Texts

Help

Select a text:
Bibliography
Select a chapter:
 (no revisions)
Associated topic(s): Balarāma, avatāras

Show parallels  Show headlines
Use dependency labeler
Chapter id: 17304
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
bāḍham ity eva saha tair durdināmbhodanisvanaḥ / (1.2) Par.?
pratasthe durdinākāraḥ sadurdina ivācalaḥ // (1.3) Par.?
samuktāmaṇividyotaṃ sacandrāmbhodavarcasam / (2.1) Par.?
sa jaṭāmaṇḍalaṃ kṛṣṇaṃ bibhrat kṛṣṇavapur hariḥ // (2.2) Par.?
sa cāsyorasi vistīrṇe romāñcodgatarājimān / (3.1) Par.?
śrīvatso rājate śrīmān stanadvayamukhāñcitaḥ // (3.2) Par.?
pīte vasāno vasane lokānāṃ gurur avyayaḥ / (4.1) Par.?
hariḥ so 'bhavad ālakṣyaḥ sasaṃdhyābhra ivācalaḥ // (4.2) Par.?
taṃ vrajantaṃ suparṇena padmayonigatānugam / (5.1) Par.?
anujagmuḥ surāḥ sarve tadgatāsaktacakṣuṣaḥ // (5.2) Par.?
nātidīrgheṇa kālena te gatā ratnaparvatam / (6.1) Par.?
dadṛśur devatās tatra svāṃ sabhāṃ kāmarūpiṇīm // (6.2) Par.?
meroḥ śikharavinyastāṃ saṃsaktāṃ sūryavarcasā / (7.1) Par.?
kāñcanastambhacaraṇāṃ vajrasaṃghātatoraṇām // (7.2) Par.?
manonirmāṇacitrāḍhyāṃ vimānākulamālinīm / (8.1) Par.?
ratnajālāntaravatīṃ kāmagāṃ ratnabhūṣitām // (8.2) Par.?
kﾱptaratnasamākīrṇāṃ sarvartukusumotkaṭām / (9.1) Par.?
devamāyādharāṃ divyāṃ nirmitāṃ viśvakarmaṇā // (9.2) Par.?
tāṃ hṛṣṭamanasaḥ sarve yathāsthānaṃ yathāvayaḥ / (10.1) Par.?
yathānideśaṃ tridaśā viviśus te sabhāṃ śubhām // (10.2) Par.?
te niṣedur yathokteṣu vimāneṣv āsaneṣu ca / (11.1) Par.?
bhadrāsaneṣu pīṭheṣu kuthāsv āstaraṇeṣu ca // (11.2) Par.?
tataḥ prabhañjano vāyur brahmaṇā sādhu coditaḥ / (12.1) Par.?
mā śabda iti sarvatra pracakrāma sabhāṃ śubhām // (12.2) Par.?
niḥśabde stimite tasmin samāje tridivaukasām / (13.1) Par.?
babhāṣe dharaṇī vākyaṃ khedāt karuṇabhāṣiṇī // (13.2) Par.?
aham ādau purānena saṃkṣiptā padmayoninā / (14.1) Par.?
māṃ ca baddhvā kṛtau pūrvaṃ mṛṇmayau dvau mahāsurau // (14.2) Par.?
karṇasrotodbhavau tau hi viṣṇor asya mahātmanaḥ / (15.1) Par.?
mahārṇave prasvapataḥ kāṣṭhakuḍyasamau sthitau // (15.2) Par.?
tau viveśa svayaṃ vāyur brahmaṇā sādhu coditaḥ / (16.1) Par.?
tau divaṃ chādayantau tu vavṛdhāte mahāsurau // (16.2) Par.?
vāyuprāṇau tu tau gṛhya brahmā parimṛśañ śanaiḥ / (17.1) Par.?
ekaṃ mṛdutaraṃ mene kaṭhinaṃ veda cāparam // (17.2) Par.?
nāmanī tu tayoś cakre sa vibhuḥ salilodbhavaḥ / (18.1) Par.?
mṛdus tv ayaṃ madhur nāma kaṭhinaḥ kaiṭabho 'bhavat // (18.2) Par.?
tau daityau kṛtanāmānau ceratur baladarpitau / (19.1) Par.?
sarvam ekārṇavaṃ lokaṃ yoddhukāmau sunirbhayau // (19.2) Par.?
tāv āgatau samālokya brahmā lokapitāmahaḥ / (20.1) Par.?
ekārṇavāmbunicaye tatraivāntaradhīyata // (20.2) Par.?
sa padme padmanābhasya nābhimadhyāt samutthite / (21.1) Par.?
rocayāmāsa vasatiṃ guhyāṃ brahmā caturmukhaḥ // (21.2) Par.?
tāv ubhau jalagarbhasthau nārāyaṇapitāmahau / (22.1) Par.?
bahūn varṣagaṇān apsu śayānau na cakampatuḥ // (22.2) Par.?
atha dīrghasya kālasya tāv ubhau madhukaiṭabhau / (23.1) Par.?
ājagmatus tam uddeśaṃ yatra brahmā vyavasthitaḥ // (23.2) Par.?
dṛṣṭvā tāv asurau ghorau mahāntau yuddhadurmadau / (24.1) Par.?
utpapātāśu śayanāt padmanābho mahādyutiḥ // (24.2) Par.?
tad yuddham abhavad ghoraṃ tayos tasya ca vai tadā / (25.1) Par.?
ekārṇave tadā loke trailokye jalatāṃ gate // (25.2) Par.?
tad abhūt tumulaṃ yuddhaṃ varṣasaṃkhyāḥ sahasraśaḥ / (26.1) Par.?
na ca tāv asurau yuddhe tadā śramam avāpatuḥ // (26.2) Par.?
atha dīrghasya kālasya tau daityau yuddhadurmadau / (27.1) Par.?
ūcatuḥ prītamanasau devaṃ nārāyaṇaṃ hariṃ // (27.2) Par.?
prītau svas tava yuddhena ślāghyas tvaṃ mṛtyur āhave / (28.1) Par.?
āvāṃ jahi na yatrorvī jalena samabhiplutā // (28.2) Par.?
hatau ca tava putratvaṃ prāpnuyāvaḥ surottama / (29.1) Par.?
so hy āvāṃ yudhi nirjetā tasyāvāṃ vihitau sutau // (29.2) Par.?
sa hi gṛhya mṛdhe daityau dorbhyāṃ tau samapīḍayat / (30.1) Par.?
jagmatur nidhanaṃ cāpi tāv ubhau madhukaiṭabhau // (30.2) Par.?
tāv ubhāv āplutau toye vapurbhyām ekatāṃ gatau / (31.1) Par.?
medo mumucatur daityau mathyamānau jalormibhiḥ // (31.2) Par.?
medasā tajjalaṃ vyāptaṃ tābhyāṃ antardadhe tadā / (32.1) Par.?
nārāyaṇaś ca bhagavān asṛjat sa punaḥ prajāḥ // (32.2) Par.?
daityayor medasā channā medinīti tataḥ smṛtā / (33.1) Par.?
prabhāvāt padmanābhasya śāśvatī ca nṛṇāṃ kṛtā // (33.2) Par.?
varāheṇa punar bhūtvā mārkaṇḍeyasya paśyataḥ / (34.1) Par.?
viṣāṇenāham ekena toyamadhyāt samuddhṛtā // (34.2) Par.?
hṛtāhaṃ kramatā bhūyas tadā yuṣmākam agrataḥ / (35.1) Par.?
baleḥ sakāśād daityasya viṣṇunā prabhaviṣṇunā // (35.2) Par.?
sāṃprataṃ khidyamānāham enam eva gadādharam / (36.1) Par.?
anāthā jagato nāthaṃ śaraṇyaṃ śaraṇaṃ gatā // (36.2) Par.?
agniḥ suvarṇasya gurur gavāṃ sūryo guruḥ smṛtaḥ / (37.1) Par.?
akṣatrāṇāṃ guruḥ somo mama nārāyaṇo guruḥ // (37.2) Par.?
yad ahaṃ dhārayāmy ekā jagatsthāvarajaṃgamam / (38.1) Par.?
mayā dhṛtaṃ dhārayate sarvam etad gadādharaḥ // (38.2) Par.?
jāmadagnyena rāmeṇa bhārāvataraṇepsayā / (39.1) Par.?
roṣāt triḥsaptakṛtvo 'haṃ kṣatriyair viprayojitā // (39.2) Par.?
sāsmi vedyām samāropya tarpitā nṛpaśoṇitaiḥ / (40.1) Par.?
bhārgaveṇa pituḥ śrāddhe kaśyapāya niveditā // (40.2) Par.?
māṃsamedo'sthidurgandhā digdhā kṣatriyaśoṇitaiḥ / (41.1) Par.?
rajasvaleva yuvatiḥ kaśyapaṃ samupasthitā // (41.2) Par.?
sa māṃ brahmarṣir apy āha kim urvi tvam avāṅmukhī / (42.1) Par.?
vīrapatnīvratam idaṃ vīrapatni niṣevase // (42.2) Par.?
sāhaṃ vijñāpitavatī kaśyapaṃ lokabhāvanam / (43.1) Par.?
patayo me hatā brahman bhārgaveṇa mahātmanā // (43.2) Par.?
sāhaṃ vihīnā vikrāntaiḥ kṣatriyaiḥ śastravṛttibhiḥ / (44.1) Par.?
vidhavā śūnyanagarā na dhārayitum utsahe // (44.2) Par.?
tan mahyaṃ dīyatāṃ bhartā bhagavaṃs tvatsamo nṛpaḥ / (45.1) Par.?
rakṣet sagrāmanagarāṃ yo māṃ sāgaramālinīm // (45.2) Par.?
sa śrutvā bhagavān vākyaṃ bāḍham ity abravīt prabhuḥ / (46.1) Par.?
tato māṃ mānavendrāya manave samprayacchata // (46.2) Par.?
sā manuprabhavaṃ puṇyaṃ prāpyekṣvākukulaṃ mahat / (47.1) Par.?
vipulenāsmi kālena pārthivāt pārthivaṃ gatā // (47.2) Par.?
evaṃ dattāsmi manave mānavendrāya dhīmate / (48.1) Par.?
bhuktā rājakulaiś cāpi maharṣikulasaṃmitaiḥ // (48.2) Par.?
bahavaḥ kṣatriyāḥ śūrā māṃ jitvā divam āśritāḥ / (49.1) Par.?
te sma kālavaśaṃ prāpya mayy eva pralayaṃ gatāḥ // (49.2) Par.?
matkṛte vigrahā loke vṛttā vartanta eva ca / (50.1) Par.?
kṣatriyāṇāṃ balavatāṃ saṃgrāmeṣv anivartinām // (50.2) Par.?
etad yuṣmatpravṛttena daivena pariṇāmitā / (51.1) Par.?
jagaddhitārthaṃ kuruta rājñāṃ hetuṃ raṇakṣaye // (51.2) Par.?
yady asti mayi kāruṇyaṃ bhāraśaithilyakāraṇāt / (52.1) Par.?
ekaś cakradharaḥ śrīmān abhayaṃ me prayacchatu // (52.2) Par.?
yam ahaṃ bhārasaṃtaptā samprāptā śaraṇaiṣiṇī / (53.1) Par.?
bhāro yady avaroptavyo viṣṇur eṣa bravītu mām // (53.2) Par.?
Duration=1.25794506073 secs.