Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13007
  • Click on a sentence to show its analysis
  • Keep the mouse pointer over a lemma to show its meanings.
8 parallel or similar passage(s) in this chapter
pāṇigrahaṇa
snātvā mātāpitarau paricaret tadadhīnaḥ syāt tābhyām anujñāto jāyāṃ vindetānagnikāṃ samānajātīyām asagotrāṃ mātur asapiṇḍāṃ jyāyasaḥ kanīyasīṃ dūtam anumantrayate 'nṛkṣarā ṛjavaḥ santu panthā ebhiḥ sakhāyo yanti no vareyam / (1.1) Par.?
sam aryamā saṃ bhago no 'nunīyāt saṃ jāspatyaṃ suyamam astu devā iti pāṇigrahaṇe 'gnim āhriyamāṇam anumantrayate 'gnir aitu prathamo devatānāṃ so 'syai prajāṃ muñcatu mṛtyupāśāt / (1.2) Par.?
tad ayaṃ rājā varuṇo 'numanyatāṃ yatheyaṃ strī pautram aghaṃ na rodād iti prajvalitam upatiṣṭhata imām agnistrāyatāṃ gārhapatyaḥ prajām asyai nayatu dīrgham āyuḥ / (1.3) Par.?
aśūnyopasthā jīvatām astu mātā pautram ānandam abhi prabudhyatām iyam iti purastād agner brāhmaṇo vāgyataḥ pratyaṅmukha udakumbhaṃ dhārayaṃstiṣṭhed dakṣiṇato 'gneḥ śamīpalāśamiśrān lājāñchūrpe mātā dhārayenmātur abhāve tanmātrī pratyag agner erakāṃ tejanīṃ vānyad vaivaṃjātīyaṃ saṃveṣṭya nidadhyād yathā prasāryamāṇaṃ paścārdhaṃ barhiṣaḥ prāpnotyathāsyai vāsasī prokṣyānumantrya dadāti yā akṛntann avayan yā atanvata yāśca devīr antām abhito 'dadanta / (1.4) Par.?
tāstvā devīr jarasā saṃvyayantv āyuṣmatīdaṃ paridhatsva vāsa iti tāṃ brūyād imām erakāṃ dakṣiṇena pādenābhijahīti pra me patiyānaḥ panthāḥ kalpatām ityajapatyāṃ svayaṃ japet prāsyā iti dakṣiṇata erakāyāṃ bhāryām upaveśyottarataḥ patir ubhāvanvārabheyātāṃ svayam uccair juhuyājjāyāyām anvārabdhāyāṃ mahāvyāhṛtibhir hutvā yā tiraścīti saptabhir juhoti saṃpātaṃ prathamayā mūrdhanyāsiñced yā tiraścī nipadyase 'haṃ vidharaṇīti / (1.5) Par.?
tāṃ tvā ghṛtasya dhārayā saṃrādhā rādhayāmasi saṃrādhāyai svāhā / (1.6) Par.?
mā te gṛhe niśi ghoṣa utthād anyatra tvad rudatyaḥ saṃviśantu / (1.7) Par.?
mā tvaṃ vikeśyura āvadhiṣṭhā jīvapatnī patiloke virāja prajāṃ paśyantī sumanasyamānā svāhā / (1.8) Par.?
anvadya no 'numatir yajñaṃ deveṣu manyatām / (1.9) Par.?
agniśca havyavāhanastat karotu samṛdhyatāṃ svāhā / (1.10) Par.?
dyauste pṛṣṭhaṃ rakṣatu vāyur ūrū aśvinau ca stanaṃ dhayataste putrān savitābhirakṣatu / (1.11) Par.?
ā vāsasaḥ paridhānād bṛhaspatir viśve devā abhirakṣantu paścāt svāhā / (1.12) Par.?
aprajastāṃ pautramṛtyuṃ pāpmānam uta vāgham / (1.13) Par.?
śīrṣṇaḥ srajam ivonmucya dviṣadbhyaḥ pratimuñcāmi pāśaṃ svāhā / (1.14) Par.?
yāni kāni ca pāpāni sarvāṅgeṣu tavābhavan / (1.15) Par.?
pūrṇāhutibhir ājyasya sarvāṇi tānyaśīśamaṃ svāhā / (1.16) Par.?
prajāpata ityekā // (1.17) Par.?
Duration=0.047685861587524 secs.