Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4453

Click on a sentence to show its analysis
Keep the mouse pointer over a lemma to show its meanings.

iti rasarājasya vidhau vedhavidhānaṃ prasaṃgataḥ proktam / (1.1) Par.?

adhunā proktānapi vakṣyāmi rasāyane yogān // (1.2) Par.?

kṣetrīkaraṇa (śarīraśodhana)

ādau prātaḥ prātaḥ saindhavayuktaṃ ghṛtaṃ pibettridinam / (2.1) Par.?

tadanu kvāthaṃ tridinaṃ yuñjīyāt ketakītanujam // (2.2) Par.?

vidhinā svedyo dehaḥ kartavyo vārtikendreṇa / (3.1) Par.?

kvathitaṃ kaṭurohiṇyāḥ saṃśodhanam anuprayuñjīta // (3.2) Par.?

tadanu ca śuddhādūrdhvaṃ śleṣmānte recite sakalam / (4.1) Par.?

yāvakapathyaṃ tridinaṃ ghṛtasahitaṃ tatprayuñjīta // (4.2) Par.?

punarapi ca pānayogaṃ vakṣyāmi ca sakalabhuvanahitakṛtaye / (5.1) Par.?

pītvā prathame yāme coṣṇodakasamamidaṃ cūrṇam // (5.2) Par.?

pathyāsaindhavadhātrīmaricavacāguḍaviḍaṅgarajanīnām / (6.1) Par.?

śuṇṭhīpippalyor api cūrṇaṃ tridinaṃ prayuñjīta // (6.2) Par.?

amunā śuddhaśarīraḥ parihatasaṃsargadoṣabalī / (7.1) Par.?

pītvā payasā sahitaṃ yāvakamamunā bhavecchuddhaḥ // (7.2) Par.?

akṛtakṣetrīkaraṇe rasāyanaṃ yo naraḥ prayuñjīta / (8.1) Par.?

tasya krāmati na rasaḥ sa rasaḥ sarvāṅgadoṣakṛdbhavati // (8.2) Par.?

iti śuddho jātabalaḥ śālyodanayāvakākhyamudgarasaḥ / (9.1) Par.?

kṣetrīkṛtanijadehaḥ kurvīta rasāyanaṃ vidhivat // (9.2) Par.?

suratarutailaghṛtamadhudhātrīrasapayāṃsi nirmathya / (10.1) Par.?

pītvā viśuddhakoṣṭho bhavati pumānantaritaśuddhaḥ // (10.2) Par.?

māsena kāntimedhe dvābhyāṃ praśamayati doṣanikaraṃ ca / (11.1) Par.?

māsatritayena punaḥ svādamaravapurmahātejāḥ // (11.2) Par.?

suradārutailamājyaṃ triphalārasasaṃyutaṃ ca samabhāgam / (12.1) Par.?

pītaṃ tat saptāhānnayanavikāraṃ śamaṃ nayati // (12.2) Par.?

suratarutailaṃ saghṛtaṃ pītvā śālyodanaṃ ca sakṣīram / (13.1) Par.?

jīrṇāhāre bhuktvā harati hi sakuṣṭhān pīnasādīṃśca // (13.2) Par.?

ghṛtasahitaḥ pittakṛtāntailayukto vātasaṃbhavān rogān / (14.1) Par.?

guḍasahito madhunā vā kaphajān hantyamaradārurasaḥ // (14.2) Par.?

varjitakāṃjikaśākaṃ payasā śālyodanaṃ ca yuñjīta / (15.1) Par.?

dvicatuḥṣaṭpalamānaṃ mātrādhamamadhyamajyeṣṭhāḥ // (15.2) Par.?

tadanu pātanaśuddhaṃ sūtakam āroṭam aśnīyāt / (16.1) Par.?

svedanamūrcchotthāpanapātanarodhāśca niyamaśca // (16.2) Par.?

abhrakasahitaḥ pātyo vidhinā yāvatsthiro bhavati / (17.1) Par.?

athavā mākṣikasahitaḥ pātyaḥ sūto vidhānena // (17.2) Par.?

ityāroṭaḥ sūtaḥ kṣetrīkaraṇe niyujyate prathamam / (18.1) Par.?

athavā bhasma ca kṛtvā baddho vā kalkayogena // (18.2) Par.?

mākṣikaśilājatulohacūrṇapathyākṣaviḍaṅgaghṛtamadhubhiḥ / (19.1) Par.?

saṃyuktaṃ rasamādau kṣetrīkaraṇāya yuñjīta // (19.2) Par.?

iti kalkīkṛtasūtaṃ ghanakāntamadhughṛtādisaṃyuktam / (20.1) Par.?

bhuktvāmaratāṃ gacchetkṣetrīkaraṇaṃ pradhānamidam // (20.2) Par.?

atha kṛṣṇaṃ vā pītaṃ vā saṃyojyaṃ ghanaṃ śikhiprabhaṃ bahuśaḥ / (21.1) Par.?

surabhīkṣīraniṣiktaṃ gatagiridoṣaṃ rasāyane yojyam // (21.2) Par.?

niścandrikamapi śuddhaṃ viḍaṃgatriphalājyamadhusamāyuktam / (22.1) Par.?

pratidivasaṃ palamekaṃ bhuktvā kṣīrāśano vidhinā // (22.2) Par.?

trikaṭukaviḍaṅgatriphalāmākṣikaśilājatuyutaṃ vyoma / (23.1) Par.?

kṣīraudanam aśnīyājjīvati jantuḥ śataṃ varṣam // (23.2) Par.?

ityevamādayo'nye kāñjikayuktāśca kīrtitā bahuśaḥ / (24.1) Par.?

patrābhrakaprayogā varjyā niryuktikāste hi // (24.2) Par.?

ye patrābhrakayogā rasāyanārthaṃ kīrtitā vidhinā / (25.1) Par.?

ajñātadravyaguṇaistairupadiṣṭo jarāmṛtyuḥ // (25.2) Par.?

aprāptalokabhāvaṃ ghano'sya jaṭharāgnimupaśamaṃ nayati / (26.1) Par.?

agniṃ vināpi naśyati paribhūto vividharogagaṇaiḥ // (26.2) Par.?

abhra:: inedible

abhrasya rasāyanināṃ bhakṣyamiha kīrtitaṃ paraṃ satvam / (27.1) Par.?

trividhaṃ gaganamabhakṣyaṃ kācaḥ kiṭṭaṃ ca pattrarajaḥ // (27.2) Par.?

ādau ghanaloharajastriphalārasabhāvanaiś ca nirghṛṣṭam / (28.1) Par.?

kurvītāñjanasadṛśaṃ sthagitavastreṇa sūryakaraiḥ // (28.2) Par.?

itthaṃ ślakṣṇaṃ kṛtvā vividhakāntalohacūrṇasamam / (29.1) Par.?

lohaghanaṃ ca tadevaṃ bhṛṅgeṇa ca sādhayed bahuśaḥ // (29.2) Par.?

triphalāghṛtamadhumiśritam amṛtam idaṃ māsasthitaṃ dhānye / (30.1) Par.?

śastrakaṭorikasampuṭamadhyagataṃ pūjitaṃ mantraiḥ // (30.2) Par.?

māsena tu taduddhṛtya jñātvā balaṃ tatprayuñjīta / (31.1) Par.?

kāntaṃ vinātha gaganaṃ gaganaṃ vinā tathā ca kāntam // (31.2) Par.?

sthaulyaṃ paṭalaṃ kācaṃ timirārbudakarṇanādaśūlāni / (32.1) Par.?

hantyarśāṃsi bhagandaramehaplīhādi pālityam // (32.2) Par.?

etatkurvanmatimān gorasamastupradhānam aśnīyāt / (33.1) Par.?

jāṅgalamudgājyapayaḥ śālyodanaṃ brahmacaryeṇa // (33.2) Par.?

ghanasatvapādajīrṇaḥ kāntajīrṇo yattīkṣṇasamajīrṇaḥ / (34.1) Par.?

kṣetrīkaraṇaḥ paramaḥ prayujyate'pi punarāroṭaḥ // (34.2) Par.?

ghanasatvakāntasūtaṃ mṛtahema śatāvarīrasopetam / (35.1) Par.?

ghṛtamadhulīḍhaṃ varṣānnihanti mṛtyuṃ jarāṃ caiva // (35.2) Par.?

eṣāmekaṃ yogaṃ kṣetrīkaraṇārthamāditaḥ kṛtvā / (36.1) Par.?

saṃvatsaramayanaṃ vā niḥśreyasasiddhaye yojyam // (36.2) Par.?

abhrakasasyakamākṣikarasakadaradavimalavajragirijatubhiḥ / (37.1) Par.?

vaikrāntakāntatīkṣṇair hāṭakatārāratāmraiśca // (37.2) Par.?

saṃyuktairvyastairvā dvitricaturbhir yathālābham / (38.1) Par.?

jīrṇahato rasendro rasāyane śasyate sadbhiḥ // (38.2) Par.?

viṣanāgavaṅgabaddho bhukto hi rasaḥ karoti kuṣṭhādīn / (39.1) Par.?

uparasabaddhe tu rase sphuṭanti bhukte tathāṅgāni // (39.2) Par.?

ghanasattvakāntakāñcībhāskaratīkṣṇaiś ca cīrṇajīrṇasya / (40.1) Par.?

sūtasya guñjāmātrā māṣakamekaṃ parā mātrā // (40.2) Par.?

śatavedhino dviguñjā tathā sahasraikavedhino guñjā / (41.1) Par.?

ardhā ca lakṣavedhinaḥ siddhārthaḥ koṭivedhinaḥ sūtāt // (41.2) Par.?

hemaniyojitasūtaṃ kāntamaṇiṃ vividhaguṭikāśca / (42.1) Par.?

japahomadevatārcananirataḥ pumāniti dhārayet // (42.2) Par.?

śālestu piṣṭakodbhavabhojanam ājyaṃ ca mudgamāṃsarasaiḥ / (43.1) Par.?

yavagodhūmānnāni ca gokṣīraṃ mastu ca viśeṣāt // (43.2) Par.?

pāne jalamakṣāraṃ madhurāṇi yāni kāni śastāni / (44.1) Par.?

peyaṃ cāturjātakarpūrāmodamuditamukham // (44.2) Par.?

madyāranālapānaṃ tailaṃ dadhi vā rase neṣṭam / (45.1) Par.?

kaṭutailenābhyaṅgaṃ vapuṣi na kuryādrasāyane matimān // (45.2) Par.?

dagdham apakvam amadhuram uṣṇaṃ kṣīraṃ na naṣṭamāṃsaṃ tu / (46.1) Par.?

paryuṣitaṃ phalamūlaṃ bhakṣyaṃ naivātra nirdiṣṭam // (46.2) Par.?

atha laṅghanaṃ na kāryaṃ yāmādho bhojanaṃ naiva / (47.1) Par.?

ityapanīya niṣiddhaṃ rasarāje dhīmatā kāryam // (47.2) Par.?

varjitacintākopaḥ kuryācca sukhāmbunā snānam / (48.1) Par.?

noccāṭayed grahajvararākṣasabhūtāni mātṛdevīṃśca // (48.2) Par.?

parame brahmaṇi līnaḥ praśāntacittaḥ samatvamāpannaḥ / (49.1) Par.?

āśvāsayan trivargaṃ vijitya rasānandaparitṛptaḥ // (49.2) Par.?

yastyaktvā śāstravidhiṃ pravartate svecchayā rase mūḍhaḥ / (50.1) Par.?

tasya viruddhācārād ajīrṇamutpadyate nitarām // (50.2) Par.?

sambhavatīhājīrṇe nidrālasyaṃ jvarastamo dāhaḥ / (51.1) Par.?

nābhitalaśūlamalpaṃ jaḍatāruciraṅgabhaṅgaśca // (51.2) Par.?

jñātvetyevam ajīrṇam asya pracchādanāya yogo'yam / (52.1) Par.?

kāryo divasatritayaṃ saṃtyajya rasāyanaṃ sudhiyā // (52.2) Par.?

karkoṭīmūlarasaṃ kaṣāyam atha sindhunā pibettridinam / (53.1) Par.?

sauvarcalasahitaṃ vā gojalasahitaṃ rasājīrṇe // (53.2) Par.?

piṣṭvātha mātuluṅgīṃ pibati rasaṃ śuṇṭhisaindhavaṃ prātaḥ / (54.1) Par.?

kvathitaṃ gosalilena tu rakṣati samyak rasājīrṇam // (54.2) Par.?

kathamapi yaccājñānāt nāgādikalaṅkito raso bhuktaḥ / (55.1) Par.?

tannodanāya ca pibet gojalakaṭukāravalliśiphāḥ // (55.2) Par.?

śarapuṃkhāsuradālīpaṭolabimbīśca kākamācī ca / (56.1) Par.?

ekatamā ceduditā śṛtāmajīrṇe hi seveta // (56.2) Par.?

atyamlalavaṇakaṭukai rasasaṃsrāvo jaro bhavati / (57.1) Par.?

atimadhuraiśca vinaśyati jaṭharavahniḥ satatabhuktaiśca // (57.2) Par.?

yaḥ punarevaṃ satataṃ karoti mūḍhaḥ samāhāram / (58.1) Par.?

tasya vinaśyatyagnirna khalu krāmati raso bhaved vyādhiḥ // (58.2) Par.?

yastu mahāgnisahatvād rasācchatasahasralakṣavedhīśaḥ / (59.1) Par.?

anayā kriyayā sidhyati sa yatnādrasakriyāyogāt // (59.2) Par.?

śatasahasralakṣavedhī koṭir athārbudanirbudaṃ vāpi / (60.1) Par.?

piṣṭaṃ bhuñjīta rasaṃ balisahitaṃ siddhido bhavati // (60.2) Par.?

krāmati tato hi sūto janayati putrāṃśca devagarbhābhān / (61.1) Par.?

strīṣu ca niścalakāmo bhavati valīpalitanirmuktaḥ // (61.2) Par.?

buddhirbalaṃ prabhāvaḥ saha cāyuṣā vardhate rasāyaninaḥ / (62.1) Par.?

prāptasya divyabuddhiṃ divyāśca guṇāḥ pravardhante // (62.2) Par.?

evaṃ rasasaṃsiddho duḥkhajarāmaraṇavarjito guṇavān / (63.1) Par.?

khegamanena ca nityaṃ saṃcarate sakalabhuvaneṣu // (63.2) Par.?

dātā bhuvanatritaye sraṣṭā so'pīha padmayoniriva / (64.1) Par.?

bhartā viṣṇuriva syātsaṃhartā rudravadbhavati // (64.2) Par.?

amarasundarīguṭikā

kāntābhrasattvahematāraṃ cārkaḥ samāṃśataḥ saṃkhyā / (65.1) Par.?

baddhaṃ sūtasamāṃśaṃ dhmātaṃ golaṃ kṛtaṃ khoṭam // (65.2) Par.?

bāhye rasena liptaṃ vadanagataṃ śastravārakaṃ rogān / (66.1) Par.?

hanti hi śarīrasaṃsthān nāmnāmarasundarī guṭikā // (66.2) Par.?

mṛtasaṃjīvanīguṭikā

yaḥ pūrvoktaḥ sūto lakṣādūrdhvaṃ ca vedhate lohān / (67.1) Par.?

baddhe sāraṇayogair mukhāsthe ca jārayedratnam // (67.2) Par.?

yuktaḥ samāṃśanāgaiḥ suralohāyaskāntatāpyasattvaiśca / (68.1) Par.?

abhrakasattvasametā guṭikā mṛtasaṃjīvanī nāma // (68.2) Par.?

hemayutā gulucchake mukuṭe vā kaṇṭhasūtrakarṇe vā / (69.1) Par.?

mṛtyubhayaśokarogaviṣaśastrajarāsatataduḥkhasaṅghātam // (69.2) Par.?

yasyāṅge nihiteyaṃ guṭikā mṛtasaṃjīvanī nāma / (70.1) Par.?

so'surayakṣakinnarapūjyatamaḥ siddhayogīndraiḥ // (70.2) Par.?

prakṣālya toyamadhye guṭikā ghaṭikādvayaṃ tataḥ kṣiptvā / (71.1) Par.?

tacceyaṃ vadanagatā mṛtakasyotthāpanaṃ kurute // (71.2) Par.?

toyaṃ tadeva pibati svasthaṃ pathyānvitastataḥ puruṣaḥ / (72.1) Par.?

labhate divyaṃ sa vapurmṛtyujarāvarjitaḥ sudṛḍham // (72.2) Par.?

vajriṇīguṭikā

kāntaghanasattvakamalaṃ hema ca tāraṃ yathā kṛtadvandvam / (73.1) Par.?

samajīrṇaṃ bījavaraṃ vajrayutaṃ vajriṇī guṭikā // (73.2) Par.?

eṣā mukhakuharagatā kurute navanāgatulyabalam / (74.1) Par.?

tadvapurapi durbhedyaṃ mṛtyujarāroganirmuktam // (74.2) Par.?

khecarīguṭikā

dhūmāvalokitarase pañcamahāratnajārite sārite / (75.1) Par.?

bījena gaganasattve mākṣikakāntaprayuktena // (75.2) Par.?

khecarasaṃjñā guṭikā patati mukhe kṣiptamātreṇa / (76.1) Par.?

devāsurasiddhagaṇaiḥ pūjyatamo bhavati cendrādyaiḥ // (76.2) Par.?

rasavādo'nantaguṇo dravagolakakalkabhedena / (77.1) Par.?

kalitaḥ pradhānasiddhairyair dṛṣṭaste jayanti narāḥ // (77.2) Par.?

śītāṃśuvaṃśasambhavahaihayakulajanmajanitaguṇamahimā / (78.1) Par.?

sa jayati śrīmadanaśca kirātanātho rasācāryaḥ // (78.2) Par.?

yasya svayamavatīrṇā rasavidyā sakalamaṅgalādhārā / (79.1) Par.?

paramaśreyasahetuḥ śreyaḥ parameṣṭhinaḥ pūrvam // (79.2) Par.?

tasmāt kirātanṛpater bahumānam avāpya rasakarmanirataḥ / (80.1) Par.?

rasahṛdayākhyaṃ tantraṃ viracitavān bhikṣugovindaḥ // (80.2) Par.?

Duration=0.50233483314514 secs.