Texts

Help

Select a text:
Bibliography

Select a chapter:
(no revisions)

Associated topic(s): Poetology

Show parallels Show headlines
Use dependency labeler

Chapter id: 2330

Click on a sentence to show its analysis
Keep the mouse pointer over a lemma to show its meanings.

mādhuryamabhivāñchantaḥ prasādaṃ ca sumedhasaḥ / (1.1) Par.?

samāsavanti bhūyāṃsi na padāni prayuñjate // (1.2) Par.?

kecid ojo'bhidhitsantaḥ samasyanti bahūnyapi / (2.1) Par.?

yathā mandārakusumareṇupiñjaritālakā // (2.2) Par.?

śravyaṃ nātisamastārthaṃ kāvyaṃ madhuramiṣyate / (3.1) Par.?

ā vidvadaṅganābālapratītārthaṃ prasādavat // (3.2) Par.?

anuprāsaḥ sayamako rūpakaṃ dīpakopame / (4.1) Par.?

iti vācāmalaṃkārāḥ pañcaivānyair udāhṛtāḥ // (4.2) Par.?

anuprāsa

sarūpavarṇavinyāsam anuprāsaṃ pracakṣate / (5.1) Par.?

kiṃtayā cintayā kānte nitānteti yathoditam // (5.2) Par.?

grāmyānuprāsam anyattu manyante sudhiyo 'pare / (6.1) Par.?

sa lolamālānīlālikulākulagalo balaḥ // (6.2) Par.?

nānārthavanto 'nuprāsā na cāpyasadṛśākṣarāḥ / (7.1) Par.?

yuktyānayā madhyamayā jāyante cāravo giraḥ // (7.2) Par.?

lāṭīyam apyanuprāsam ihecchantyapare yathā / (8.1) Par.?

dṛṣṭiṃ dṛṣṭisukhāṃ dhehi candraścandramukhoditaḥ // (8.2) Par.?

yamaka

ādimadhyāntayamakaṃ pādābhyāsaṃ tathāvalī / (9.1) Par.?

samastapādayamakamityetat pañcadhocyate // (9.2) Par.?

saṃdaṣṭakasamudgāder atraivāntargatir matā / (10.1) Par.?

ādau madhyāntayorvā syāditi pañcaiva tadyathā // (10.2) Par.?

sādhunā sādhunā tena rājatā rājatā bhṛtā / (11.1) Par.?

sahitaṃ sahitaṃ kartuṃ saṃgataṃ saṃgataṃ janam // (11.2) Par.?

sādhuḥ saṃsārādbibhyadasmādasārāt kṛtvā kleśāntaṃ yāti vartma praśāntam / (12.1) Par.?

jātiṃ vyādhīnāṃ durnayānāmadhīnāṃ vāñchan tyāyastvaṃ chinddhi muktānayastvam // (12.2) Par.?

na te dhīr dhīra bhogeṣu ramaṇīyeṣu saṃgatā / (13.1) Par.?

munīnapi harantyete ramaṇī yeṣu saṅgatā // (13.2) Par.?

sitāsitākṣīṃ supayodharādharāṃ susaṃmadāṃ vyaktamadāṃ lalāmadām / (14.1) Par.?

ghanā ghanā nīlaghanāghanālakāṃ priyāmimāmutsukayanti yanti ca // (14.2) Par.?

amī nṛpā dattasamagraśāsanāḥ kadācidapyapratibaddhaśāsanāḥ / (15.1) Par.?

kṛtāgasāṃ mārgabhidāṃ ca śāsanāḥ pitṛkramādhyāsitatādṛśāsanāḥ // (15.2) Par.?

anantaraikāntarayorevaṃ pādāntayorapi / (16.1) Par.?

kṛtsnaṃ ca sarvapādeṣu duṣkṛtaṃ sādhu tādṛśam // (16.2) Par.?

yamaka (definition)

tulyaśrutīnāṃ bhinnānāmabhidheyaiḥ parasparam / (17.1) Par.?

varṇānāṃ yaḥ punarvādo yamakaṃ tannigadyate // (17.2) Par.?

pratītaśabdamojasvi suśliṣṭapadasaṃdhi ca / (18.1) Par.?

prasādi svabhidhānaṃ ca yamakaṃ kṛtināṃ matam // (18.2) Par.?

prahelikā

nānādhātvarthagambhīrā yamakavyapadeśinī / (19.1) Par.?

prahelikā sā hy uditā rāmaśarmācyutottare // (19.2) Par.?

kāvyānyapi yadīmāni vyākhyāgamyāni śāstravat / (20.1) Par.?

utsavaḥ sudhiyāmeva hanta durmedhaso hatāḥ vā // (20.2) Par.?

rūpaka

upamānena yattattvamupameyasya rūpyate / (21.1) Par.?

guṇānāṃ samatāṃ dṛṣṭvā rūpakaṃ nāma tadviduḥ // (21.2) Par.?

samastavastuviṣayamekadeśavivarti ca / (22.1) Par.?

dvidhā rūpakam uddiṣṭam etattaccocyate yathā // (22.2) Par.?

śīkarāmbhomadasṛjas tuṅgā jaladadantinaḥ / (23.1) Par.?

niryānto maṇḍayantīme śakrakārmukakānanam // (23.2) Par.?

taḍidvalayakakṣyāṇāṃ balākāmālabhāriṇām / (24.1) Par.?

payomucāṃ dhvanirdhīro dunoti mama tāṃ priyām // (24.2) Par.?

dīpaka (def.)

ādimadhyāntaviṣayaṃ tridhā dīpakamiṣyate / (25.1) Par.?

ekasyaiva tryavasthatvāditi tadbhidyate tridhā // (25.2) Par.?

amūni kurvate 'nvarthām asyākhyām arthadīpanāt / (26.1) Par.?

tribhirnidarśanaiścedaṃ tridhā nirdiśyate yathā // (26.2) Par.?

ādidīpaka (example)

mado janayati prītiṃ sānaṅgaṃ mānabhaṅguram / (27.1) Par.?

sa priyāsaṃgamotkaṇṭhāṃ sāsahyāṃ manasaḥ śucam // (27.2) Par.?

madhyadīpaka (example)

mālinīraṃśukabhṛtaḥ striyo 'laṃkurute madhuḥ / (28.1) Par.?

hārītaśukavācaśca bhūdharāṇāmupatyakāḥ // (28.2) Par.?

antyadīpaka (example)

cīrīmatīraraṇyānīḥ saritaḥ śuṣyadambhasaḥ / (29.1) Par.?

pravāsināṃ ca cetāṃsi śucirantaṃ ninīṣati // (29.2) Par.?

upamā (def.)

viruddhenopamānena deśakālakriyādibhiḥ / (30.1) Par.?

upameyasya yatsāmyaṃ guṇaleśena sopamā // (30.2) Par.?

yathevaśabdau sādṛśyamāhaturvyatirekiṇoḥ / (31.1) Par.?

dūrvākāṇḍamiva śyāmaṃ tanvī śyāmālatā yathā // (31.2) Par.?

luptopamā (without iva, yathā)

vinā yathevaśabdābhyāṃ samāsābhihitā parā / (32.1) Par.?

yathā kamalapattrākṣī śaśāṅkavadaneti ca // (32.2) Par.?

vatināpi kriyāsāmyaṃ tadvadevābhidhīyate / (33.1) Par.?

dvijātivadadhīte 'sau guruvaccānuśāsti naḥ // (33.2) Par.?

prativastūpamā

samānavastunyāsena prativastūpamocyate / (34.1) Par.?

yathevānabhidhāne'pi guṇasāmyapratītitaḥ // (34.2) Par.?

sādhusādhāraṇatvādirguṇo'tra vyatiricyate / (35.1) Par.?

sa sāmyamāpādayati virodhe'pi tayoryathā // (35.2) Par.?

kiyantaḥ santi guṇinaḥ sādhusādhāraṇaśriyaḥ / (36.1) Par.?

svādupākaphalānamrāḥ kiyanto vādhvaśākhinaḥ // (36.2) Par.?

yaduktaṃ triprakāratvaṃ tasyāḥ kaiścinmahātmabhiḥ / (37.1) Par.?

nindāpraśaṃsācikhyāsābhedādatrābhidhīyate // (37.2) Par.?

sāmānyaguṇanirdeśāt trayamapyuditaṃ nanu / (38.1) Par.?

mālopamādiḥ sarvo 'pi na jyāyānvistaro mudhā // (38.2) Par.?

upamādoṣāḥ

hīnatāsambhavo liṅgavacobhedo viparyayaḥ / (39.1) Par.?

upamānādhikatvaṃ ca tenāsadṛśatāpi ca // (39.2) Par.?

ta eta upamādoṣāḥ sapta medhāvinoditāḥ / (40.1) Par.?

sodāharaṇalakṣmāṇo varṇyante 'tra ca te pṛthak // (40.2) Par.?

sa mārutākampitapītavāsā bibhrat salīlaṃ śaśibhāsamabjam / (41.1) Par.?

yadupravīraḥ pragṛhītaśārṅgaḥ sendrāyudho megha ivābabhāse // (41.2) Par.?

śakracāpagrahādatra darśitaṃ kila kārmukam / (42.1) Par.?

vāsaḥśaṅkhānupādānāddhīnam ityabhidhīyate // (42.2) Par.?

sarvaṃ sarveṇa sārūpyaṃ nāsti bhāvasya kasyacit / (43.1) Par.?

yathopapatti kṛtibhirupamāsu prayujyate // (43.2) Par.?

akhaṇḍamaṇḍalaḥ kvenduḥ kva kāntānanam adyuti / (44.1) Par.?

yat kiṃcit kāntisāmānyācchaśinaivopamīyate // (44.2) Par.?

kiṃcit kāvyāni neyāni lakṣaṇena mahātmanām / (45.1) Par.?

dṛṣṭaṃ vā sarvasārūpyaṃ rājamitre yathoditam // (45.2) Par.?

sūryāṃśusaṃmīlitalocaneṣu dīneṣu padmānilanirmadeṣu / (46.1) Par.?

sādhvyaḥ svageheṣviva bhartṛhīnāḥ kekā vineśuḥ śikhināṃ mukheṣu // (46.2) Par.?

asaṃbhava (examples)

niṣpeturāsyādiva tasya dīptāḥ śarā dhanurmaṇḍalamadhyabhājaḥ / (47.1) Par.?

jājvalyamānā iva vāridhārā dinārdhabhājaḥ pariveṣiṇo 'rkāt // (47.2) Par.?

kathaṃ pāto'mbudhārāṇāṃ jvalantīnāṃ vivasvataḥ / (48.1) Par.?

asaṃbhavādayaṃ yuktyā tenāsaṃbhava ucyate // (48.2) Par.?

tatrāsambhavinārthena kaḥ kuryād upamāṃ kṛtī / (49.1) Par.?

ko nāma vahninaupamyaṃ kurvīta śaśalakṣmaṇaḥ // (49.2) Par.?

yasyātiśayavānarthaḥ kathaṃ so 'saṃbhavo mataḥ / (50.1) Par.?

iṣṭaṃ cātiśayārthatvamupamotprekṣayoryathā // (50.2) Par.?

puñjībhūtamiva dhvāntameṣa bhāti mataṃgajaḥ / (51.1) Par.?

saraḥ śaratprasannāmbho nabhaḥkhaṇḍamivojjhitam // (51.2) Par.?

atha liṅgavacobhedāv ucyete saviparyayau / (52.1) Par.?

hīnādhikatvāt sa dvedhā trayamapyucyate yathā // (52.2) Par.?

avigāhyo'si nārīṇāmananyamanasāmapi / (53.1) Par.?

viṣamopalabhinnormir āpagevottitīrṣataḥ // (53.2) Par.?

kvacidagre prasaratā kvacid āpatya nighnatā / (54.1) Par.?

śuneva sāraṅgakulaṃ tvayā bhinnaṃ dviṣāṃ balam // (54.2) Par.?

ayaṃ padmāsanāsīnaścakravāko virājate / (55.1) Par.?

yugādau bhagavān brahmā vinirmitsuriva prajāḥ // (55.2) Par.?

nanūpamīyate pāṇiḥ kamalena vikāsinā / (56.1) Par.?

adharo vidrumacchedabhāsā bimbaphalena ca // (56.2) Par.?

ucyate kāmamastīdaṃ kiṃtu strīpuṃsayor ayam / (57.1) Par.?

vidhirnābhimato 'nyaistu trayāṇāmapi neṣyate // (57.2) Par.?

sa pītavāsāḥ pragṛhītaśārṅgo manojñabhīmaṃ vapurāpa kṛṣṇaḥ / (58.1) Par.?

śatahradendrāyudhavānniśāyāṃ saṃsṛjyamānaḥ śaśineva meghaḥ // (58.2) Par.?

śaśino grahaṇād etadādhikyaṃ kila na hy ayam / (59.1) Par.?

nirdiṣṭa upameye'rthe vācyo vā jalado'tra tu // (59.2) Par.?

na sarvasārūpyamiti vistareṇodito vidhiḥ / (60.1) Par.?

abhiprāyātkavernātra vidheyā jalaje matiḥ // (60.2) Par.?

ādhikyamupamānānāṃ nyāyyaṃ nādhikatā bhavet / (61.1) Par.?

gokṣīrakundahalināṃ viśuddhyā sadṛśaṃ yaśaḥ // (61.2) Par.?

ekenaivopamānena nanu sādṛśyamucyate / (62.1) Par.?

uktārthasya prayogo hi gurumarthaṃ na puṣyati // (62.2) Par.?

vane'tha tasminvanitānuyāyinaḥ pravṛttadānārdrakaṭā mataṃgajāḥ / (63.1) Par.?

vicitrabarhābharaṇāśca barhiṇo babhur divīvāmalavigrahā grahāḥ // (63.2) Par.?

grahairapi gajādīnāṃ yadi sādṛśyamucyate / (64.1) Par.?

tathāpi teṣāṃ tair asti kāntir vāpyugratāpi vā // (64.2) Par.?

ityukta upamābhedo vakṣyate cāparaḥ punaḥ / (65.1) Par.?

upamāder alaṃkārād viśeṣo 'nyo 'bhidhīyate // (65.2) Par.?

ākṣepo 'rthāntaranyāso vyatireko vibhāvanā / (66.1) Par.?

samāsātiśayoktī ca ṣaḍalaṃkṛtayo 'parāḥ // (66.2) Par.?

ākṣepa

vakṣyamāṇoktaviṣayas tatrākṣepo dvidhā mataḥ / (67.1) Par.?

ekarūpatayā śeṣā nirdekṣyante yathākramam // (67.2) Par.?

pratiṣedha iveṣṭasya yo viśeṣābhidhitsayā / (68.1) Par.?

ākṣepa iti taṃ santaḥ śaṃsanti dvividhaṃ yathā // (68.2) Par.?

ahaṃ tvāṃ yadi nekṣeya kṣaṇamapyutsukā tataḥ / (69.1) Par.?

iyadevāstvato 'nyena kimuktenāpriyeṇa tu // (69.2) Par.?

svavikramāntabhuvaścitraṃ yanna tavoddhatiḥ / (70.1) Par.?

ko vā seturalaṃ sindhorvikārakaraṇaṃ prati // (70.2) Par.?

arthāntaranyāsa

upanyasanam anyasya yadarthasyoditādṛte / (71.1) Par.?

jñeyaḥ so 'rthāntaranyāsaḥ pūrvārthānugato yathā // (71.2) Par.?

parānīkāni bhīmāni vivikṣorna tava vyathā / (72.1) Par.?

sādhu vāsādhu vāgāmi puṃsām ātmaiva śaṃsati // (72.2) Par.?

hiśabdenāpi hetvarthaprathanāduktasiddhaye / (73.1) Par.?

ayamarthāntaranyāsaḥ sutarāṃ vyajyate yathā // (73.2) Par.?

vahanti girayo meghānabhyupetān gurūnapi / (74.1) Par.?

garīyāneva hi gurūn bibharti praṇayāgatān // (74.2) Par.?

vyatireka

upamānavato 'rthasya yadviśeṣanidarśanam / (75.1) Par.?

vyatirekaṃ tamicchanti viśeṣāpādanādyathā // (75.2) Par.?

sitāsite pakṣmavatī netre te tāmrarājinī / (76.1) Par.?

ekāntaśubhraśyāme tu puṇḍarīkāsitotpale // (76.2) Par.?

vibhāvanā

kriyāyāḥ pratiṣedhe yā tatphalasya vibhāvanā / (77.1) Par.?

jñeyā vibhāvanaivāsau samādhau sulabhe sati // (77.2) Par.?

apītamattāḥ śikhino diśo 'nutkaṇṭhitākulāḥ / (78.1) Par.?

nīpo 'viliptasurabhir abhraṣṭakaluṣaṃ jalam // (78.2) Par.?

yatrokte gamyate'nyo'rthastatsamānaviśeṣaṇaḥ / (79.1) Par.?

sā samāsoktiruddiṣṭā saṃkṣiptārthatayā yathā // (79.2) Par.?

skandhavānṛjur avyālaḥ sthiro'nekamahāphalaḥ / (80.1) Par.?

jātastarurayaṃ coccaiḥ pātitaśca nabhasvatā // (80.2) Par.?

nimittato vaco yattu lokātikrāntagocaram / (81.1) Par.?

manyante 'tiśayoktiṃ tāmalaṃkāratayā yathā // (81.2) Par.?

svapuṣpacchavihāriṇyā candrabhāsā tirohitāḥ / (82.1) Par.?

anvamīyanta bhṛṅgālivācā saptacchadadrumāḥ // (82.2) Par.?

apāṃ yadi tvakcyutā syāt phaṇināmiva / (83.1) Par.?

tadā śuklāṃśukāni syur aṅgeṣvambhasi yoṣitām // (83.2) Par.?

ityevamādir uditā guṇātiśayayogataḥ / (84.1) Par.?

sarvaivātiśayoktistu tarkayet tāṃ yathāgamam // (84.2) Par.?

saiṣā sarvaiva vakroktiranayārtho vibhāvyate / (85.1) Par.?

yatno'syāṃ kavinā kāryaḥ ko 'laṃkāro'nayā vinā // (85.2) Par.?

hetuśca sūkṣmo leśo'tha nālaṃkāratayā mataḥ / (86.1) Par.?

samudāyābhidhānasya vakroktyanabhidhānataḥ // (86.2) Par.?

gato'stamarko bhātīnduryānti vāsāya pakṣiṇaḥ / (87.1) Par.?

ityevamādi kiṃ kāvyaṃ vārttāmenāṃ pracakṣate // (87.2) Par.?

yathāsaṃkhyam athotprekṣām alaṃkāradvayaṃ viduḥ / (88.1) Par.?

saṃkhyānamiti medhāvinotprekṣābhihitā kvacit // (88.2) Par.?

bhūyasām upadiṣṭānāmarthānāmasadharmaṇām / (89.1) Par.?

kramaśo yo 'nunirdeśo yathāsaṃkhyaṃ taducyate // (89.2) Par.?

padmendubhṛṅgamātaṃgapuṃskokilakalāpinaḥ / (90.1) Par.?

vaktrakāntīkṣaṇagativāṇībālaistvayā jitāḥ // (90.2) Par.?

avivakṣitasāmānyā kiṃcic copamayā saha / (91.1) Par.?

atadguṇakriyāyogādutprekṣātiśayānvitā // (91.2) Par.?

kiṃśukavyapadeśena tarumāruhya sarvataḥ / (92.1) Par.?

dagdhādagdham araṇyānyāḥ paśyatīva vibhāvasuḥ // (92.2) Par.?

svabhāvoktir alaṃkāra iti kecit pracakṣate / (93.1) Par.?

arthasya tadavasthatvaṃ svabhāvo'bhihito yathā // (93.2) Par.?

ākrośannāhvayann anyān ādhāvanmaṇḍalair nudan / (94.1) Par.?

gā vārayati daṇḍena ḍimbhaḥ śasyāvatāraṇīḥ // (94.2) Par.?

samāsenoditamidaṃ dhīkhedāyaiva vistaraḥ / (95.1) Par.?

asaṃgṛhītam apyanyad abhyūhyam anayā diśā // (95.2) Par.?

svayaṃ kṛtair eva nidarśanairiyaṃ mayā prakﾱptā khalu vāgalaṃkṛtiḥ / (96.1) Par.?

ataḥ paracāruranekadhāparo girām alaṃkāravidhir vidhāsyate // (96.2) Par.?

Duration=0.34460401535034 secs.