Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9592
  • Click on a sentence to show its analysis
  • Keep the mouse pointer over a lemma to show its meanings.
atha śākalyasya // (1) Par.?
pṛthivī pūrvarūpaṃ dyaur uttararūpaṃ vāyuḥ saṃhitā vṛṣṭiḥ saṃdhiḥ saṃdhātā // (2) Par.?
tad utāpi yatraitad balavad anugṛhṇan mahāmegho vṛṣṭiṃ varṣati // (3) Par.?
dyāvāpṛthivyau samadhātām ityadhidaivatam // (4) Par.?
athādhyātmam // (5) Par.?
puruṣo 'yaṃ sarvam āṇḍam // (6) Par.?
dve vidale bhavataḥ // (7) Par.?
tatredam eva pūrvarūpam idam uttararūpam // (8) Par.?
tatrāyam antareṇākāśaḥ // (9) Par.?
yathāsau dyāvāpṛthivyor antareṇākāśa etasminn ākāśe prāṇa āyatto bhavati yathāmuṣminn ākāśe vāyur āyatto bhavati // (10) Par.?
yathāmūni trīṇi jyotīṃṣyevam imāni puruṣe trīṇi jyotīṃṣi // (11) Par.?
yathāsau divyāditya evam idaṃ śirasi cakṣuḥ // (12) Par.?
yathāsāvantarikṣe vidyud evam idam ātmani hṛdayam // (13) Par.?
yathāyam agniḥ pṛthivyām evam idam upasthe retaḥ // (14) Par.?
evamiva ha sma sarvata ātmānam anuvidhāyāha idam eva pūrvarūpam idam uttararūpaṃ mano vāk prāṇas tveva saṃhiteti // (15) Par.?
sa eṣo 'śvarathaḥ praṣṭivāhano manovākprāṇasaṃhitaḥ svargaṃ lokaṃ gamayati // (16) Par.?
sa ya evam etāṃ saṃhitāṃ veda saṃdhīyate prajayā paśubhir yaśasā brahmavarcasena svargeṇa lokena sarvam āyur eti // (17) Par.?
Duration=0.081379890441895 secs.