṣu bhārgava / (51.2) Par.?

sarvakāmasamṛddheṣu dvijās tān bhāvayanty uta // (51.3) Par.?

teṣāṃ vai mānasī kanyā gaur nāma divi viśrutā / (52.1) Par.?

tavaiva vaṃśe yā dattā śukasya mahiṣī dvija // (52.2) Par.?

ekaśṛṅgā iti khyātā sādhyānāṃ kīrtivardhanī / (53.1) Par.?

marīcigarbhān sā lokān samāvṛtya vyavasthitā // (53.2) Par.?

ye tv athāṅgirasaḥ putrāḥ sādhyaiḥ saṃvardhitāḥ purā / (54.1) Par.?

tān kṣatriyagaṇās tāta bhāvayanti phalārthinaḥ // (54.2) Par.?

eteṣāṃ mānasī kanyā yaśodā nāma viśrutā / (55.1) Par.?

patnī yā viśvamahataḥ snuṣā vai vṛddhaśarmaṇaḥ / (55.2) Par.?

rājarṣer jananī tāta dilīpasya mahātmanaḥ // (55.3) Par.?

tasya yajñe purā gītā gāthāḥ prītair maharṣibhiḥ / (56.1) Par.?

tadā devayuge tāta vājimedhe mahāmakhe // (56.2) Par.?

agner janma tathā śrutvā śāṇḍilyasya mahātmanaḥ / (57.1) Par.?

dilīpaṃ yajamānaṃ ye paśyanti susamāhitāḥ / (57.2) Par.?

satyavantaṃ mahātmānaṃ te 'pi svargajito narāḥ // (57.3) Par.?

susvadhā nāma pitaraḥ kardamasya prajāpateḥ / (58.1) Par.?

samutpannasya pulahān mahātmāno dvijarṣabhāḥ // (58.2) Par.?

lokeṣu divi vartante kāmageṣu vihaṃgamāḥ / (59.1) Par.?

tāṃs tu vaiśyagaṇās tāta bhāvayanti phalārthinaḥ // (59.2) Par.?

teṣāṃ vai mānasī kanyā virajā nāma viśrutā / (60.1) Par.?

yayāter jananī brahman mahiṣī nahuṣasya ca // (60.2) Par.?

traya ete gaṇāḥ proktāś caturthaṃ tu nibodha me / (61.1) Par.?

utpannā ye svadhāyāṃ tu somapā vai kaveḥ sutāḥ // (61.2) Par.?

hiraṇyagarbhasya sutāḥ śūdrās tān bhāvayanty uta / (62.1) Par.?

mānasā nāma te lokā yatra vartanti te divi // (62.2) Par.?

teṣāṃ vai mānasī kanyā narmadā saritāṃ varā / (63.1) Par.?

yā bhāvayati bhūtāni dakṣiṇāpathagāminī / (63.2) Par.?

purukutsasya yā patnī trasaddasyor janany api // (63.3) Par.?

teṣām athābhyupagamān manus tāta yuge yuge / (64.1) Par.?

pravartayati śrāddhāni naṣṭe dharme prajāpatiḥ // (64.2) Par.?

pitṝṇām ādisargeṇa sarveṣāṃ dvijasattama / (65.1) Par.?

tasmād enaṃ svadharmeṇa śrāddhadevaṃ vadanti vai // (65.2) Par.?

sarveṣāṃ rājataṃ pātram atha vā rajatānvitam / (66.1) Par.?

dattaṃ svadhāṃ purodhāya śrāddhe prīṇāti vai pitṝn // (66.2) Par.?

somasyāpyāyanaṃ kṛtvā vahner vaivasvatasya ca / (67.1) Par.?

udagāyanam apy agnāv agnyabhāve 'psu vā punaḥ // (67.2) Par.?

pitṝn prīṇāti yo bhaktyā pitaraḥ prīṇayanti tam / (68.1) Par.?

yacchanti pitaraḥ puṣṭiṃ prajāś ca vipulās tathā / (68.2) Par.?

svargam ārogyam evātha yad anyad api cepsitam // (68.3) Par.?

devakāryād api mune pitṛkāryaṃ viśiṣyate / (69.1) Par.?

devatānāṃ hi pitaraḥ pūrvam āpyāyanaṃ smṛtam // (69.2) Par.?

śīghraprasādā hy akrodhā lokasyāpyāyanaṃ param / (70.1) Par.?

sthiraprasādāś ca sadā tān namasyasva bhārgava // (70.2) Par.?

pitṛbhakto 'si viprarṣe sadbhaktaś ca na saṃśayaḥ / (71.1) Par.?

śreyas te 'dya vidhāsyāmi pratyakṣaṃ kuru tat svayam // (71.2) Par.?

cakṣur divyaṃ savijñānaṃ pradiśāmi ca te 'nagha / (72.1) Par.?

gatim etām apramatto mārkaṇḍeya niśāmaya // (72.2) Par.?

na hi yogagatir divyā na pitṝṇāṃ parā gatiḥ / (73.1) Par.?

tvadvidhenāpi siddhena dṛśyate māṃsacakṣuṣā // (73.2) Par.?

evam uktvā sa deveśo mām upasthitam agrataḥ / (74.1) Par.?

cakṣur dattvā savijñānaṃ devānām api durlabham / (74.2) Par.?

jagāma gatim iṣṭāṃ vai dvitīyo 'gnir iva jvalan // (74.3) Par.?

tan nibodha kuruśreṣṭha yan mayāsīn niśāmitam / (75.1) Par.?

prasādāt tasya devasya durjñeyaṃ bhuvi mānuṣaiḥ // (75.2) Par.?

Duration=0.37894582748413 secs.