Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17516

Click on a sentence to show its analysis
Keep the mouse pointer over a lemma to show its meanings.

evaṃ vidyādharīṃ bhāryāṃ bhavyāṃ ratnaprabhāṃ navām / (1.1) Par.?

tasya prāptavato 'nyedyustadveśmani tayā saha // (1.2) Par.?

naravāhanadattasya sthitasya prātarāyayuḥ / (2.1) Par.?

darśanārthamupadvāraṃ sacivā gomukhādayaḥ // (2.2) Par.?

dvāḥsthayā kṣaṇaruddheṣu teṣv atrāvediteṣv atha / (3.1) Par.?

praviṣṭeṣv ādṛteṣv etāṃ dvāḥsthāṃ ratnaprabhābhyadhāt // (3.2) Par.?

dvārameṣāṃ na roddhavyam iha praviśatāṃ punaḥ / (4.1) Par.?

āryaputravayasyānāṃ svaṃ śarīramamī hi naḥ // (4.2) Par.?

rakṣā cāntaḥpureṣvīdṛṅnaivametan mataṃ mama / (5.1) Par.?

iti dvāḥsthāmuditvā sā svapatiṃ tamathābravīt // (5.2) Par.?

āryaputra prasaṅgena vadāmi tava tac chṛṇu / (6.1) Par.?

nītimātramahaṃ manye strīṇāṃ rakṣāniyantraṇam // (6.2) Par.?

īrṣyākṛto 'thavā mohaḥ kāryaṃ tena na kiṃcana / (7.1) Par.?

mahattareṇa rakṣyante śīlenaiva kulastriyaḥ // (7.2) Par.?

dhātāpi na prabhuḥ prāyaś capalānāṃ tu rakṣaṇe / (8.1) Par.?

mattā nadī ca nārī ca niyantuṃ kena pāryate // (8.2) Par.?

tathā ca śrūyatām atra kathāṃ vaḥ kathayāmy aham / (9.1) Par.?

astīha ratnakūṭākhyaṃ dvīpaṃ madhye 'mbudhermahat // (9.2) Par.?

tatra rājā mahotsāhaḥ purā paramavaiṣṇavaḥ / (10.1) Par.?

yathārthenābhidhānena ratnādhipatirityabhūt // (10.2) Par.?

sa rājā vijayaṃ pṛthvyāḥ sarvarājātmajāstathā / (11.1) Par.?

bhāryāḥ prāptuṃ tapastepe viṣṇorārādhanaṃ mahat // (11.2) Par.?

saṃtuṣṭas tapasā sākṣādbhagavānādideśa tam / (12.1) Par.?

uttiṣṭha rājaṃs tuṣṭo 'smi tadidaṃ vacmi te śṛṇu // (12.2) Par.?

kaliṅgaviṣaye ko'pi gandharvo muniśāpataḥ / (13.1) Par.?

samutpanno gajaḥ śvetaḥ śvetaraśmiriti śrutaḥ // (13.2) Par.?

pūrvajanmatapaḥsiddhiyogān madbhaktitas tathā / (14.1) Par.?

jñānī gaganagāmī ca gajo jātismaraś ca saḥ // (14.2) Par.?

dattādeśo mayā svapne sa ca hastī mahāṃstava / (15.1) Par.?

etya svayaṃ dyumārgeṇa vāhanatvaṃ prapatsyate // (15.2) Par.?

tamāruhya gajaṃ śvetaṃ surebham iva vajrabhṛt / (16.1) Par.?

vyomamārgeṇa yaṃ yaṃ tvaṃ rājānamabhiyāsyasi // (16.2) Par.?

sa sa divyānubhāvāya bhītastubhyaṃ pradāsyati / (17.1) Par.?

svapne mayaiva dattājñaḥ kanyādānanibhāt karam // (17.2) Par.?

evaṃ vijeṣyase kṛtsnāṃ pṛthvīmantaḥpurāṇi ca / (18.1) Par.?

rājaputrīsahasrāṇi tvam aśītim avāpsyasi // (18.2) Par.?

ity uktvāntarhite viṣṇau sa rājā kṛtapāraṇaḥ / (19.1) Par.?

anyedyurāgataṃ vyomnā taṃ dadarśa gajaṃ śubham // (19.2) Par.?

āruhyopanataṃ taṃ ca yathādiṣṭaḥ sa viṣṇunā / (20.1) Par.?

tathā vijitya pṛthivīmājahre rājakanyakāḥ // (20.2) Par.?

sahasrāśītisaṃkhyābhistatas tābhiḥ samaṃ ca saḥ / (21.1) Par.?

uvāsa ratnakūṭe 'tra yathecchaṃ viharannṛpaḥ // (21.2) Par.?

śāntyarthaṃ śītaraśmeś ca tasya divyasya dantinaḥ / (22.1) Par.?

pratyahaṃ bhojayāmāsa viprāṇāṃ śatapañcakam // (22.2) Par.?

kadācic ca tamāruhya paribhramya sa bhūpatiḥ / (23.1) Par.?

dvīpāntarāṇi svaṃ dvīpaṃ ratnādhipatirāyayau // (23.2) Par.?

tatrāvataratas tasya gaganāt tu gajottamam / (24.1) Par.?

cañcvā tārkṣyodbhavaḥ pakṣī mūrdhni daivād atāḍayat // (24.2) Par.?

sa ca pakṣī pradudrāva rājñā tīkṣṇāṅkuśāhataḥ / (25.1) Par.?

hastī tu bhūmāv apatac cañcvāghātena mūrchitaḥ // (25.2) Par.?

nṛpe 'vatīrṇe sa gajo labdhasaṃjño 'pi nāśakat / (26.1) Par.?

utthāpyamāno 'py utthātuṃ nirastakavalagrahaḥ // (26.2) Par.?

pañcāhāni tathaivāsminvāraṇe patitasthite / (27.1) Par.?

duḥkhitaḥ sa nirāhāro rājā cāpy evam abravīt // (27.2) Par.?

bho lokapālā brūtāsminn upāyaṃ saṃkaṭe mama / (28.1) Par.?

anyathopahariṣyāmi chittvāhaṃ svaśiro 'dya vaḥ // (28.2) Par.?

ity uktvaivāttakhaḍgaṃ taṃ svaśiraśchettumudyatam / (29.1) Par.?

aśarīrā jagādaivaṃ vāṇī tatkṣaṇamambarāt // (29.2) Par.?

mā sāhasaṃ kṛthā rājansādhvī kācitkaroti cet / (30.1) Par.?

hastasparśaṃ gajasyāsya taduttiṣṭhati nānyathā // (30.2) Par.?

tac chrutvaivāmṛtalatāṃ nāma hṛṣṭaḥ sa bhūpatiḥ / (31.1) Par.?

mukhyām ānāyayāmāsa nijāṃ devīṃ surakṣitām // (31.2) Par.?

tayā spṛṣṭaḥ sa hastena nodatiṣṭhadgajo yadā / (32.1) Par.?

tadā so 'nyā nijāḥ sarvā devīrānāyayannṛpaḥ // (32.2) Par.?

tābhiḥ kṛtakarasparśaḥ samastābhir api kramāt / (33.1) Par.?

naivottasthau dvipaḥ so 'tra na tāsv ekāpy abhūt satī // (33.2) Par.?

antaḥpurasahasrāṇi tām āśītim api sphuṭam / (34.1) Par.?

dṛṣṭvā vilajjitānyeva sa rājā janasaṃnidhau // (34.2) Par.?

vilakṣaḥ svapurāttasmādānāyya nikhilāḥ striyaḥ / (35.1) Par.?

krameṇa hastinas tasya hastasparśamakārayat // (35.2) Par.?

tathāpi yatsa nottasthau gajendrastatsa bhūpatiḥ / (36.1) Par.?

kaṣṭaṃ pure me sādhvī strī naikāpīti trapāṃ yayau // (36.2) Par.?

tāvac ca harṣaguptākhyas tāmraliptyāḥ samāgataḥ / (37.1) Par.?

vaṇik tatrāyayau buddhvā vṛttāntaṃ taṃ sakautukaḥ // (37.2) Par.?

tasya karmakarī paścādājagāma pativratā / (38.1) Par.?

ekā śīlavatī nāma sā tad dṛṣṭvā tam abravīt // (38.2) Par.?

spṛśāmy ahaṃ kareṇaitaṃ svabhartuścāparo mayā / (39.1) Par.?

manasāpi na ceddhyātas tad uttiṣṭhatv ayaṃ dvipaḥ // (39.2) Par.?

ity uktvopetya hastena sā ca pasparśa taṃ gajam / (40.1) Par.?

udatiṣṭhatsa ca svasthaḥ kavalaṃ ca tato 'grahīt // (40.2) Par.?

imās tā viralāḥ sādhvyaḥ kāścideveśvaropamāḥ / (41.1) Par.?

sargapālanasaṃhārasamarthā jagato 'sya yāḥ // (41.2) Par.?

iti śīlavatīṃ tatra kṛtakolāhalo janaḥ / (42.1) Par.?

tāṃ tuṣṭāva tadā dṛṣṭvā śvetaraśmiṃ tamutthitam // (42.2) Par.?

rājāpi ratnādhipatiḥ parituṣyābhinandya tām / (43.1) Par.?

so 'pūrayadasaṃkhyātai ratnaiḥ śīlavatīṃ satīm // (43.2) Par.?

tatsvāminaṃ ca vaṇijaṃ harṣaguptaṃ tathaiva tam / (44.1) Par.?

apūjayaddadau cāsya gṛhaṃ rājagṛhāntike // (44.2) Par.?

parivarjitasaṃsparśā nijabhāryāstathaiva saḥ / (45.1) Par.?

piṇḍācchādanamātraikabhāginīrakarot tataḥ // (45.2) Par.?

athānāyya kṛtāhāro harṣaguptasya saṃnidhau / (46.1) Par.?

sādhvīṃ śīlavatīṃ tāṃ sa jagāda vijane nṛpaḥ // (46.2) Par.?

śīlavaty asti te kācitkanyā pitṛkulād iti / (47.1) Par.?

tāṃ me dāpaya jāne hi sāpi syāttvādṛśī dhruvam // (47.2) Par.?

ity uktā tena sā rājñā śīlavatyabravīttadā / (48.1) Par.?

rājadatteti nāmnāsti tāmraliptyāṃ svasā mama // (48.2) Par.?

upayacchasva tāṃ deva ślāghyarūpāṃ yadīcchasi / (49.1) Par.?

ity uktaḥ sa tayā rājñā pratipede tatheti tat // (49.2) Par.?

niścitya ca tadanyedyuḥ śīlavatyā tayā saha / (50.1) Par.?

tenāpi harṣaguptena tamāruhya khagāminam // (50.2) Par.?

śvetaraśmiṃ svayaṃ gatvā tāmraliptīṃ sa bhūpatiḥ / (51.1) Par.?

viveśa harṣaguptasya vaṇijas tasya mandiram // (51.2) Par.?

tatra papraccha tadaharlagnaṃ śīlavatīsvasuḥ / (52.1) Par.?

vivāhe rājadattāyā gaṇakānātmanastathā // (52.2) Par.?

gaṇakāścobhayoḥ pṛṣṭvā nakṣatrāṇyevam abruvan / (53.1) Par.?

lagno vāṃ śobhano rājannasti māseṣvitastriṣu // (53.2) Par.?

adya vā vidyate yādṛk tenaiṣā ced vivāhyate / (54.1) Par.?

rājadattā tato 'vaśyam asādhvī bhavati prabho // (54.2) Par.?

gaṇakair evam ukto 'pi kamanīyavadhūtsukaḥ / (55.1) Par.?

ekākī ciram asthāsnuḥ sa rājā samacintayat // (55.2) Par.?

alaṃ vicāreṇādyaiva rājadattām ihodvahe / (56.1) Par.?

śīlavatyāḥ svasā hy eṣā nirdarpā nāsatī bhavet // (56.2) Par.?

yattatsamudramadhye 'sti dvīpakhaṇḍam amānuṣam / (57.1) Par.?

ekaśūnyacatuḥśālaṃ tatraitāṃ sthāpayāmi ca // (57.2) Par.?

durgame 'tra parīvāraṃ strīrevāsyāḥ karomi ca / (58.1) Par.?

puruṣādarśanād evam asatī syādiyaṃ katham // (58.2) Par.?

iti niścitya tadahaḥ pariṇinye sa bhūpatiḥ / (59.1) Par.?

tāṃ rājadattāṃ sahasā śīlavatyā samarpitām // (59.2) Par.?

kṛtodvāhaḥ kṛtācāro harṣaguptena tāṃ vadhūm / (60.1) Par.?

ādāya tenaiva samaṃ śīlavatyā tayā ca saḥ // (60.2) Par.?

śvetaraśmiṃ tamāruhya kṣaṇena nabhasā nijam / (61.1) Par.?

mārgonmukhajanaṃ dvīpaṃ ratnakūṭaṃ tadāyayau // (61.2) Par.?

saṃvibheje ca tāṃ bhūyastathā śīlavatīṃ yathā / (62.1) Par.?

prāptasādhvīvrataphalā kṛtārthā samapādi sā // (62.2) Par.?

tatas tatraiva kariṇi śvetaraśmau nabhaścare / (63.1) Par.?

āropya tāṃ navavadhūṃ rājadattāṃ sa cintite // (63.2) Par.?

nītvā tatrābdhimadhyasthe dvīpe mānuṣadurgame / (64.1) Par.?

āsthāpayaccatuḥśāle nārīmayaparicchadām // (64.2) Par.?

yadyadvastūpayuktaṃ ca tasyās tat tad aviśvasan / (65.1) Par.?

vyomnaiva prāpayāmāsa tatra tena gajena saḥ // (65.2) Par.?

svayaṃ tadanuraktaś ca tatraivāsīt sadā niśi / (66.1) Par.?

āyayau rājakāryārthaṃ ratnakūṭaṃ divā punaḥ // (66.2) Par.?

ekadā sa tayā sākaṃ pratyūṣe rājadattayā / (67.1) Par.?

rājā pratighnan duḥsvapnaṃ siṣeve pānamaṅgalam // (67.2) Par.?

tena mattām amuñcantīm api muktvā sa tāṃ yayau / (68.1) Par.?

ratnakūṭaṃ svakāryārthaṃ nityasnigdhā hi rājatā // (68.2) Par.?

tatra tasthau saśaṅkena kurvan kāryāṇi cetasā / (69.1) Par.?

kṣībā kim ekakā muktā sā tvayetīva śaṃsatā // (69.2) Par.?

tāvac ca rājadattā sā sthāne tatrātidurgame / (70.1) Par.?

mahānasādivyagrāsu dāsīṣvekākinī sthitā // (70.2) Par.?

dvāre vidhimivānyaṃ tattadrakṣāvijigīṣayā / (71.1) Par.?

āgataṃ puruṣaṃ kaṃciddadarśāścaryadāyakam // (71.2) Par.?

kastvaṃ kathamidaṃ sthānam agamyaṃ cāgato bhavān / (72.1) Par.?

iti taṃ cāntikaprāptaṃ kṣībā papraccha sā kila // (72.2) Par.?

tataḥ sa dṛṣṭabahulakleśastāṃ puruṣo 'bravīt / (73.1) Par.?

mugdhe pavanasenākhyo vaṇikputro 'smi māthuraḥ // (73.2) Par.?

hṛtasvo gotrajaiḥ so 'ham anāthaḥ pramayātpituḥ / (74.1) Par.?

gatvā videśe kṛpaṇāṃ parasevāmaśiśriyam // (74.2) Par.?

tataḥ kṛcchreṇa samprāpya dhanaleśaṃ vaṇijyayā / (75.1) Par.?

gacchandeśāntaraṃ mārge muṣito 'smy etya taskaraiḥ // (75.2) Par.?

tato bhikṣāṃ bhramaṃstulyaiḥ sahānyairgatavānaham / (76.1) Par.?

ratnānāmākarasthānaṃ kanakakṣetrasaṃjñakam // (76.2) Par.?

tatrāṅgīkṛtya bhūpasya bhāgaṃ saṃvatsarāvadhi / (77.1) Par.?

khāte khanan kṣitiṃ ratnaṃ naikam apy asmi labdhavān // (77.2) Par.?

nandatsu labdharatneṣu madvidheṣv apareṣu ca / (78.1) Par.?

gatvābdhitīre duḥkhārtaḥ kāṣṭhānyahamupāharam // (78.2) Par.?

agnipraveśāya citāṃ yāvattatra karomi taiḥ / (79.1) Par.?

jīvadattābhidhastāvatko 'py atra vaṇigāyayau // (79.2) Par.?

nivārya maraṇāttena dattvā vṛttiṃ dayālunā / (80.1) Par.?

gṛhīto 'haṃ pravahaṇe svarṇadvīpaṃ yiyāsatā // (80.2) Par.?

tato 'kasmātpravahaṇenābdhimadhyena gacchatām / (81.1) Par.?

pañcasvahaḥsu yāteṣu megho 'kasmādadṛśyata // (81.2) Par.?

pravṛṣṭe sthūladhārābhirmeghe 'smin mārutena tat / (82.1) Par.?

aghūrṇata pravahaṇaṃ mattahastiśiro yathā // (82.2) Par.?

kṣaṇānnimajjya bhagne 'smin yānapātre vidhervaśāt / (83.1) Par.?

ekaḥ phalahakaḥ prāptastatkālaṃ majjatā mayā // (83.2) Par.?

tadārūḍhas tataḥ śānte meghāṭope vidhervaśāt / (84.1) Par.?

imaṃ pradeśaṃ prāpyāham uttīrṇaḥ sāṃprataṃ vane // (84.2) Par.?

vīkṣya cedaṃ catuḥśālaṃ praviśyābhyantaraṃ mayā / (85.1) Par.?

dṛṣṭā dṛṣṭisudhāvṛṣṭistvaṃ tāpaśamanī śubhe // (85.2) Par.?

ity uktavantaṃ paryaṅke niveśyaivāliliṅga tam / (86.1) Par.?

mohitā rājadattā sā madena madanena ca // (86.2) Par.?

strītvaṃ kṣībatvam ekāntaḥ puṃso lābho 'niyantraṇā / (87.1) Par.?

yatra pañcāgnayas tatra vārtā śīlatṛṇasya kā // (87.2) Par.?

na caivaṃ kṣamate nārī vicāraṃ māramohitā / (88.1) Par.?

yadiyaṃ cakame rājñī tam akāmyaṃ vipadgatam // (88.2) Par.?

tāvac ca ratnādhipatiḥ sa rājā ratnakūṭataḥ / (89.1) Par.?

ājagāmotsukastūrṇaṃ dyucaradvipavāhanaḥ // (89.2) Par.?

praviśaṃś cātra so 'paśyattādṛśenāpi tena tām / (90.1) Par.?

puruṣeṇa samaṃ bhāryāṃ rājadattāṃ ratisthitām // (90.2) Par.?

dṛṣṭvā jighāṃsitam api kṣitīśaḥ puruṣaṃ sa tam / (91.1) Par.?

nāvadhītpādapatitaṃ bruvāṇaṃ kṛpaṇā giraḥ // (91.2) Par.?

bhāryāṃ bhītāṃ ca mattāṃ tāṃ sa vīkṣyaivam acintayat / (92.1) Par.?

madye māraikasuhṛdi prasaktā strī satī kutaḥ // (92.2) Par.?

niyantuṃ capalā nārī rakṣayāpi na śakyate / (93.1) Par.?

kiṃ nāmotpātavātālī bāhubhyāṃ jātu badhyate // (93.2) Par.?

na kṛtaṃ gaṇakoktaṃ yattadidaṃ tasya me phalam / (94.1) Par.?

vipākakaṭukaṃ tasya nāptavākyāvadhīraṇam // (94.2) Par.?

śīlavatyāḥ svasetīmāṃ jānato bata vismṛtā / (95.1) Par.?

sudhāyāḥ sahajā sā me kālakūṭaviṣacchaṭā // (95.2) Par.?

athavā kaḥ samarthaḥ syād asaṃbhāvyaṃ viceṣṭitam / (96.1) Par.?

jetuṃ puruṣakāreṇa vidheradbhutakarmaṇaḥ // (96.2) Par.?

ity ālocya na cukrodha kasmaicittaṃ jahau ca saḥ / (97.1) Par.?

pṛṣṭodantaṃ vaṇikputraṃ rājā pracchannakāmukam // (97.2) Par.?

so 'pi muktas tato 'paśyan gatiṃ kāṃcid vaṇiksutaḥ / (98.1) Par.?

nirgatyābdhau pravahaṇaṃ dūrād āgacchad aikṣata // (98.2) Par.?

tataḥ phalahakaṃ bhūyas tam evāruhya so 'mbudhau / (99.1) Par.?

bhraman pūtkṛtya cakranda mām uddharata bho iti // (99.2) Par.?

tena taṃ krodhavarmākhyo vaṇik tadyānapātragaḥ / (100.1) Par.?

samuddhṛtya vaṇikputraṃ cakārāntikavartinam // (100.2) Par.?

yasya yadvihitaṃ dhātrā karma nāśāya tasya tat / (101.1) Par.?

padavīṃ yatra tatrāpi dhāvato 'py anudhāvati // (101.2) Par.?

yat sa tatra sthito mūḍhastatpatnyā saṃgato rahaḥ / (102.1) Par.?

vilokya vaṇijā tena kṣepito 'bdhau vyapadyata // (102.2) Par.?

tāvac ca ratnādhipatiḥ sa rājā saparicchadām / (103.1) Par.?

āropya śvetaraśmau tāṃ rājadattām akopanaḥ // (103.2) Par.?

prāpayya ratnakūṭaṃ ca śīlavatyāḥ samarpya ca / (104.1) Par.?

tasyai ca sacivebhyaś ca tadvṛttāntamavarṇayat // (104.2) Par.?

jagāda ca kiyad duḥkham anubhūtam aho mayā / (105.1) Par.?

asāraviraseṣv eṣu bhogeṣvāsaktacetasā // (105.2) Par.?

tadidānīṃ vanaṃ gatvā hariṃ śaraṇamāśraye / (106.1) Par.?

yena syāṃ naiva duḥkhānāṃ bhājanaṃ punarīdṛśām // (106.2) Par.?

ity ūcivānsa sacivair vāryamāṇo 'pi duḥkhitaḥ / (107.1) Par.?

śīlavatyā ca vairāgyān niścayaṃ naiva tajjahau // (107.2) Par.?

tato 'rdhamarpayitvādāvekaṃ sādhvyai svakoṣataḥ / (108.1) Par.?

śīlavatyai dvijebhyo 'rdhaṃ dattvānyadbhoganispṛhaḥ // (108.2) Par.?

pāpabhañjanasaṃjñāya brāhmaṇāya yathāvidhi / (109.1) Par.?

dadau guṇagariṣṭhāya nijaṃ rājyaṃ sa bhūpatiḥ // (109.2) Par.?

dattarājyaś ca nabhasā sa gamiṣyaṃstapovanam / (110.1) Par.?

ānāyayac chvetaraśmiṃ paurāṇāṃ sāśru paśyatām // (110.2) Par.?

ānītamātraḥ sa karī śarīraṃ pravimucya tat / (111.1) Par.?

puruṣo divyarūpo 'bhūddhārakeyūrarājitaḥ // (111.2) Par.?

ko bhavān kim idaṃ ceti pṛṣṭo rājñā jagāda saḥ / (112.1) Par.?

gandharvau bhrātarāv āvām ubhau malayavāsinau // (112.2) Par.?

ahaṃ somaprabho nāma jyeṣṭho devaprabhaś ca saḥ / (113.1) Par.?

tasya caikaiva madbhrāturbhāryā sā cātivallabhā // (113.2) Par.?

sa tāṃ rājavatīṃ nāma kṛtvotsaṅge paribhraman / (114.1) Par.?

ekadā siddhavāsākhyaṃ sthānaṃ prāyānmayā saha // (114.2) Par.?

keśavāyatane tatra vayamabhyarcitācyutāḥ / (115.1) Par.?

prāvartāmahi sarve 'pi gātuṃ bhagavataḥ puraḥ // (115.2) Par.?

tāvadāgatya tatraikaḥ siddhastāṃ śravyagāyinīm / (116.1) Par.?

dṛśā rājavatīṃ paśyann atiṣṭhad animeṣayā // (116.2) Par.?

siddho 'pi sābhilāṣaḥ kiṃ paranārīṃ nirīkṣase / (117.1) Par.?

iti serṣyaḥ sa madbhrātā kruddhaḥ siddhaṃ tam abravīt // (117.2) Par.?

tataḥ sa siddhaḥ kupitaḥ śaptum evaṃ tam abhyadhāt / (118.1) Par.?

gītāścaryān mayā mūḍha vīkṣiteyaṃ na kāmataḥ // (118.2) Par.?

tanmartyayonāvīrṣyāluḥ pata tvamanayā saha / (119.1) Par.?

paśyaitām eva bhāryāṃ tvaṃ sākṣāttatrānyasaṃgatām // (119.2) Par.?

ity ūcivānmayā so 'tha bālyāttacchāpakopataḥ / (120.1) Par.?

hastasthenāhataḥ krīḍāmṛṇmayaśvetahastinā // (120.2) Par.?

tataḥ sa māṃ samaśapad yenāhaṃ bhavatāhataḥ / (121.1) Par.?

tādṛkśveto gajo bhūmau bhavān utpadyatām iti // (121.2) Par.?

athānunīto madbhrātrā tena devaprabheṇa saḥ / (122.1) Par.?

siddhaḥ kṛpāluḥ śāpāntam evam asmākam abravīt // (122.2) Par.?

hareḥ prasādān martyo 'pi bhūtvā dvīpeśvaro bhavān / (123.1) Par.?

gajībhūtam imaṃ prāpsyasyanujaṃ divyavāhanam // (123.2) Par.?

antaḥpurasahasrāṇi tvam aśītim avāpsyasi / (124.1) Par.?

teṣāṃ vetsyasi dauḥśīlyaṃ sarveṣāṃ janasaṃnidhau // (124.2) Par.?

athaitāṃ mānuṣībhūtāṃ svabhāryāṃ pariṇeṣyasi / (125.1) Par.?

pratyakṣamenām api ca drakṣyasyanyena saṃgatām // (125.2) Par.?

tato viraktahṛdayo dattvā rājyaṃ dvijanmane / (126.1) Par.?

devaprabha yadā śānto vanaṃ gantuṃ pravatsyasi // (126.2) Par.?

tadā prathamamukte 'smin gajatvādanuje tava / (127.1) Par.?

anayā bhāryayā sākaṃ śāpāt tvam api mokṣyase // (127.2) Par.?

iti siddhoktaśāpāntā vayaṃ prākkarmabhedataḥ / (128.1) Par.?

evaṃ jātāḥ pṛthagyogācchāpāntaḥ saiṣa cādya naḥ // (128.2) Par.?

evaṃ somaprabheṇokte sa ratnādhipatirnṛpaḥ / (129.1) Par.?

jātiṃ smṛtvābravīddhanta saiṣa devaprabho hy aham // (129.2) Par.?

eṣāpi rājadattā sā patnī rājavatī mama / (130.1) Par.?

ity uktvā sa tayā sākaṃ bhāryayā tāṃ tanuṃ jahau // (130.2) Par.?

kṣaṇātsarve 'pi gandharvā bhūtvā lokasya paśyataḥ / (131.1) Par.?

khamutpatya nijaṃ dhāma yayuste malayācalam // (131.2) Par.?

śīlavatyapi śīlasya māhātmyātprāpya saṃpadam / (132.1) Par.?

tāmraliptīṃ purīṃ gatvā tasthau dharmopasevinī // (132.2) Par.?

iti jagati na rakṣituṃ samarthaḥ kvacidapi kaścid api prasahya nārīm / (133.1) Par.?

avati tu satataṃ viśuddha ekaḥ kulayuvatīṃ nijasattvapāśabandhaḥ // (133.2) Par.?

evaṃ cerṣyā nāma duḥkhaikahetur doṣaḥ puṃsāṃ dveṣadāyī pareṣām / (134.1) Par.?

yo 'yaṃ mā bhūd rakṣaṇāyāṅganānām atyautsukyaṃ pratyutāsāṃ karoti // (134.2) Par.?

iti naravāhanadatto ratnaprabhayā svabhāryayā kathitām / (135.1) Par.?

sa niśamya kathāmarthyāṃ sacivaiḥ sārdhaṃ paraṃ mumude // (135.2) Par.?

Duration=1.1516358852386 secs.