Texts

Help

Select a text:
Bibliography
Select a chapter:
 (no revisions)
Associated topic(s): Kṛṣṇa and Bāṇa

Show parallels  Show headlines
Use dependency labeler
Chapter id: 17482
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
tatas te sahitāḥ sarve trayastraya ivāgnayaḥ / (1.2) Par.?
vainateyaṃ samāruhya yudhyamānā raṇe sthitāḥ // (1.3) Par.?
tataḥ sarvāṇy anīkāni bāṇavarṣair mahābalāḥ / (2.1) Par.?
ardayan vainateyasthā nadanto 'tibalā raṇe // (2.2) Par.?
cakralāṅgalapātaiś ca bāṇavarṣaiś ca pīḍitam / (3.1) Par.?
saṃcukopa mahānīkaṃ dānavānāṃ mahātmanām // (3.2) Par.?
kakṣe 'gnir iva saṃvṛddhaḥ śuṣkendhanasamīritaḥ / (4.1) Par.?
kṛṣṇabāṇāgnir udbhūto vivṛddhim upagacchati // (4.2) Par.?
sa dānavasahasrāṇi tasmin samaramūrdhani / (5.1) Par.?
yugāntāgnir ivārciṣmān dahamāno vyarājata // (5.2) Par.?
tāṃ dīryamāṇāṃ mahatīṃ nānāpraharaṇodyatām / (6.1) Par.?
senāṃ bāṇaḥ samāsādya vārayan vākyam abravīt // (6.2) Par.?
lāghavaṃ samupāgamya kim evaṃ bhayaviklavāḥ / (7.1) Par.?
daityavaṃśasamutpannāḥ palāyadhvaṃ mahāmṛdhe // (7.2) Par.?
kavacāsigadāprāsān khaḍgacarmaparaśvadhān / (8.1) Par.?
utsṛjyotsṛjya gacchanti kiṃ bhavanto 'ntarikṣagāḥ // (8.2) Par.?
svajātiṃ caiva vāsaṃ ca harasaṃsargam eva ca / (9.1) Par.?
mānayadbhir na gantavyam eṣo hy aham avasthitaḥ // (9.2) Par.?
evam uccāritāṃ vācaṃ śṛṇvantas tām acintya vai / (10.1) Par.?
apakrāmanta te sarve dānavā bhayapīḍitāḥ // (10.2) Par.?
pramāthagaṇaśeṣaṃ tu tadanīkapuraḥsaram / (11.1) Par.?
bhagnāvaśeṣaṃ yuddhāya manaś cakre punas tadā // (11.2) Par.?
kumbhāṇḍo nāma bāṇasya sakhāmātyaś ca vīryavān / (12.1) Par.?
balaṃ bhagnaṃ samālokya vacanaṃ cedam abravīt // (12.2) Par.?
eṣa bāṇaḥ sthito yuddhe śaṃkaro 'yaṃ guhas tathā / (13.1) Par.?
kimarthaṃ yuddham utsṛjya bhavanto bhayamohitāḥ // (13.2) Par.?
nandīśvarasamāyuktaṃ ratham āsthāya vīryavān / (14.1) Par.?
saṃdaṣṭauṣṭhapuṭo rudraḥ pradhāvati yato hariḥ // (14.2) Par.?
pibann iva tadākāśaṃ siṃhayukto mahāsvanaḥ / (15.1) Par.?
ratho bhāti ghanonmuktaḥ paurṇamāsyāṃ yathā śaśī // (15.2) Par.?
vainateyastham asyantam āyāntam agraṇīr haraḥ / (16.1) Par.?
hariṃ vivyādha kupito nārācānāṃ śatena saḥ // (16.2) Par.?
sa śarair arditas tena hareṇāmitraghātinā / (17.1) Par.?
harir jagrāha kupito hy astraṃ pārjanyam uttamam // (17.2) Par.?
tataḥ śatasahasrāṇi śarāṇāṃ nataparvaṇām / (18.1) Par.?
niṣpetuḥ sarvato digbhyo yato haratanus tataḥ // (18.2) Par.?
athāgneyaṃ mahāraudram astram astravidāṃ varaḥ / (19.1) Par.?
mumoca ruṣito rudras tad adbhutam ivābhavat // (19.2) Par.?
tato viśīrṇadehās te catvāro 'pi samantataḥ / (20.1) Par.?
nādṛśyanta śaraiś channā dahyamānāś ca vahninā // (20.2) Par.?
siṃhanādaṃ tataś cakruḥ sarva evāsurottamāḥ / (21.1) Par.?
hato 'yam iti vijñāya āgneyāntarhite harau // (21.2) Par.?
tatas tad viṣahitvājau hy astram astravidāṃ varaḥ / (22.1) Par.?
jagrāha vāruṇaṃ so 'straṃ vāsudevaḥ pratāpavān // (22.2) Par.?
udyate vāruṇāstre tu vāsudevena dhīmatā / (23.1) Par.?
āgneyaṃ praśamaṃ yātam astraṃ vāruṇatejasā // (23.2) Par.?
paiśācaṃ rākṣasaṃ caiva raudram āṅgirasaṃ bhavaḥ / (24.1) Par.?
mumocāstrāṇi catvāri yugāntāgninibhāni saḥ // (24.2) Par.?
vāyavyam atha sāvitraṃ vāsavaṃ mohanaṃ tathā / (25.1) Par.?
astrāṇāṃ vāraṇārthāya vāsudevo mumoca ha // (25.2) Par.?
astraiś caturbhiś catvāri vārayitvā ca keśavaḥ / (26.1) Par.?
jagrāha vaiṣṇavaṃ so 'straṃ vyāditāsyāntakopamam // (26.2) Par.?
vaiṣṇavāstre vimukte tu sarva evāsurottamāḥ / (27.1) Par.?
diśaḥ pradudruvuḥ sarve bhayamohitalocanāḥ // (27.2) Par.?
andhakārīkṛte loke pradīpte tryambake tadā / (28.1) Par.?
na nandī nāpi ca ratho na rudraḥ pratyadṛśyata // (28.2) Par.?
dviguṇaṃ dīptadehas tu roṣeṇa ca balena ca / (29.1) Par.?
tripurāntakaraṃ bāṇaṃ jagrāha ca caturmukhaḥ // (29.2) Par.?
saṃdadhatkārmuke caiva kṣeptukāmas trilocanaḥ / (30.1) Par.?
vijñāto vāsudevena cittajñena mahātmanā // (30.2) Par.?
jṛmbhaṇaṃ nāma so 'py astraṃ jagrāha puruṣottamaḥ / (31.1) Par.?
haraṃ saṃjṛmbhayāmāsa kṣiprakārī mahābalaḥ // (31.2) Par.?
pāñcajanyasya ghoṣeṇa śārṅgavisphūrjitena ca / (32.1) Par.?
devaṃ vijṛmbhitaṃ dṛṣṭvā sarvabhūtāni tatrasuḥ // (32.2) Par.?
kumbhāṇḍasaṃgṛhītāśve rathe tiṣṭhan guhas tadā / (33.1) Par.?
abhidudrāva kṛṣṇaṃ ca balaṃ pradyumnam eva ca // (33.2) Par.?
śaraughācitagātrās te trayastraya ivāgnayaḥ / (34.1) Par.?
śoṇitaughaplutair gātraiḥ pratyayudhyan guhaṃ tadā // (34.2) Par.?
tatas te yuddhamārgajñās trayas tribhir anuttamaiḥ / (35.1) Par.?
vāyavyāgneyapārjanyair bibhidur dīptatejasaḥ // (35.2) Par.?
tasya dīptaśaraughasya dīptacāpadharasya ca / (36.1) Par.?
śaraughān astramāyābhir grasanti sma mahātmanaḥ // (36.2) Par.?
astraṃ brahmaśiro nāma kālakalpaṃ durāsadam / (37.1) Par.?
saṃdaṣṭauṣṭhapuṭaḥ saṃkhye jagrāha sa guhas tadā // (37.2) Par.?
prayukte brahmaśirasi sahasrāṃśusamaprabhe / (38.1) Par.?
ugre paramadurdharṣe lokakṣayakare tadā // (38.2) Par.?
mahābhūteṣu sarveṣu pradhāvatsu tatastataḥ / (39.1) Par.?
keśavaḥ keśimathanaś cakraṃ jagrāha vīryavān // (39.2) Par.?
sarveṣām astravīryāṇāṃ vāraṇe ghātane tathā / (40.1) Par.?
cakram apraticakrasya loke khyātaṃ mahātmanaḥ // (40.2) Par.?
astraṃ brahmaśiras tena niṣprabhaṃ kṛtam ojasā / (41.1) Par.?
meghair ivātapāpāye savitur maṇḍalaṃ mahat // (41.2) Par.?
tato niṣprabhatāṃ yāte naṣṭavīrye mahaujasi / (42.1) Par.?
tasmin brahmaśirasy astre śaktiṃ jagrāha kāñcanīm // (42.2) Par.?
maholkām iva tāṃ dīptāṃ yugāntāgnisamaprabhām / (43.1) Par.?
ghaṇṭāmālākulāṃ śaktiṃ cikṣepa ruṣito guhaḥ // (43.2) Par.?
jṛmbhamāṇeva gagane saṃpradīptamukhī tataḥ / (44.1) Par.?
ādhāvantī mahāśaktiḥ kṛṣṇasya vadhakāṅkṣiṇī // (44.2) Par.?
bhṛśaṃ viṣaṇṇāḥ sendrāś ca sarvāmarapurogamāḥ / (45.1) Par.?
śaktiṃ prajvalitāṃ dṛṣṭvā dagdhaḥ kṛṣṇa iti bruvan // (45.2) Par.?
abhyāśamāgatāṃ tāṃ tu mahāśaktiṃ mahāmṛdhe / (46.1) Par.?
huṃkāreṇaiva nirbhartsya pātayāmāsa bhūtale // (46.2) Par.?
pātitāyāṃ mahāśaktyāṃ sādhu sādhv iti sarvaśaḥ / (47.1) Par.?
siṃhanādaṃ tataś cakruḥ sarve devāḥ savāsavāḥ // (47.2) Par.?
tato deveṣu nardatsu vāsudevaḥ pratāpavān / (48.1) Par.?
punaś cakraṃ sa jagrāha bhūtāntakaraṇaṃ tadā // (48.2) Par.?
vyāvidhyamāne cakre tu kṛṣṇenāmitatejasā / (49.1) Par.?
taṃ dṛṣṭvā pramukhe tasya vyatiṣṭhata ca kauṭavī / (49.2) Par.?
apagacchāpagaccha tvaṃ dhigdhig ity eva so 'bravīt // (49.3) Par.?
tatas tūryapraṇādaiś ca bherīṇāṃ ca mahāsvanaiḥ / (50.1) Par.?
siṃhanādaiś ca daityānāṃ bāṇaḥ kṛṣṇam abhidravat // (50.2) Par.?
āyāntam atha taṃ dṛṣṭvā yadūnām ṛṣabhaṃ raṇe / (51.1) Par.?
vainateyasamārūḍhaṃ kṛṣṇam apratimaujasam // (51.2) Par.?
bāṇa uvāca / (52.1) Par.?
tiṣṭha tiṣṭha na me 'dya tvaṃ jīvan pratigamiṣyasi / (52.2) Par.?
dvārakāṃ dvārakāsthān vā suhṛdo drakṣyase na ca // (52.3) Par.?
suvarṇavarṇān vṛkṣāgrān adya drakṣyasi mādhava / (53.1) Par.?
mayābhibhūtaḥ samare mumūrṣuḥ kālacoditaḥ // (53.2) Par.?
adya bāhusahasreṇa katham aṣṭabhujo raṇe / (54.1) Par.?
mayā saha samāgamya yotsyase garuḍadhvaja // (54.2) Par.?
adya hi tvaṃ mayā yuddhe nirjitaḥ saha bāndhavaiḥ / (55.1) Par.?
dvārakāṃ śoṇitapure nihataḥ saṃsmariṣyasi // (55.2) Par.?
nānāpraharaṇopetaṃ nānāṅgadavibhūṣitam / (56.1) Par.?
adya bāhusahasraṃ me koṭibhūtaṃ niśāmaya // (56.2) Par.?
garjatas tasya vākyaughāḥ samudrād iva sindhavaḥ / (57.1) Par.?
niścaranti mahāghorā vātoddhūtā ivormayaḥ // (57.2) Par.?
roṣaparyākule caiva netre tasya babhūvatuḥ / (58.1) Par.?
jagad didhakṣann iva khe mahāsūrya ivoditau // (58.2) Par.?
bhagavān uvāca / (59.1) Par.?
bāṇa kiṃ garjase śūrā na garjanti raṇe sthitāḥ / (59.2) Par.?
ehy ehi yudhyasva raṇe kiṃ mithyāgarjitena te // (59.3) Par.?
yadi yuddhāni vacanaiḥ sidhyanti ditinandana / (60.1) Par.?
bhavān eva jayen nityaṃ bahvabaddhaṃ prabhāṣase // (60.2) Par.?
ehy ehi jaya māṃ bāṇa jito vā vasudhātale / (61.1) Par.?
cirāyāvāṅmukho dīnaḥ patitaḥ śeṣyase 'sura // (61.2) Par.?
ity evam uktvā vacanaṃ marmabhedibhir āśugaiḥ / (62.1) Par.?
nirbibheda raṇe kṛṣṇas tv amoghair dīptatejasaiḥ // (62.2) Par.?
smayan bāṇas tataḥ kṛṣṇaṃ śaravarṣair avākirat / (63.1) Par.?
jvaladbhir iva saṃsaktais tasmin yuddhe sudāruṇe // (63.2) Par.?
tau tataḥ śaranistriṃśair gadāparighatomaraiḥ / (64.1) Par.?
vinindamānau saṃyattau yuddhe ceratur ojasā // (64.2) Par.?
musalaiḥ paṭṭisaiś cāpi chādayāmāsa keśavam // (65.1) Par.?
aṣṭabāhuḥ sahasreṇa bāhūnāṃ samayudhyata / (66.1) Par.?
bāṇena saha saṃgamya śaṅkhacakragadādharaḥ // (66.2) Par.?
yad astraṃ paramaṃ divyaṃ tapasā nirmitaṃ mahat / (67.1) Par.?
tad apratihitaṃ yuddhe sarvaśatrunibarhaṇam / (67.2) Par.?
brahmaṇā vihitaṃ pūrvaṃ tan mumoca baleḥ sutaḥ // (67.3) Par.?
tasmin mukte diśaḥ sarvās tamopahatamaṇḍalāḥ / (68.1) Par.?
prādurāsaṃs tato raudrā na prājñāyata kiṃcana // (68.2) Par.?
sādhu sādhv iti bāṇaṃ tu pūjayanti sma dānavāḥ / (69.1) Par.?
aho dhig iti devānāṃ carate vāg udīritā // (69.2) Par.?
tato 'strabalavegena sārciṣmatyaḥ sudāruṇāḥ / (70.1) Par.?
ghorarūpā mahāvegā niṣpetur bāṇavṛṣṭayaḥ // (70.2) Par.?
nākampata tadā vāyur na meghāḥ saṃcaranti ca / (71.1) Par.?
astre vimukte bāṇena dahyamāne ca keśave // (71.2) Par.?
tato 'straṃ sumahāvegaṃ jagrāha madhusūdanaḥ / (72.1) Par.?
pārjanyaṃ nāma bhagavān yamāntakanibhaṃ raṇe // (72.2) Par.?
dānavāstraṃ praśāntaṃ tu parjanyāstre 'bhimantrite / (73.1) Par.?
tato devagaṇāḥ sarve praṇedur jahṛṣus tadā // (73.2) Par.?
hate śastre mahārāja daiteyaḥ krodhamūrchitaḥ / (74.1) Par.?
bhūyaḥ saṃchādayāmāsa keśavaṃ garuḍe sthitam / (74.2) Par.?
musalaiḥ paṭṭisaiś caiva śūlamudgarakasmaraiḥ // (74.3) Par.?
tasya tāṃ tarasā sarvāṃ bāṇavṛṣṭiṃ samudyatām / (75.1) Par.?
punaḥ saṃvārayāmāsa keśavaḥ śatrusūdanaḥ // (75.2) Par.?
yuddhaṃ cābhūd vāhanayor ubhayor devadaityayoḥ / (76.1) Par.?
garuḍasya ca saṃgrāme mayūrasya ca yudhyataḥ // (76.2) Par.?
pakṣatuṇḍaprahārais tau caraṇāgranakhais tathā / (77.1) Par.?
anyonyaṃ jaghnatuḥ krodhān mayūragaruḍāv ubhau // (77.2) Par.?
vainateyas tataḥ kruddho mayūraṃ dīptatejasam / (78.1) Par.?
jagrāha śirasi kruddhas tuṇḍenābhyahanat tadā // (78.2) Par.?
dakṣiṇena ca pakṣeṇa nijaghāna mahābalaḥ / (79.1) Par.?
padbhyāṃ pārśvābhighātāṃś ca dattvā ghorān anekaśaḥ // (79.2) Par.?
ākṛṣya cainaṃ tarasā vikṛṣya ca mahābalaḥ / (80.1) Par.?
niḥsaṃjñaṃ pātayāmāsa gaganād iva parvatam // (80.2) Par.?
mayūre pātite tasmin garuḍenātha pakṣiṇā / (81.1) Par.?
bāṇaḥ paramasaṃvignaś cintayan kāryam ātmanaḥ // (81.2) Par.?
taṃ dīnamanasaṃ jñātvā raṇe bāṇaṃ suviklavam / (82.1) Par.?
cintayad bhagavān rudro bāṇarakṣaṇam āturaḥ // (82.2) Par.?
tato nandiṃ mahādevaḥ prāha gambhīrayā girā / (83.1) Par.?
nandikeśvara saṃyāhi yato bāṇas tato ratham // (83.2) Par.?
pramāthagaṇapārśve hi na hi me sthāsyate manaḥ / (84.1) Par.?
yāhi prabhavase tāta bāṇaṃ saṃrakṣa gamyatām // (84.2) Par.?
tathety uktvā punar nandī rathena rathināṃ varaḥ / (85.1) Par.?
yato bāṇas tato gatvā bāṇam āha śanair idam // (85.2) Par.?
daityemaṃ ratham ātiṣṭha śīghram ehi mahābala / (86.1) Par.?
ārūḍhaḥ sa tathety uktvā mahādevasya taṃ ratham // (86.2) Par.?
taṃ syandanam adhiṣṭhāya bhavasyāmitatejasaḥ / (87.1) Par.?
prāduścakre tadā raudram astram astravidāṃ varaḥ / (87.2) Par.?
dīptaṃ brahmaśiro nāma bāṇaḥ kruddho 'tivīryavān // (87.3) Par.?
pradīpte brahmaśirasi lokaḥ kṣobham upāgamat / (88.1) Par.?
lokasaṃrakṣaṇārthaṃ hi tat sṛṣṭaṃ padmayoninā // (88.2) Par.?
tac cakreṇa nihatyāstraṃ prāha kṛṣṇaḥ pratāpavān / (89.1) Par.?
loke prakhyātayaśasaṃ bāṇam apratimaṃ raṇe // (89.2) Par.?
katthitāni kva te bāṇa tāni kiṃ na vikatthase / (90.1) Par.?
ayam asmi sthito yuddhe yudhyasva puruṣo bhava // (90.2) Par.?
kārtavīryārjuno nāma pūrvam āsīn mahābalaḥ / (91.1) Par.?
sahasrabāhū rāmeṇa dvibāhuḥ samare kṛtaḥ // (91.2) Par.?
tathā tavāpi darpo 'yaṃ bāhūnāṃ vīryasaṃbhavaḥ / (92.1) Par.?
cakraṃ te darpaśamanaṃ karoti raṇamūrdhani // (92.2) Par.?
darpasaṃjananān yāvan nāśayiṣyāmi te bhujān / (93.1) Par.?
tiṣṭhedānīṃ na me 'dya tvaṃ mokṣyase raṇamūrdhani // (93.2) Par.?
jagrāha puruṣavyāghro bāṇabāhupraśāntaye // (94.1) Par.?
jyotiṣmataḥ pataṃgasya śaśinaś caiva yat tathā / (95.1) Par.?
prājāpatyaṃ ca yat tejas tac cakre paryavasthitam // (95.2) Par.?
tejasā tena saṃyuktaṃ bhāsvatā prajvaladbhṛśam / (96.1) Par.?
vapuṣā teja ādatte bāṇasya pramukhe sthitam // (96.2) Par.?
cakrodyatakaraṃ dṛṣṭvā bhagavantaṃ raṇājire / (97.1) Par.?
pramukhe vāsudevasya digvāsāḥ koṭavī sthitā // (97.2) Par.?
antardhānam upāgamya tyaktvā sā vāsasī punaḥ / (98.1) Par.?
paritrāṇāya bāṇasya vijayādhiṣṭhitā tataḥ / (98.2) Par.?
bhūyaḥ sāmarṣatāmrākṣī vivastrāvasthitā raṇe // (98.3) Par.?
bāṇasaṃrakṣaṇaparā vākyam etad uvāca ha / (99.1) Par.?
nārhase deva hantuṃ vai bāṇam apratimaṃ raṇe // (99.2) Par.?
tataḥ kruddho mahābāhuḥ kṛṣṇaḥ praharatāṃ varaḥ / (100.1) Par.?
provāca bāṇaṃ samare bhrāmayaṃś cakram uttamam // (100.2) Par.?
yudhyatāṃ yudhyatāṃ saṃkhye bhavatāṃ koṭavī sthitā / (101.1) Par.?
aśaktānām iva raṇe dhigbāṇa tava pauruṣam // (101.2) Par.?
evam uktvā tataḥ kṛṣṇas tac cakraṃ paramāstravit / (102.1) Par.?
nimīlitākṣo vyasṛjad bāṇaṃ prati mahābalaḥ // (102.2) Par.?
alātacakravat tūrṇaṃ bhramamāṇaṃ raṇājire / (103.1) Par.?
viṣṇor astraṃ sunābhaṃ vai śaighryayogān na dṛśyate // (103.2) Par.?
tasya bāhusahasrasya paryāyeṇa punaḥ punaḥ / (104.1) Par.?
bāṇasya chedanaṃ cakre tac cakraṃ raṇamūrdhani // (104.2) Par.?
śarīreṇa prasravatā rudhiraughapariplutaḥ / (105.1) Par.?
abhavat parvatākāraś chinnabāhur mahāsuraḥ // (105.2) Par.?
cakraṃ bhūyaḥ kṣeptukāmaṃ bāṇanāśārtham acyutam / (106.1) Par.?
tam upetya mahādevaḥ kumārasahito 'bravīt // (106.2) Par.?
kṛṣṇa kṛṣṇa mahādeva jāne tvāṃ puruṣottamam / (107.1) Par.?
madhukaiṭabhahantāraṃ devadevaṃ sanātanam // (107.2) Par.?
lokānāṃ tvaṃ gatir deva tvatprasūtam idaṃ jagat / (108.1) Par.?
ajeyas tvaṃ tribhir lokaiḥ sadevāsuramānuṣaiḥ // (108.2) Par.?
tasmāt saṃhara divyaṃ tvam idaṃ cakraṃ samudyatam / (109.1) Par.?
anivāryam asaṃhāryaṃ raṇe śatrubhayaṃkaram // (109.2) Par.?
bāṇasyāsyābhayaṃ dattaṃ mayā keśiniṣūdana / (110.1) Par.?
tan me na syān mṛṣā vākyam atas tvāṃ kṣamayāmy aham // (110.2) Par.?
bhagavān uvāca / (111.1) Par.?
jīvatāṃ deva bāṇo 'yam etac cakraṃ nivartitam / (111.2) Par.?
mānyas tvaṃ deva devānām asurāṇāṃ ca sarvaśaḥ // (111.3) Par.?
namas te 'stu gamiṣyāmi yat kāryaṃ tan maheśvara / (112.1) Par.?
na tāvat kriyate tasmān mām anujñātum arhasi // (112.2) Par.?
evam uktvā mahādevaṃ kṛṣṇas tūrṇaṃ garutmatā / (113.1) Par.?
jagāma tatra yatrāste prādyumniḥ sāyakaiś citaḥ // (113.2) Par.?
gate kṛṣṇe tato nandī bāṇam āha śubhaṃ vacaḥ / (114.1) Par.?
bāṇa bāṇa pranṛtyasva śreyas tava bhaviṣyati // (114.2) Par.?
śoṇitaughaplutair gātrair nandivākyapracoditaḥ / (115.1) Par.?
jīvitārthī tato bāṇaḥ pramukhe śaṃkarasya vai // (115.2) Par.?
prānṛtyata bhaye jāte dānavaḥ sa vicetanaḥ / (116.1) Par.?
avasthāṃ kṛpaṇāṃ prāpto bhayaviklavalocanaḥ // (116.2) Par.?
maheśvara uvāca / (117.1) Par.?
varaṃ vṛṇīṣva bāṇa tvaṃ yat te manasi vartate / (117.2) Par.?
prasādasumukho 'haṃ te varakālo 'yam āgataḥ // (117.3) Par.?
bāṇa uvāca / (118.1) Par.?
ajaraś cāmaraś caiva bhaveyaṃ satataṃ vibho / (118.2) Par.?
eṣa me prathamo deva varo 'stu yadi manyase // (118.3) Par.?
maheśvara uvāca / (119.1) Par.?
tulyo 'si daivatair bāṇa na mṛtyus tava vidyate / (119.2) Par.?
anyaṃ varaṃ vṛṇīṣvādya anugrāhyo 'si me sadā // (119.3) Par.?
bāṇa uvāca / (120.1) Par.?
yathāhaṃ śoṇitādigdho bhṛśārto vraṇapīḍitaḥ / (120.2) Par.?
bhaktānāṃ nṛtyatām evaṃ putrajanma bhaved bhava // (120.3) Par.?
maheśvara uvāca / (121.1) Par.?
nirāhārāḥ kṣamāyuktāḥ satyārjavaparāyaṇāḥ / (121.2) Par.?
madbhaktā ye hi nṛtyanti teṣām evaṃ bhaviṣyati // (121.3) Par.?
bāṇa uvāca / (122.1) Par.?
cakrapāṭanajā ghorā rujā tīvrā hi yā mama / (122.2) Par.?
vareṇa sā tṛtīyena śāntiṃ gacchatu me bhava // (122.3) Par.?
maheśvara uvāca / (123.1) Par.?
evaṃ bhavatu bhadraṃ te na rujā prabhaviṣyati / (123.2) Par.?
akṣataṃ tava gātraṃ ca svasthāvasthaṃ bhaviṣyati // (123.3) Par.?
caturthaṃ te varaṃ dadmi vṛṇīṣvāsura kāṅkṣitaṃ / (124.1) Par.?
na te 'haṃ vimukhas tāta prasādasumukho hy aham // (124.2) Par.?
bāṇa uvāca / (125.1) Par.?
pramāthagaṇavaṃśasya prathamaḥ syām ahaṃ vibho / (125.2) Par.?
mahākāla iti khyātaḥ khyātiṃ gaccheyam īśvara // (125.3) Par.?
maheśvara uvāca / (126.1) Par.?
bhūyo 'pi te varaṃ dadmi prakhyātabalapauruṣa / (126.2) Par.?
taṃ taṃ vṛṇīṣva bhadraṃ te yad icchasi mahāsura // (126.3) Par.?
bāṇa uvāca / (127.1) Par.?
vairūpyam aṅgajaṃ kiṃcin mā bhūn me devasattama / (127.2) Par.?
dvibāhutve 'pi me deho na virūpo bhaved bhava // (127.3) Par.?
tato 'bravīn mahādevo bāṇaṃ sthitam athāntike / (128.1) Par.?
evaṃ bhaviṣyate bāṇa yat tvayā samudāhṛtam // (128.2) Par.?
etāvad uktvā bhagavāṃs trinetro gaṇasaṃvṛtaḥ / (129.1) Par.?
paśyatāṃ sarvabhūtānāṃ tatraivāntaradhīyata // (129.2) Par.?
Duration=0.8943829536438 secs.