Texts

Help

Select a text:
Bibliography
Select a chapter:
 (no revisions)
Associated topic(s): Mitra, Varuṇa

Show parallels  Show headlines
Use dependency labeler
Chapter id: 10899
  • Click on a sentence to show its analysis
  • Keep the mouse pointer over a lemma to show its meanings.
ud vāṃ cakṣur varuṇa supratīkaṃ devayor eti sūryas tatanvān / (1.1) Par.?
abhi yo viśvā bhuvanāni caṣṭe sa manyum martyeṣv ā ciketa // (1.2) Par.?
pra vāṃ sa mitrāvaruṇāv ṛtāvā vipro manmāni dīrghaśrud iyarti / (2.1) Par.?
yasya brahmāṇi sukratū avātha ā yat kratvā na śaradaḥ pṛṇaithe // (2.2) Par.?
proror mitrāvaruṇā pṛthivyāḥ pra diva ṛṣvād bṛhataḥ sudānū / (3.1) Par.?
spaśo dadhāthe oṣadhīṣu vikṣv ṛdhag yato animiṣaṃ rakṣamāṇā // (3.2) Par.?
śaṃsā mitrasya varuṇasya dhāma śuṣmo rodasī badbadhe mahitvā / (4.1) Par.?
ayan māsā ayajvanām avīrāḥ pra yajñamanmā vṛjanaṃ tirāte // (4.2) Par.?
amūrā viśvā vṛṣaṇāv imā vāṃ na yāsu citraṃ dadṛśe na yakṣam / (5.1) Par.?
druhaḥ sacante anṛtā janānāṃ na vāṃ niṇyāny acite abhūvan // (5.2) Par.?
sam u vāṃ yajñam mahayaṃ namobhir huve vām mitrāvaruṇā sabādhaḥ / (6.1) Par.?
pra vām manmāny ṛcase navāni kṛtāni brahma jujuṣann imāni // (6.2) Par.?
iyaṃ deva purohitir yuvabhyāṃ yajñeṣu mitrāvaruṇāv akāri / (7.1) Par.?
viśvāni durgā pipṛtaṃ tiro no yūyam pāta svastibhiḥ sadā naḥ // (7.2) Par.?
Duration=0.087867975234985 secs.