Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17609

Click on a sentence to show its analysis
Keep the mouse pointer over a lemma to show its meanings.

calatkarṇānilodbhūtasindūrāruṇitāmbaraḥ / (1.1) Par.?

jayatyakāle 'pi sṛjansaṃdhyām iva gajānanaḥ // (1.2) Par.?

evaṃ vatseśvarasutaḥ kauśāmbyāṃ sa piturgṛhe / (2.1) Par.?

naravāhanadattas tā bhāryāḥ prāpyāvasat sukham // (2.2) Par.?

ekadā pitur āsthāne sthitaś ca puruṣaṃ divaḥ / (3.1) Par.?

avatīryāgataṃ tatra divyarūpaṃ dadarśa saḥ // (3.2) Par.?

praṇataṃ taṃ ca satkṛtya pitrā sākaṃ kṣaṇāntare / (4.1) Par.?

kastvaṃ kim āgato 'sīti pṛṣṭavān so 'py athābravīt // (4.2) Par.?

astīha vajrakūṭākhyaṃ pṛṣṭhe himavataḥ puram / (5.1) Par.?

vajrasāramayatvād yat khyātam anvarthanāmakam // (5.2) Par.?

tatra vajraprabhākhyo 'hamāsaṃ vidyādharādhipaḥ / (6.1) Par.?

vajranirmitadehatvānnāmānvarthaṃ tathaiva me // (6.2) Par.?

mannirmite yathākālaṃ bhaktaḥ saṃścakravartini / (7.1) Par.?

ajeyas tvaṃ vipakṣāṇāṃ matprasādādbhaviṣyasi // (7.2) Par.?

iti cāhaṃ tapastuṣṭenādiṣṭaḥ śaṃbhunā yadā / (8.1) Par.?

tadā prabhoḥ praṇāmārtham āgato 'smīha sāṃpratam // (8.2) Par.?

vatsarājasuto divyaṃ kalpaṃ kāmāṃśasaṃbhavaḥ / (9.1) Par.?

naravāhanadatto naḥ śaśiśekharanirmitaḥ // (9.2) Par.?

martyo 'py ubhayavedyardhacakravartī bhaviṣyati / (10.1) Par.?

iti vidyāprabhāveṇa vijñātaṃ hy adhunā mayā // (10.2) Par.?

āsīc ca divyaṃ kalpaṃ naḥ purā martyo 'py anugrahāt / (11.1) Par.?

śārvātsūryaprabho nāma cakravartīha yadyapi // (11.2) Par.?

tathāpyabhūtsa ekasminvedyarthe dakṣiṇe prabhuḥ / (12.1) Par.?

uttare śrutaśarmākhyaś cakravartī tvabhūttadā // (12.2) Par.?

ubhayostu tayorekaḥ kalpasthāyī dyucāriṇām / (13.1) Par.?

cakravartyatra bhavitā deva evātipuṇyavān // (13.2) Par.?

ity uktavantaṃ vatseśasahitastaṃ kutūhalāt / (14.1) Par.?

naravāhanadattaḥ sa prāha vidyādharaṃ punaḥ // (14.2) Par.?

kathaṃ vidyādharaiśvaryaṃ mānuṣeṇa satā purā / (15.1) Par.?

prāptaṃ sūryaprabheṇeti tvayā naḥ kathyatāmiti // (15.2) Par.?

tato vivikte devīnāṃ mantriṇāṃ saṃnidhau ca saḥ / (16.1) Par.?

rājā vajraprabho vaktuṃ kathāṃ tāmupacakrame // (16.2) Par.?

śākalaṃ nāma madreṣu babhūva nagaraṃ purā / (17.1) Par.?

candraprabhākhyas tatrāsīd rājāṅgāraprabhātmajaḥ // (17.2) Par.?

āhlādakārī viśvasya nāmnānvartho 'pi yo bhavan / (18.1) Par.?

saṃtāpakārī śatrūṇāṃ babhūva jvalanaprabhaḥ // (18.2) Par.?

kīrtimatyabhidhānāyāṃ tasya devyāmajāyata / (19.1) Par.?

putro nṛpasyātiśubhair lakṣaṇaiḥ sūcitodayaḥ // (19.2) Par.?

eṣa sūryaprabho nāma rājā jātaḥ purāriṇā / (20.1) Par.?

bhāvī vidyādharādhīśacakravartī vinirmitaḥ // (20.2) Par.?

ity uccacāra gaganāttasmiñjāte sphuṭaṃ vacaḥ / (21.1) Par.?

sudhāvarṣaṃ śravaṇayoścandraprabhamahībhṛtaḥ // (21.2) Par.?

tatas tasya purārātiprasādotsavaśālinaḥ / (22.1) Par.?

sūryaprabhaḥ sa vavṛdhe rājaputraḥ piturgṛhe // (22.2) Par.?

bāla eva ca vidyānāṃ kalānāṃ ca krameṇa saḥ / (23.1) Par.?

sarvāsāṃ sumatiḥ pāramupāsitagururyayau // (23.2) Par.?

pūrṇaṣoḍaśavarṣaṃ ca guṇairāvarjitaprajam / (24.1) Par.?

yauvarājye 'bhyaṣiñcat taṃ pitā candraprabho 'tha saḥ // (24.2) Par.?

sa eva mantriputrāṃś ca nijāṃs tasmai samarpayat / (25.1) Par.?

bhāsaprabhāsasiddhārthaprahastaprabhṛtīn bahūn // (25.2) Par.?

taiḥ samaṃ yuvarājatvadhuraṃ tasmiṃś ca bibhrati / (26.1) Par.?

ājagāmaikadā tatra mayo nāma mahāsuraḥ // (26.2) Par.?

āsthāne ca sa taṃ candraprabhaṃ sūryaprabhe sthite / (27.1) Par.?

upetya racitātithyaṃ jagādaivaṃ mayo nṛpam // (27.2) Par.?

rājanvidyādhareśānāṃ cakravartī triśūlinā / (28.1) Par.?

ayaṃ vinirmito bhāvī putraḥ sūryaprabhastava // (28.2) Par.?

tatkiṃ na sādhayatyeṣa vidyās tatprāptidāyinīḥ / (29.1) Par.?

etadarthaṃ visṛṣṭo 'ham iha devena śaṃbhunā // (29.2) Par.?

anujānīhi tadyāvannītvainaṃ śikṣayāmy aham / (30.1) Par.?

vidyādharendratāhetuṃ vidyāsādhanasatkriyām // (30.2) Par.?

etasya paripanthī hi kārye 'smin khecareśvaraḥ / (31.1) Par.?

vidyate śrutaśarmākhyaḥ so 'pi śakreṇa nirmitaḥ // (31.2) Par.?

siddhavidyāprabhāvastu sahāsmābhirvijitya tam / (32.1) Par.?

eṣa vidyādharādhīśacakravartitvamāpsyati // (32.2) Par.?

evaṃ mayenābhihite rājā candraprabho 'bravīt / (33.1) Par.?

dhanyāḥ smaḥ puṇyavāneṣa yathecchaṃ nīyatām iti // (33.2) Par.?

tatas tam āmantrya nṛpaṃ tadanujñānamāśu tam / (34.1) Par.?

sūryaprabhaṃ sa sāmātyaṃ pātālaṃ nītavānmayaḥ // (34.2) Par.?

tatropadiṣṭavāṃstasmai sa tapāṃsi tathā yathā / (35.1) Par.?

rājaputraḥ sa sāmātyo vidyāḥ śīghramasādhayat // (35.2) Par.?

vimānasādhanaṃ tasmai tathaivopadideśa saḥ / (36.1) Par.?

tena bhūtāsanaṃ nāma sa vimānamupārjayat // (36.2) Par.?

tadvimānādhirūḍhaṃ taṃ siddhavidyaṃ samantrikam / (37.1) Par.?

sūryaprabhaṃ sa pātālānmayaḥ svapuramānayat // (37.2) Par.?

prāpayya pitroḥ pārśvaṃ ca taṃ jagāda vrajāmy aham / (38.1) Par.?

tvaṃ siddhibhogān bhuṅkṣveha yāvadeṣyāmy ahaṃ punaḥ // (38.2) Par.?

ity ūcivān āttapūjo jagāma sa mayāsuraḥ / (39.1) Par.?

nananda vidyāsiddhyā ca sūnoścandraprabho nṛpaḥ // (39.2) Par.?

so 'tha sūryaprabho vidyāprabhāvāt sacivaiḥ saha / (40.1) Par.?

nānādeśānvimānena sadā babhrāma līlayā // (40.2) Par.?

yatra yatra ca yā yā tamapaśyadrājakanyakā / (41.1) Par.?

tatra tatra svayaṃ vavre sā sā taṃ kāmamohitā // (41.2) Par.?

ekā madanasenākhyā tāmraliptyāṃ mahīpateḥ / (42.1) Par.?

sutā vīrabhaṭākhyasya kanyā lokaikasundarī // (42.2) Par.?

dvitīyā subhaṭākhyasya tanayā candrikāvatī / (43.1) Par.?

aparāntādhirājasya siddhair nītvojjhitānyataḥ // (43.2) Par.?

kāñcīnagaryā nṛpateḥ kumbhīrākhyasya cātmajā / (44.1) Par.?

khyātā varuṇasenākhyā tṛtīyā rūpaśālinī // (44.2) Par.?

lāvāṇakādhirājasya pauravākhyasya bhūpateḥ / (45.1) Par.?

sutā sulocanā nāma caturthī cārulocanā // (45.2) Par.?

cīnadeśapate rājñaḥ surohasyātmasaṃbhavā / (46.1) Par.?

harihemāvadātāṅgī vidyunmāleti pañcamī // (46.2) Par.?

kāntisenasya nṛpateḥ śrīkaṇṭhaviṣayaprabhoḥ / (47.1) Par.?

sutā kāntimatī nāma ṣaṣṭhī kāntijitāpsarāḥ // (47.2) Par.?

janamejayabhūpasya kauśāmbīnagarīpateḥ / (48.1) Par.?

tanayā parapuṣṭākhyā saptamī mañjubhāṣiṇī // (48.2) Par.?

avijñātahṛtānāṃ ca tāsāṃ buddhvāpi bāndhavāḥ / (49.1) Par.?

vidyābaloddhate tasminn āsanvetasavṛttayaḥ // (49.2) Par.?

tābhiścopāttavidyābhiḥ samaṃ yugapad āramat / (50.1) Par.?

vidyāviracitānekadehaḥ sūryaprabho 'tra saḥ // (50.2) Par.?

nabhovihārasaṃgītapānagoṣṭhyādibhistathā / (51.1) Par.?

cikrīḍa sahitastābhiḥ prahastādyaiś ca mantribhiḥ // (51.2) Par.?

divyacitrakalābhijño likhanvidyādharāṅganāḥ / (52.1) Par.?

kurvaṃś ca narmavakroktīḥ kopayāmāsa tāḥ priyāḥ // (52.2) Par.?

reme ca tāsāṃ vadanaiḥ sabhrūbhaṅgāruṇekṣaṇaiḥ / (53.1) Par.?

vacanaiś ca sakampauṣṭhapuṭaviskhalitākṣaraiḥ // (53.2) Par.?

sadārastāmraliptīṃ ca gatvodyāneṣu khecaraḥ / (54.1) Par.?

sa rājasūnurvyaharatsamaṃ madanasenayā // (54.2) Par.?

sthāpayitvā priyāś cātra bhūtāsanavimānagaḥ / (55.1) Par.?

jagāma vajrasārākhyaṃ prahastaikasakhaḥ puram // (55.2) Par.?

jagrāha tatra tanayāṃ rājño rambhasya paśyataḥ / (56.1) Par.?

raktāṃ tārāvalīṃ nāma dahyamānāṃ smarāgninā // (56.2) Par.?

āyayau tāmraliptīṃ ca punas tatrāpyupāharat / (57.1) Par.?

aparāṃ rājatanayāṃ kanyāṃ nāmnā vilāsinīm // (57.2) Par.?

tadarthaṃ kupitāyātaṃ tasyā bhrātaramuddhatam / (58.1) Par.?

sa sahasrāyudhaṃ nāma vidyayā stambhitaṃ vyadhāt // (58.2) Par.?

mātulaṃ ca sahāyātaṃ tasya saṃstabhya sānugam / (59.1) Par.?

cakre muṇḍitamūrdhānaṃ tatkāntāharaṇaiṣiṇam // (59.2) Par.?

bhāryābandhū iti kruddho 'py avadhīn na sa tāvubhau / (60.1) Par.?

darpabhaṅgavilakṣau tu vihasya pratimuktavān // (60.2) Par.?

tataḥ sa navabhiḥ sūryaprabhaḥ kāntābhiranvitaḥ / (61.1) Par.?

pitrāhūto vimānena svapuraṃ śākalaṃ yayau // (61.2) Par.?

tataś cāsya pituścandraprabhabhūmibhṛto 'ntikam / (62.1) Par.?

prāhiṇottāmraliptīto dūtaṃ vīrabhaṭo nṛpaḥ // (62.2) Par.?

saṃdideśa ca putreṇa tava me 'pahṛte sute / (63.1) Par.?

tad astu vidyāsiddho hi ślāghya eṣa patistayoḥ // (63.2) Par.?

snehaś ca yadi vo 'smāsu tadihāgacchatādhunā / (64.1) Par.?

vivāhācārasatkārasakhyaṃ yāvad vidadhmahe // (64.2) Par.?

etac chrutvā sa satkṛtya dūtaṃ niścitavāṃstadā / (65.1) Par.?

śva eva tatra gamanaṃ rājā candraprabho drutam // (65.2) Par.?

satyatvaniścayaṃ jñātuṃ rājño vīrabhaṭasya tu / (66.1) Par.?

prahastaṃ prāhiṇonmatvā dūraṃ dūtagamāgamau // (66.2) Par.?

sa prahasto javādgatvā dṛṣṭvā vīrabhaṭaṃ ca tam / (67.1) Par.?

nṛpaṃ dṛṣṭvā ca tatkāryaṃ tacchraddhitasupūjitaḥ // (67.2) Par.?

tasmai savismayāyoktvā prabhūṇāṃ prātarāgamam / (68.1) Par.?

muhūrtenāyayau candraprabhapārśvaṃ vihāyasā // (68.2) Par.?

śaśaṃsa tasmai rājñe ca sajjaṃ vīrabhaṭaṃ sthitam / (69.1) Par.?

so 'pi taṃ sacivaṃ sūnostuṣṭo rājābhyapūjayat // (69.2) Par.?

tataḥ kīrtimatīdevyā saha candraprabhaḥ prabhuḥ / (70.1) Par.?

sūryaprabho vilāsinyā tathā madanasenayā // (70.2) Par.?

bhūtāsanavimānaṃ tadāruhya saparicchadau / (71.1) Par.?

sāmātyau cāparedyustau prātaḥ prayayatus tataḥ // (71.2) Par.?

ahnaḥ praharamātreṇa tāmraliptīmavāpatuḥ / (72.1) Par.?

dṛśyamānau janair vyomni kautukotkṣiptalocanaiḥ // (72.2) Par.?

nabhastalāvatīrṇau ca kṛtapratyudgamena tau / (73.1) Par.?

rājñā vīrabhaṭenaitāṃ samaṃ viviśatuḥ purīm // (73.2) Par.?

candanodakasaṃsiktacārurathyāṃ pade pade / (74.1) Par.?

kaṭākṣaiḥ pauranārīṇāṃ prakīrṇendīvarām iva // (74.2) Par.?

tatra saṃbandhijāmātroḥ kṛtvā vīrabhaṭastayoḥ / (75.1) Par.?

pūjāṃ yathāvattanayāvivāhaprakriyāṃ vyadhāt // (75.2) Par.?

viśuddhasya hi bhārāṇāṃ sahasraṃ kāñcanasya ca / (76.1) Par.?

bhṛtaṃ ca śatam uṣṭrāṇāṃ ratnābharaṇabhārakaiḥ // (76.2) Par.?

uṣṭrapañcaśatīṃ nānāvastrabhārābhipūritām / (77.1) Par.?

vājināṃ ca sahasrāṇi sapta pañca ca dantinām // (77.2) Par.?

rūpābharaṇayuktānāṃ sahasraṃ vārayoṣitām / (78.1) Par.?

vedyāṃ duhitroḥ pradadau rājā vīrabhaṭastayoḥ // (78.2) Par.?

sūryaprabhasya jāmātustatpituś ca tayoḥ punaḥ / (79.1) Par.?

upacāraṃ sa sadratnaiścakāra viṣayaistathā // (79.2) Par.?

tanmantriṇo yathāvac ca prahastādīnamānayat / (80.1) Par.?

cakāra sotsavaṃ hṛṣyadaśeṣanagarījanam // (80.2) Par.?

sūryaprabhaś ca tatrāsītpitṛyuktaḥ priyāsakhaḥ / (81.1) Par.?

tatkālaṃ vividhāhārapānageyādibhogabhuk // (81.2) Par.?

tāvac ca tatra rambhasya sakāśādvajrarātrataḥ / (82.1) Par.?

āgāddūtaḥ sa cāsthāne jagāda svaprabhorvacaḥ // (82.2) Par.?

vidyābalāvaliptena yuvarājena naḥ kṛtaḥ / (83.1) Par.?

sūryaprabheṇa tanayāharaṇotthaḥ parābhavaḥ // (83.2) Par.?

adya ca jñātam asmābhir yad vīrabhaṭabhūbhṛtaḥ / (84.1) Par.?

pratipannāḥ stha saṃdhāne samānavyasanasya naḥ // (84.2) Par.?

tathaiva cānumanyadhve yadyasmatsaṃdhimāśu tat / (85.1) Par.?

ihāpyāgamyatāṃ no cenmṛtyunā no 'tra niṣkṛtiḥ // (85.2) Par.?

tac chrutvā taṃ ca saṃmānya dūtaṃ vīrabhaṭārcitaḥ / (86.1) Par.?

prahastaṃ so 'bravīdrājā tatra candraprabhaḥ punaḥ // (86.2) Par.?

tvam eva gaccha taṃ rambham asmadvākyād idaṃ vada / (87.1) Par.?

kiṃ tapyase vṛthā bhāvī cakravartī hi nirmitaḥ // (87.2) Par.?

vidyādharāṇāṃ giriśenaiṣa sūryaprabho 'dhunā / (88.1) Par.?

asyaitāstvatsutādyāś ca bhāryāḥ siddhairudāhṛtāḥ // (88.2) Par.?

tatprāptā te sutā sthānaṃ karkaśastvaṃ tu nārthitaḥ / (89.1) Par.?

tatprīyasva sakhā nastvameṣyāmo 'trāpyamī vayam // (89.2) Par.?

iti rājñoktasaṃdeśaḥ prahasto gaganena saḥ / (90.1) Par.?

gatvā praharamātreṇa vajrarātramavāpa tat // (90.2) Par.?

tatra rambhāya saṃdeśamuktvā tenānumoditaḥ / (91.1) Par.?

tathaivāgatya so 'vādīdrājñe candraprabhāya tat // (91.2) Par.?

candraprabho 'tha sacivaṃ prabhāsaṃ preṣya śākalāt / (92.1) Par.?

ānāyayattāṃ rambhasya pārśvaṃ tārāvalīṃ sutām // (92.2) Par.?

tato yayau vimānena saha sūryaprabheṇa saḥ / (93.1) Par.?

rājñā vīrabhaṭenāpi sarvaiścānyaiḥ susevitaḥ // (93.2) Par.?

vajrarātraṃ ca samprāpa mārgonmukhajanākulam / (94.1) Par.?

rambheṇābhyudgatas tasya rājadhānīṃ viveśa saḥ // (94.2) Par.?

tatra rambho 'py asau kﾱptavivāhaprakriyotsavaḥ / (95.1) Par.?

asaṃkhyahemahastyaśvaratnādi duhiturdadau // (95.2) Par.?

jāmātaraṃ ca sa tathā sūryaprabhamupācarat / (96.1) Par.?

yathā tasya nijā bhogāḥ sarve vismṛtimāyayuḥ // (96.2) Par.?

yāvac ca tatra te tiṣṭhantyutsavānanditāḥ sukham / (97.1) Par.?

tāvadrambhāntikaṃ kāñcīnagaryā dūta āyayau // (97.2) Par.?

sa tasmācchrutasaṃdeśo rambhaścandraprabhaṃ nṛpam / (98.1) Par.?

prāha kāñcīśvaro rājā kumbhīrākhyo 'sti me 'grajaḥ // (98.2) Par.?

tenāptaḥ preṣito me 'dya dūto vaktumidaṃ vacaḥ / (99.1) Par.?

mama sūryaprabheṇādau sutā nītā tatas tava // (99.2) Par.?

kṛtaṃ cādya tvayā sakhyaṃ taiḥ saheti mayā śrutam / (100.1) Par.?

tanmamāpi tathaiva tvaṃ sakhyaṃ taiḥ saha sādhaya // (100.2) Par.?

āyāntu te mama gṛhaṃ yāvatsūryaprabhāya tām / (101.1) Par.?

svahastenārpayāmīha sutāṃ varuṇasenikām // (101.2) Par.?

ity eṣābhyarthanā tasya kriyatāmiti vādinaḥ / (102.1) Par.?

rambhasya śraddadhe candraprabho rājā tadā vacaḥ // (102.2) Par.?

prahastaṃ prekṣya ca kṣipraṃ śākalāttām anāyayat / (103.1) Par.?

purādvaruṇasenāṃ sa kumbhīrasyāntikaṃ pituḥ // (103.2) Par.?

anyedyuś ca vimānena sa ca sūryaprabhaś ca saḥ / (104.1) Par.?

rambho vīrabhaṭaḥ sarve kāñcīṃ te sānugā yayuḥ // (104.2) Par.?

kumbhīrābhyudgatās tāṃ ca nānāratnacitāṃ purīm / (105.1) Par.?

kāñcīṃ kāñcīm iva bhuvaḥ prāviśan guṇagumphitām // (105.2) Par.?

tatra tāṃ vidhinā dattvā sutāṃ sūryaprabhāya saḥ / (106.1) Par.?

varavadhvoradādbhūri kumbhīro draviṇaṃ tayoḥ // (106.2) Par.?

nirvṛtte ca vivāhe 'tra bhuktottarasukhasthitam / (107.1) Par.?

candraprabhamuvācaivaṃ prahastaḥ sarvasaṃnidhau // (107.2) Par.?

deva śrīkaṇṭhaviṣaye prabhraman gatavān aham / (108.1) Par.?

tatra prasaṅgadṛṣṭo māṃ kāntisenanṛpo 'bravīt // (108.2) Par.?

sūryaprabho mamādāya sutāṃ kāntimatīṃ hṛtām / (109.1) Par.?

gṛhametu kariṣyāmi vidhivattasya satkriyām // (109.2) Par.?

no cettyakṣyāmy ahaṃ dehaṃ duhitṛsnehamohitaḥ / (110.1) Par.?

ity uktas tena tatrāhaṃ prastāve ca mayoditam // (110.2) Par.?

evam ukte prahastena rājā candraprabho 'bhyadhāt / (111.1) Par.?

gaccha kāntimatīṃ tarhi tāṃ prāpaya tadantikam // (111.2) Par.?

tatas tatra vayaṃ yāma ity uktas tena bhūbhṛtā / (112.1) Par.?

tadaiva nabhasā gatvā prahastastattathākarot // (112.2) Par.?

prātaś ca te sakumbhīrāḥ sarve candraprabhādayaḥ / (113.1) Par.?

śrīkaṇṭhaviṣayaṃ jagmurvimānena dyugāminā // (113.2) Par.?

tatrāpyagrāgato rājā kāntisenaḥ svamandiram / (114.1) Par.?

tāvatpraveśya duhiturvyadhādudvāhamaṅgalam // (114.2) Par.?

dadau tasyai tadā kāntimatyai sūryaprabhāya ca / (115.1) Par.?

āścaryajananaṃ rājñām amitaṃ ratnasaṃcayam // (115.2) Par.?

tataḥ sthiteṣu teṣv atra nānābhogopaseviṣu / (116.1) Par.?

sarveṣu dūtaḥ kauśāmbyā āgatyaivamabhāṣata // (116.2) Par.?

janamejayabhūpālo bravīti bhavatāmidam / (117.1) Par.?

hṛtā kenāpi naciraṃ parapuṣṭeti me sutā // (117.2) Par.?

jñātaṃ cehādya yatprāptā hastaṃ sūryaprabhasya sā / (118.1) Par.?

tattayā saha so 'smākaṃ gṛham āyātv aśaṅkitaḥ // (118.2) Par.?

satkṛtya preṣayiṣyāmi sabhāryaṃ taṃ yathāvidhi / (119.1) Par.?

anyathā śatravo yūyaṃ mama yuṣmākam apy aham // (119.2) Par.?

ity uktvā svāmivacanaṃ dūtastūṣṇīṃ babhūva saḥ / (120.1) Par.?

atha candraprabhaḥ sarvānekānte kṣitipo 'bravīt // (120.2) Par.?

katham evaṃ sadarpokter gamyate tasya veśmani / (121.1) Par.?

tac chrutvā tasya siddhārthanāmā mantryevam abhyadhāt // (121.2) Par.?

nānyathā deva mantavyaṃ vaktum evaṃ hi so 'rhati / (122.1) Par.?

sa hi rājā mahādātā paṇḍitaḥ satkulodgataḥ // (122.2) Par.?

śūro 'śvamedhayājī ca sadaivānyāparājitaḥ / (123.1) Par.?

viruddhaṃ kiṃ nu tenoktaṃ yathāvastvabhidhāyinā // (123.2) Par.?

śatrutodāhṛtā yā vā sā vāsavakṛte 'dhunā / (124.1) Par.?

tadgantavyaṃ gṛhe tasya satyasaṃdho nṛpo hi saḥ // (124.2) Par.?

tad api preṣyatāṃ kaścittasya cittopalabdhaye / (125.1) Par.?

iti siddhārthavacanaṃ sarve śraddadhuratra te // (125.2) Par.?

tato jijñāsituṃ candraprabhastaṃ janamejayam / (126.1) Par.?

prahastaṃ vyasṛjattaṃ ca dūtaṃ tasyāpyamānayat // (126.2) Par.?

prahastaś ca sa gatvā taṃ kauśāmbīśaṃ sasaṃvidam / (127.1) Par.?

vidhāyānīya tallekhaṃ candraprabhamatoṣayat // (127.2) Par.?

so 'pi rājā tamevāśu prahastaṃ preṣya śākalāt / (128.1) Par.?

janamejayapārśvaṃ tāṃ parapuṣṭāmanāyayat // (128.2) Par.?

tataś candraprabhādyāste sūryaprabhapurogamāḥ / (129.1) Par.?

sakāntisenāḥ kauśāmbīṃ vimānenāgamannṛpāḥ // (129.2) Par.?

tatra saṃbandhijāmātṛmukhān pratyudgamādinā / (130.1) Par.?

prahvastān pūjayāmāsa sa rājā janamejayaḥ // (130.2) Par.?

dadau ca kṛtvā duhiturvivāhavidhisatkriyām / (131.1) Par.?

pañca hastisahasrāṇi lakṣaṃ ca varavājinām // (131.2) Par.?

ratnakāñcanasadvastrakarpūrāgarupūritaiḥ / (132.1) Par.?

bhārair bhṛtānām uṣṭrāṇāṃ sahasrāṇyapi pañca saḥ // (132.2) Par.?

cakre ca vādyanṛttaikamayaṃ lokamahotsavam / (133.1) Par.?

pūjitabrāhmaṇavaraṃ mānitākhilarājakam // (133.2) Par.?

tāvaccāśaṅkitaṃ tatra nabhaḥ piñjaratāṃ yayau / (134.1) Par.?

raktāruṇatvamabhyarṇabhāvi śaṃsadivātmanaḥ // (134.2) Par.?

tumulākulaśabdāś ca babhūvuḥ sahasā diśaḥ / (135.1) Par.?

bhītā ivāgataṃ dṛṣṭvā parasainyaṃ vihāyasā // (135.2) Par.?

tāvac ca tatkṣaṇaṃ vātuṃ pravṛtto 'bhūn mahānilaḥ / (136.1) Par.?

khecaraiḥ saha yuddhāya bhūcarānutkṣipann iva // (136.2) Par.?

kṣaṇāc ca dadṛśe vyomni vidyādharabalaṃ mahat / (137.1) Par.?

dīptidyotitadikcakram udyannādaṃ mahājavam // (137.2) Par.?

tanmadhye cātisubhagaṃ vidyādharakumārakam / (138.1) Par.?

ekaṃ sūryaprabhādyāste paśyanti sma suvismitāḥ // (138.2) Par.?

āṣāḍheśvaratanayo dāmodara eṣa jayati yuvarājaḥ / (139.1) Par.?

re martya dharaṇigocara sūryaprabha nipata pādayorasya // (139.2) Par.?

praṇama ca re janamejaya bhavatā dattā sutā kim asthāne / (140.1) Par.?

ārādhaya tam imaṃ taddevaṃ naiṣo 'nyathā kṣamate // (140.2) Par.?

iti tasmin kṣaṇe vidyādharabandī tato 'mbarāt / (141.1) Par.?

tasya dāmodarasyāgrād vyājahāroccayā girā // (141.2) Par.?

tac chrutvā dṛṣṭatatsainyo gṛhītvā khaḍgacarmaṇī / (142.1) Par.?

sūryaprabho nabhaḥ krodhādutpapāta svavidyayā // (142.2) Par.?

anūtpetuś ca sacivās tasya sarve dhṛtāyudhāḥ / (143.1) Par.?

prahastaś ca prabhāsaś ca bhāsaḥ siddhārtha eva ca // (143.2) Par.?

prajñāḍhyaḥ sarvadamano vītabhītiḥ śubhaṃkaraḥ / (144.1) Par.?

vidyādharāṇāṃ taiḥ sākaṃ prāvartata mahāhavaḥ // (144.2) Par.?

sūryaprabhaś cābhyadhāvad yato dāmodaras tataḥ / (145.1) Par.?

khaḍgenāghnan ripūn gṛhṇaṃs tacchastrāṇi svacarmaṇā // (145.2) Par.?

te janāḥ kati saṃkhye ca lakṣasaṃkhyā nabhaścarāḥ / (146.1) Par.?

samatvam eva vividuryudhyamānāḥ parasparam // (146.2) Par.?

babhuḥ khaḍgalatāś cātra sākulā rudhirāruṇāḥ / (147.1) Par.?

patantyaḥ śūrakāyeṣu kṛtāntasyeva dṛṣṭayaḥ // (147.2) Par.?

vidyādharāś ca dharaṇau bhiyeva śaraṇārthinaḥ / (148.1) Par.?

śirobhiś ca śarīraiś ca petuścandraprabhāgrataḥ // (148.2) Par.?

sūryaprabho babhau lokadṛṣṭayā khecaraśriyā / (149.1) Par.?

sindūreṇeva kīrṇena nabho 'bhūd asṛjāruṇam // (149.2) Par.?

sūryaprabhaś ca samprāpya yuyudhe tena saṃmukham / (150.1) Par.?

khaḍgacarmadhareṇaiva saha dāmodareṇa saḥ // (150.2) Par.?

yudhyamānaś ca karaṇaprayogeṇa praviśya tam / (151.1) Par.?

khaḍgakhaṇḍitacarmāṇaṃ ripuṃ bhūmāvapātayat // (151.2) Par.?

chettumicchati yāvac ca śiras tasya vivellataḥ / (152.1) Par.?

tāvad āgatya nabhasā huṃkāro viṣṇunā kṛtaḥ // (152.2) Par.?

tac chrutvā vīkṣya ca hariṃ namrastadgauraveṇa saḥ / (153.1) Par.?

dāmodaramamuñcattaṃ vadhātsūryaprabhas tataḥ // (153.2) Par.?

vadhamuktaṃ tamādāya bhaktaṃ kvāpi yayau hariḥ / (154.1) Par.?

bhagavānsa hi sadbhaktam ihāmutra ca rakṣati // (154.2) Par.?

dāmodarānugāste ca yayuḥ sarve yatas tataḥ / (155.1) Par.?

sūryaprabho 'pi gaganātpituḥ pārśvamavātarat // (155.2) Par.?

sāmātyam akṣataprāptaṃ pitā candraprabhasya tam / (156.1) Par.?

abhyanandannṛpāścānye tuṣṭuvurdṛṣṭavikramam // (156.2) Par.?

tato 'tra yāvat sarve te hṛṣṭāstatkathayā sthitāḥ / (157.1) Par.?

āgāt subhaṭasaṃbandhī tāvaddūto 'paras tataḥ // (157.2) Par.?

sa ca candraprabhasyaiva lekhamagre samarpayat / (158.1) Par.?

tamudghāṭya ca siddhārthaḥ sadasyevam avācayat // (158.2) Par.?

śrīmān unnatavaṃśamauktikamaṇiś candraprabho bhūpatī rājā śrīsubhaṭena sādaramidaṃ śrīkoṅkaṇādbodhyate / (159.1) Par.?

nītā me tanayāpahṛtya rajanau sattvena kenāpi yā sā prāptā tava sūnunetyavagataṃ yattena tuṣṭā vayam // (159.2) Par.?

tadyuktena sutena tena saha tat sūryaprabheṇodyamo yuṣmābhiḥ kriyatām anargalam ihāpyasmadgṛhābhyāgame / (160.1) Par.?

yāvattāṃ paralokataḥ punar iva pratyāgatāmātmajāṃ paśyāmaś ca vivāhakāryam adhunā kurmaś ca tasyā vayam // (160.2) Par.?

ity atra vācite lekhe siddhārthena tatheti saḥ / (161.1) Par.?

rājā candraprabho dūtaṃ saccakāra jaharṣa ca // (161.2) Par.?

ānāyayac ca subhaṭasyāntikaṃ candrikāvatīm / (162.1) Par.?

tatsutām aparāntaṃ taṃ prahastaṃ preṣya satvaram // (162.2) Par.?

prātaś ca jagmuḥ sarve te kṛtvā sūryaprabhaṃ puraḥ / (163.1) Par.?

aparāntaṃ vimānena janamejayasaṃyutāḥ // (163.2) Par.?

tatra tānsubhaṭo rājā duhitṛprāptinanditaḥ / (164.1) Par.?

bhṛśamānarca cakre ca sutāpariṇayotsavam // (164.2) Par.?

dadau ca candrikāvatyai so 'syai ratnādikaṃ tathā / (165.1) Par.?

yathā vīrabhaṭādyāste svadattena lalajjire // (165.2) Par.?

tataḥ sūryaprabhe tatra sthite śvaśuraveśmani / (166.1) Par.?

āgāt pauravasaṃbandhī dūto lāvāṇakādapi // (166.2) Par.?

so 'pi candraprabham idaṃ nijasvāmivaco 'bhyadhāt / (167.1) Par.?

sutā sulocanā nītā śrīmatsūryaprabheṇa me // (167.2) Par.?

tato me naiva saṃtāpastadyuktaḥ kiṃ tu madgṛham / (168.1) Par.?

ānīyatāṃ sa yuṣmābhirācāraṃ yad vidadhmahe // (168.2) Par.?

tac chrutvaiva mudābhyarcya dūtaṃ candraprabho nṛpaḥ / (169.1) Par.?

ānāyayatprahastena pituḥ pārśvaṃ sulocanām // (169.2) Par.?

tataḥ sasubhaṭāḥ sarve saha sūryaprabheṇa te / (170.1) Par.?

lāvāṇakaṃ vimānena yayurdhyātopagāminā // (170.2) Par.?

tatrodvāhotsavaṃ kṛtvā sūryaprabhasulocane / (171.1) Par.?

ratnairapūrayatso 'pi pauravo 'rcitarājakaḥ // (171.2) Par.?

tenopacaryamāṇeṣu sukhastheṣv atra teṣu ca / (172.1) Par.?

prajighāya suroho 'pi dūtaṃ cīnanareśvaraḥ // (172.2) Par.?

so 'py anyavad dūtamukhenārthayāmāsa pārthivaḥ / (173.1) Par.?

hṛtakanyastayā sākaṃ teṣāmāgamanaṃ gṛhe // (173.2) Par.?

tataś candraprabho rājā hṛṣṭas tasyāpi tāṃ sutām / (174.1) Par.?

vidyunmālāṃ prahastenānāyayāmāsa ketanam // (174.2) Par.?

anyedyuś ca vimānena sahasūryaprabhā yayuḥ / (175.1) Par.?

candraprabhādyāḥ sarve te cīnadeśaṃ sapauravāḥ // (175.2) Par.?

tatrāgre nirgato rājā nijakoṭṭaṃ praveśya tān / (176.1) Par.?

sa suroho 'pi duhituścakre vaivāhikaṃ vidhim // (176.2) Par.?

adāc ca vidyunmālāyai tasyai sūryaprabhāya ca / (177.1) Par.?

asaṃkhyahemahastyaśvaratnacīnāṃśukādikam // (177.2) Par.?

tasthuś ca tatra te tais tair bhogaiś candraprabhādayaḥ / (178.1) Par.?

dināni katicitsarve surohābhyarcitāstadā // (178.2) Par.?

āsītsūryaprabhaś cātra vilasaddhanayauvanaḥ / (179.1) Par.?

prāvṛṭkālo yathā vidyunmālayā śobhitastayā // (179.2) Par.?

evaṃ sa bubhuje tatra tatra śvaśuraveśmani / (180.1) Par.?

tattatkāntāsakhaḥ sūryaprabho bhogānsabāndhavaḥ // (180.2) Par.?

tataḥ saṃmantrya siddhārthapramukhaiḥ sacivaiḥ saha / (181.1) Par.?

kramād vīrabhaṭādīṃs tān aśvīyasahitān nṛpān // (181.2) Par.?

visṛjya nijadeśeṣu taṃ surohamahīpatim / (182.1) Par.?

āmantrya tatsutāyuktaḥ pitṛbhyāṃ saha sānugaḥ // (182.2) Par.?

bhūtāsanavimānaṃ tadāruhya vyomavartmanā / (183.1) Par.?

svaṃ sa sūryaprabhaḥ prāyācchākalaṃ nagaraṃ kṛtī // (183.2) Par.?

kvacin nṛttāsaṅgaḥ kvacid api ca saṃgītakarasaḥ kvacit pānakrīḍā kvacana sudṛśāṃ maṇḍanavidhiḥ / (184.1) Par.?

kvacil labdhābhīṣṭastutimukharavaitālikaravaḥ pure tasminn āsīt pramada iti tasyāgamanajaḥ // (184.2) Par.?

tatrānyāḥ pitṛveśmasu sthitavatīrānāyya sa svapriyā dattais tatpitṛbhir gajāśvanivahais tābhiḥ sahaivāgataḥ / (185.1) Par.?

nānāratnasupūrṇabhāravinatair uṣṭraiś ca saṃkhyātigair līlādarśitadigjayotthavibhavaś cakre prajākautukam // (185.2) Par.?

bahuvasu bhūrinidhānaṃ tena mahābhoginā tadādhyuṣitam / (186.1) Par.?

suradhanadabhujaganagaraiḥ kṛtam iva tac chākalaṃ vibabhau // (186.2) Par.?

tato madanasenayā saha sa tatra sūryaprabho yathābhimatabhogabhuk sakalapūrṇasaṃpat sukhī / (187.1) Par.?

uvāsa pitṛsaṃyutaḥ sasacivo 'nyapatnīyutaḥ kṛtāgamanasaṃvidaṃ mayam udīkṣamāṇo 'nvaham // (187.2) Par.?

Duration=0.80115509033203 secs.