Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17715

Click on a sentence to show its analysis
Keep the mouse pointer over a lemma to show its meanings.

evaṃ sa nivasaṃs tatra vatseśasya pitur gṛhe / (1.1) Par.?

gomukhādyaiḥ svasacivaiḥ sevyamāno 'nurāgibhiḥ // (1.2) Par.?

viharaṃś cāpy alaṃkāravatyā devyānuraktayā / (2.1) Par.?

mānavighnāsahodgāḍhatatpremamuṣiterṣyayā // (2.2) Par.?

naravāhanadatto 'tha kadācinmṛgakānanam / (3.1) Par.?

jagāma rathamāruhya paścādārūḍhagomukhaḥ // (3.2) Par.?

pralambabāhau tasmiṃśca vipravīre 'grayāyini / (4.1) Par.?

cakārākheṭakakrīḍāṃ sa tatra sahito 'nugaiḥ // (4.2) Par.?

sarvaprāṇena dhāvatsu rathāśveṣvapi tasya saḥ / (5.1) Par.?

pralambabāhus tadvegaṃ vijitya purato yayau // (5.2) Par.?

so 'vadhītsāyakaiḥ siṃhavyāghrādīnsyandane sthitaḥ / (6.1) Par.?

pralambabāhus tvasinā pādacārī jaghāna tān // (6.2) Par.?

aho śauryamaho jaṅghājavo 'syeti visismiye / (7.1) Par.?

naravāhanadattaś ca dṛṣṭvā dṛṣṭvā sa taṃ dvijam // (7.2) Par.?

kṛtākheṭaḥ pariśrāntaḥ sa sasārathigomukhaḥ / (8.1) Par.?

pralambabāhau subhaṭe tasminnagrasare tataḥ // (8.2) Par.?

rathārūḍhastṛṣākrāntaḥ salilānveṣaṇakramāt / (9.1) Par.?

vatseśvarātmajo dūraṃ viveśānyanmahāvanam // (9.2) Par.?

tatrotphullahiraṇyābjaṃ divyaṃ prāpa mahatsaraḥ / (10.1) Par.?

dvitīyam iva bahvarkabimbaṃ bhūmigataṃ nabhaḥ // (10.2) Par.?

tatra sa snātapītāmbhāḥ kṛtasnānādisānugaḥ / (11.1) Par.?

tadekadeśe caturo dūrādaikṣata pūruṣān // (11.2) Par.?

divyākṛtīn divyavastrān divyābharaṇabhūṣitān / (12.1) Par.?

hemāmbujāni sarasastasmāduccitya gṛhṇataḥ // (12.2) Par.?

upāgātkautukāttāṃś ca pṛṣṭaḥ ko 'sīti tair api / (13.1) Par.?

anvayaṃ nāma vṛttāntaṃ nijaṃ tebhyaḥ śaśaṃsa saḥ // (13.2) Par.?

te 'pyevaṃ darśanaprītāḥ pṛṣṭavantaṃ tamabruvan / (14.1) Par.?

asti madhye mahāmbhodheḥ śrīmaddvīpavaraṃ mahat // (14.2) Par.?

yan nārikeladvīpākhyaṃ khyātaṃ jagati sundaram / (15.1) Par.?

tatra santi ca catvāraḥ parvatā divyabhūmayaḥ // (15.2) Par.?

maināko vṛṣabhaścakro balāhaka iti smṛtāḥ / (16.1) Par.?

caturṣu teṣu catvāro nivasāma ime vayam // (16.2) Par.?

eko 'smākaṃ rūpasiddhirnāmnā vividharūpadhṛt / (17.1) Par.?

pramāṇasiddhiraparo bṛhatsūkṣmapramāṇadṛk // (17.2) Par.?

jñānasiddhistṛtīyaś ca bhaviṣyadbhūtabhāvyavit / (18.1) Par.?

devasiddhiścaturtho 'pi sarvadaivatasiddhibhṛt // (18.2) Par.?

te vayaṃ hemakamalānyetānyādāya sāṃpratam / (19.1) Par.?

devaṃ pūjayituṃ yāmaḥ śvetadvīpe śriyaḥ patim // (19.2) Par.?

tadbhaktā hi vayaṃ sarve tatprasādena cādriṣu / (20.1) Par.?

teṣu sveṣvādhipatyaṃ naḥ siddhiyuktāś ca saṃpadaḥ // (20.2) Par.?

tadehi darśayāmas te śvetadvīpe hariṃ prabhum / (21.1) Par.?

nayāmastvantarikṣeṇa yadi te rocate sakhe // (21.2) Par.?

ity uktavadbhis taiḥ sākaṃ devaputrais tatheti saḥ / (22.1) Par.?

naravāhanadatto 'tra svādhīnāmbuphalādike // (22.2) Par.?

gomukhādīnavasthāpya śvetadvīpaṃ vihāyasā / (23.1) Par.?

yayau gṛhītaḥ svotsaṅge tanmadhyāddevasiddhinā // (23.2) Par.?

tatrāvatīrya gaganād dūrād evopasṛtya ca / (24.1) Par.?

pārśvasthitābdhitanayaṃ pādāntasthavasuṃdharam // (24.2) Par.?

śaṅkhacakragadāpadmaiḥ sevyamānaṃ savigrahaiḥ / (25.1) Par.?

bhaktyopagīyamānaṃ ca gandharvair nāradādibhiḥ // (25.2) Par.?

praṇamyamānaṃ devaiś ca siddhair vidyādharais tathā / (26.1) Par.?

agropaviṣṭagaruḍaṃ śeṣaśayyāgataṃ harim // (26.2) Par.?

sa dadarśa caturbhistaiḥ prāpito devaputrakaiḥ / (27.1) Par.?

kasya nābhyudaye heturbhavetsādhusamāgamaḥ // (27.2) Par.?

tato 'rcitaṃ devaputraiḥ kaśyapādyaiś ca saṃstutam / (28.1) Par.?

naravāhanadattas tamastauṣītprāñjaliḥ prabhum // (28.2) Par.?

namo 'stu tubhyaṃ bhagavan bhaktakalpamahīruha / (29.1) Par.?

lakṣmīkalpalatāśliṣṭavapuṣe 'bhīṣṭadāyine // (29.2) Par.?

namas te divyahaṃsāya sanmānasanivāsine / (30.1) Par.?

satatoditanādāya parākāśavihāriṇe // (30.2) Par.?

tubhyaṃ namo 'tisarvāya sarvābhyantaravartine / (31.1) Par.?

guṇātikrāntarūpāya pūrṇaṣāḍguṇyamūrtaye // (31.2) Par.?

brahmā te nābhikamale svādhyāyodyanmṛdudhvaniḥ / (32.1) Par.?

tadbhūtān ekacaraṇo 'py eṣa ṣaṭcāraṇāyate // (32.2) Par.?

bhūmipādo dyumūrdhā tvaṃ dikśrotro 'rkendulocanaḥ / (33.1) Par.?

brahmāṇḍajaṭharaḥ ko'pi puruṣo gīyase budhaiḥ // (33.2) Par.?

tvatto dhāmanidheś cāsau bhūtagrāmo vijṛmbhate / (34.1) Par.?

nātha sphuliṅgasaṃghāta iva prajvalato 'nalāt // (34.2) Par.?

punaś ca praviśatyeṣa tvām eva pralayāgame / (35.1) Par.?

dinānte vigrahavrāta iva vāsamahādrumam // (35.2) Par.?

sṛjasy ullasitaḥ svāṃśāṃs tvam etān bhuvaneśvarān / (36.1) Par.?

anantavelākṣubhitas taraṅgān iva vāridhiḥ // (36.2) Par.?

viśvarūpo 'py arūpas tvaṃ viśvakarmāpi cākriyaḥ / (37.1) Par.?

viśvādhāro 'py anādhāraḥ kaḥ sa tattvamavaiti te // (37.2) Par.?

tāṃ tāmṛddhiṃ surāḥ prāptās tvatprasannekṣaṇekṣitāḥ / (38.1) Par.?

tatprasīda prapannaṃ māṃ paśya paśyārdrayā dṛśā // (38.2) Par.?

evaṃ kṛtastutiṃ dṛṣṭvā saprasādena cakṣuṣā / (39.1) Par.?

naravāhanadattaṃ taṃ harirnāradam abhyadhāt // (39.2) Par.?

gaccha kṣīrodasambhūtā yā varāpsarasaḥ purā / (40.1) Par.?

nyāsīkṛtya mayā haste śakrasya sthāpitāḥ svakāḥ // (40.2) Par.?

tās tasmān mama vākyena mṛgayitvā mahāmune / (41.1) Par.?

āropya tadrathe sarvāḥ satvaraṃ tvamihānaya // (41.2) Par.?

ity ukto hariṇā gatvā nāradaḥ sa tatheti tāḥ / (42.1) Par.?

āninye 'psarasaḥ śakrāttadrathena samātaliḥ // (42.2) Par.?

tena tāsūpanītāsu praṇatenāpsaraḥsvatha / (43.1) Par.?

vatsarājatanūjaṃ taṃ bhagavānādideśa saḥ // (43.2) Par.?

naravāhanadattaitās tubhyam apsaraso mayā / (44.1) Par.?

dattā vidyādharendrāṇāṃ bhaviṣyaccakravartine // (44.2) Par.?

tvamāsāmucito bhartā bhāryāś caitās tavocitāḥ / (45.1) Par.?

kāmadevāvatāro hi nirmitastvaṃ purāriṇā // (45.2) Par.?

tac chrutvā pādapatite tasminvatseśvarātmaje / (46.1) Par.?

labdhaprasādamudite harirmātalimādiśat // (46.2) Par.?

naravāhanadatto 'sāv apsaraḥsahitas tvayā / (47.1) Par.?

prāpyatāṃ svagṛhaṃ yāvat pathā yenāyamicchati // (47.2) Par.?

evaṃ bhagavatādiṣṭe sāpsaraskaḥ praṇamya tam / (48.1) Par.?

naravāhanadattaḥ sa rathaṃ mātalisārathim // (48.2) Par.?

āruhya devaputraistaiḥ sākaṃ kṛtanimantraṇaiḥ / (49.1) Par.?

nārikelamagāddvīpaṃ devaiścaiva kṛtaspṛhaḥ // (49.2) Par.?

tatra tair arcito rūpasiddhiprabhṛtibhiḥ kṛtī / (50.1) Par.?

caturbhir divyapuruṣaiḥ śakrasārathinā yutaḥ // (50.2) Par.?

mainākavṛṣabhādyeṣu tannivāsādriṣu kramāt / (51.1) Par.?

apsarobhiḥ samaṃ tābhiḥ svargaspardhiṣvaraṃsta saḥ // (51.2) Par.?

madhumāsāgamotphullanānātaruvanāsu ca / (52.1) Par.?

vijahāra tadudyānavanabhūmiṣu kautukī // (52.2) Par.?

paśyaitāstarumañjaryaḥ pṛthupuṣpavilocanaiḥ / (53.1) Par.?

kāntaṃ vasantam āyāntaṃ paśyantīva vikasvaraiḥ // (53.2) Par.?

janmakṣetre 'tra mā bhūnnaḥ saṃtāpo 'rkakaroṣmajaḥ / (54.1) Par.?

itīvācchāditaṃ paśya phullaiḥ sarasijaiḥ saraḥ // (54.2) Par.?

paśyojjvalaṃ karṇikāram upetyāpi visaurabham / (55.1) Par.?

vimuñcantyalayo nīcaṃ śrīmantam iva sādhavaḥ // (55.2) Par.?

paśyeha kiṃnarīgītaiḥ kokilānāṃ ca kūjitaiḥ / (56.1) Par.?

rutair alīnāṃ saṃgītamṛturājasya tanyate // (56.2) Par.?

ityādi devaputrāste bruvāṇāstāmadarśayan / (57.1) Par.?

naravāhanadattāya tasmai svopavanāvalīm // (57.2) Par.?

tatpureṣv api cikrīḍa paśyanvatseśvarātmajaḥ / (58.1) Par.?

sa vasantotsavoddāmapranṛtyatpauracarcarīḥ // (58.2) Par.?

bubhuje sāpsaraskaś ca bhogānatrāmarocitān / (59.1) Par.?

sukṛto yatra gacchanti tatraiṣāmṛddhayo 'grataḥ // (59.2) Par.?

evaṃ sthitvā tricaturāndivasāndevaputrakān / (60.1) Par.?

naravāhanadattas tānsuhṛdo nijagāda saḥ // (60.2) Par.?

gacchāmyahaṃ svanagarīṃ tātasaṃdarśanotsukaḥ / (61.1) Par.?

tadyūyaṃ tāṃ purīmetya kṛtārthayata paśyata // (61.2) Par.?

tac chrutvā te 'bruvandṛṣṭaḥ sārastasyāḥ puro bhavān / (62.1) Par.?

kim anyat prāptavidyena smartavyāstu vayaṃ tvayā // (62.2) Par.?

ity uktvā pratimuktastair upanītendrasadratham / (63.1) Par.?

naravāhanadatto 'sau mātaliṃ tam abhāṣata // (63.2) Par.?

yatra divyasarastīre sthitā me gomukhādayaḥ / (64.1) Par.?

tena mārgeṇa kauśāmbīṃ purīṃ prāpaya māmiti // (64.2) Par.?

tatas tatheti tenoktaḥ sāpsaraskaḥ sa tadrathe / (65.1) Par.?

āruhya tatsaraḥ prāpa gomukhādīndadarśa ca // (65.2) Par.?

āyāta svapathā śīghraṃ sarvaṃ vakṣyāmi vo gṛhe / (66.1) Par.?

ity uktvā tāṃś ca kauśāmbīṃ yayau śakrarathena saḥ // (66.2) Par.?

tatrāvatīrya nabhasaḥ pūjitaṃ preṣya mātalim / (67.1) Par.?

apsarobhir yutastābhiḥ sa viveśa svamandiram // (67.2) Par.?

sthāpayitvā ca tās tatra gatvā vatseśvarasya saḥ / (68.1) Par.?

tadāgamanahṛṣṭasya vavande caraṇau pituḥ // (68.2) Par.?

mātur vāsavadattāyāḥ padmāvatyās tathaiva ca / (69.1) Par.?

abhyanandaṃś ca te 'pyenaṃ darśanātṛptacakṣuṣaḥ // (69.2) Par.?

tāvac ca sa rathārūḍho gomukho 'tra sasārathiḥ / (70.1) Par.?

pralambabāhunā tena vipreṇa samamāyayau // (70.2) Par.?

atha sthite mantrivarge pitrā pṛṣṭaḥ śaśaṃsa saḥ / (71.1) Par.?

naravāhanadattas taṃ svavṛttāntaṃ mahādbhutam // (71.2) Par.?

dadāti tasya kalyāṇamitrasaṃyogamīśvaraḥ / (72.1) Par.?

icchatyanugrahaṃ yasya kartuṃ sukṛtakarmaṇaḥ // (72.2) Par.?

iti śaṃsatsu sarveṣu rājā vatseśvaro 'tha saḥ / (73.1) Par.?

cakāra tuṣṭas tanayasyācyutānugrahotsavam // (73.2) Par.?

dadarśa pādapatanāyānītā gomukhena ca / (74.1) Par.?

hariprasādalabdhāstāḥ sadāro 'psarasaḥ snuṣāḥ // (74.2) Par.?

devarūpāṃ devaratiṃ devamālāṃ tathaiva ca / (75.1) Par.?

devapriyāṃ caturthīṃ ca ceṭībhiḥ pṛṣṭanāmakāḥ // (75.2) Par.?

kvāhaṃ kva mayyapsaraso diṣṭyāhaṃ rājasūnunā / (76.1) Par.?

naravāhanadattena bhuvi svarnagarī kṛtā // (76.2) Par.?

itīvāvakirantī sā sindūraṃ vitatotsavā / (77.1) Par.?

caladraktapatākābhiḥ kauśāmbī dadṛśe tadā // (77.2) Par.?

naravāhanadattaś ca pitrordattotsavo dṛśoḥ / (78.1) Par.?

anyāḥ saṃbhāvayāmāsa bhāryā mārgonmukhīrnijāḥ // (78.2) Par.?

tāścaturbhir dinair varṣair iva taṃ ca kṛśīkṛtāḥ / (79.1) Par.?

anandayan varṇayantyas tāṃ tāṃ virahavedanām // (79.2) Par.?

gomukho vanavāse ca rakṣato rathavājinaḥ / (80.1) Par.?

pralambabāhoḥ siṃhādivadhaśauryamavarṇayat // (80.2) Par.?

evaṃ śrutisukhāñ śṛṇvan kathālāpān ayantraṇān / (81.1) Par.?

nirvarṇayaṃś ca kāntānāṃ rūpaṃ sa nayanāmṛtam // (81.2) Par.?

kurvaṃścāṭūni ca pibanmadhūni sacivair yutaḥ / (82.1) Par.?

naravāhanadatto 'tra taṃ kālamavasatsukhī // (82.2) Par.?

ekadāntaralaṃkāravatīvāsagṛhe sthitaḥ / (83.1) Par.?

savayasyaḥ sa śuśrāva tūryakolāhalaṃ bahiḥ // (83.2) Par.?

tato hariśikhaṃ senāpatiṃ nijam uvāca saḥ / (84.1) Par.?

akasmātkuta etatsyāttūryanādo mahāniha // (84.2) Par.?

etac chrutvaiva nirgatya praviśya ca sa taṃ kṣaṇāt / (85.1) Par.?

vyajijñapaddhariśikho vatsarājasutaṃ prabhum // (85.2) Par.?

rudro nāma vaṇigdeva nagaryāmiha vidyate / (86.1) Par.?

itaḥ suvarṇadvīpaṃ ca sa jagāma vaṇijyayā // (86.2) Par.?

āgacchato nijas tasya samprāpto 'py arthasaṃcayaḥ / (87.1) Par.?

abdhau vahanabhaṅgena nimagno nāśamāgataḥ // (87.2) Par.?

uttīrṇaścātmanaivaiko deva jīvansa vāridheḥ / (88.1) Par.?

prāptaścādya dinaṃ ṣaṣṭhamihāpanno nijaṃ gṛham // (88.2) Par.?

dināni katicidyāvadiha tiṣṭhati duḥkhitaḥ / (89.1) Par.?

tāvat svārāmato daivātprāptastena nidhirmahān // (89.2) Par.?

tadgotrajānāṃ ca mukhājjñātaṃ vatseśvareṇa tat / (90.1) Par.?

tato 'dyāgatya tenāsau vijñapto vaṇijā prabhuḥ // (90.2) Par.?

saratnaughā mayā labdhāścatasro hemakoṭayaḥ / (91.1) Par.?

tadādiśati devaścedarpayiṣyāmi tā iti // (91.2) Par.?

jalāśayena muṣitaṃ dīnaṃ dṛṣṭvaiva vedhasā / (92.1) Par.?

kṛpayā saṃvibhaktaṃ tvāṃ ko muṣṇāty ajaḍāśayaḥ // (92.2) Par.?

gaccha bhuṅkṣva yathākāmaṃ dhanaṃ prāptaṃ svabhūmitaḥ / (93.1) Par.?

iti vatseśvareṇāpi vyādiṣṭo 'sau vaṇiktataḥ // (93.2) Par.?

sa eṣa pādayo rājñaḥ patitvā harṣanirbharaḥ / (94.1) Par.?

tūryāṇi vādayanyāti svagṛhaṃ sānugo vaṇik // (94.2) Par.?

evaṃ hariśikhenoktāṃ śrutvā dhārmikatāṃ pituḥ / (95.1) Par.?

naravāhanadattaḥ svān sacivānvismito 'bravīt // (95.2) Par.?

yadi tāvaddharaty arthāṃs tadanveva dadāti kim / (96.1) Par.?

citramucchrāyapātābhyāṃ krīḍatīva vidhirnṛṇām // (96.2) Par.?

tac chrutvā gomukho 'vādīdīdṛśyeva gatirvidheḥ / (97.1) Par.?

samudraśūrasya kathā tathā cātra niśamyatām // (97.2) Par.?

babhūva nagaraṃ pūrvaṃ nṛpater harṣavarmaṇaḥ / (98.1) Par.?

sphītaṃ harṣapuraṃ nāma saurājyasukhitaprajam // (98.2) Par.?

tasmin samudraśūrākhyo nagare 'bhūnmahāvaṇik / (99.1) Par.?

kulajo dhārmiko dhīrasattvo bahudhaneśvaraḥ // (99.2) Par.?

sa vaṇijyāvaśād gacchan suvarṇadvīpam ekadā / (100.1) Par.?

āruroha pravahaṇaṃ taṭaṃ prāpya mahāmbudheḥ // (100.2) Par.?

gacchatas tasya tenābdhau kiṃciccheṣe tadadhvani / (101.1) Par.?

ghoraḥ samudabhūnmegho vāyuś ca kṣobhitārṇavaḥ // (101.2) Par.?

tenormivegavikṣipte vahane makarāhate / (102.1) Par.?

bhagne parikaraṃ baddhvā so 'mbudhāvapatadvaṇik // (102.2) Par.?

yāvac ca bāhuvikṣepair vīro 'tra tarati kṣaṇam / (103.1) Par.?

tāvac ciramṛtaṃ prāpa puruṣaṃ pavaneritam // (103.2) Par.?

tadārūḍhaś ca bāhubhyāṃ kṣiptāmburvidhinaiva saḥ / (104.1) Par.?

nītaḥ suvarṇadvīpaṃ tad anukūlena vāyunā // (104.2) Par.?

tatrāvatīrṇaḥ puline sa tasmānmṛtamānuṣāt / (105.1) Par.?

kaṭīnibaddhaṃ sagranthiṃ tasyāvaikṣata śāṭakam // (105.2) Par.?

unmucya vīkṣate yāvac chāṭakaṃ kaṭito 'sya tat / (106.1) Par.?

tāvattadantarāddivyaṃ ratnāḍhyaṃ prāpa kaṇṭhakam // (106.2) Par.?

taṃ dṛṣṭvānarghamādāya kṛtasnānastutoṣa saḥ / (107.1) Par.?

manvāno 'bdhau vinaṣṭaṃ taddhanaṃ tasyāgratastṛṇam // (107.2) Par.?

tato gatvātra kalaśapurākhyaṃ nagaraṃ kramāt / (108.1) Par.?

hastasthakaṇṭhako devakulamekaṃ viveśa saḥ // (108.2) Par.?

tatra chāyopaviṣṭaḥ sa vārivyāyāmato bhṛśam / (109.1) Par.?

pariśrāntaḥ śanair nidrāṃ yayau vidhivimohitaḥ // (109.2) Par.?

suptasya tatra cākasmādāgatāḥ purarakṣiṇaḥ / (110.1) Par.?

dadṛśus tasya hastasthaṃ kaṇṭhakaṃ tam asaṃvṛtam // (110.2) Par.?

ayaṃ sa kaṇṭhako rājasutāyā iha kaṇṭhataḥ / (111.1) Par.?

hāritaścakrasenāyā dhruvaṃ cauro 'yam eva saḥ // (111.2) Par.?

ity uktvā taiḥ prabodhyāsau ninye rājakulaṃ vaṇik / (112.1) Par.?

tatra pṛṣṭaḥ svayaṃ rājñā sa yathāvṛttam abhyadhāt // (112.2) Par.?

mithyā vakty eṣa cauro 'yam imaṃ paśyata kaṇṭhakam / (113.1) Par.?

iti prasārya taṃ rājā yāvat sabhyān bravīti saḥ // (113.2) Par.?

tāvat prabhāsvaraṃ dṛṣṭvā nipatya nabhaso javāt / (114.1) Par.?

gṛdhrastaṃ kaṇṭhakaṃ hṛtvā jagāma kvāpy adarśanam // (114.2) Par.?

athātyārtasya vaṇijaḥ krandataḥ śaraṇaṃ śivam / (115.1) Par.?

vadhe rājñā krudhādiṣṭe śuśruve bhāratī divaḥ // (115.2) Par.?

mā sma rājanvadhīrenamasau harṣapurādvaṇik / (116.1) Par.?

sādhuḥ samudraśūrākhyo viṣaye 'bhyāgatastava // (116.2) Par.?

kaṇṭhako yena nīto 'bhūtsa cauraḥ purarakṣiṇām / (117.1) Par.?

bhayena vihvalo naśyan nipatyābdhau mṛto niśi // (117.2) Par.?

ayaṃ tu tasya caurasya kāyaṃ prāpyādhiruhya ca / (118.1) Par.?

vaṇigbhagnapravahaṇastīrtvāmbhodhimihāgataḥ // (118.2) Par.?

tadā ca tatkaṭībaddhaśāṭakagranthito 'munā / (119.1) Par.?

vaṇijā kaṇṭhakaḥ prāpto na nīto 'nena vo gṛhāt // (119.2) Par.?

tad acauram imaṃ rājanvaṇijaṃ muñca dhārmikam / (120.1) Par.?

saṃmānya prahiṇuṣvainam ity uktvā virarāma vāk // (120.2) Par.?

etac chrutvā sa saṃtuṣya muktvā taṃ vaṇijaṃ vadhāt / (121.1) Par.?

samudraśūraṃ saṃmānya dhanai rājā visṛṣṭavān // (121.2) Par.?

sa ca prāptadhanaḥ krītabhāṇḍo bhūyo bhayaṃkaram / (122.1) Par.?

svadeśam eṣyan vahanenottatārāmbudhiṃ vaṇik // (122.2) Par.?

tīrṇābdhiś ca tato gatvā sārthena saha sa kramāt / (123.1) Par.?

aṭavīṃ prāpadekasminvāsare divasātyaye // (123.2) Par.?

tasyāmāvasite sārthe rātrau tasmiṃś ca jāgrati / (124.1) Par.?

samudraśūre nyapatac caurasenātra durjayā // (124.2) Par.?

hanyamāne tayā sārthe bhāṇḍāṃs tyaktvā palāyya saḥ / (125.1) Par.?

samudraśūro nyagrodhamārūḍho 'bhūd alakṣitaḥ // (125.2) Par.?

hṛtāśeṣadhane yāte caurasainye bhayākulaḥ / (126.1) Par.?

tatraiva tāṃ tarau rātriṃ duḥkhārtaś ca nināya saḥ // (126.2) Par.?

prātas tasya taroḥ pṛṣṭhe gatadṛṣṭiḥ sa daivataḥ / (127.1) Par.?

dīpaprabhāmivāpaśyatsphurantīṃ pattramadhyagām // (127.2) Par.?

vismayāttatra cārūḍho gṛdhranīḍamavaikṣata / (128.1) Par.?

antaḥsthabhāsvarānargharatnābharaṇasaṃcayam // (128.2) Par.?

jagrāha tasmāt sarvaṃ tat tanmadhye prāpa kaṇṭhakam / (129.1) Par.?

taṃ sa yaṃ prāptavānsvarṇadvīpe gṛdhro 'harac ca yam // (129.2) Par.?

tataḥ prāptāmitadhano nyagrodhād avaruhya saḥ / (130.1) Par.?

hṛṣṭo gacchan kramāt prāpa nijaṃ harṣapuraṃ puram // (130.2) Par.?

tatra tasthau vaṇikso 'tha vītānyadraviṇaspṛhaḥ / (131.1) Par.?

samudraśūraḥ svajanaiḥ saha nandanyathecchayā // (131.2) Par.?

abdhau tatpatanaṃ so 'rthanāśastattaraṇaṃ tataḥ / (132.1) Par.?

sā kaṇṭhakasya ca prāptis tasyaivāpagamaḥ sa ca // (132.2) Par.?

sā niṣkāraṇanigrāhyadaśāvāptiḥ sa tatkṣaṇam / (133.1) Par.?

tuṣṭād dvīpeśvarāl lābhas tad abdhes taraṇaṃ punaḥ // (133.2) Par.?

so 'tha sarvāpahāraś ca pathi cauraiḥ samāgamāt / (134.1) Par.?

paryante tasya vaṇijas tarupṛṣṭhād dhanāgamaḥ // (134.2) Par.?

tadevamīdṛśaṃ deva vicitraṃ ceṣṭitaṃ vidheḥ / (135.1) Par.?

sukṛtī cānubhūyaiva duḥkham apy aśnute sukham // (135.2) Par.?

iti gomukhataḥ śrutvā śraddhāyotthāya ca vyadhāt / (136.1) Par.?

naravāhanadatto 'tra snānādidivasakriyām // (136.2) Par.?

anyedyuretya cāsthānagataṃ taṃ bālasevakaḥ / (137.1) Par.?

śūraḥ samaratuṅgākhyo rājaputro vyajijñapat // (137.2) Par.?

deva saṅgrāmavarṣeṇa nāśito gotrajena me / (138.1) Par.?

deśaścaturbhir yuktena putrair vīrajitādibhiḥ // (138.2) Par.?

tadeṣa gatvā pañcāpi baddhvā tānānayāmy aham / (139.1) Par.?

prabhorviditamastvetadity uktvā tatra so 'gamat // (139.2) Par.?

tam alpasainyaṃ tān anyān bhūrisainyān avetya saḥ / (140.1) Par.?

vatseśvarasutas tasya dideśānu balaṃ nijam // (140.2) Par.?

so 'gṛhītvaiva tanmānī gatvā pañcāpi tānripūn / (141.1) Par.?

svabāhubhyāṃ raṇe jitvā saṃyamyānītavān samam // (141.2) Par.?

tathā jayinamāyāntaṃ vīraṃ saṃmānya sa prabhuḥ / (142.1) Par.?

naravāhanadattas taṃ praśaśaṃsa svasevakam // (142.2) Par.?

citram ākrāntaviṣayān sabalān indriyopamān / (143.1) Par.?

jitvānena ripūn pañca puruṣārthaḥ prasādhitaḥ // (143.2) Par.?

tac chrutvā gomukho 'vādīc chrutā ced deva nedṛśī / (144.1) Par.?

rājñaś camaravālasya kathā tac chṛṇu vacmi tām // (144.2) Par.?

hastināpuramityasti nagaraṃ tatra cābhavat / (145.1) Par.?

rājā camaravālākhyaḥ koṣadurgabalānvitaḥ // (145.2) Par.?

babhūvus tasya samarabalādyā bhūmyanantarāḥ / (146.1) Par.?

rājāno gotrajāste ca sambhūyaivam acintayan // (146.2) Par.?

ayaṃ camaravālo 'smānekaikaṃ bādhate sadā / (147.1) Par.?

tadete militāḥ sarve vidadhmo 'sya parābhavam // (147.2) Par.?

iti saṃmantrya pañcaite tajjayāya yiyāsavaḥ / (148.1) Par.?

prasthānalagnaṃ kṣitipāḥ papracchurgaṇakaṃ rahaḥ // (148.2) Par.?

apaśyan sa śubhaṃ lagnaṃ paśyan na śakunāni ca / (149.1) Par.?

jagāda gaṇako nāsti lagnaṃ saṃvatsare 'tra vaḥ // (149.2) Par.?

yathā tathā ca yātānāṃ na yuṣmākaṃ bhavejjayaḥ / (150.1) Par.?

kiṃ cātra vo 'nubandhena samṛddhiṃ tasya paśyatām // (150.2) Par.?

bhogo nāma phalaṃ lakṣmyāḥ sa tasmādadhiko 'sti vaḥ / (151.1) Par.?

na cecchrutā śrūyatāṃ tatkathātra vaṇijordvayoḥ // (151.2) Par.?

babhūva kautukapuraṃ nāmeha nagaraṃ purā / (152.1) Par.?

tasminn anvarthanāmābhūd rājā bahusuvarṇakaḥ // (152.2) Par.?

yaśovarmeti tasyāsītsevakaḥ kṣatriyo yuvā / (153.1) Par.?

tasmai dātāpi sa nṛpo nādātkiṃcitkadācana // (153.2) Par.?

yadā yadā ca nṛpatistenārtyā yācyate sma saḥ / (154.1) Par.?

ādityaṃ darśayannevaṃ tam uvāca tadā tadā // (154.2) Par.?

ahamicchāmi te dātuṃ kiṃ punarbhagavānayam / (155.1) Par.?

tubhyaṃ necchati me dātuṃ kiṃ karomyucyatāmiti // (155.2) Par.?

tataḥ so 'vasaraṃ cinvan yāvat tiṣṭhati duḥkhitaḥ / (156.1) Par.?

sūryoparāgasamayas tāvad atrāgato 'bhavat // (156.2) Par.?

tatkālaṃ sa yaśovarmā gatvā satatasevakaḥ / (157.1) Par.?

nṛpaṃ bhūrimahādānapravṛttaṃ taṃ vyajijñapat // (157.2) Par.?

yo dadāti na te tubhyaṃ dātuṃ saiṣa raviḥ prabho / (158.1) Par.?

grasto 'dya vairiṇā yāvat tāvat kiṃcit prayaccha me // (158.2) Par.?

tac chrutvā sa hasitvā ca dattadāno mahīpatiḥ / (159.1) Par.?

dadau vastrahiraṇyādi tasmai bahusuvarṇakam // (159.2) Par.?

kramāt tasmin dhane bhukte khinnaḥ so 'dadati prabhau / (160.1) Par.?

mṛtajānir yaśovarmā prayayau vindhyavāsinīm // (160.2) Par.?

kiṃ nirarthena dehena jīvatāpi mṛtena me / (161.1) Par.?

tyakṣyāmyetaṃ puro devyā varaṃ prāpsyāmi vepsitam // (161.2) Par.?

ityagre vindhyavāsinyāḥ saṃviṣṭo darbhasaṃstare / (162.1) Par.?

tanmanāḥ sa nirāhārastapo mahadatapyata // (162.2) Par.?

ādiśattaṃ ca sā svapne devī tuṣṭāsmi putra te / (163.1) Par.?

dadāmyarthaśriyaṃ kiṃ te kiṃ vā bhogaśriyaṃ vada // (163.2) Par.?

tac chrutvā sa yaśovarmā devīṃ tāṃ pratyabhāṣata / (164.1) Par.?

etayor nipuṇaṃ vedmi nāhaṃ bhedaṃ śriyoriti // (164.2) Par.?

tatas tamavadaddevī svadeśe tarhi yau tava / (165.1) Par.?

bhogavarmārthavarmāṇau vidyete vaṇijāvubhau // (165.2) Par.?

tayor gatvā śriyaṃ paśya tato yatsadṛśī ca te / (166.1) Par.?

rociṣyate tatsadṛśī tvayāgatyārthyatāmiti // (166.2) Par.?

etac chrutvā prabudhyaiva sa prātaḥ kṛtapāraṇaḥ / (167.1) Par.?

svadeśaṃ kautukaparaṃ yaśovarmā tato yayau // (167.2) Par.?

tatrāgātprathamaṃ tāvat sa gṛhānarthavarmaṇaḥ / (168.1) Par.?

asaṃkhyahemaratnādivyavahārārjitaśriyaḥ // (168.2) Par.?

paśyaṃstāṃ saṃpadaṃ tasya yathāvattam upāyayau / (169.1) Par.?

kṛtātithyaś ca tenāsau bhojanāya nyamantryata // (169.2) Par.?

tato 'trābhuṅkta saghṛtaṃ samāṃsavyañjanaṃ ca saḥ / (170.1) Par.?

prāghuṇocitamāhāraṃ pārśve tasyārthavarmaṇaḥ // (170.2) Par.?

arthavarmā tu bhuṅkte sma ghṛtārdhapalasaṃyutān / (171.1) Par.?

saktūn bhaktam api stokaṃ māṃsavyañjanam alpakam // (171.2) Par.?

sārthavāha kimetāvadaśnāsīti sakautukam / (172.1) Par.?

sa yaśovarmaṇā pṛṣṭo vaṇigevam abhāṣata // (172.2) Par.?

adya tvaduparodhena samāṃsavyañjanaṃ mayā / (173.1) Par.?

bhuktaṃ stokaṃ ghṛtasyārdhapalaṃ bhuktaṃ ca saktavaḥ // (173.2) Par.?

sadā tu ghṛtakarṣaṃ ca saktūṃścāśnāmi kevalān / (174.1) Par.?

ato 'dhikaṃ me mandāgnerudare naiva jīryate // (174.2) Par.?

tac chrutvā sa yaśovarmā vicikitsannininda tām / (175.1) Par.?

hṛdayena śriyaṃ tasya viphalāmarthavarmaṇaḥ // (175.2) Par.?

tato niśāgame bhaktaṃ kṣīraṃ cānāyayatpunaḥ / (176.1) Par.?

arthavarmā vaṇiktasya sa yaśovarmaṇaḥ kṛte // (176.2) Par.?

yaśovarmā ca bhūyastadyathākāmamabhuṅkta saḥ / (177.1) Par.?

arthavarmāpi sa tadā kṣīrasyaikaṃ palaṃ papau // (177.2) Par.?

tatraiva caikasthāne tāv āstīrṇaśayanāv ubhau / (178.1) Par.?

yaśovarmārthavarmāṇau śanair nidrām upeyatuḥ // (178.2) Par.?

niśīthe ca yaśovarmā svapne 'paśyad aśaṅkitam / (179.1) Par.?

praviṣṭān atra puruṣān daṇḍahastān bhayaṃkarān // (179.2) Par.?

dhigalpābhyadhikaḥ karṣo ghṛtasya kimiti tvayā / (180.1) Par.?

māṃsaudanaś ca bhukto 'dya pītaṃ ca payasaḥ palam // (180.2) Par.?

iti krodhādbruvāṇaistair ākṛṣyaivātha pādataḥ / (181.1) Par.?

puruṣair arthavarmā sa laguḍaiḥ paryatāḍyata // (181.2) Par.?

ghṛtakarṣapayomāṃsabhaktam abhyadhikaṃ ca yat / (182.1) Par.?

bhuktaṃ tat sarvam udarād ācakarṣuś ca tasya te // (182.2) Par.?

taddṛṣṭvā sa yaśovarmā prabuddho yāvadīkṣate / (183.1) Par.?

tāvattasyāyayau śūlaṃ vibuddhasyārthavarmaṇaḥ // (183.2) Par.?

tataḥ krandan parijanair madyamānodaraś ca saḥ / (184.1) Par.?

vamati smārthavarmā tadadhikaṃ yat sa bhuktavān // (184.2) Par.?

śāntaśūle tatas tasminyaśovarmā vyacintayat / (185.1) Par.?

dhigdhigarthaśriyamimāṃ yasyā bhogo 'yamīdṛśaḥ // (185.2) Par.?

khalīkṛteyamīdṛśyā bhūyādabhavaniḥ śriyaḥ / (186.1) Par.?

ityantaścintayanso 'tra rātriṃ tāmatyavāhayat // (186.2) Par.?

prātas tam arthavarmāṇam āmantrya sa yayau tataḥ / (187.1) Par.?

yaśovarmā gṛhaṃ tasya vaṇijo bhogavarmaṇaḥ // (187.2) Par.?

tatrābhyāgādyathāvattaṃ tenāpi ca kṛtādaraḥ / (188.1) Par.?

nimantrito 'bhūdvaṇijā tadaharbhojanāya saḥ // (188.2) Par.?

na cāsya vaṇijo 'paśyatsa kāṃciddhanasaṃpadam / (189.1) Par.?

apaśyattu śubhaṃ veśma vāsāṃsy ābharaṇāni ca // (189.2) Par.?

tataḥ sthite yaśovarmaṇy asmin prāvartatātra saḥ / (190.1) Par.?

bhogavarmā vaṇik kartuṃ vyavahāraṃ nijocitam // (190.2) Par.?

anyasmādbhāṇḍamādāya dadāvanyasya tatkṣaṇam / (191.1) Par.?

vinaiva svadhanaṃ madhyād dīnārān udapādayat // (191.2) Par.?

tvaritaṃ tān sa dīnārān bhṛtyahaste visṛṣṭavān / (192.1) Par.?

svabhāryāyai vicitrānnapānasaṃpādanāya ca // (192.2) Par.?

kṣaṇāc ca suhṛd ekas tam icchābharaṇanāmakaḥ / (193.1) Par.?

upāgatyaiva rabhasādbhogavarmāṇam abhyadhāt // (193.2) Par.?

siddhaṃ bhojanamasmākamuttiṣṭhāgaccha bhuñjmahe / (194.1) Par.?

suhṛdo militā hy anye tvatpratīkṣāḥ sthitā iti // (194.2) Par.?

adyāhaṃ nāgamiṣyāmi prāghuṇo 'yaṃ sthito hi me / (195.1) Par.?

iti bruvāṇaṃ punarapyenaṃ sa suhṛdabravīt // (195.2) Par.?

bhavatā samamāyātu tarhi prāghuṇiko 'py ayam / (196.1) Par.?

eṣo 'pi na kimasmākaṃ mittramuttiṣṭha satvaram // (196.2) Par.?

ity āgrahād bhogavarmā nīto mittreṇa tena saḥ / (197.1) Par.?

yaśovarmayuto gatvā bhuṅkte smāhāram uttamam // (197.2) Par.?

pītvā ca pānam āgatya sāyaṃ sa svagṛhe punaḥ / (198.1) Par.?

sayaśovarmako bheje vicitraṃ pānabhojanam // (198.2) Par.?

prāptāyāṃ niśi papraccha nijaṃ parijanaṃ ca saḥ / (199.1) Par.?

kimadya rātriparyāptamasti naḥ sarakaṃ na vā // (199.2) Par.?

svāminnāstīti tenoktaḥ sa bheje śayanaṃ vaṇik / (200.1) Par.?

pāsyāmo 'pararātre 'dya kathaṃ jalamiti bruvan // (200.2) Par.?

yaśovarmātha tatpārśve suptaḥ svapne 'tra dṛṣṭavān / (201.1) Par.?

praviṣṭān puruṣān dvitrān anyāṃs teṣāṃ ca pṛṣṭhataḥ // (201.2) Par.?

kasmād apararātrārthaṃ sarakaṃ bhogavarmaṇaḥ / (202.1) Par.?

cintitaṃ nādya yuṣmābhiḥ kva bhavadbhiḥ sthitaṃ śaṭhāḥ // (202.2) Par.?

iti paścāt praviṣṭās te puruṣā daṇḍapāṇayaḥ / (203.1) Par.?

pūrvapraviṣṭān krodhāt tān daṇḍāghātair atāḍayan // (203.2) Par.?

aparādho 'yameko naḥ kṣamyatāmiti vādinaḥ / (204.1) Par.?

daṇḍāhatās te puruṣās te cānye niragus tataḥ // (204.2) Par.?

yaśovarmātha taddṛṣṭvā prabuddhaḥ samacintayat / (205.1) Par.?

acintyopanatiḥ ślāghyā bhogaśrīrbhogavarmaṇaḥ // (205.2) Par.?

bhogahīnā samṛddhāpi nārthaśrīrarthavarmaṇaḥ / (206.1) Par.?

iti cintayatas tasya sāticakrāma yāminī // (206.2) Par.?

prātaś ca sa yaśovarmā tamāmantrya vaṇigvaram / (207.1) Par.?

jagāma vindhyavāsinyāḥ pādamūlaṃ punas tataḥ // (207.2) Par.?

tapaḥsthaḥ svapnadṛṣṭāyāstasyāḥ pūrvoktayor dvayoḥ / (208.1) Par.?

śriyorbhogaśriyaṃ tatra vavre sāsmai dadau ca tām // (208.2) Par.?

athāgatya yaśovarmā gṛhaṃ devīprasādataḥ / (209.1) Par.?

acintitopagāminyā tasthau bhogaśriyā sukham // (209.2) Par.?

tadevaṃ bhogasampannā śrīrapyalpatarā varam / (210.1) Par.?

na punarbhogarahitā suvistīrṇāpyapārthakā // (210.2) Par.?

tatkiṃ camaravālasya rājñaḥ kārpaṇyasaṃpadā / (211.1) Par.?

tapyadhve dānabhogāḍhyāṃ vīkṣadhve svāṃ śriyaṃ na kim // (211.2) Par.?

atastaṃ prati yuṣmākam avaskando na bhadrakaḥ / (212.1) Par.?

yātrālagnaś ca nāstyeva nāpi vā dṛśyate jayaḥ // (212.2) Par.?

ity uktā api te tena pañca jyotirvidā nṛpāḥ / (213.1) Par.?

yayuścamaravālaṃ taṃ nṛpaṃ praty asahiṣṇavaḥ // (213.2) Par.?

sīmāprāptāṃś ca tān buddhvā niryāsyansamarāya saḥ / (214.1) Par.?

rājā camaravālaḥ prāk snātvā haram apūjayat // (214.2) Par.?

aṣṭaṣaṣṭyuttamasthānaniyatair nāmabhiḥ śubhaiḥ / (215.1) Par.?

yathāvattaṃ ca tuṣṭāva pāpaghnaiḥ sarvakāmadaiḥ // (215.2) Par.?

rājanyudhyasva niḥśaṅkaṃ śatrūñjeṣyasi saṃgare / (216.1) Par.?

ity udgatāṃ ca gaganātso 'tha śuśrāva bhāratīm // (216.2) Par.?

tataḥ prahṛṣṭaḥ saṃnahya teṣāṃ nijabalānvitaḥ / (217.1) Par.?

rājā camaravālo 'gre yuddhāya niragāddviṣām // (217.2) Par.?

triṃśadgajasahasrāṇi trīṇi lakṣāṇi vājinām / (218.1) Par.?

koṭiḥ pādabhaṭānāṃ ca tasyāsīdvairiṇāṃ bale // (218.2) Par.?

svabale ca padātīnāṃ tasya lakṣāṇi viṃśatiḥ / (219.1) Par.?

daśa dantisahasrāṇi hayānāṃ lakṣam apy abhūt // (219.2) Par.?

pravṛtte tu mahāyuddhe tayor ubhayasenayoḥ / (220.1) Par.?

yathārthanāmni vīrākhye pratīhāre 'grayāyini // (220.2) Par.?

svayaṃ camaravālo 'sau rājā tatsamarāṅgaṇam / (221.1) Par.?

mahāvarāho bhagavānmahārṇavamivāviśat // (221.2) Par.?

mamarda cālpasainyo 'pi parasainyaṃ mahat tathā / (222.1) Par.?

yathāśvagajapattīnāṃ hayānāṃ rāśayo 'bhavan // (222.2) Par.?

dhāvitvā cātra samarabalaṃ taṃ saṃmukhāgatam / (223.1) Par.?

āhatya śaktyā rājānaṃ pāśenākṛṣya baddhavān // (223.2) Par.?

tataḥ samaraśūraṃ ca hṛdi bāṇāhataṃ nṛpam / (224.1) Par.?

dvitīyaṃ tadvadākṛṣya pāśenaiva babandha saḥ // (224.2) Par.?

tṛtīyaṃ cātra samarajitaṃ nāma mahīpatim / (225.1) Par.?

vīrākhyas tatpratīhāro baddhvā tatpārśvamānayat // (225.2) Par.?

senāpatir devabalas tasyānīya samarpayat / (226.1) Par.?

nṛpaṃ pratāpacandrākhyaṃ caturthaṃ sāyakāhatam // (226.2) Par.?

tataḥ pratāpasenākhyas taddṛṣṭvā pañcamo nṛpaḥ / (227.1) Par.?

krodhāccamaravālaṃ taṃ bhūpamabhyapatadraṇe // (227.2) Par.?

sa tu nirdhūya tadbāṇānsvaśaraugheṇa viddhavān / (228.1) Par.?

rājā camaravālastaṃ lalāṭe tribhir āśugaiḥ // (228.2) Par.?

kaṇṭhakṣiptena pāśena taṃ ca kāla ivātha saḥ / (229.1) Par.?

ākṛṣya svavaśe cakre śarāghātavighūrṇitam // (229.2) Par.?

evaṃ rājasu baddheṣu teṣu pañcasvapi kramāt / (230.1) Par.?

hataśeṣāṇi sainyāni diśasteṣāṃ pradudruvuḥ // (230.2) Par.?

amitaṃ hemaratnādi bahūnyantaḥpurāṇi ca / (231.1) Par.?

rājñā camaravālena prāptāny eṣāṃ mahībhujām // (231.2) Par.?

tanmadhye ca mahādevī yaśolekheti viśrutā / (232.1) Par.?

rājñaḥ pratāpasenasya prāptā tenāṅganottamā // (232.2) Par.?

tataḥ praviśya nagaraṃ vīradevabalau ca saḥ / (233.1) Par.?

kṣattṛsenāpatī paṭṭaṃ baddhvā ratnair apūrayat // (233.2) Par.?

pratāpasenāmahiṣīṃ kṣattradharmajiteti tām / (234.1) Par.?

yaśolekhāṃ sa nṛpatiḥ svāvarodhavadhūṃ vyadhāt // (234.2) Par.?

bhujārjitāhamasyeti sehe sā capalāpi tam / (235.1) Par.?

kāmamohapravṛttānāṃ śabalā dharmavāsanā // (235.2) Par.?

dinaś cābhyarthito rājñyā sa yaśolekhayā tayā / (236.1) Par.?

rājā camaravālas tān baddhān pañcāpi bhūpatīn // (236.2) Par.?

pratāpasenaprabhṛtīn gṛhītavinayān natān / (237.1) Par.?

mumoca nijarājyeṣu satkṛtya visasarja ca // (237.2) Par.?

tataḥ sa tad akaṇṭakaṃ vijitaśatru rājyaṃ nijaṃ samṛddhamaśiṣacciraṃ camaravālapṛthvīpatiḥ / (238.1) Par.?

araṃsta ca varāpsaro'bhyadhikarūpalāvaṇyayā dviṣajjayapatākayā saha tayā yaśolekhayā // (238.2) Par.?

evaṃ bahūnapi ripūn rabhasapravṛttān dveṣākulān agaṇitasvaparasvarūpān / (239.1) Par.?

eko 'py ananyasamapauruṣabhagnasāradarpajvarāñjayati saṃyugamūrdhni dhīraḥ // (239.2) Par.?

iti gomukhena kathitāmarthyāṃ śrutvā kathāṃ kṛtaślāghaḥ / (240.1) Par.?

akarodatha naravāhanadattaḥ snānādi dinakāryam // (240.2) Par.?

nināya saṃgītarasāc ca tāṃ tathā niśāṃ sa gāyansvayamaṅganāsakhaḥ / (241.1) Par.?

sarasvatī tasya nabhaḥsthitā yathā dadau priyābhiś cirasaṃstavaṃ varam // (241.2) Par.?

Duration=1.5909600257874 secs.