Texts

Select a text:
Bibliography

Select a chapter:
(no revisions)

Associated topic(s): vaiśvadeva

Show parallels Show headlines
Use dependency labeler

Chapter id: 14657

Click on a sentence to show its analysis
Keep the mouse pointer over a lemma to show its meanings.

vaiśvadevasya siddhasya sarvato 'gryasya juhoty agnaye somāya mitrāya varuṇāyendrāyendrāgnibhyāṃ viśvebhyo devebhyaḥ prajāpataye 'numatyai dhānvantaraye vāstoṣpataye 'gnaye sviṣṭakṛte ca // (1) Par.?

takṣopatakṣābhyām ity abhitaḥ // (2) Par.?

pūrveṇāgnim ambā nāmāsīti sapta // (3) Par.?

gṛhyābhyo nandini subhage sumaṅgali bhadraṃkarīti sraktiṣv abhidakṣiṇam // (4) Par.?

sthūṇāyāṃ dhruvāyāṃ śriyai hiraṇyakeśyai vanaspatibhyaś ceti // (5) Par.?

dharmādharmayor dvāre mṛtyave ca // (6) Par.?

udadhāne varuṇāya // (7) Par.?

viṣṇava ity ulūkhale // (8) Par.?

marudbhya iti dṛṣadi // (9) Par.?

upari śaraṇe vaiśravaṇāya rājñe bhūtebhyaś ceti // (10) Par.?

indrāyendrapuruṣebhya iti pūrvārdhe // (11) Par.?

yamāya yamapuruṣebhya iti dakṣiṇārdhe // (12) Par.?

varuṇāya varuṇapuruṣebhya iti paścārdhe // (13) Par.?

somāya somapuruṣebhya ity uttarārdhe // (14) Par.?

brahmaṇe brahmapuruṣebhya iti madhye // (15) Par.?

ūrdhvam ākāśāya // (16) Par.?

sthaṇḍile divācarebhyo bhūtebhya iti divā // (17) Par.?

naktaṃcarebhyo bhūtebhya iti naktam // (18) Par.?

śeṣaṃ pitṛbhyaḥ piṇḍān nidadhāti // (19) Par.?

udakalaśam upanidhāya svastyayanaṃ vācayati // (20) Par.?

Duration=0.090734004974365 secs.