Texts

Help

Select a text:
Bibliography

Select a chapter:
(no revisions)

Associated topic(s): dharma

Show parallels Show headlines
Use dependency labeler

Chapter id: 9240

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

śrāddhakāle ca daive ca dharme cāpi pitāmaha / (1.2) Par.?

icchāmīha tvayākhyātaṃ vihitaṃ yat surarṣibhiḥ // (1.3) Par.?

bhīṣma uvāca / (2.1) Par.?

daivaṃ pūrvāhṇike kuryād aparāhṇe tu paitṛkam / (2.2) Par.?

maṅgalācārasampannaḥ kṛtaśaucaḥ prayatnavān // (2.3) Par.?

manuṣyāṇāṃ tu madhyāhne pradadyād upapattitaḥ / (3.1) Par.?

kālahīnaṃ tu yad dānaṃ taṃ bhāgaṃ rakṣasāṃ viduḥ // (3.2) Par.?

laṅghitaṃ cāvalīḍhaṃ ca kalipūrvaṃ ca yat kṛtam / (4.1) Par.?

rajasvalābhir dṛṣṭaṃ ca taṃ bhāgaṃ rakṣasāṃ viduḥ // (4.2) Par.?

avaghuṣṭaṃ ca yad bhuktam avratena ca bhārata / (5.1) Par.?

parāmṛṣṭaṃ śunā caiva taṃ bhāgaṃ rakṣasāṃ viduḥ // (5.2) Par.?

keśakīṭāvapatitaṃ kṣutaṃ śvabhir avekṣitam / (6.1) Par.?

ruditaṃ cāvadhūtaṃ ca taṃ bhāgaṃ rakṣasāṃ viduḥ // (6.2) Par.?

niroṃkāreṇa yad bhuktaṃ saśastreṇa ca bhārata / (7.1) Par.?

durātmanā ca yad bhuktaṃ taṃ bhāgaṃ rakṣasāṃ viduḥ // (7.2) Par.?

parocchiṣṭaṃ ca yad bhuktaṃ paribhuktaṃ ca yad bhavet / (8.1) Par.?

daive pitrye ca satataṃ taṃ bhāgaṃ rakṣasāṃ viduḥ // (8.2) Par.?

garhitaṃ ninditaṃ caiva pariviṣṭaṃ samanyunā / (9.1) Par.?

daivaṃ vāpyatha vā paitryaṃ taṃ bhāgaṃ rakṣasāṃ viduḥ // (9.2) Par.?

mantrahīnaṃ kriyāhīnaṃ yacchrāddhaṃ pariviṣyate / (10.1) Par.?

tribhir varṇair naraśreṣṭha taṃ bhāgaṃ rakṣasāṃ viduḥ // (10.2) Par.?

ājyāhutiṃ vinā caiva yat kiṃcit pariviṣyate / (11.1) Par.?

durācāraiśca yad bhuktaṃ taṃ bhāgaṃ rakṣasāṃ viduḥ // (11.2) Par.?

ye bhāgā rakṣasāṃ proktāsta uktā bharatarṣabha / (12.1) Par.?

ata ūrdhvaṃ visargasya parīkṣāṃ brāhmaṇe śṛṇu // (12.2) Par.?

yāvantaḥ patitā viprā jaḍonmattāstathaiva ca / (13.1) Par.?

daive vāpyatha vā pitrye rājannārhanti ketanam // (13.2) Par.?

śvitrī kuṣṭhī ca klībaśca tathā yakṣmahataśca yaḥ / (14.1) Par.?

apasmārī ca yaścāndho rājannārhanti satkṛtim // (14.2) Par.?

cikitsakā devalakā vṛthāniyamadhāriṇaḥ / (15.1) Par.?

somavikrayiṇaścaiva śrāddhe nārhanti ketanam // (15.2) Par.?

gāyanā nartakāścaiva plavakā vādakāstathā / (16.1) Par.?

kathakā yodhakāścaiva rājannārhanti ketanam // (16.2) Par.?

hotāro vṛṣalānāṃ ca vṛṣalādhyāpakāstathā / (17.1) Par.?

tathā vṛṣalaśiṣyāśca rājannārhanti ketanam // (17.2) Par.?

anuyoktā ca yo vipro anuyuktaśca bhārata / (18.1) Par.?

nārhatastāvapi śrāddhaṃ brahmavikrayiṇau hi tau // (18.2) Par.?

agraṇīr yaḥ kṛtaḥ pūrvaṃ varṇāvaraparigrahaḥ / (19.1) Par.?

brāhmaṇaḥ sarvavidyo 'pi rājannārhati ketanam // (19.2) Par.?

anagnayaśca ye viprā mṛtaniryātakāśca ye / (20.1) Par.?

stenāśca patitāścaiva rājannārhanti ketanam // (20.2) Par.?

aparijñātapūrvāśca gaṇapūrvāśca bhārata / (21.1) Par.?

putrikāpūrvaputrāśca śrāddhe nārhanti ketanam // (21.2) Par.?

ṛṇakartā ca yo rājan yaśca vārdhuṣiko dvijaḥ / (22.1) Par.?

prāṇivikrayavṛttiśca rājannārhanti ketanam // (22.2) Par.?

strīpūrvāḥ kāṇḍapṛṣṭhāśca yāvanto bharatarṣabha / (23.1) Par.?

ajapā brāhmaṇāścaiva śrāddhe nārhanti ketanam // (23.2) Par.?

śrāddhe daive ca nirdiṣṭā brāhmaṇā bharatarṣabha / (24.1) Par.?

dātuḥ pratigrahītuśca śṛṇuṣvānugrahaṃ punaḥ // (24.2) Par.?

cīrṇavratā guṇair yuktā bhaveyur ye 'pi karṣakāḥ / (25.1) Par.?

sāvitrījñāḥ kriyāvantaste rājan ketanakṣamāḥ // (25.2) Par.?

kṣātradharmiṇam apyājau ketayet kulajaṃ dvijam / (26.1) Par.?

na tveva vaṇijaṃ tāta śrāddheṣu parikalpayet // (26.2) Par.?

agnihotrī ca yo vipro grāmavāsī ca yo bhavet / (27.1) Par.?

astenaś cātithijñaśca sa rājan ketanakṣamaḥ // (27.2) Par.?

sāvitrīṃ japate yastu trikālaṃ bharatarṣabha / (28.1) Par.?

bhikṣāvṛttiḥ kriyāvāṃśca sa rājan ketanakṣamaḥ // (28.2) Par.?

uditāstamito yaśca tathaivāstamitoditaḥ / (29.1) Par.?

ahiṃsraścālpadoṣaśca sa rājan ketanakṣamaḥ // (29.2) Par.?

akalkako hyatarkaśca brāhmaṇo bharatarṣabha / (30.1) Par.?

sasaṃjño bhaikṣyavṛttiśca sa rājan ketanakṣamaḥ // (30.2) Par.?

avratī kitavaḥ stenaḥ prāṇivikrayyatho vaṇik / (31.1) Par.?

paścācca pītavān somaṃ sa rājan ketanakṣamaḥ // (31.2) Par.?

arjayitvā dhanaṃ pūrvaṃ dāruṇaiḥ kṛṣikarmabhiḥ / (32.1) Par.?

bhavet sarvātithiḥ paścāt sa rājan ketanakṣamaḥ // (32.2) Par.?

brahmavikrayanirdiṣṭaṃ striyā yaccārjitaṃ dhanam / (33.1) Par.?

adeyaṃ pitṛdevebhyo yacca klaibyād upārjitam // (33.2) Par.?

kriyamāṇe 'pavarge tu yo dvijo bharatarṣabha / (34.1) Par.?

na vyāharati yad yuktaṃ tasyādharmo gavānṛtam // (34.2) Par.?

śrāddhasya brāhmaṇaḥ kālaḥ prāptaṃ dadhi ghṛtaṃ tathā / (35.1) Par.?

somakṣayaśca māṃsaṃ ca yad āraṇyaṃ yudhiṣṭhira // (35.2) Par.?

śrāddhāpavarge viprasya svadhā vai svaditā bhavet / (36.1) Par.?

kṣatriyasyāpyatho brūyāt prīyantāṃ pitarastviti // (36.2) Par.?

apavarge tu vaiśyasya śrāddhakarmaṇi bhārata / (37.1) Par.?

akṣayyam abhidhātavyaṃ svasti śūdrasya bhārata // (37.2) Par.?

puṇyāhavācanaṃ daive brāhmaṇasya vidhīyate / (38.1) Par.?

etad eva niroṃkāraṃ kṣatriyasya vidhīyate / (38.2) Par.?

vaiśyasya caiva vaktavyaṃ prīyantāṃ devatā iti // (38.3) Par.?

karmaṇām ānupūrvīṃ ca vidhipūrvakṛtaṃ śṛṇu / (39.1) Par.?

jātakarmādikān sarvāṃstriṣu varṇeṣu bhārata / (39.2) Par.?

brahmakṣatre hi mantroktā vaiśyasya ca yudhiṣṭhira // (39.3) Par.?

viprasya raśanā mauñjī maurvī rājanyagāminī / (40.1) Par.?

bālvajītyeva vaiśyasya dharma eṣa yudhiṣṭhira // (40.2) Par.?

dātuḥ pratigrahītuśca dharmādharmāvimau śṛṇu / (41.1) Par.?

brāhmaṇasyānṛte 'dharmaḥ proktaḥ pātakasaṃjñitaḥ / (41.2) Par.?

caturguṇaḥ kṣatriyasya vaiśyasyāṣṭaguṇaḥ smṛtaḥ // (41.3) Par.?

nānyatra brāhmaṇo 'śnīyāt pūrvaṃ vipreṇa ketitaḥ / (42.1) Par.?

yavīyān paśuhiṃsāyāṃ tulyadharmo bhavet sa hi // (42.2) Par.?

atha rājanyavaiśyābhyāṃ yadyaśnīyāt tu ketitaḥ / (43.1) Par.?

yavīyān paśuhiṃsāyāṃ bhāgārdhaṃ samavāpnuyāt // (43.2) Par.?

daivaṃ vāpyatha vā pitryaṃ yo 'śnīyād brāhmaṇādiṣu / (44.1) Par.?

asnāto brāhmaṇo rājaṃstasyādharmo gavānṛtam // (44.2) Par.?

āśauco brāhmaṇo rājan yo 'śnīyād brāhmaṇādiṣu / (45.1) Par.?

jñānapūrvam atho lobhāt tasyādharmo gavānṛtam // (45.2) Par.?

annenānnaṃ ca yo lipset karmārthaṃ caiva bhārata / (46.1) Par.?

āmantrayati rājendra tasyādharmo 'nṛtaṃ smṛtam // (46.2) Par.?

avedavratacāritrās tribhir varṇair yudhiṣṭhira / (47.1) Par.?

mantravat pariviṣyante teṣvadharmo gavānṛtam // (47.2) Par.?

yudhiṣṭhira uvāca / (48.1) Par.?

pitryaṃ vāpyatha vā daivaṃ dīyate yat pitāmaha / (48.2) Par.?

etad icchāmyahaṃ śrotuṃ dattaṃ yeṣu mahāphalam // (48.3) Par.?

bhīṣma uvāca / (49.1) Par.?

yeṣāṃ dārāḥ pratīkṣante suvṛṣṭim iva karṣakāḥ / (49.2) Par.?

uccheṣapariśeṣaṃ hi tān bhojaya yudhiṣṭhira // (49.3) Par.?

cāritraniyatā rājan ye kṛśāḥ kṛśavṛttayaḥ / (50.1) Par.?

arthinaścopagacchanti teṣu dattaṃ mahāphalam // (50.2) Par.?

tadbhaktāstadgṛhā rājaṃstaddhanāstadapāśrayāḥ / (51.1) Par.?

arthinaśca bhavantyarthe teṣu dattaṃ mahāphalam // (51.2) Par.?

taskarebhyaḥ parebhyo vā ye bhayārtā yudhiṣṭhira / (52.1) Par.?

arthino bhoktum icchanti teṣu dattaṃ mahāphalam // (52.2) Par.?

akalkakasya viprasya bhaikṣotkarakṛtātmanaḥ / (53.1) Par.?

baṭavo yasya bhikṣanti tebhyo dattaṃ mahāphalam // (53.2) Par.?

hṛtasvā hṛtadārāśca ye viprā deśasaṃplave / (54.1) Par.?

arthārtham abhigacchanti tebhyo dattaṃ mahāphalam // (54.2) Par.?

vratino niyamasthāśca ye viprāḥ śrutasaṃmatāḥ / (55.1) Par.?

tatsamāptyartham icchanti teṣu dattaṃ mahāphalam // (55.2) Par.?

avyutkrāntāśca dharmeṣu pāṣaṇḍasamayeṣu ca / (56.1) Par.?

kṛśaprāṇāḥ kṛśadhanāsteṣu dattaṃ mahāphalam // (56.2) Par.?

kṛtasarvasvaharaṇā nirdoṣāḥ prabhaviṣṇubhiḥ / (57.1) Par.?

spṛhayanti ca bhuktānnaṃ teṣu dattaṃ mahāphalam // (57.2) Par.?

tapasvinastaponiṣṭhāsteṣāṃ bhaikṣacarāśca ye / (58.1) Par.?

arthinaḥ kiṃcid icchanti teṣu dattaṃ mahāphalam // (58.2) Par.?

mahāphalavidhir dāne śrutaste bharatarṣabha / (59.1) Par.?

nirayaṃ yena gacchanti svargaṃ caiva hi tacchṛṇu // (59.2) Par.?

gurvarthaṃ vābhayārthaṃ vā varjayitvā yudhiṣṭhira / (60.1) Par.?

ye 'nṛtaṃ kathayanti sma te vai nirayagāminaḥ // (60.2) Par.?

paradārābhihartāraḥ paradārābhimarśinaḥ / (61.1) Par.?

paradāraprayoktāraste vai nirayagāminaḥ // (61.2) Par.?

ye parasvāpahartāraḥ parasvānāṃ ca nāśakāḥ / (62.1) Par.?

sūcakāśca pareṣāṃ ye te vai nirayagāminaḥ // (62.2) Par.?

prapāṇāṃ ca sabhānāṃ ca saṃkramāṇāṃ ca bhārata / (63.1) Par.?

agārāṇāṃ ca bhettāro narā nirayagāminaḥ // (63.2) Par.?

anāthāṃ pramadāṃ bālāṃ vṛddhāṃ bhītāṃ tapasvinīm / (64.1) Par.?

vañcayanti narā ye ca te vai nirayagāminaḥ // (64.2) Par.?

vṛtticchedaṃ gṛhacchedaṃ dāracchedaṃ ca bhārata / (65.1) Par.?

mitracchedaṃ tathāśāyāste vai nirayagāminaḥ // (65.2) Par.?

sūcakāḥ saṃdhibhettāraḥ paravṛttyupajīvakāḥ / (66.1) Par.?

akṛtajñāśca mitrāṇāṃ te vai nirayagāminaḥ // (66.2) Par.?

pāṣaṇḍā dūṣakāścaiva samayānāṃ ca dūṣakāḥ / (67.1) Par.?

ye pratyavasitāścaiva te vai nirayagāminaḥ // (67.2) Par.?

kṛtāśaṃ kṛtanirveśaṃ kṛtabhaktaṃ kṛtaśramam / (68.1) Par.?

bhedair ye vyapakarṣanti te vai nirayagāminaḥ // (68.2) Par.?

paryaśnanti ca ye dārān agnibhṛtyātithīṃstathā / (69.1) Par.?

utsannapitṛdevejyāste vai nirayagāminaḥ // (69.2) Par.?

vedavikrayiṇaścaiva vedānāṃ caiva dūṣakāḥ / (70.1) Par.?

vedānāṃ lekhakāścaiva te vai nirayagāminaḥ // (70.2) Par.?

cāturāśramyabāhyāśca śrutibāhyāśca ye narāḥ / (71.1) Par.?

vikarmabhiśca jīvanti te vai nirayagāminaḥ // (71.2) Par.?

keśavikrayikā rājan viṣavikrayikāśca ye / (72.1) Par.?

kṣīravikrayikāścaiva te vai nirayagāminaḥ // (72.2) Par.?

brāhmaṇānāṃ gavāṃ caiva kanyānāṃ ca yudhiṣṭhira / (73.1) Par.?

ye 'ntaraṃ yānti kāryeṣu te vai nirayagāminaḥ // (73.2) Par.?

śastravikrayakāścaiva kartāraśca yudhiṣṭhira / (74.1) Par.?

śalyānāṃ dhanuṣāṃ caiva te vai nirayagāminaḥ // (74.2) Par.?

śalyair vā śaṅkubhir vāpi śvabhrair vā bharatarṣabha / (75.1) Par.?

ye mārgam anurundhanti te vai nirayagāminaḥ // (75.2) Par.?

upādhyāyāṃśca bhṛtyāṃśca bhaktāṃśca bharatarṣabha / (76.1) Par.?

ye tyajantyasamarthāṃstāṃste vai nirayagāminaḥ // (76.2) Par.?

aprāptadamakāś caiva nāsānāṃ vedhakāstathā / (77.1) Par.?

bandhakāśca paśūnāṃ ye te vai nirayagāminaḥ // (77.2) Par.?

agoptāraśchaladravyā baliṣaḍbhāgatatparāḥ / (78.1) Par.?

samarthāścāpyadātāraste vai nirayagāminaḥ // (78.2) Par.?

kṣāntān dāntāṃstathā prājñān dīrghakālaṃ sahoṣitān / (79.1) Par.?

tyajanti kṛtakṛtyā ye te vai nirayagāminaḥ // (79.2) Par.?

bālānām atha vṛddhānāṃ dāsānāṃ caiva ye narāḥ / (80.1) Par.?

adattvā bhakṣayantyagre te vai nirayagāminaḥ // (80.2) Par.?

ete pūrvarṣibhir dṛṣṭāḥ proktā nirayagāminaḥ / (81.1) Par.?

bhāginaḥ svargalokasya vakṣyāmi bharatarṣabha // (81.2) Par.?

sarveṣveva tu kāryeṣu daivapūrveṣu bhārata / (82.1) Par.?

hanti putrān paśūn kṛtsnān brāhmaṇātikramaḥ kṛtaḥ // (82.2) Par.?

dānena tapasā caiva satyena ca yudhiṣṭhira / (83.1) Par.?

ye dharmam anuvartante te narāḥ svargagāminaḥ // (83.2) Par.?

śuśrūṣābhistapobhiśca śrutam ādāya bhārata / (84.1) Par.?

ye pratigrahaniḥsnehāste narāḥ svargagāminaḥ // (84.2) Par.?

bhayāt pāpāt tathābādhād dāridryād vyādhidharṣaṇāt / (85.1) Par.?

yatkṛte pratimucyante te narāḥ svargagāminaḥ // (85.2) Par.?

kṣamāvantaśca dhīrāśca dharmakāryeṣu cotthitāḥ / (86.1) Par.?

maṅgalācārayuktāśca te narāḥ svargagāminaḥ // (86.2) Par.?

nivṛttā madhumāṃsebhyaḥ paradārebhya eva ca / (87.1) Par.?

nivṛttāścaiva madyebhyaste narāḥ svargagāminaḥ // (87.2) Par.?

āśramāṇāṃ ca kartāraḥ kulānāṃ caiva bhārata / (88.1) Par.?

deśānāṃ nagarāṇāṃ ca te narāḥ svargagāminaḥ // (88.2) Par.?

vastrābharaṇadātāro bhakṣapānānnadāstathā / (89.1) Par.?

kuṭumbānāṃ ca dātāraste narāḥ svargagāminaḥ // (89.2) Par.?

sarvahiṃsānivṛttāśca narāḥ sarvasahāśca ye / (90.1) Par.?

sarvasyāśrayabhūtāśca te narāḥ svargagāminaḥ // (90.2) Par.?

mātaraṃ pitaraṃ caiva śuśrūṣanti jitendriyāḥ / (91.1) Par.?

bhrātṝṇāṃ caiva sasnehāste narāḥ svargagāminaḥ // (91.2) Par.?

āḍhyāśca balavantaśca yauvanasthāśca bhārata / (92.1) Par.?

ye vai jitendriyā dhīrāste narāḥ svargagāminaḥ // (92.2) Par.?

aparāddheṣu sasnehā mṛdavo mitravatsalāḥ / (93.1) Par.?

ārādhanasukhāścāpi te narāḥ svargagāminaḥ // (93.2) Par.?

sahasrapariveṣṭārastathaiva ca sahasradāḥ / (94.1) Par.?

trātāraśca sahasrāṇāṃ puruṣāḥ svargagāminaḥ // (94.2) Par.?

suvarṇasya ca dātāro gavāṃ ca bharatarṣabha / (95.1) Par.?

yānānāṃ vāhanānāṃ ca te narāḥ svargagāminaḥ // (95.2) Par.?

vaivāhikānāṃ kanyānāṃ preṣyāṇāṃ ca yudhiṣṭhira / (96.1) Par.?

dātāro vāsasāṃ caiva te narāḥ svargagāminaḥ // (96.2) Par.?

vihārāvasathodyānakūpārāmasabhāpradāḥ / (97.1) Par.?

vaprāṇāṃ caiva kartāraste narāḥ svargagāminaḥ // (97.2) Par.?

niveśanānāṃ kṣetrāṇāṃ vasatīnāṃ ca bhārata / (98.1) Par.?

dātāraḥ prārthitānāṃ ca te narāḥ svargagāminaḥ // (98.2) Par.?

rasānām atha bījānāṃ dhānyānāṃ ca yudhiṣṭhira / (99.1) Par.?

svayam utpādya dātāraḥ puruṣāḥ svargagāminaḥ // (99.2) Par.?

yasmin kasmin kule jātā bahuputrāḥ śatāyuṣaḥ / (100.1) Par.?

sānukrośā jitakrodhāḥ puruṣāḥ svargagāminaḥ // (100.2) Par.?

etad uktam amutrārthaṃ daivaṃ pitryaṃ ca bhārata / (101.1) Par.?

dharmādharmau ca dānasya yathā pūrvarṣibhiḥ kṛtau // (101.2) Par.?

Duration=0.38352918624878 secs.