Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 2898
  • Click on a sentence to show its analysis
  • Keep the mouse pointer over a lemma to show its meanings.
mūlamiti kāraṇam // (1) Par.?
āgantukāraṇe mānase ca kathaṃ vātādimūlatvamityāha talliṅgatvāditi vātādiliṅgayuktatvādityarthaḥ // (2) Par.?
āgantāvapi hi vātādiliṅgaṃ śarīrakṣobhādavaśyaṃ bhavati paraṃ tat kiyantamapi kālaṃ vātādicikitsāprayojanakaṃ na bhavati yaduktaṃ tatrābhighātajo vāyuḥ prāyo raktaṃ pradūṣayan ityādi // (3) Par.?
mānase'pi kāmādau doṣakopo bhavatyeva yaduktaṃ kāmaśokabhayādvāyur ityādi // (4) Par.?
dṛṣṭaphalatvāditi vātādikriyayā sarvavikāreṣu sādhyeṣūpaśayarūpaphaladarśanāt // (5) Par.?
āgantāvapi kālānubandhāddoṣakriyayā phalaṃ bhavati // (6) Par.?
āgamācceti nāsti rogo vinā doṣair ityādi carake 'pyuktaṃ vikāro dhātuvaiṣamyam iti // (7) Par.?
atra dṛṣṭāntamāha yathetyādi // (8) Par.?
vikārajātamiti mahadādīni sapta ekādaśendriyāṇi pañcārthās tathā tadvikārāśca goghaṭādayaḥ // (9) Par.?
viśvarūpeṇeti sthāvarādiviśvarūpatayā sattvarajastamasāmeva hi prakṛtirūpāṇāṃ mahadādi sarvaṃ pariṇāma iti sāṃkhyanayaḥ // (10) Par.?
viśvarūpeṇeti jvarātisāravraṇādirūpeṇa // (11) Par.?
Duration=0.033425092697144 secs.