Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2314

Click on a sentence to show its analysis
Keep the mouse pointer over a lemma to show its meanings.

yena sṛṣṭaṃ vidā cidātmasvamaruttejojalorvīgaṇāḥ satsaṃvicchivaśaktibhairavakalāḥ śrīkaṇṭhapañcānanaḥ / (1.1) Par.?

īśo rudramurāridhātṛvibudhāś candrārkatārāgaṇāḥ so 'yaṃ pātu carācaraṃ jagadidaṃ nirnāmanāmādhipaḥ // (1.2) Par.?

sūte sūtavaro varaṃ ca kanakaṃ śabdātparaṃ sparśanāddhūmādvidhyati tatkṣaṇād aghaharaṃ saṃkhyāṃ sakharvāṃśataḥ / (2.1) Par.?

saṃkhyām arbudakoṭilakṣamayutaṃ yuktyā sahasraṃ śataṃ datte khegatimakṣayaṃ śivapadaṃ tasmai parasmai namaḥ // (2.2) Par.?

natvā śrīpārvatīṃ devīṃ bhairavaṃ siddhasaṃtatim / (3.1) Par.?

rasaratnākaraṃ vakṣye dehe lohe śivaṃkaram // (3.2) Par.?

rasanāmāni

śivabījaḥ sūtarājaḥ pāradaśca rasendrakaḥ / (4.1) Par.?

etāni rasanāmāni tathānyāni śive yathā // (4.2) Par.?

datte śivapadaṃ siddhiṃ sādhakānāṃ mahottamām / (5.1) Par.?

śivabījaṃ tadākhyātaṃ sarvasiddhipradāyakam // (5.2) Par.?

mercury:: nirukti

yataḥ paraśivātsūtastena sūtaḥ sa coditaḥ / (6.1) Par.?

saṃsārasya paraṃ pāraṃ datte'sau pāradaḥ smṛtaḥ // (6.2) Par.?

rasībhavanti lohāni dehā api susevanāt / (7.1) Par.?

rasendras tena vikhyāto dravatvācca rasaḥ smṛtaḥ // (7.2) Par.?

rasaśāstreṣu sarveṣu śambhunā sūcitaṃ purā / (8.1) Par.?

raso rasāyanaṃ divyaṃ sūcanānnaiva budhyate // (8.2) Par.?

siddhaiḥ śivamukhāt prāptaṃ teṣāṃ siddhistu sādhanāt / (9.1) Par.?

sampradāyakramo yuktistaiḥ svaśāstreṣu gopitā // (9.2) Par.?

mayāpi tanmukhātprāptaṃ sādhitaṃ bahudhā tataḥ / (10.1) Par.?

rasaśāstrāṇi sarvāṇi samālokya yathākramam // (10.2) Par.?

sādhakānāṃ hitārthāya prakaṭīkriyate'dhunā / (11.1) Par.?

na krameṇa vinā śāstraṃ na śāstreṇa vinā kramaḥ // (11.2) Par.?

śāstraṃ kramayutaṃ jñātvā yaḥ karoti sa siddhibhāk / (12.1) Par.?

ācārya

ācāryo jñānavāndakṣo rasaśāstraviśāradaḥ // (12.2) Par.?

mantrasiddho mahāvīro niścalaḥ śivavatsalaḥ / (13.1) Par.?

devībhaktaḥ sadā dhīro devatāyāgatatparaḥ // (13.2) Par.?

sarvāmnāyaviśeṣajñaḥ kuśalo rasakarmaṇi / (14.1) Par.?

evaṃ lakṣaṇasaṃyukto rasavidyāgurur bhavet // (14.2) Par.?

śiṣya

gurubhaktāḥ sadācārāḥ satyavanto dṛḍhavratāḥ / (15.1) Par.?

nirālasāḥ svadharmajñāḥ sadājñāparipālakāḥ // (15.2) Par.?

dambhamātsaryanirmuktāḥ kulācāreṣu dīkṣitāḥ / (16.1) Par.?

atyantasādhakāḥ śāntā mantrārādhanatatparāḥ // (16.2) Par.?

ityevaṃ lakṣaṇairyuktāḥ śiṣyāḥ syū rasasiddhaye / (17.1) Par.?

anucarāḥ

sahāyāḥ sodyamāḥ sarve yathā śiṣyāstato'dhikāḥ // (17.2) Par.?

kulīnāḥ svāmibhaktāśca kartavyā rasakarmaṇi / (18.1) Par.?

bad alchemists

nāstikā ye durācārāścumbakā gurutalpagāḥ // (18.2) Par.?

vidyāṃ gṛhītumicchanti cauryeṇa ca balācchalāt / (19.1) Par.?

na teṣāṃ sidhyate kiṃcinmaṇimantrauṣadhādikam // (19.2) Par.?

kurvanti yadi mohena nāśayanti svakaṃ dhanam / (20.1) Par.?

iha loke sukhaṃ nāsti paraloke tathaiva ca // (20.2) Par.?

tasmād bhaktibalādeva saṃtuṣyati yathā guruḥ / (21.1) Par.?

tathā śiṣyeṇa sā grāhyā rasavidyātmasiddhaye // (21.2) Par.?

hastamastakayogena varaṃ labdhvā susādhayet / (22.1) Par.?

rasaśālā

ātaṅkarahite deśe dharmarājye manorame // (22.2) Par.?

umāmaheśvaropete samṛddhe nagare śubhe / (23.1) Par.?

kartavyaṃ sādhanaṃ tatra rasarājasya dhīmatā // (23.2) Par.?

atyantopavane ramye caturdvāropaśobhite / (24.1) Par.?

tatra śālā prakartavyā suvistīrṇā manoramā // (24.2) Par.?

samyagvātāyanopetā divyacitrairvicitritā / (25.1) Par.?

rasamaṇḍapa

tatsamīpe same dīrghe kartavyaṃ rasamaṇḍapam // (25.2) Par.?

atiguptaṃ suvistīrṇakapāṭārgalabhūṣitam / (26.1) Par.?

dhvajachattravitānāḍhyaṃ puṣpamālāvilambitam // (26.2) Par.?

bherīkākalaghaṇṭādiśṛṅginādavināditam / (27.1) Par.?

bhūḥ samā tatra kartavyā sudṛḍhā darpaṇopamā // (27.2) Par.?

tanmadhye vedikā ramyā kartavyā lakṣaṇānvitā / (28.1) Par.?

rasaliṅga

niṣkatrayaṃ hemapattraṃ rasendro navaniṣkakam // (28.2) Par.?

amlena mardayedyāmaṃ tena liṅgaṃ tu kārayet / (29.1) Par.?

dolāyantre sāranāle jambīrasthaṃ dinaṃ pacet // (29.2) Par.?

rasaliṅga:: worship

talliṅgaṃ pūjayettatra suśubhair upacārakaiḥ / (30.1) Par.?

liṅgakoṭisahasrasya yatphalaṃ samyagarcanāt // (30.2) Par.?

tatphalaṃ koṭiguṇitaṃ rasaliṅgārcanād bhavet / (31.1) Par.?

brahmahatyāsahasrāṇi gohatyāprayutānyapi // (31.2) Par.?

tatkṣaṇādvilayaṃ yānti rasaliṅgasya darśanāt / (32.1) Par.?

sparśanātprāpyate muktiriti satyaṃ śivoditam / (32.2) Par.?

vāṅmāyāṃ śrīmadghoreṇa mantrarājena vārcayet // (32.3) Par.?

aṣṭādaśabhujaṃ śubhraṃ pañcavaktraṃ trilocanam // (33) Par.?

pretārūḍhaṃ nīlakaṇṭhaṃ rasaliṅgaṃ vicintayet / (34.1) Par.?

tasyotsaṅge mahādevīm ekavaktrāṃ caturbhujām // (34.2) Par.?

akṣamālāṅkuśaṃ dakṣe vāme pāśābhayaṃ śubham / (35.1) Par.?

dadhantīṃ taptahemābhāṃ pītavastrāṃ vicintayet // (35.2) Par.?

vāṅmāyā śrī kāmarājaśaktir bījarasāṅkuśā / (36.1) Par.?

yai namo dvādaśaiteṣāṃ kāmavidyā rasāṅkuśā // (36.2) Par.?

anayā pūjayeddevīṃ gandhapuṣpākṣatādibhiḥ / (37.1) Par.?

nandibhṛṅgimahākālānpūjayet pūrvadikkramāt // (37.2) Par.?

pūjayennāmamantraistu praṇavādinamo'ntakaiḥ / (38.1) Par.?

evaṃ nityārcanaṃ tatra kartavyaṃ rasasiddhaye // (38.2) Par.?

rasadīkṣā

rasadīkṣā śivenoktā dātavyā sādhakāya vai / (39.1) Par.?

yathoktena vidhānena guruṇā muditātmanā // (39.2) Par.?

sumuhūrte sunakṣatre candratārābalānvite / (40.1) Par.?

kalaśaṃ toyasampūrṇaṃ hemaratnaphalairyutam // (40.2) Par.?

sthāpayed rasaliṅgāgre divyavastreṇa veṣṭitam / (41.1) Par.?

gandhapuṣpākṣatadhūpadīpair naivedyato 'rcayet // (41.2) Par.?

pūjānte havanaṃ kuryādyonikuṇḍe sulakṣaṇe / (42.1) Par.?

tilājyaiḥ pāyasaiḥ puṣpairaṣṭādhikaśataiḥ pṛthak // (42.2) Par.?

aghoreṇa rasāṅkuśyā homānte śiṣyamāvahet / (43.1) Par.?

kākinīśaktisaṃyuktaṃ rasasiddhiparāyaṇam // (43.2) Par.?

kākinī (def.)

yasyāḥ saṃkucitāḥ keśāḥ śyāmā yā padmalocanā / (44.1) Par.?

surūpā taruṇī citrā vistīrṇajaghanā śubhā // (44.2) Par.?

saṃkīrṇaradanā pīnastanabhāreṇa cānatā / (45.1) Par.?

cumbanāliṅganasparśakomalā mṛdubhāṣiṇī // (45.2) Par.?

aśvatthapattrasadṛśayonideśena śobhitā / (46.1) Par.?

kṛṣṇapakṣe puṣpavatī sā nārī kākinī smṛtā // (46.2) Par.?

rasabandhe prayoge ca uttamā rasasādhane / (47.1) Par.?

kākiṇī:: substitute

tadabhāve surūpā tu yā kācit taruṇāṅganā // (47.2) Par.?

tasyā deyaṃ trisaptāhaṃ gandhakaṃ ghṛtasaṃyutam / (48.1) Par.?

karṣaikaikaṃ prabhāte tu sā bhavetkākinīsamā // (48.2) Par.?

rasadīkṣā (cont.)

evaṃ śaktiyuto yo 'sau dīkṣayettaṃ gurūttamaḥ / (49.1) Par.?

susnātam abhiṣiñceta vimalaiḥ kalaśodakaiḥ // (49.2) Par.?

aghoramaṅkuśīṃ vidyāṃ dadyācchiṣyāya sadguruḥ / (50.1) Par.?

yathāśaktyātha śiṣyeṇa dātavyā gurudakṣiṇā // (50.2) Par.?

athājñayā gurormantraṃ lakṣaṃ lakṣaṃ pṛthagjapet / (51.1) Par.?

daśāṃśena hunet kuṇḍe trikoṇe hastamātrake // (51.2) Par.?

kamalaṃ caturasraṃ ca caturdvāraiḥ suśobhitam / (52.1) Par.?

jātipuṣpaṃ trimadhvaktaṃ pūrṇānte kanyakārcanam / (52.2) Par.?

kṛtvātha praviśecchālāṃ śubhāṃ liptāṃ suvedikām // (52.3) Par.?

ṣaṭkoṇaṃ maṇḍalaṃ tatra sindūreṇa dvihastakam / (53.1) Par.?

vedikāyāṃ likhetsamyak tadbahiścāṣṭapattrakam // (53.2) Par.?

kamalaṃ caturasraṃ ca caturdvāreṣu śobhitam / (54.1) Par.?

karṇikāyāṃ nyasetkhalvaṃ lohajaṃ svarṇarekhitam // (54.2) Par.?

tanmadhye rasarājaṃ tu palānāṃ śatamātrakam / (55.1) Par.?

pañcāśatpañcaviṃśaṃ vā pūjayed rasaliṅgavat // (55.2) Par.?

vajravaikrāntavajrābhrakāntapāṣāṇaṭaṅkaṇam / (56.1) Par.?

bhūnāgaṃ śaktayaścaitāḥ ṣaṭsu pattreṣu pūjayet // (56.2) Par.?

uparasāḥ

gandhatālakakāsīsaśilākaṅkuṣṭhabhūkhagam / (57.1) Par.?

rājāvarto gairikaṃ ca khyātā uparasā amī // (57.2) Par.?

uparasa:: worship

pūjyā aṣṭadaleṣvete pūrvādīśāntagāḥ kramāt / (58.1) Par.?

mahārasāḥ

rasakaṃ vimalā tāpyaṃ capalā tutthamañjanam // (58.2) Par.?

hiṅgulaṃ sasyakaṃ caiva khyātā ete mahārasāḥ / (59.1) Par.?

pūrvādīśānaparyantaṃ pattrāgreṣu prapūjayet // (59.2) Par.?

pūrvadvāre svarṇaraupye dakṣiṇe tāmrasīsake / (60.1) Par.?

paścime vaṅgakāntau ca uttare tīkṣṇamuṇḍake // (60.2) Par.?

sarvametamaghoreṇa pūjayed aṅkuśānvitam / (61.1) Par.?

Ausstattung des Alchemisten

viḍakāñjikayantrāṇi kṣāramṛllavaṇāni ca // (61.2) Par.?

koṣṭhī mūṣā vaṅkanālī tuṣāṅgāravanopalāḥ / (62.1) Par.?

bhastrikā daṃśakān ekā śilā khalvo'pyudūkhalam // (62.2) Par.?

svarṇakāropakaraṇaṃ samastatulanāni ca / (63.1) Par.?

mṛtkāṣṭhatāmralohādyapātrāṇi vividhāni ca // (63.2) Par.?

divyauṣadhāni vargāśca rañjakaṃ snehanāni ca / (64.1) Par.?

etāni dvārabāhye tu mūlamantreṇa pūjayet // (64.2) Par.?

vāṅmāyāṃ heṃ tataḥ kṣmeṃ ca kṣmaśca pañcākṣaro manuḥ / (65.1) Par.?

anena mūlamantreṇa bhairavaṃ tatra pūjayet // (65.2) Par.?

rasasiddhas

sarveṣāṃ rasasiddhānāṃ nāmāni kīrtayettadā / (66.1) Par.?

vyālācāryaścandrasenaḥ subuddhirnaravāhanaḥ // (66.2) Par.?

nāgārjuno ratnaghoṣaḥ surānando yaśodharaḥ / (67.1) Par.?

indradyumnaśca māṇḍavyaścarpaṭiḥ śūrasenakaḥ // (67.2) Par.?

vāḍabo nāgabuddhiśca khaṇḍaḥ kāpāliko haraḥ / (68.1) Par.?

kāmalī tāttvikaḥ śambhurloko lampaṭaśāradau // (68.2) Par.?

bāṇāsuro muniśreṣṭho govindaḥ kapilo baliḥ / (69.1) Par.?

ete sarve tu bhūpendrā rasasiddhā mahābalāḥ // (69.2) Par.?

caranti sarvalokeṣu nirjarāmaraṇāḥ sadā / (70.1) Par.?

saptaviṃśatisaṃkhyākā rasasiddhipradāyakāḥ // (70.2) Par.?

vandyāḥ pūjyāḥ prayatnena tataḥ kuryādrasāyanam / (71.1) Par.?

harṣayed dvijadevāṃśca tarpayediṣṭadevatām // (71.2) Par.?

kumārīyoginīyogimunimāyikasādhakān / (72.1) Par.?

tarpayetpūjayed bhaktyā nijaśaktyanusārataḥ // (72.2) Par.?

ityevaṃ sarvasambhārayuktaṃ kuryādrasotsavam / (73.1) Par.?

sarvavighnapraśāntyarthaṃ sarvepsitaphalapradam // (73.2) Par.?

anyathā cedvimūḍhātmā mantradīkṣākramaṃ vinā / (74.1) Par.?

kartumicchati sūtasya sādhanaṃ guruvarjitaḥ // (74.2) Par.?

nāsau siddhimavāpnoti yatnakoṭiśatairapi / (75.1) Par.?

tasmāt sarvaprayatnena śāstroktāṃ kārayet kriyām // (75.2) Par.?

samyaksādhanasodyamā guruyutā rājājñayālaṃkṛtā nānākarmaṇi kovidā rasaparāstvāḍhyā janaiścārthitāḥ / (76.1) Par.?

mātrāyantrasupākakarmakuśalāḥ sarvauṣadhīkovidāsteṣāṃ sidhyati nānyathā vidhibalāt śrī pāradaḥ pāradaḥ // (76.2) Par.?

Duration=0.24174094200134 secs.