Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17637

Click on a sentence to show its analysis
Keep the mouse pointer over a lemma to show its meanings.

tataḥ prātaḥ samaṃ sainyaiḥ sa sumerutapovanāt / (1.1) Par.?

tasmāt sūryaprabhaḥ prāyāc chrutaśarmajigīṣayā // (1.2) Par.?

tannivāsasya nikaṭaṃ trikūṭādrer avāpya ca / (2.1) Par.?

āvāsito 'bhūt tatrasthaṃ balenotsārya tadbalam // (2.2) Par.?

āvāsite ca tatrāsmin sasumerumayādike / (3.1) Par.?

āsthānasthe trikūṭeśasaṃbandhī dūta āyayau // (3.2) Par.?

sa cāgatya jagādaivaṃ sumeruṃ khecareśvaram / (4.1) Par.?

śrutaśarmapitā rājā tava saṃdiṣṭavān idam // (4.2) Par.?

dūrasthasya na te 'smābhir ācāro jātucit kṛtaḥ / (5.1) Par.?

adyāsmadviṣayaṃ prāptaḥ sa tvaṃ prāghuṇikaiḥ saha // (5.2) Par.?

tad ātithyam idānīṃ vo vidhāsyāmo yathocitam / (6.1) Par.?

śrutvaitaṃ śatrusaṃdeśaṃ sumeruḥ pratyuvāca tam // (6.2) Par.?

sādhu nāsmatsamaṃ pātram atithiṃ prāpsyathāparam / (7.1) Par.?

ātithyaṃ na pare loke dāsyatīhaiva tatphalam // (7.2) Par.?

tad ime vayam ātithyaṃ kriyatām ity udāhṛte / (8.1) Par.?

sumeruṇā tathaivāgāt sa dūtaḥ svaṃ prabhuṃ prati // (8.2) Par.?

athonnatapradeśasthās te tu sūryaprabhādayaḥ / (9.1) Par.?

sainyāni dadṛśuḥ svāni niviṣṭāni pṛthak pṛthak // (9.2) Par.?

tataḥ sunīthaḥ pitaraṃ svam uvāca mayāsuram / (10.1) Par.?

pravibhāgaṃ rathādīnām asmatsainye 'tra śaṃsa naḥ // (10.2) Par.?

evaṃ karomi śṛṇutety uktvāṅgulyā nidarśayan / (11.1) Par.?

dānavendraḥ sa sarvajño vaktum evaṃ pracakrame // (11.2) Par.?

asau subāhur nirghāto muṣṭiko goharas tathā / (12.1) Par.?

pralambaś ca pramāthaś ca kaṅkaṭaḥ piṅgalo 'pi ca // (12.2) Par.?

vasudattādayaś caite rājāno 'rdharathā ime / (13.1) Par.?

aṅkurī suviśālaś ca daṇḍibhūṣaṇasomilāḥ // (13.2) Par.?

unmattako devaśarmā pitṛśarmā kumārakaḥ / (14.1) Par.?

ete saharidattādyāḥ sarve pūrṇarathā matāḥ // (14.2) Par.?

prakampano darpitaś ca kumbhīro mātṛpālitaḥ / (15.1) Par.?

mahābhaṭaḥ sograbhaṭo vīrasvāmī surādharaḥ // (15.2) Par.?

bhaṇḍīraḥ siṃhadattaś ca guṇavarmā sakīṭakaḥ / (16.1) Par.?

bhīmo bhayaṃkaraś ceti sarve 'mī dviguṇā rathāḥ // (16.2) Par.?

virocano vīraseno yajñaseno 'tha khujjaraḥ / (17.1) Par.?

indravarmā śabarakaḥ krūrakarmā nirāsakaḥ // (17.2) Par.?

bhaveyus triguṇā ete rathā rājasutāḥ suta / (18.1) Par.?

suśarmā bāhuśālī ca viśākhaḥ krodhano 'py ayam // (18.2) Par.?

pracaṇḍaś cety amī rājaputrā rathacaturguṇāḥ / (19.1) Par.?

juñjarī vīravarmā ca pravīravara eva ca // (19.2) Par.?

supratijño 'marārāmaś caṇḍadatto 'tha jālikaḥ / (20.1) Par.?

trayaḥ siṃhabhaṭavyāghrabhaṭaśatrubhaṭā api // (20.2) Par.?

rājāno rājaputrāś ca rathāḥ pañcaguṇā amī / (21.1) Par.?

ugravarmā tv ayaṃ rājaputraḥ syāt ṣaḍguṇo rathaḥ // (21.2) Par.?

rājaputro viśākhaś ca sutantuḥ sugamo 'pi ca / (22.1) Par.?

narendraśarmā cety ete rathāḥ saptaguṇā matāḥ // (22.2) Par.?

mahārathaḥ punar ayaṃ sahasrāyunṛpātmajaḥ / (23.1) Par.?

mahārathānāṃ yūthasya śatānīkas tv ayaṃ patiḥ // (23.2) Par.?

subhāsaharṣavimalāḥ sūryaprabhavayasyakāḥ / (24.1) Par.?

mahābuddhyacalākhyau ca priyaṃkaraśubhaṃkarau // (24.2) Par.?

ete mahārathā yajñarucidharmarucī tathā / (25.1) Par.?

evaṃ viśvarucir bhāsaḥ siddhārthaś cety amī trayaḥ // (25.2) Par.?

sūryaprabhasya sacivāḥ syur mahārathayūthapāḥ / (26.1) Par.?

prahastaś ca mahārthaś ca tasyātirathayūthapau // (26.2) Par.?

yūthapau rathayūthānāṃ prajñāḍhyasthirabuddhikau / (27.1) Par.?

dānavaḥ sarvadamanas tathā pramathano 'py asau // (27.2) Par.?

dhūmaketuḥ pravahaṇo vajrapañjara eva ca / (28.1) Par.?

kālacakro marudvego rathātirathapā amī // (28.2) Par.?

prakampanaḥ siṃhanādo rathātirathayūthapau / (29.1) Par.?

mahāmāyaḥ kāmbalikaḥ kālakampanako 'py ayam // (29.2) Par.?

prahṛṣṭaromā cety ete catvāro 'py asurādhipāḥ / (30.1) Par.?

putrātirathayūthādhipatīnām adhipā ime // (30.2) Par.?

sūryaprabhasamaś cāyaṃ prabhāsaḥ sainyanāyakaḥ / (31.1) Par.?

sumerutanayaś caiṣa śrīkuñjarakumārakaḥ // (31.2) Par.?

dvau mahārathayūthādhipatiyūthādhipāv imau / (32.1) Par.?

ity ete 'smadbale 'nye ca śūrāḥ svaiḥ svair balair vṛtāḥ // (32.2) Par.?

parasainye 'dhikāḥ santi tathāpy asmadbalasya te / (33.1) Par.?

na paryāptā bhaviṣyanti saprasāde maheśvare // (33.2) Par.?

iti yāvat sunīthaṃ taṃ bravīti sa mayāsuraḥ / (34.1) Par.?

śrutaśarmapituḥ pārśvād dūto 'nyas tāvad āyayau // (34.2) Par.?

sa covāca trikūṭādhipatir evaṃ bravīti vaḥ / (35.1) Par.?

saṅgrāmo nāma śūrāṇām utsavo hi mahān ayam // (35.2) Par.?

tasyaiṣā saṃkaṭā bhūmis tasmād āgamyatām itaḥ / (36.1) Par.?

yāmaḥ kalāpagrāmākhyaṃ pradeśaṃ vipulāntaram // (36.2) Par.?

etac chrutvā sunīthādyāḥ sainyaiḥ saha tatheti te / (37.1) Par.?

sarve kalāpagrāmaṃ taṃ sūryaprabhayutā yayuḥ // (37.2) Par.?

śrutaśarmādayas te 'pi tathaiva samaronmukhāḥ / (38.1) Par.?

tam eva deśam ājagmur vidyādharabalair vṛtāḥ // (38.2) Par.?

śrutaśarmabale dṛṣṭvā gajān sūryaprabhādayaḥ / (39.1) Par.?

ānāyayan gajānīkaṃ svaṃ vimānādhiropitam // (39.2) Par.?

tataḥ senāpatiś cakre senāyāṃ śrutaśarmaṇaḥ / (40.1) Par.?

dāmodaro mahāsūcivyūhaṃ vidyādharottamaḥ // (40.2) Par.?

tatra pārśve svayaṃ tasthau śrutaśarmā samantrikaḥ / (41.1) Par.?

agre dāmodaraś cāsīd anyatrānye mahārathāḥ // (41.2) Par.?

sainye sūryaprabhasyāpi prabhāso 'nīkinīpatiḥ / (42.1) Par.?

ardhacandraṃ vyadhād vyūhaṃ madhye tasyābhavat svayam // (42.2) Par.?

sakuñjarakumāraś ca prahastaś cāsya koṇayoḥ / (43.1) Par.?

sūryaprabhasunīthādyās tasthuḥ sarve 'tra pṛṣṭhataḥ // (43.2) Par.?

sumerau tatsamīpasthe sasuvāsakumārake / (44.1) Par.?

āhanyanta raṇātodyāny ubhayor api sainyayoḥ // (44.2) Par.?

tāvac ca gaganaṃ devaiḥ saṅgrāmaṃ draṣṭum āgataiḥ / (45.1) Par.?

sendraiḥ salokapālaiś ca sāpsaraskair apūryata // (45.2) Par.?

āyayau cātra viśveśaḥ śaṃkaraḥ pārvatīyutaḥ / (46.1) Par.?

devatābhir gaṇair bhūtair mātṛbhiś cāpy anudrutaḥ // (46.2) Par.?

āgāc ca bhagavān brahmā sāvitryādibhir anvitaḥ / (47.1) Par.?

mūrtair vedaiś ca śāstraiś ca nikhilaiś ca maharṣibhiḥ // (47.2) Par.?

ājagāma ca devībhir lakṣmīkīrtijayādibhiḥ / (48.1) Par.?

dhṛtacakrāyudho devaḥ pakṣirājaratho hariḥ // (48.2) Par.?

sabhāryaḥ kaśyapo 'py āgād ādityā vasavo 'pi ca / (49.1) Par.?

yakṣarākṣasanāgendrāḥ prahlādādyās tathāsurāḥ // (49.2) Par.?

tair āvṛte nabhobhāge śastrasaṃpātadāruṇaḥ / (50.1) Par.?

prāvartata mahānādaḥ saṅgrāmaḥ senayos tayoḥ // (50.2) Par.?

dikcakre bāṇajālena ghanenācchādite tadā / (51.1) Par.?

anyonyaśarasaṃgharṣajātānalataḍillate // (51.2) Par.?

śastrakṣatagajāśvaugharaktadhārāvapūritāḥ / (52.1) Par.?

vīrakāyavahadgrāhā niryayuḥ śoṇitāpagāḥ // (52.2) Par.?

nṛtyatāṃ taratāṃ rakte nadatāṃ cotsavāya saḥ / (53.1) Par.?

śūrāṇāṃ pheravāṇāṃ ca bhūtānāṃ cābhavad raṇaḥ // (53.2) Par.?

śānte tumulasaṅgrāme nihatāsaṃkhyasainike / (54.1) Par.?

lakṣyamāṇe vibhāge ca śanaiḥ svaparasainyayoḥ // (54.2) Par.?

pratipakṣapravīrāṇāṃ prayuddhānāṃ sumerutaḥ / (55.1) Par.?

nāmādau śrūyamāṇe ca kramāt sūryaprabhādibhiḥ // (55.2) Par.?

pūrvaṃ subāhor nṛpater vidyādharapates tathā / (56.1) Par.?

aṭṭahāsābhidhānasya dvandvayuddham abhūd dvayoḥ // (56.2) Par.?

suciraṃ yudhyamānasya tasya viddhasya sāyakaiḥ / (57.1) Par.?

aṭṭahāso 'rdhacandreṇa subāhor achinac chiraḥ // (57.2) Par.?

dṛṣṭvā subāhuṃ nihataṃ muṣṭiko 'bhyāpatat krudhā / (58.1) Par.?

so 'pi tenāṭṭahāsena hṛdi bāṇahato 'patat // (58.2) Par.?

muṣṭike nihate kruddhaḥ pralambo nāma bhūpatiḥ / (59.1) Par.?

abhidhāvyāṭṭahāsaṃ taṃ śaravarṣair ayodhayat // (59.2) Par.?

aṭṭahāso 'pi tatsainyaṃ hatvā hatvā ca marmaṇi / (60.1) Par.?

pralambam api taṃ vīraṃ rathapṛṣṭhe nyapātayat // (60.2) Par.?

vīkṣya pralambaṃ nihataṃ mohano nāma bhūpatiḥ / (61.1) Par.?

saṃnipatyāṭṭahāsaṃ taṃ tāḍayāmāsa sāyakaiḥ // (61.2) Par.?

tato 'ṭṭahāsas taṃ chinnakodaṇḍaṃ hatasārathim / (62.1) Par.?

dṛḍhaprahārābhihataṃ pātayāmāsa mohanam // (62.2) Par.?

dṛṣṭvāṭṭahāsena hatāṃś caturaś catureṇa tān / (63.1) Par.?

śrutaśarmabalaṃ harṣād unnanāda jayonmukham // (63.2) Par.?

tad dṛṣṭvā kupito harṣaḥ sūryaprabhavayasyakaḥ / (64.1) Par.?

sasainyam abhyadhāvat tam aṭṭahāsaṃ sasainikaḥ // (64.2) Par.?

nivārya ca śarais tasya śarān sainyaṃ nihatya ca / (65.1) Par.?

vyāpādya sārathiṃ dvis trir dhanuś chittvā ca sadhvajam // (65.2) Par.?

harṣo yad aṭṭahāsasya nirbibheda śaraiḥ śiraḥ / (66.1) Par.?

tenāsau rudhirodgārī nipapāta rathād bhuvi // (66.2) Par.?

aṭṭahāse hate tādṛk kṣobho 'bhūd atra saṃyuge / (67.1) Par.?

kṣaṇād ardhāvaśeṣaṃ tad yena jajñe baladvayam // (67.2) Par.?

nipetur eva nihatās tatrāśvagajapattayaḥ / (68.1) Par.?

raṇamūrdhani cottasthuḥ kabandhā eva kevalam // (68.2) Par.?

tato vikṛtadaṃṣṭrākhyo harṣaṃ vidyādhareśvaraḥ / (69.1) Par.?

etyāṭṭahāsanidhanakruddho bāṇair avākirat // (69.2) Par.?

harṣo 'pi tasya nirdhūya śarān sadhvajasārathīn / (70.1) Par.?

hatvā rathāśvāṃś cicheda śiro lalitakuṇḍalam // (70.2) Par.?

hate vikṛtadaṃṣṭre tu cakravāla iti śrutaḥ / (71.1) Par.?

rājā vidyādharo harṣam abhyadhāvad amarṣitaḥ // (71.2) Par.?

sa yudhyamānam avadhīd asakṛcchinnakārmukam / (72.1) Par.?

cakravālo yudhi śrāntaṃ harṣaṃ śīrṇāparāyudham // (72.2) Par.?

tatkrodhād etya nṛpatiḥ pramāthas tam ayodhayat / (73.1) Par.?

so 'py ahanyata tenātha cakravālena saṃyuge // (73.2) Par.?

tathaiva tena cātrānye 'py ekaśo dhāvitāḥ kramāt / (74.1) Par.?

catvāraś cakravālena rājamukhyā nipātitāḥ // (74.2) Par.?

kaṅkaṭaś ca viśālaś ca pracaṇḍaś cāṅkurī tathā / (75.1) Par.?

tad dṛṣṭvābhyapatat krodhān nirghāto nāma taṃ nṛpaḥ // (75.2) Par.?

tau cakravālanirghātau yudhyamānau ciraṃ kramāt / (76.1) Par.?

anyonyacūrṇitarathāv abhūtāṃ pādacāriṇau // (76.2) Par.?

asicakradharau dvāv apy ākopamilitau ca tau / (77.1) Par.?

khaḍgāhatidvidhābhūtamūrdhānau bhuvi petatuḥ // (77.2) Par.?

vipannau vīkṣya tau vīrau viṣaṇṇe 'pi baladvaye / (78.1) Par.?

raṇāgram āyayau vidyādharendraḥ kālakampanaḥ // (78.2) Par.?

rājaputro 'bhyadhāvac ca taṃ prakampananāmakaḥ / (79.1) Par.?

sa kālakampanenātra kṣaṇāt tena nyapātyata // (79.2) Par.?

tasmin nipatite tasya pañcānye 'bhyapatan rathāḥ / (80.1) Par.?

jālikaś caṇḍadattaś ca gopakaḥ somilo 'pi ca // (80.2) Par.?

pitṛśarmā ca sarve te śarāṃs tasmin sahāmucan / (81.1) Par.?

sa tu pañcāpi tān kālakampano virathīkṛtān // (81.2) Par.?

jaghāna yugapad vidhyan nārācair hṛdi pañcabhiḥ / (82.1) Par.?

praṇeduḥ khecarās tena vyaṣīdan manujāsurāḥ // (82.2) Par.?

tato 'bhyadhāvann apare catvāras taṃ rathāḥ samam / (83.1) Par.?

unmattakaḥ praśastaś ca vilambakadhuraṃdharau // (83.2) Par.?

sa tān apy avadhīt kālakampano līlayākhilān / (84.1) Par.?

tathaiva dhāvitān anyān ṣaḍ rathān nijaghāna saḥ // (84.2) Par.?

tejikaṃ geyikaṃ caiva vegilaṃ śākhilaṃ tathā / (85.1) Par.?

bhadraṃkaraṃ daṇḍinaṃ ca bhūrisainyān mahārathān // (85.2) Par.?

aparāṃś ca punaḥ pañca so 'vadhīn militān yudhi / (86.1) Par.?

bhīmabhīṣaṇakumbhīravikaṭān savilocanān // (86.2) Par.?

tad dṛṣṭvā kadanaṃ kālakampanena kṛtaṃ raṇe / (87.1) Par.?

adhāvat sugaṇo nāma rājaputro 'sya saṃmukhaḥ // (87.2) Par.?

sa tena tāvad vidadhe samaṃ yuddham ubhāv api / (88.1) Par.?

hatāśvasārathī yāvad virathau tau babhūvatuḥ // (88.2) Par.?

tatas taṃ khaḍgayuddhena sugaṇaṃ pādacāriṇam / (89.1) Par.?

sa kālakampanaḥ pādacāry eva bhuvi jaghnivān // (89.2) Par.?

tāvac ca mānuṣair vidyādharāṇāṃ samam āhavam / (90.1) Par.?

asaṃbhāvyaṃ vilokyeva khinno 'staṃ prayayau raviḥ // (90.2) Par.?

raktāmbupūrabharitaṃ na paraṃ samarāṅgaṇam / (91.1) Par.?

yāvat saṃdhyākṛtapadaṃ yayau vyomāpi śoṇatām // (91.2) Par.?

kabandhaiḥ saha bhūteṣu saṃdhyānṛttodyateṣv atha / (92.1) Par.?

saṃhṛtya yuddhaṃ yayatuḥ svaniveśāya te bale // (92.2) Par.?

śrutaśarmabale tasmin dine vīrā hatās trayaḥ / (93.1) Par.?

trayastriṃśat pravīrās tu bale sauryaprabhe hatāḥ // (93.2) Par.?

tena bāndhavamittrādinidhanena sudurmanāḥ / (94.1) Par.?

sūryaprabhas triyāmāṃ tām āsīd antaḥpurair vinā // (94.2) Par.?

anidra eva sacivaiḥ saha saṅgrāmasaṃkathāḥ / (95.1) Par.?

tās tāḥ kurvan nināyaitāṃ punaryuddhonmukho niśām // (95.2) Par.?

tadbhāryāś ca milanti sma hatabāndhavaduḥkhitāḥ / (96.1) Par.?

ekatra tasyāṃ rajanāv anyonyāśvāsanāgatāḥ // (96.2) Par.?

ruditāvasare 'py atra kathā nānāvidhā vyadhuḥ / (97.1) Par.?

strīṇāṃ na sa kṣaṇo yatra na kathā svapurāśrayā // (97.2) Par.?

tatprasaṅgena tatraikā rājaputrīdam abravīt / (98.1) Par.?

āścaryam āryaputro 'dya kathaṃ supto niraṅganaḥ // (98.2) Par.?

tac chrutvā vyājahārānyā saṅgrāme svajanakṣayāt / (99.1) Par.?

duḥkhito hy āryaputro 'dya ramate strījane katham // (99.2) Par.?

tato 'parā bravīti sma prāpnoty abhinavāṃ yadi / (100.1) Par.?

varakanyāṃ sa tadduḥkhaṃ vismaraty adhunaiva tat // (100.2) Par.?

athetarābravīn maivaṃ yady api strīṣu lampaṭaḥ / (101.1) Par.?

tathāpi na sa duḥkhe 'sminn īdṛśaḥ syāt tathāvidhaḥ // (101.2) Par.?

iti tāsu vadantīṣu jagādaikā savismayam / (102.1) Par.?

brūta strīlampaṭaḥ kasmād āryaputro batedṛśaḥ // (102.2) Par.?

āhṛtāsv api bhāryāsu bhūyasīṣu navā navāḥ / (103.1) Par.?

aniśaṃ rājaputrīr yat sa gṛhṇan naiva tuṣyati // (103.2) Par.?

etac chrutvā vidagdhaikā tāsu nāmnā manovatī / (104.1) Par.?

uvāca śrūyatāṃ yena rājāno bahuvallabhāḥ // (104.2) Par.?

deśarūpavayaśceṣṭāvijñānādivibhedataḥ / (105.1) Par.?

bhinnā guṇā varastrīṇāṃ naikā sarvaguṇānvitā // (105.2) Par.?

karṇāṭalāṭasaurāṣṭramadhyadeśādideśajāḥ / (106.1) Par.?

yoṣā deśasamācārai rañjayanti nijair nijaiḥ // (106.2) Par.?

kāściddharanti sudṛśaḥ śāradendunibhair mukhaiḥ / (107.1) Par.?

anyāḥ kanakakumbhābhaiḥ stanair unnatasaṃhataiḥ // (107.2) Par.?

smarasiṃhāsanaprakhyair aparā jaghanasthalaiḥ / (108.1) Par.?

itarāś cetarair aṅgaiḥ svasaundaryamanoramaiḥ // (108.2) Par.?

kācit kāñcanagaurāṅgī priyaṅguśyāmalāparā / (109.1) Par.?

anyā raktāvadātā ca dṛṣṭvaiva haratīkṣaṇe // (109.2) Par.?

kācit pratyagrasubhagā kācit sampūrṇayauvanā / (110.1) Par.?

kācit prauḍhatvasurasā prasaradvibhramojjvalā // (110.2) Par.?

hasantī śobhate kācit kācit kope 'pi hāriṇī / (111.1) Par.?

vrajantī gajavat kāpi haṃsavat kāpi rājate // (111.2) Par.?

ālapanty amṛteneva kācid āsiñcati śrutim / (112.1) Par.?

sabhrūvilāsaṃ paśyantī svabhāvād bhāti kācana // (112.2) Par.?

nṛttena rocate kācit kācid gītena rājate / (113.1) Par.?

vīṇādivādanajñānenānyā kāntā ca rocate // (113.2) Par.?

kācid bāhyaratābhijñā kācid ābhyantarapriyā / (114.1) Par.?

prasādhanojjvalā kācit kācid vaidagdhyaśobhitā // (114.2) Par.?

bhartṛcittagrahābhijñā cānyā saubhāgyam aśnute / (115.1) Par.?

kiyad vā vacmi bahavo 'py anye 'nyāsāṃ pṛthag guṇāḥ // (115.2) Par.?

tad evam iha kasyāścid guṇaḥ ko'pi varastriyaḥ / (116.1) Par.?

na tu sarvaguṇāḥ sarvās trilokyām api kāścana // (116.2) Par.?

ato nānārasāsvādalabdhakakṣyāḥ kileśvarāḥ / (117.1) Par.?

āhṛtyāpy āharantyeva bhāryā navanavāḥ sadā // (117.2) Par.?

uttamās tu na vāñchanti paradārān kathaṃcana / (118.1) Par.?

tannāryaputrasyaiṣa syād doṣo nerṣyā ca naḥ kṣamā // (118.2) Par.?

evamādyā manovatyā proktāḥ sūryaprabhāṅganāḥ / (119.1) Par.?

anyā madanasenādyās tathaivocuḥ kathāḥ kramāt // (119.2) Par.?

tato 'tirasataś ca tā vigatayantraṇānargalāḥ parasparam upādiśan suratakāryatantrāṇy api / (120.1) Par.?

prasaṅgamilitāḥ kathāprasarasaktacittā mithas tad asti na kim apy aho yad iha nodvamanti striyaḥ // (120.2) Par.?

atha katham api dīrghā sā kathā cātra tāsām avasitim upayātā sā ca rātriḥ krameṇa / (121.1) Par.?

timiravigamavelāvekṣaṇaikābhikāṅkṣo ripubalavijigīṣos tatra sūryaprabhasya // (121.2) Par.?

Duration=0.59343194961548 secs.