Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17514

Click on a sentence to show its analysis
Keep the mouse pointer over a lemma to show its meanings.

kelikeśagrahavyagragaurīkaranakhāvṛtam / (1.1) Par.?

śivāyānekacandrāḍhyam iva śārvaṃ śiro 'stu vaḥ // (1.2) Par.?

karaṃ dānāmbhasārdraṃ yaḥ kuñcitāgraṃ prasārayan / (2.1) Par.?

dadatsiddhimivābhāti sa pāyādvo gajānanaḥ // (2.2) Par.?

evaṃ sa tatra kauśāmbyāṃ putro vatseśvarasya tām / (3.1) Par.?

pariṇīya yuvā prāṇasamāṃ madanamañcukām // (3.2) Par.?

naravāhanadattaḥ svaiḥ sacivairgomukhādibhiḥ / (4.1) Par.?

samaṃ tasthau yathākāmaṃ paripūrṇamanorathaḥ // (4.2) Par.?

ekadā collasanmattakokilārāvarājite / (5.1) Par.?

pravartitalatālāsyavalganmalayamārute // (5.2) Par.?

pragītabhṛṅgasubhage samprāpte ca madhūtsave / (6.1) Par.?

yayau vihartumudyānaṃ rājaputraḥ samantrikaḥ // (6.2) Par.?

tatra bhrāntvāgato 'kasmād upetya nijagāda tam / (7.1) Par.?

praharṣotphullanayanaḥ svavayasyastapantakaḥ // (7.2) Par.?

yuvarāja mayā dṛṣṭā kāpīto nātidūrataḥ / (8.1) Par.?

kanyāvatīrya gaganāt sthitāśokataroradhaḥ // (8.2) Par.?

tayaiva preṣitaścāhamupetya sasakhīkayā / (9.1) Par.?

svakāntidyotitadiśā tvadāhvānāya kanyayā // (9.2) Par.?

tac chrutvā sa svasacivaiḥ sākaṃ taddarśanotsukaḥ / (10.1) Par.?

naravāhanadattastattarumūlamagāddrutam // (10.2) Par.?

dadarśa tatra tāṃ kāntāṃ lolalocanaṣaṭpadām / (11.1) Par.?

śoṇauṣṭhapallavāṃ pīnastanastabakaśobhitām // (11.2) Par.?

parāgapuñjagaurāṅgīṃ chāyayā tāpahāriṇīm / (12.1) Par.?

āttocitākṛtiṃ sākṣādivopavanadevatām // (12.2) Par.?

upāyayau ca praṇatāṃ sa tām abhinananda ca / (13.1) Par.?

divyakanyāṃ nṛpasutastadrūpāpahṛtekṣaṇaḥ // (13.2) Par.?

atha tatsacivaḥ sarveṣūpaviṣṭeṣu gomukhaḥ / (14.1) Par.?

tām apṛcchacchubhe kā tvaṃ kimarthaś cāgamo 'tra te // (14.2) Par.?

tac chrutvā sā durullaṅghyamanmathājñojjhitatrapā / (15.1) Par.?

naravāhanadattasya vadanāmbhoruhaṃ muhuḥ // (15.2) Par.?

paśyantī cakṣuṣā tiryagasamapraṇavasrutā / (16.1) Par.?

vistareṇātmavṛttāntakathām evam avarṇayat // (16.2) Par.?

asti trijagati khyāto nagendro himavāniti / (17.1) Par.?

bhūriśṛṅgasya tasyaikaṃ śṛṅgaṃ gaurīpatergiriḥ // (17.2) Par.?

bhāsvanmaṇiprabhāmālī vilasattuhinadyutiḥ / (18.1) Par.?

gaganābhoga iva yaḥ paricchettuṃ na śakyate // (18.2) Par.?

haraprasādalabhyānāṃ jarāmṛtyubhayacchidām / (19.1) Par.?

siddhīnāmoṣadhīnāṃ ca nidhānaṃ yasya sānavaḥ // (19.2) Par.?

yena vidyādharavrātaśarīrarucipiñjaraiḥ / (20.1) Par.?

śikharair amarādrīndraśṛṅgaśobhābhibhūyate // (20.2) Par.?

tatra kāñcanaśṛṅgākhyamasti hemamayaṃ puram / (21.1) Par.?

bhābhiḥ prabhākarasthānam iva yadbhāti bhāsuram // (21.2) Par.?

bahuyojanavistīrṇe tasmin vidyādhareśvaraḥ / (22.1) Par.?

āste hemaprabho nāma dṛḍhabhaktirumāpatau // (22.2) Par.?

tasya cāsti mahādevī patnīṣu bahuṣu priyā / (23.1) Par.?

alaṃkāraprabhā nāma rohiṇīva himatviṣaḥ // (23.2) Par.?

tayā saha sa rājā ca prātar utthāya dhārmikaḥ / (24.1) Par.?

snātvārcayitvā vidhivadgaurīyuktaṃ maheśvaram // (24.2) Par.?

etya mānuṣalokaṃ ca ratnamiśraṃ dine dine / (25.1) Par.?

brāhmaṇebhyo daridrebhyaḥ svarṇalakṣaṃ prayacchati // (25.2) Par.?

tataś cāgatya dharmeṇa rājakṛtyānyavekṣya saḥ / (26.1) Par.?

karotyāhārapānādi munivanniyatavrataḥ // (26.2) Par.?

evaṃ dineṣu gacchatsu tasyodghātavaśātkila / (27.1) Par.?

aputratākṛtā rājñaś cintā jātūdapadyata // (27.2) Par.?

tayātidurmanaskaṃ ca dṛṣṭvā papraccha taṃ priyā / (28.1) Par.?

alaṃkāraprabhā devī daurmanasyasya kāraṇam // (28.2) Par.?

tataḥ sa rājāvādīt tāṃ sarvasaṃpattirasti me / (29.1) Par.?

ekaṃ tu putro nāstīti duḥkhaṃ māṃ devi bādhate // (29.2) Par.?

yā mayā prāg aputrasya puṃsaḥ sattvavataḥ kathā / (30.1) Par.?

śrutā tatsmaraṇodghātāc cintaiṣā codgatā mama // (30.2) Par.?

kīdṛśī sā kathā devety ukto devyā tayā ca saḥ / (31.1) Par.?

rājā tasyai kathām evaṃ saṃkṣepāttām avarṇayat // (31.2) Par.?

nagare citrakūṭākhye brāhmaṇārcanatatparaḥ / (32.1) Par.?

babhūva brāhmaṇavaro nāmnānvartho mahīpatiḥ // (32.2) Par.?

tasyāsīt sattvaśīlākhyo jayī yuddhaikasevakaḥ / (33.1) Par.?

māse māse ca lebhe sa tasmātsvarṇaśataṃ nṛpāt // (33.2) Par.?

paryāptyai tac ca naivābhūttyāginas tasya kāñcanam / (34.1) Par.?

aputratvāc ca dānaikavinodāsaktacetasaḥ // (34.2) Par.?

putro vinodaheturme dattastāvanna vedhasā / (35.1) Par.?

dattaṃ ca dānavyasanaṃ tadapyarthavinākṛtam // (35.2) Par.?

varaṃ jīrṇasya śuṣkasya tarorjanmopalasya vā / (36.1) Par.?

na saṃsāre daridrasya tyāgaikavyasanasya ca // (36.2) Par.?

iti saṃcintayan nityaṃ sattvaśīlaḥ sa jātucit / (37.1) Par.?

udyāne saṃcaran prāpa nidhiṃ daivāt kadācana // (37.2) Par.?

sabhṛtyaś ca tamādāya bhūrikāñcanabhāsvaram / (38.1) Par.?

mahārgharatnaruciraṃ nināya prasabhaṃ gṛham // (38.2) Par.?

tataḥ sa bhogān bhuñjāno brāhmaṇebhyo dadadvasu / (39.1) Par.?

bhṛtyebhyaś ca suhṛdbhyaś ca yāvad āste 'tra sāttvikaḥ // (39.2) Par.?

tāvaddṛṣṭvā tad abhyūhya nidhilābhaḥ sa gotrajaiḥ / (40.1) Par.?

tasya rājakule gatvā svairaṃ rājñe niveditaḥ // (40.2) Par.?

atha rājñā samāhūtaḥ pratīhāranideśataḥ / (41.1) Par.?

kṣaṇaṃ rājāṅgaṇaikānte sattvaśīlaḥ sa tasthivān // (41.2) Par.?

tatra hastasthayā līlāvajramuṣṭyā khanan kṣitim / (42.1) Par.?

sa lebhe tāmrakumbhīsthaṃ nidhānaṃ cāparaṃ mahat // (42.2) Par.?

dattvedaṃ rañjanīyaste rājeti hṛdayaṃ nijam / (43.1) Par.?

vidhinā sattvatuṣṭena prakāśam iva darśitam // (43.2) Par.?

tathaivāchādayāmāsa mṛdā tac ca viveśa ca / (44.1) Par.?

āveditaḥ pratīhāreṇāntikaṃ nṛpates tataḥ // (44.2) Par.?

jñātaṃ mayā nidhirlabdhastvayā taṃ naḥ samarpaya / (45.1) Par.?

iti tatra sa rājñā ca praṇato jagade svayam // (45.2) Par.?

kimarpayāmi devādyaṃ kimadyatanamucyatām / (46.1) Par.?

so 'pi tatreti rājānaṃ sattvaśīlo jagāda tam // (46.2) Par.?

arpayābhinavaprāptam ity uktaś ca sa bhūbhṛtā / (47.1) Par.?

gatvā rājāṅgaṇaikānte nidhiṃ tasmai samarpayat // (47.2) Par.?

ādyaṃ nidhiṃ yathecchaṃ tvaṃ bhuṅkṣveti preṣito 'tha saḥ / (48.1) Par.?

nṛpeṇa nidhituṣṭena sattvaśīlo 'gamadgṛham // (48.2) Par.?

tatrāsīddānabhogābhyāṃ tanvannāmno yathārthatām / (49.1) Par.?

nudaṃś cāputratāduḥkhadaurmanasyaṃ kathaṃcana // (49.2) Par.?

ity etatsattvaśīlasya vṛttaṃ pūrvaṃ śrutaṃ mayā / (50.1) Par.?

saṃsmṛtya sthīyate duḥkhaṃ putrāsadbhāvacintayā // (50.2) Par.?

iti vidyādharendreṇa bhāryā hemaprabheṇa sā / (51.1) Par.?

alaṃkāraprabhā devī gaditā nijagāda tam // (51.2) Par.?

satyam evaṃ susattvānāṃ sāhāyyaṃ bhajate vidhiḥ / (52.1) Par.?

kiṃ nāparo nidhirlabdhaḥ sattvaśīlena saṃkaṭe // (52.2) Par.?

tatsvasattvaprabhāveṇa tvam api prāpsyasīpsitam / (53.1) Par.?

śṛṇu vikramatuṅgasya kathāṃ cātra nidarśanam // (53.2) Par.?

asti pāṭaliputrākhyaṃ bhuvo 'laṃkaraṇaṃ puram / (54.1) Par.?

pūrṇavarṇavyavasthānais tais taiḥ sanmaṇibhiścitam // (54.2) Par.?

tatra vikramatuṅgākhyo rājābhūt sattvavān purā / (55.1) Par.?

yo 'bhūt parāṅmukho dāne nārthināṃ na yudhi dviṣām // (55.2) Par.?

sa jātu mṛgayāhetoḥ praviṣṭo nṛpatirvanam / (56.1) Par.?

bilvairhomaṃ vidadhataṃ tatra brāhmaṇamaikṣata // (56.2) Par.?

taṃ dṛṣṭvā praṣṭukāmo 'pi parihṛtya tadantikam / (57.1) Par.?

yayau sa dūraṃ mṛgayārasena sabalas tataḥ // (57.2) Par.?

utpatadbhiḥ patadbhiś ca hanyamānaiḥ svapāṇinā / (58.1) Par.?

ciraṃ mṛgaiśca siṃhaiś ca krīḍitvā kandukair iva // (58.2) Par.?

āvṛttastaṃ tathaivātra dṛṣṭvā homaparaṃ dvijam / (59.1) Par.?

upetya natvā papraccha nāma homaphalaṃ ca saḥ // (59.2) Par.?

tataḥ sa brāhmaṇo bhūpaṃ kṛtāśīs tam abhāṣata / (60.1) Par.?

vipro 'haṃ nāgaśarmākhyo home ca śṛṇu me phalam // (60.2) Par.?

anena bilvahomena prasīdati yadānalaḥ / (61.1) Par.?

hiraṇmayāni bilvāni tadā niryānti kuṇḍataḥ // (61.2) Par.?

tato 'gniḥ prakaṭībhūya varaṃ sākṣātprayacchati / (62.1) Par.?

vartate mama bhūyāṃś ca kālo bilvāni juhvataḥ // (62.2) Par.?

mandapuṇyasya nādyāpi tuṣyatyeva sa pāvakaḥ / (63.1) Par.?

ityukte tena rājā taṃ dhīrasattvo 'bhyabhāṣata // (63.2) Par.?

tarhi me dehi bilvaṃ tvam ekaṃ yāvajjuhomi tat / (64.1) Par.?

prasādayāmi ca brahmannadhunaiva tavānalam // (64.2) Par.?

kathaṃ prasādayasi taṃ vahnim aprayato 'śuciḥ / (65.1) Par.?

yo mamaivaṃ vratasthasya pūtasyāpi na tuṣyati // (65.2) Par.?

ity uktas tena vipreṇa rājā tamavadatpunaḥ / (66.1) Par.?

maivaṃ prayaccha me bilvaṃ paśyāścaryaṃ kṣaṇād iti // (66.2) Par.?

tataḥ sa rājñe vipro 'smai dadau bilvaṃ sakautukaḥ / (67.1) Par.?

rājā ca sa tadā tatra dṛḍhasattvena cetasā // (67.2) Par.?

hutenānena bilvena na cettuṣyati tacchiraḥ / (68.1) Par.?

tvayyagne svaṃ juhomīti dhyātvā tasmiñjuhāva tat // (68.2) Par.?

āvirāsīc ca saptārciḥ kuṇḍād bilvaṃ hiraṇmayam / (69.1) Par.?

svayamādāya tat tasya phalaṃ sattvataror iva // (69.2) Par.?

jagāda ca sa sākṣāttaṃ jātavedā mahīpatim / (70.1) Par.?

sattvenānena tuṣṭo 'smi tadgṛhāṇa varaṃ nṛpa // (70.2) Par.?

tac chrutvā sa mahāsattvo rājā taṃ praṇato 'bravīt / (71.1) Par.?

ko mamānyo varo dehi dvijāyāsmai yathepsitam // (71.2) Par.?

iti rājño vacaḥ śrutvā suprīto 'gnirjagāda tam / (72.1) Par.?

rājan mahādhanapatir brāhmaṇo 'yaṃ bhaviṣyati // (72.2) Par.?

tvam apy akṣīṇakoṣaśrīr matprasādād bhaviṣyasi / (73.1) Par.?

evaṃ dattavaraṃ vahniṃ brāhmaṇaḥ sa vyajijñapat // (73.2) Par.?

āvirbhūto 'si sahasā rājñaḥ svecchāvihāriṇaḥ / (74.1) Par.?

na me saniyamasyāpi kimetadbhagavanniti // (74.2) Par.?

tato 'gnirvaradaḥ prāha nādāsyaṃ darśanaṃ yadi / (75.1) Par.?

ahoṣyadeva svaśiras tīvrasattvo nṛpo mayi // (75.2) Par.?

tīvrasattvasya nacirādbhavantyeva hi siddhayaḥ / (76.1) Par.?

mandasattvasya tu cirādbrahmanyuṣmādṛśasya tāḥ // (76.2) Par.?

ity uktvāntarhite vahnau nṛpam āmantrya sa dvijaḥ / (77.1) Par.?

nāgaśarmā tato gatvā krameṇābhūn mahādhanaḥ // (77.2) Par.?

nṛpo 'pi dṛṣṭasattvaḥ sa stūyamāno 'nuyāyibhiḥ / (78.1) Par.?

yayau vikramatuṅgaḥ svaṃ puraṃ pāṭaliputrakam // (78.2) Par.?

tatra sthitamakasmāttaṃ praviśya prabhum ekadā / (79.1) Par.?

rahaḥ śatruṃjayo nāma pratīhāro vyajijñapat // (79.2) Par.?

vijane deva vijñaptiṃ cikīrṣurbrāhmaṇo baṭuḥ / (80.1) Par.?

dattaśarmeti nāma svaṃ bruvāṇo dvāri tiṣṭhati // (80.2) Par.?

praveśayeti bhūpena tenādiṣṭe praveśitaḥ / (81.1) Par.?

svastipūrvaṃ sa rājānaṃ praṇamyopāviśadbaṭuḥ // (81.2) Par.?

vyajijñapac ca devāhaṃ cūrṇayuktyā kayācana / (82.1) Par.?

sadyaḥ sādhayituṃ jāne tāmrātkanakamuttamam // (82.2) Par.?

guruṇā hy upadiṣṭā sā yuktirmama mayā ca tat / (83.1) Par.?

dṛṣṭaṃ sākṣāttayā yuktyā saṃsiddhaṃ tasya kāñcanam // (83.2) Par.?

ity ukte baṭunā tena tāmram ānāyayan nṛpaḥ / (84.1) Par.?

vilīne ca kṛte tasmin sa baṭuścūrṇamakṣipat // (84.2) Par.?

kṣipyamāṇaṃ ca tac cūrṇam adṛśyaḥ ko 'py apāharat / (85.1) Par.?

yakṣastaṃ ca dadarśaikaḥ sa rājā tuṣṭapāvakaḥ // (85.2) Par.?

aprāptacūrṇaṃ tāmraṃ ca na suvarṇībabhūva tat / (86.1) Par.?

evaṃ triḥ kurvatas tasya baṭormoghaḥ śramo 'bhavat // (86.2) Par.?

tato viṣaṇṇād ādāya rājā tasmād baṭoḥ svayam / (87.1) Par.?

cūrṇaṃ vilīne cikṣepa tāmre tejasvināṃ varaḥ // (87.2) Par.?

tasya tannāharaccūrṇaṃ yakṣaḥ smitvā yayau tu saḥ / (88.1) Par.?

tena taccūrṇasaṃyogāt tāmraṃ kanakatām agāt // (88.2) Par.?

vismitāya tatas tasmai baṭave paripṛcchate / (89.1) Par.?

sa rājā yakṣavṛttāntaṃ yathādṛṣṭaṃ śaśaṃsa tam // (89.2) Par.?

śikṣitvā cūrṇayuktiṃ ca baṭostasmāttadaiva tām / (90.1) Par.?

nṛpaścakre kṛtārthaṃ taṃ kṛtadāraparigraham // (90.2) Par.?

bheje ca pūrṇakoṣaśrīr hemnā tadyuktijanmanā / (91.1) Par.?

sāvarodho 'samān bhogān adaridrīkṛtadvijaḥ // (91.2) Par.?

tadevaṃ bhīta iva vā parituṣṭa ivāthavā / (92.1) Par.?

dadāti tīvrasattvānām iṣṭam īśvara eva hi // (92.2) Par.?

tvattaś ca dhīrasattvo 'nyaḥ ko 'sti dātā ca deva tat / (93.1) Par.?

dāsyatyārādhitaḥ śaṃbhuḥ putraṃ te mā śucaṃ kṛthāḥ // (93.2) Par.?

ity udāram alaṃkāraprabhādevīmukhād vacaḥ / (94.1) Par.?

śrutvā hemaprabho rājā śraddadhe ca tutoṣa ca // (94.2) Par.?

mene ca tanayaprāptiṃ gaurīśārādhanāddhruvam / (95.1) Par.?

sūcitāṃ hṛdayenaiva nijenotsāhaśālinā // (95.2) Par.?

tato 'nyedyuḥ sadevīkaḥ snāto 'bhyarcitaśaṃkaraḥ / (96.1) Par.?

navakāñcanakoṭīś ca viprebhyaḥ pratipādya saḥ // (96.2) Par.?

tanayārthaṃ tapastepe nirāhāro harāgrataḥ / (97.1) Par.?

dehastyakto mayā śarvastoṣito veti niścitaḥ // (97.2) Par.?

tapasthaś ceti tuṣṭāva varadaṃ girijāpatim / (98.1) Par.?

helāvitīrṇadugdhābdhiṃ prapannāyopamanyave // (98.2) Par.?

namaste 'stu jagatsargasthitisaṃhārahetave / (99.1) Par.?

gaurīśa tattadvyomādibhedabhinnāṣṭamūrtaye // (99.2) Par.?

namaste satatotphullahṛtkuśeśayaśāyine / (100.1) Par.?

viśuddhamānasāvāsakalahaṃsāya śaṃbhave // (100.2) Par.?

namo divyaprakāśāya nirmalāya jalātmane / (101.1) Par.?

prakṣīṇadoṣair dṛśyāya somāyātyadbhutāya te // (101.2) Par.?

dehārdhadhṛtakāntāya kevalabrahmacāriṇe / (102.1) Par.?

icchānirmitaviśvāya namo viśvamayāya te // (102.2) Par.?

evaṃ kṛtastutiṃ taṃ ca rājānaṃ girijāpatiḥ / (103.1) Par.?

trirātropoṣitaṃ svapne sākṣādbhūyedam abravīt // (103.2) Par.?

uttiṣṭha rājan bhāvī te vīro vaṃśadharaḥ sutaḥ / (104.1) Par.?

gaurīprasādāt kanyāpi bhaviṣyatyuttamā tava // (104.2) Par.?

naravāhanadattasya yuṣmākaṃ cakravartinaḥ / (105.1) Par.?

bhaviṣyato bhavitrī yā mahiṣī mahasāṃ nidheḥ // (105.2) Par.?

ity uktvāntarhite śarve so 'tha vidyādhareśvaraḥ / (106.1) Par.?

hemaprabhaḥ prabubudhe prahṛṣṭo rajanīkṣaye // (106.2) Par.?

ānandayad alaṃkāraprabhāṃ svapnaṃ nivedya saḥ / (107.1) Par.?

gauryā svapne tathaivoktāṃ bhāryāṃ saṃvādaśaṃsinīm // (107.2) Par.?

utthāya ca tataḥ snātaḥ sa rājārcitadhūrjaṭiḥ / (108.1) Par.?

cakāra dattadānaḥ sannutsavaṃ kṛtapāraṇaḥ // (108.2) Par.?

divaseṣv atha yāteṣu devī katipayeṣu sā / (109.1) Par.?

alaṃkāraprabhā tasya rājño garbhamadhārayat // (109.2) Par.?

ānandayāmāsa ca taṃ mukhena madhugandhinā / (110.1) Par.?

lolanetrālinā kāntaṃ paṅkajeneva pāṇḍunā // (110.2) Par.?

ākhyātaślāghyajanmānam udārair garbhadohadaiḥ / (111.1) Par.?

asūta tanayaṃ kāle dyaurarkam iva sā tataḥ // (111.2) Par.?

yena jātena sahajaistejobhiravabhāsitam / (112.1) Par.?

sindūrāruṇatāṃ nītam api tajjātavāsakam // (112.2) Par.?

pitā ca taṃ śiśuṃ rājā śatrugotrabhayāvaham / (113.1) Par.?

divyavāgupadiṣṭena nāmnā vajraprabhaṃ vyadhāt // (113.2) Par.?

tataḥ sa vavṛdhe bālaḥ pārvaṇendur iva kramāt / (114.1) Par.?

kalābhiḥ pūryamāṇaḥ san vṛddhihetoḥ kulāmbudheḥ // (114.2) Par.?

athācirātpunas tasya rājño hemaprabhasya sā / (115.1) Par.?

alaṃkāraprabhā rājñī sagarbhā samapadyata // (115.2) Par.?

sagarbhā cāśrayodbhūtasaviśeṣadyutistathā / (116.1) Par.?

satyaṃ hemāsanārūḍhā bheje 'ntaḥpuraratnatām // (116.2) Par.?

vidyākalpitasatpadmavimānena nabhastale / (117.1) Par.?

babhrāma ca tathābhūtavilasadgarbhadohadā // (117.2) Par.?

prāpte ca samaye tasyā devyāḥ kanyājaniṣṭa sā / (118.1) Par.?

paryāptaṃ varṇanaṃ yasyā janma gaurīprasādataḥ // (118.2) Par.?

naravāhanadattasya bhāryeyaṃ bhāvinīti vāk / (119.1) Par.?

tadāśrāvi harādeśavacaḥsaṃvādinī divaḥ // (119.2) Par.?

tato rājā sutotpattinirviśeṣakṛtotsavaḥ / (120.1) Par.?

tāṃ sa hemaprabho 'kārṣīnnāmnā ratnaprabhāṃ sutām // (120.2) Par.?

svavidyāsaṃskṛtā sā ca tasya ratnaprabhā pituḥ / (121.1) Par.?

avardhata gṛhe dikṣu prakāśastūdapadyata // (121.2) Par.?

tataḥ sa rājā taṃ varmaharaṃ vajraprabhaṃ sutam / (122.1) Par.?

kṛtadārakriyaṃ kṛtvā yauvarājye 'bhiṣiktavān // (122.2) Par.?

vinyastarājyabhāraś ca tasmin nāsīt sa nirvṛtaḥ / (123.1) Par.?

sutāvivāhacintā tu tasyaikābhūttadā hṛdi // (123.2) Par.?

ekadā so 'ntikāsīnāṃ pradeyāṃ vīkṣya tāṃ sutām / (124.1) Par.?

rājābravīdalaṃkāraprabhāṃ devīṃ samīpagām // (124.2) Par.?

kulālaṃkārabhūtāpi paśya devi jagattraye / (125.1) Par.?

kanyā nāma mahadduḥkhaṃ dhigaho mahatām api // (125.2) Par.?

vinītāpyāptavidyāpi rūpayauvanavatyapi / (126.1) Par.?

ratnaprabhā varaprāptyā vinaiṣā yaddunoti mām // (126.2) Par.?

naravāhanadattasya bhāryoktā daivatairiyam / (127.1) Par.?

tatkiṃ na dīyate tasmai bhāvyasmaccakravartine // (127.2) Par.?

iti coktastayā devyā sa rājā punarabravīt / (128.1) Par.?

bāḍhaṃ sā kanyakā dhanyā yā taṃ varamavāpnuyāt // (128.2) Par.?

sa hi kāmāvatāro 'tra kiṃ tu nādyāpi divyatām / (129.1) Par.?

prāptas tena mayā tasya vidyāprāptiḥ pratīkṣyate // (129.2) Par.?

ity evaṃ vadatas tasya sadyastair vacanaiḥ pituḥ / (130.1) Par.?

karṇapraviṣṭaiḥ kaṃdarpamohamantrapadopamaiḥ // (130.2) Par.?

bhrāntevāviṣṭacitteva supteva likhiteva ca / (131.1) Par.?

abhūd ratnaprabhā tena hṛtacittā vareṇa sā // (131.2) Par.?

tataḥ kathaṃcitpitarau praṇamyāntaḥpuraṃ nijam / (132.1) Par.?

gatvā cintāturā nidrāṃ cireṇa katham apy agāt // (132.2) Par.?

prātaḥ śubhaṃ dinaṃ putri tatsa vatseśvarātmajaḥ / (133.1) Par.?

draṣṭavyaḥ svavaro gatvā kauśāmbīṃ nagarīṃ tvayā // (133.2) Par.?

tataś ca svapure 'muṣminnānīya tvatpitā svayam / (134.1) Par.?

tava tasya ca kalyāṇi vivāhaṃ saṃvidhāsyati // (134.2) Par.?

iti svapne 'tha taṃ gaurī sānukampā samādiśat / (135.1) Par.?

prabudhya sā ca taṃ svapnaṃ prātarmātre nyavedayat // (135.2) Par.?

tataḥ sā tadanujñātā buddhvā vidyāprabhāvataḥ / (136.1) Par.?

udyānasthaṃ varaṃ draṣṭuṃ prāvartata nijātpurāt // (136.2) Par.?

tāmāryaputra māmetāṃ vettha ratnaprabhāmiti / (137.1) Par.?

prāptāmutkāṃ kṣaṇenādya vittha yūyamataḥ param // (137.2) Par.?

etattasyā vacaḥ śrutvā mādhuryanyakkṛtāmṛtam / (138.1) Par.?

vilokya netrapīyūṣaṃ vidyādharyā vapuś ca tat // (138.2) Par.?

naravāhanadatto 'ntarvidhātāraṃ nininda saḥ / (139.1) Par.?

śrotranetramayaṃ kṛtsnamakarotkiṃ na māmiti // (139.2) Par.?

jagāda tāṃ ca dhanyo 'haṃ janmādya saphalaṃ mama / (140.1) Par.?

yo 'ham evaṃ svayaṃ tanvi snehādabhisṛtastvayā // (140.2) Par.?

ity anyonyanavapremakṛtasaṃlāpayostayoḥ / (141.1) Par.?

akasmāddadṛśe tatra vidyādharabalaṃ divi // (141.2) Par.?

tāto 'yam āgato 'treti drāgratnaprabhayodite / (142.1) Par.?

rājā hemaprabho vyomnaḥ saputro 'vatatāra saḥ // (142.2) Par.?

upāyayau ca putreṇa saha vajraprabheṇa saḥ / (143.1) Par.?

naravāhanadattaṃ taṃ vihitasvāgatādaram // (143.2) Par.?

anyonyaracitācārā yāvattiṣṭhanti te kṣaṇāt / (144.1) Par.?

tāvattatrāyayau buddhvā vatsarājaḥ samantrikaḥ // (144.2) Par.?

kṛtātithyavidhiṃ taṃ ca nṛpaṃ hemaprabho 'tha saḥ / (145.1) Par.?

yathā ratnaprabhoktaṃ taṃ vṛttāntaṃ samabodhayat // (145.2) Par.?

jagāda ca mayā ceyaṃ jñātā vidyāprabhāvataḥ / (146.1) Par.?

ihāgatā sutā sarvaṃ vṛttāntaṃ cātra vedmy aham // (146.2) Par.?

hi bhāvyagre 'muṣya tādṛśam // (147) Par.?

cakravartivimānaṃ anumanyasva taddrakṣyasyacirādetamātmajam / (148.1) Par.?

ratnaprabhāvadhūyuktaṃ yuvarājam ihāgatam // (148.2) Par.?

evaṃ vatseśamabhyarthya tenānumatavāñchitaḥ / (149.1) Par.?

saputraḥ kalpayitvā tadvimānaṃ nijavidyayā // (149.2) Par.?

tatrāropya trapānamramukhaṃ ratnaprabhāyutam / (150.1) Par.?

naravāhanadattaṃ taṃ sahitaṃ gomukhādibhiḥ // (150.2) Par.?

yaugandharāyaṇenāpi pitrānupreṣitena saḥ / (151.1) Par.?

hemaprabho nināya svaṃ puraṃ kāñcanaśṛṅgakam // (151.2) Par.?

naravāhanadattaś ca dadarśa prāpya tatpuram / (152.1) Par.?

śvāśuraṃ kāñcanamayaṃ hemaprākārabhāsuram // (152.2) Par.?

raśmipratānair niryadbhir alaṃkṛtam ivābhitaḥ / (153.1) Par.?

prasāritānekabhujaṃ jāmātṛprītisaṃbhramāt // (153.2) Par.?

tatra tāṃ vidhivattasmai rājā hemaprabho dadau / (154.1) Par.?

ratnaprabhāṃ mahārambho haraye 'bdhir iva śriyam // (154.2) Par.?

prāyacchadratnarāśīṃś ca tadā tasmai sa bhāsvarān / (155.1) Par.?

pradīptānekavīvāhavahnivibhramaśālinaḥ // (155.2) Par.?

sotsavasya pure cāsya rājño vittāni varṣataḥ / (156.1) Par.?

labdhavastrā iva babhuḥ sapatākā gṛhā api // (156.2) Par.?

naravāhanadattaś ca nirvyūḍhodvāhamaṅgalaḥ / (157.1) Par.?

divyabhogabhug atrāsta sa ratnaprabhayā samam // (157.2) Par.?

reme ca divyānyudyānavāpīdevakulāni saḥ / (158.1) Par.?

paśyaṃstayā samāruhya tadvidyābalato nabhaḥ // (158.2) Par.?

evaṃ ca tatra katiciddivasānuṣitvā vidyādharādhipapure sa vadhūsahāyaḥ / (159.1) Par.?

vatseśvarasya tanayaḥ svapurīṃ prayātuṃ yaugandharāyaṇamatena matiṃ cakāra // (159.2) Par.?

śvaśrvā tato racitamaṅgalasaṃvidhānaḥ sampūjitaḥ sasacivaḥ śvaśureṇa bhūyaḥ / (160.1) Par.?

tenaiva putrasahitena saha pratasthe kāntāsakhastadadhiruhya punarvimānam // (160.2) Par.?

prāpyāśu tāṃ pramadanirbharavatsarājabaddhotsavāṃ sa jananīnayanāmṛtaughaḥ / (161.1) Par.?

ratnaprabhāṃ dadhad atha svapurīṃ viveśa hemaprabheṇa sasutena sahānugaiśca // (161.2) Par.?

vatseśvaro 'pi saha vāsavadattayā taṃ pādānataṃ samabhinandya sutaṃ vadhūṃ ca / (162.1) Par.?

hemaprabhaṃ satanayaṃ vibhavānurūpaṃ saṃbandhinaṃ navam apūjayad ūrjitaśrīḥ // (162.2) Par.?

atha vidyādhararāje tasminn āpṛcchya vatsarājādīn / (163.1) Par.?

utpatya nabhaḥ sasute gatavati hemaprabhe svapuram // (163.2) Par.?

naravāhanadatto 'sau ratnaprabhayā samadanamañcukayā / (164.1) Par.?

saha sukhitas tadanaiṣīd divasaṃ sakhibhir nijair yuktaḥ // (164.2) Par.?

Duration=2.3359260559082 secs.