Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7559

Click on a sentence to show its analysis
Keep the mouse pointer over a lemma to show its meanings.

ity ākhyāya kathitau ca mithaḥ pravrajitau gatau / (1.1) Par.?

drutapravahaṇārūḍho gomukhaś ca parāgataḥ // (1.2) Par.?

mām avocat sa vanditvā prītidāsaḥ punarvasuḥ / (2.1) Par.?

sarvanāgarakaśreṇigrāmaṇīr dṛśyatām iti // (2.2) Par.?

atha praṇatam adrākṣam anulbaṇavibhūṣaṇam / (3.1) Par.?

yuvānam api vainītyāllajjitasthaviraṃ naram // (3.2) Par.?

gomukhākhyātamāhātmyaṃ taṃ cāliṅgitavān aham / (4.1) Par.?

saṃbhāvitaguṇāḥ sadbhir arhanty eva ca satkriyām // (4.2) Par.?

atha yānaṃ samāruhya tat punarvasuvāhakam / (5.1) Par.?

sāṃyātrika ivāmbhodhiṃ tadāvāsam avātaram // (5.2) Par.?

sevitāhāraparyantaśarīrasthitisādhanaḥ / (6.1) Par.?

dinaśeṣaṃ nayāmi sma gītiśrutivinodanaḥ // (6.2) Par.?

tataḥ suptajane kāle pṛṣṭavān asmi gomukham / (7.1) Par.?

katham eṣa tvayā prāptaḥ suhṛd ity atha so 'bravīt // (7.2) Par.?

śrūyatām asty ahaṃ yuṣmān vanditvā punar āgataḥ / (8.1) Par.?

na ca kaṃcana paśyāmi yogyam āśrayadāyinam // (8.2) Par.?

tataś cintitavān asmi dhanavidyādidāyinām / (9.1) Par.?

saṃbhavaḥ sarvasādhūnāṃ nāsti rājakulād ṛte // (9.2) Par.?

yogakṣemaprayuktā hi prāyaḥ sajjanasaṃsadaḥ / (10.1) Par.?

rājadvāraṃ vigāhante samudram iva sindhavaḥ // (10.2) Par.?

rājadvāraṃ tato gatvā yāciṣye kaṃcid āśrayam / (11.1) Par.?

rājadvāraṃ hi kāryāṇāṃ dvāram uktaṃ budhair iti // (11.2) Par.?

nigrahānugrahaprāptalokakolāhalākulam / (12.1) Par.?

tad gatvā smṛtavān asmi pretādhipadhanādhipau // (12.2) Par.?

mahāmanuṣyacaritaḥ puruṣo 'yaṃ vibhāvyate / (13.1) Par.?

āśrayaprārthanā tasmān nāsmin sampadyate mṛṣā // (13.2) Par.?

ayam anyaḥ suveṣo 'pi kīnāśavirasākṛtiḥ / (14.1) Par.?

tena saṃbhāvyate nāsmāt prārthanāphalam aṇv api // (14.2) Par.?

puruṣaṃ puruṣaṃ tatra ciram itthaṃ vicārayan / (15.1) Par.?

abhyantarāt pratīhāraṃ dṛṣṭavān asmi nirgatam // (15.2) Par.?

svastikāranamaskārajyotkārān sa ca kāryiṇām / (16.1) Par.?

pratimānitavān sarvān sakṛn namitamastakaḥ // (16.2) Par.?

atha vijñāpanāmātraṃ paśyadbhiḥ kāryasādhanam / (17.1) Par.?

kāryibhir yugapat tatra kāryavijñāpanā kṛtā // (17.2) Par.?

tebhyas tenāpi sāmānyam ekam evottaraṃ kṛtam / (18.1) Par.?

bhavataḥ sumukho rājā mā tvariṣṭa bhavān iti // (18.2) Par.?

sa pratīhāraveṣaṃ ca vārabāṇādim aṅgataḥ / (19.1) Par.?

avatārya samīpasthe nyastavān paricārake // (19.2) Par.?

taṃ ca dṛṣṭvā samāptaiva samāśrayagaveṣaṇā / (20.1) Par.?

na hi dṛṣṭasuvarṇādriḥ tāmraṃ dhamati vātikaḥ // (20.2) Par.?

svastikṛtvā tatas tasmai svagṛhān pratigacchate / (21.1) Par.?

māṃ muhuḥ paśyatā prītyā tenaiva sahito 'gamam // (21.2) Par.?

gṛhe ca kṛtasatkāram asau mām anuyuktavān / (22.1) Par.?

āgacchati kutaḥ kiṃ vā mad icchati bhavān iti // (22.2) Par.?

mayoktaṃ bhrātarāv āvāṃ dvijau dvāv āgamārthinau / (23.1) Par.?

vidyāsthānam idaṃ śrutvā avantideśāt samāgatau // (23.2) Par.?

iha vāsitum icchāvo yuṣmatkṛtaparigrahau / (24.1) Par.?

balavattaragupto hi kṛśo 'pi balavān iti // (24.2) Par.?

tenoktaṃ tvādṛśām etad guṇagrahaṇakāṅkṣiṇām / (25.1) Par.?

agrāmyālāparūpāṇāṃ svagṛhaṃ bhavatām iti // (25.2) Par.?

muhūrtaṃ tatra cāsīnaḥ śrutavān aham utthitam / (26.1) Par.?

kṣubhitāmbhodhikallolakolāhalam iva kṣaṇam // (26.2) Par.?

māṃ tadākarṇanotkarṇam asau sasmitam uktavān / (27.1) Par.?

kiṃ tvam etan na vettheti na vedeti mayoditam // (27.2) Par.?

ayaṃ punarvasur nāma dātā vāṇijadārakaḥ / (28.1) Par.?

vṛtaḥ kitavasaṃghena dīvyati dyūtamaṇḍape // (28.2) Par.?

yadā vijayate dyūte sa sarvaṃ draviṇaṃ tadā / (29.1) Par.?

vitaraty arthivargāya tasyaiṣa tumulo dhvaniḥ // (29.2) Par.?

jīyamāne punas tasmiñ jānumūrdhasthamastakāḥ / (30.1) Par.?

viṣādamuṣitālāpā dhyāyanti śivam arthinaḥ // (30.2) Par.?

yadi kautūhalaṃ tatra tato 'sau dṛśyatām iti / (31.1) Par.?

pratīhāreṇa kathite tataś cintitavān aham // (31.2) Par.?

nītividyāvayovṛddhair amātyaiḥ kiṃ prayojanam / (32.1) Par.?

yeṣāṃ yantritavākkāyair agrato duḥkham āsyate // (32.2) Par.?

yaḥ samānavayaḥśīlo muktahastaḥ sakiṃcana / (33.1) Par.?

vyasanī ca svatantraś ca so 'smākam adhunā suhṛt // (33.2) Par.?

tasmād dyūtasabhām eva yāmi draṣṭuṃ punarvasum / (34.1) Par.?

nirdhāryeti tam āmantrya dyūtakārasabhām agām // (34.2) Par.?

sākīrṇā devanavyagraiḥ sabhā kitavacandrakaiḥ / (35.1) Par.?

sarasīvāmiṣāsvādagṛddhair bakakadambakaiḥ // (35.2) Par.?

tatrānyatamayor akṣān dīvyator akṣadhūrtayoḥ / (36.1) Par.?

akṣaḥ koṇena patitaḥ saṃdigdhapadapañcakaḥ // (36.2) Par.?

pañcako 'yaṃ padaṃ nedaṃ padam etan na pañcakaḥ / (37.1) Par.?

iti jātā tayoḥ spardhā parasparajayaiṣiṇoḥ // (37.2) Par.?

tayor ekatareṇoktaṃ madhyasthaḥ pṛcchyatām iti / (38.1) Par.?

pratyuktam itareṇāpi yathecchasi tathāstv iti // (38.2) Par.?

athaikaḥ puruṣaḥ prāṃśuḥ pṛṣṭas tābhyām anāgaraḥ / (39.1) Par.?

katarat paśyasi spaṣṭaṃ padapañcakayor iti // (39.2) Par.?

tatra cānyatamenoccair uktam utkṣiptapāṇinā / (40.1) Par.?

dīrghatvād eṣa nirbuddhir ato 'nyaḥ pṛcchyatām iti // (40.2) Par.?

tataḥ pṛṣṭo 'paro hrasvaḥ so 'pi tena nivāritaḥ / (41.1) Par.?

nedṛśāḥ praśnam arhanti bahudoṣā hi khaṭvakāḥ // (41.2) Par.?

atha māṃ dṛṣṭavantau tau pṛṣṭavantau ca sādaram / (42.1) Par.?

sādho yadi na doṣo 'sti tato nau chinddhi saṃśayam // (42.2) Par.?

tvaṃ na dīrgho na ca hrasvas tasmāt prājño na duṣṭadhīḥ / (43.1) Par.?

tena madhyapramāṇatvād gaccha madhyasthatām iti // (43.2) Par.?

cintitaṃ ca mayā kaṣṭaḥ khalasaṃdigdhanirṇayaḥ / (44.1) Par.?

pāradraviṇagṛddheṣu kitaveṣu viśeṣataḥ // (44.2) Par.?

avaśyaṃ tu kalājñānaṃ khyāpanīyaṃ kalāvidā / (45.1) Par.?

aprakāśaṃ hi vijñānaṃ kṛpaṇārthanirarthakam // (45.2) Par.?

na ca dyūtakalānyatra kitavebhyaḥ prakāśyate / (46.1) Par.?

na hi prayuñjate prājñāḥ veśād anyatra vaiśikam // (46.2) Par.?

dyūte jeṣyati yaś cātra sa me mitraṃ bhaviṣyati / (47.1) Par.?

dhanavanmitralābhaṃ hi nidhilābhādikaṃ viduḥ // (47.2) Par.?

ityādi bahu niścitya puras teṣāṃ savistaram / (48.1) Par.?

akṣāṣṭāpadaśārīṇām ākhyaṃ bhūmeś ca lakṣaṇam // (48.2) Par.?

tataḥ saṃdigdhapātasya tasyāhaṃ koṇapātinaḥ / (49.1) Par.?

supiṣṭam iṣṭakākṣodam akṣasyopari dattavān // (49.2) Par.?

athāsāv iṣṭakākṣodaḥ padasyopari yo 'patat / (50.1) Par.?

so 'patat sakalo bhūmau pañcakasyopari sthitaḥ // (50.2) Par.?

tatas tān uktavān asmi yo bhāgaḥ pañcakāṅkitaḥ / (51.1) Par.?

tasyottānatvam utkṛṣṭaṃ kṣodas tatra yataḥ sthitaḥ // (51.2) Par.?

etāvan mama vijñānam ity uktvāvasthite mayi / (52.1) Par.?

aho sādhv iti nirghoṣaḥ samantāt sahasotthitaḥ // (52.2) Par.?

tatas tatroditaṃ kaiścid ayam akṣaviśāradau / (53.1) Par.?

dhruvaṃ vijayate dūrān nalakuntīsutāv iti // (53.2) Par.?

te 'paraiḥ kupitair uktā jitau nalayudhiṣṭhirau / (54.1) Par.?

ayaṃ jayati jetārāv api puṣkarasaubalau // (54.2) Par.?

iti praśasyamānaṃ māṃ tiryag dṛṣṭvā samatsaraḥ / (55.1) Par.?

padavādī jito yo 'sāv asau mantharam uktavān // (55.2) Par.?

yeṣāṃ dyūtapaṇābhāvas te kimartham ihāsate / (56.1) Par.?

dyūtasthāne hi kiṃ kṛtyaṃ pravīṇaiḥ prāśnikair iti // (56.2) Par.?

āsīc ca mama kasmān māṃ kaulaṭeyaḥ kṣipaty ayam / (57.1) Par.?

yo 'haṃ trailokyasāreṇa paṇena paṇavān iti // (57.2) Par.?

atha nikṣipya sakrodhaṃ yauṣmākaṃ bhūṣaṇaṃ bhuvi / (58.1) Par.?

ehi dīvyāva mitreti tam ahaṃ dhūrtam uktavān // (58.2) Par.?

sa ca dhūrtair alaṃkāraḥ prasarpadbahalaprabhaḥ / (59.1) Par.?

dṛṣṭas tṛṣṇāviśālākṣaiḥ pataṃgair iva pāvakaḥ // (59.2) Par.?

athāsau krodhalobhābhyām akṣadhūrtaḥ pratāritaḥ / (60.1) Par.?

mayā saha sasaṃrambham akṣān ārabdho devitum // (60.2) Par.?

tena cāhaṃ tribhiḥ pātair anakṣakuśalaḥ kila / (61.1) Par.?

prabuddhair gardhagṛddhena sahasratritayaṃ jitaḥ // (61.2) Par.?

tatas tat sakṛd unmocya sahasratritayaṃ mayā / (62.1) Par.?

lakṣam ekena pātena jitaḥ sa kitavādhamaḥ // (62.2) Par.?

vijayāj jṛmbhitotsāhaḥ śaṅkitaś ca parājayāt / (63.1) Par.?

na virantuṃ na vā rantum asāv aśakad ākulaḥ // (63.2) Par.?

dīvya vā dehi vā lakṣaṃ saumyeti ca mayoditaḥ / (64.1) Par.?

vailakṣyād ghaṭṭayann akṣān na kiṃcit pratipannavān // (64.2) Par.?

etasminn antare bhṛtyaṃ svam avocat punarvasuḥ / (65.1) Par.?

kitavo 'yam idaṃ lakṣam acalaṃ dāpyatām iti // (65.2) Par.?

māṃ cāyaṃ svaṃ gṛhaṃ nītvā harṣād ṛjutanūruhaḥ / (66.1) Par.?

tathā pūjitavān devaṃ haraṃ dattavaraṃ yathā // (66.2) Par.?

māṃ cāvocad dhanaṃ yat tad bhavadbhiḥ kitavārjitam / (67.1) Par.?

tad udgrāhyedam ānītaṃ lakṣaṃ te gṛhyatām iti // (67.2) Par.?

mayāpy uktam upānte yad draviṇaṃ tvatparigrahāt / (68.1) Par.?

sādhitaṃ bhavatā yac ca tasya svāmī bhavān iti // (68.2) Par.?

uktaṃ cānena yan nāma yuṣmābhiḥ svayam arjitam / (69.1) Par.?

svāmino yūyam evāsya dhanasyety atra kā kathā // (69.2) Par.?

yad apīdaṃ mayāvāptaṃ yuṣmatsvāmikam eva tat / (70.1) Par.?

adhigacchati yad dāso bhartur eva hi tad dhanam // (70.2) Par.?

yac ca pṛcchāmi tan mahyaṃ prasāde sati kathyatām / (71.1) Par.?

bhūtalaṃ yūyam āyātāḥ kiṃnimittaṃ tripiṣṭapāt // (71.2) Par.?

manye saty api devatve bhavadbhiḥ krīḍayāhṛtaiḥ / (72.1) Par.?

ākārāntaranirmāṇaṃ nātyantam anuśīlitam // (72.2) Par.?

tathā ca varṇasaṃsthānakalāvijñānasampadaḥ / (73.1) Par.?

dṛṣṭāḥ kena manuṣyeṣu yādṛśo bhavatām iti // (73.2) Par.?

tena yat satyam ity ukte duḥkham āśitavān aham / (74.1) Par.?

dūreṇa hy atinindāyā duḥkhahetur atistutiḥ // (74.2) Par.?

vārāṇasīpraveśeṣu pratīhārāya pṛcchate / (75.1) Par.?

yan mayā kāryam ākhyātaṃ tad evāsmai niveditam // (75.2) Par.?

athānenoktam āścaryaṃ jyeṣṭhasya jagatāṃ guṇaiḥ / (76.1) Par.?

tvādṛśasyāpi yo jyeṣṭhaḥ kīdṛśaḥ sa bhaviṣyati // (76.2) Par.?

kiṃ vānena vimardena jyeṣṭhas tiṣṭhati yatra saḥ / (77.1) Par.?

sarvatīrthādhike deśe taṃ prāpayata mām iti // (77.2) Par.?

athainam aham ādāya gatavān bhavadantikam / (78.1) Par.?

yac cottaram atas tatra pratyakṣaṃ bhavatām api // (78.2) Par.?

iti kṣipram ayaṃ labdho mayā vaḥ paricārakaḥ / (79.1) Par.?

na hiṃsanti na sarvatra śriyaḥ puṇyavatām iti // (79.2) Par.?

tatas tam uktavān asmi vipadas tena durlabhāḥ / (80.1) Par.?

phalaṃ sucaritasyaiva hṛdayaṃ yasya gomukhaḥ // (80.2) Par.?

kiṃtu saṃśrayamātreṇa pīḍanīyaḥ punarvasuḥ / (81.1) Par.?

parānnaṃ hi vṛthābhuktaṃ duḥkhāyaiva satām iti // (81.2) Par.?

evamādibhir ālāpair ardham ardhaṃ ca nidrayā / (82.1) Par.?

nītavān asmi yāminyāḥ prātaś cāgāt punarvasuḥ // (82.2) Par.?

taṃ ca vanditamatpādam avocad iti gomukhaḥ / (83.1) Par.?

ballavaḥ kuśalaḥ kaścit kutaścana gaveṣyatām // (83.2) Par.?

tvadanyasya gṛhe nānnam aryajyeṣṭhena sevitam / (84.1) Par.?

parapākanivṛttā hi sādhuvṛttā dvijātayaḥ // (84.2) Par.?

ādarārādhitaś cāyaṃ tvadīyaṃ paribhuktavān / (85.1) Par.?

ārādhanānurodho hi caritaṃ mahatām iti // (85.2) Par.?

pratyākhyānavicittas tu tam āha sma punarvasuḥ / (86.1) Par.?

yady evaṃ jagadīśānāṃ kiṃ nāsti bhavatām iti // (86.2) Par.?

acirāc ca tadānītau saṃbhāvyaguṇasaṃpadau / (87.1) Par.?

ākārakṣiptanāsatyāv apaśyaṃ puruṣau puraḥ // (87.2) Par.?

tau ca māṃ ciram ālokya vadanaṃ ca parasparam / (88.1) Par.?

prasārya sabhujān pādāñ jayety uktvā bhuvaṃ gatau // (88.2) Par.?

tau cāhūya mayāyātau spṛṣṭapṛṣṭhau sabhājitau / (89.1) Par.?

vanditvā punar abrūtāṃ brūta kiṃ kriyatām iti // (89.2) Par.?

tatas tau gomukhenoktau bhavantau kila ballavau / (90.1) Par.?

satyaṃ ced idam āryasya pākaḥ saṃsādhyatām iti // (90.2) Par.?

tau ca prītau pratijñāya nikartya nakhamūrdhajān / (91.1) Par.?

snātau soṣṇīṣamūrdhānau mahānasam agacchatām // (91.2) Par.?

athavā tiṣṭhati vyāsaḥ samāsaḥ śrūyatām ayam / (92.1) Par.?

sarvā tābhyām apūrveva prakriyā samprasāritā // (92.2) Par.?

yāvatyā cāparaḥ sthālīm adhiśrayati ballavaḥ / (93.1) Par.?

tāvatyā velayā tābhyāṃ pāka eva samāpitaḥ // (93.2) Par.?

tato nirvartitasnānadevatānalatarpaṇaḥ / (94.1) Par.?

āhārasthānam adhyāsi viprapaṅktinirantaram // (94.2) Par.?

pañca tittirayaḥ pakvāś catvāraḥ kukkuṭā iti / (95.1) Par.?

āhāro yaiḥ praśastas tair aśitaṃ prākṛtāśanam // (95.2) Par.?

āhāraṃ yadi severan sakṛt tam amṛtāśanam / (96.1) Par.?

samutsṛṣṭāmṛtāhārā bhaveyur nāmarās tadā // (96.2) Par.?

tataḥ samāpitāhāraḥ karṇe gomukham abravam / (97.1) Par.?

sūdābhyāṃ bhuktabhaktābhyām ayutaṃ dīyatām iti // (97.2) Par.?

sa gatvā sahitas tābhyāṃ cirāc cāgatya kevalaḥ / (98.1) Par.?

smitasaṃsūcitaprītir upākramata bhāṣitum // (98.2) Par.?

mayā yāv uditāv etau na yuvām etad arhatha / (99.1) Par.?

avasthāsādṛśaṃ kiṃtu yat kiṃcid gṛhyatām iti // (99.2) Par.?

tayor ekatareṇātha bhartur dauḥsthityavartinaḥ / (100.1) Par.?

na yuktaṃ dhanam ādātum āvābhyām iti bhāṣitam // (100.2) Par.?

sa kruddhenetareṇokto dhik tvāṃ dīnatarāśayam / (101.1) Par.?

jitatrailokyavitteśaṃ vitteśaṃ yo 'nukampase // (101.2) Par.?

mahāpadmasahasrāṇi yat prasādād vimāninām / (102.1) Par.?

susthitāni bhaviṣyanti dauḥsthityaṃ tasya kīdṛśam // (102.2) Par.?

prayacchaty ayutaṃ yaś ca pākasyaikasya niṣkrayam / (103.1) Par.?

duḥsthitas tādṛśo yasya susthitas tasya kīdṛśaḥ // (103.2) Par.?

evamādi bruvann eva sa mālyam iva tad dhanam / (104.1) Par.?

dhārayitvā kṣaṇaṃ mūrdhnā prasthāya prāptavān gṛham // (104.2) Par.?

athainaṃ pṛṣṭavān asmi paṭukautūhalākulaḥ / (105.1) Par.?

divyam aiśvaryam āgāmi kathaṃ veda bhavān iti // (105.2) Par.?

tatas tenoktam asyaiva brahmadattasya bhūpateḥ / (106.1) Par.?

śatayajñādhikaśrīkaḥ pañcayajñaḥ pitābhavat // (106.2) Par.?

cikitsāsūdaśāstrajñaḥ śilpitve 'py aśaṭho 'bhavat / (107.1) Par.?

dvitīya iva tasyātmā devavān iti ballavaḥ // (107.2) Par.?

śarīram etad āyattaṃ mameti kṛtabuddhinā / (108.1) Par.?

rājñā tasmai svarājyasya daśamo 'ṃśaḥ prakalpitaḥ // (108.2) Par.?

nandopanandanāmānau tasya sūdapateḥ sutau / (109.1) Par.?

īdṛśākāravijñānāv āvām eva ca viddhi tau // (109.2) Par.?

bālābhyām eva cāvābhyāṃ sūdaśāstracikitsite / (110.1) Par.?

sahajñānaprayogābhyāṃ kulavidyeti śikṣite // (110.2) Par.?

ekadā nau pitāvocat putrakau śṛṇutaṃ hitam / (111.1) Par.?

śrotāraṃ guruvākyānāṃ na spṛśanti vipattayaḥ // (111.2) Par.?

padavākyapramāṇāni kāvyāni vividhāni ca / (112.1) Par.?

bhavadbhyāṃ śikṣitavyāni citrādiś ca kalāgaṇaḥ // (112.2) Par.?

kadācid ajitaṃ jetuṃ yāto yātavyamaṇḍalam / (113.1) Par.?

śāstrakāvyakathālāpair vinodaṃ prabhur icchati // (113.2) Par.?

vijñāya tu tadāsthānam asaṃnihitapaṇḍitam / (114.1) Par.?

vinodaṃ tasya kuryātaṃ śāstrālāpādibhir yuvām // (114.2) Par.?

pragalbhāḥ pratibhāvanto bahuvṛttāntapaṇḍitāḥ / (115.1) Par.?

prakāśitamanovṛttair bhṛtyāḥ krīḍanti bhartṛbhiḥ // (115.2) Par.?

ekavidyaḥ punas tatra pragalbho 'pi tapasvikaḥ / (116.1) Par.?

svavidyālāpaparyāyakhinnaś ciram udīkṣate // (116.2) Par.?

abhyastabahuvidyaś ca nirviparyāyamānasaḥ / (117.1) Par.?

gatasaṃśayaduḥkhatvāt sukhināṃ parameśvaraḥ // (117.2) Par.?

utsāhena ca śikṣethām āyuraiśvaryalakṣaṇam / (118.1) Par.?

dīrghāyurvittavanto hi saṃsevyāḥ sevakair iti // (118.2) Par.?

tac ca pitrājñayāśeṣam āvābhyām anuśīlitam / (119.1) Par.?

ramyāsvādaṃ ca pathyaṃ ca ko 'vamanyeta bheṣajam // (119.2) Par.?

tad vidyādharacakrasya cakravartī bhaviṣyati / (120.1) Par.?

jyaiṣṭhacandrasahasrāṃśudīrghāyuś ceti nau matiḥ // (120.2) Par.?

tena prasāritāṅgābhyām āvābhyām eṣa vanditaḥ / (121.1) Par.?

na hi vandanasāmānyam arhanti bahuvanditāḥ // (121.2) Par.?

bahavo hīha tiṣṭhanti brāhmaṇās tīrthakukkuṭāḥ / (122.1) Par.?

śiraḥspandanamātreṇa tān āvāṃ pūjayāvahe // (122.2) Par.?

tasmād yasmād asaṅgena sarvatrāgamacakṣuṣā / (123.1) Par.?

jyeṣṭhasya dṛṣṭam aiśvaryam ataḥ śraddhīyatām iti // (123.2) Par.?

prajñaptikauśikasutapramukhair uktaṃ nandasya niścitataraṃ vacanāt tad āsīt / (124.1) Par.?

bhāvaṃ hi saṃśayatamaḥpaṭalāpinaddham udbhāvayanty avitathā vacanapradīpāḥ // (124.2) Par.?

Duration=0.43274402618408 secs.