Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17625

Click on a sentence to show its analysis
Keep the mouse pointer over a lemma to show its meanings.

tato mayasunīthau tau gatvā sūryaprabhaś ca saḥ / (1.1) Par.?

kaśyapasyāśramāt tasmāt samprāpuḥ sarva eva te // (1.2) Par.?

saṃgamaṃ candrabhāgāyā airāvatyāś ca yatra te / (2.1) Par.?

sthitāḥ sūryaprabhasyārthe rājāno mittrabāndhavāḥ // (2.2) Par.?

prāptaṃ sūryaprabhaṃ te ca dṛṣṭvā tatra sthitā nṛpāḥ / (3.1) Par.?

rudanto 'gre samuttasthur viṣaṇṇā maraṇonmukhāḥ // (3.2) Par.?

candraprabhādarśanajāṃ teṣām āśaṅkya duḥkhitām / (4.1) Par.?

sūryaprabho 'khilaṃ tebhyo yathāvṛttaṃ śaśaṃsa tat // (4.2) Par.?

tathāpi vignāḥ pṛṣṭās te tena kṛcchrād avarṇayan / (5.1) Par.?

tasya bhāryāpaharaṇaṃ vihitaṃ śrutaśarmaṇā // (5.2) Par.?

tatparābhavaduḥkhāc ca dehatyāgodyamaṃ nijam / (6.1) Par.?

vāritaṃ divyayā vācā tathaivāsmai nyavedayat // (6.2) Par.?

tataḥ sūryaprabhas tatra pratijñām akarot krudhā / (7.1) Par.?

yadi brahmādayaḥ sarve 'py abhirakṣanti taṃ surāḥ // (7.2) Par.?

tathāpy unmūlanīyo me śrutaśarmā sa niścitam / (8.1) Par.?

paradārāpaharaṇe chadmaprāgalbhyavāñ śaṭhaḥ // (8.2) Par.?

evaṃ kṛtapratijñaś ca gantuṃ tadvijayāya saḥ / (9.1) Par.?

lagnaṃ niścitavān dṛṣṭaṃ gaṇakaiḥ saptame 'hani // (9.2) Par.?

tatas taṃ niścitaṃ jñātvā gṛhītavijayodyamam / (10.1) Par.?

draḍhayitvā punar vācā prāha sūryaprabhaṃ mayaḥ // (10.2) Par.?

satyaṃ kṛtodyamas tvaṃ cet tad vadāmi mayā tadā / (11.1) Par.?

māyāṃ pradarśya nītvā te pātāle sthāpitāḥ priyāḥ // (11.2) Par.?

evaṃ tvaṃ vijayodyogaṃ karoṣi rabhasād iti / (12.1) Par.?

naivam eva tathā hy agnir jvaled vāterito yathā // (12.2) Par.?

tad ehi yāmaḥ pātālaṃ priyās te darśayāmi tāḥ / (13.1) Par.?

evaṃ mayavacaḥ śrutvā nananduḥ sarva eva te // (13.2) Par.?

prāktanena ca tenaiva praviśya vivareṇa te / (14.1) Par.?

jagmuś caturthaṃ pātālaṃ mayāsurapuraḥsarāḥ // (14.2) Par.?

tatraikato vāsagṛhān mayaḥ sūryaprabhāya tāḥ / (15.1) Par.?

bhāryā madanasenādyā ānīyāsau samarpayat // (15.2) Par.?

gṛhītvā tās tathānyāś ca patnīs tāḥ so 'surātmajāḥ / (16.1) Par.?

yayau sūryaprabho draṣṭuṃ prahlādaṃ mayavākyataḥ // (16.2) Par.?

mayāc chrutavaraprāptiḥ praṇataṃ taṃ ca so 'suraḥ / (17.1) Par.?

āttāyudho 'tha jijñāsuḥ kṛtakakrodham abhyadhāt // (17.2) Par.?

śrutaṃ mayā durācāra yat kanyā dvādaśa tvayā / (18.1) Par.?

bhrātrārjitā me 'pahṛtās tat tvāṃ hanmy eṣa paśya mām // (18.2) Par.?

tac chrutvā nirvikāras taṃ paśyan sūryaprabho 'bravīt / (19.1) Par.?

maccharīraṃ tvadāyattam avinītaṃ praśādhi mām // (19.2) Par.?

ity uktavantaṃ prahlādo vihasya tam uvāca saḥ / (20.1) Par.?

prekṣito 'si mayā yāvad darpaleśo 'pi nāsti te // (20.2) Par.?

varaṃ gṛhāṇa tuṣṭo 'smīty uktas tena tatheti saḥ / (21.1) Par.?

bhaktiṃ guruṣu śaṃbhau ca vavre sūryaprabho varam // (21.2) Par.?

tatas tuṣṭeṣu sarveṣu tasmai sūryaprabhāya saḥ / (22.1) Par.?

prahlādo yāminīṃ nāma dvitīyāṃ tanayāṃ dadau // (22.2) Par.?

sahāyatve ca putrau dvau tasyādāt so 'sureśvaraḥ / (23.1) Par.?

tataḥ sarvaiḥ sahāmīlapārśvaṃ sūryaprabho yayau // (23.2) Par.?

so 'pi śrutavaraprāptituṣṭas tasmai sukhāvatīm / (24.1) Par.?

dadau dvitīyāṃ tanayāṃ sāhāyye ca sutadvayam // (24.2) Par.?

tataḥ sabhājayann anyān sāhāyyāyāsurādhipān / (25.1) Par.?

sthitaḥ sūryaprabhaḥ so 'tra teṣv ahaḥsu priyāsakhaḥ // (25.2) Par.?

tisraḥ sunīthabhāryāś ca svabhāryāś ca nṛpātmajāḥ / (26.1) Par.?

sarvāḥ sagarbhāḥ saṃjātā mayādisahito 'śṛṇot // (26.2) Par.?

pṛṣṭāś ca dohadaṃ tulyaṃ śaśaṃsur akhilā api / (27.1) Par.?

mahāhavadidṛkṣāṃ tā nanandātha mayāsuraḥ // (27.2) Par.?

etāsu diṣṭyā sambhūtā asurā ye purā hatāḥ / (28.1) Par.?

tena jāto 'bhilāṣo 'yam etāsām iti so 'vadat // (28.2) Par.?

evaṃ yayuḥ ṣaḍdivasāḥ saptame te rasātalāt / (29.1) Par.?

bhāryādiyuktā nirjagmuḥ sarve sūryaprabhādayaḥ // (29.2) Par.?

utpātamāyā vighnāya yā teṣāṃ darśitāribhiḥ / (30.1) Par.?

sā suvāsakumāreṇa smṛtāyātena nāśitā // (30.2) Par.?

tataś cāndraprabhaṃ pṛthvīrājye ratnaprabhaṃ śiśum / (31.1) Par.?

abhiṣicya samārūḍhabhūtāsanavimānakāḥ // (31.2) Par.?

sarve vidyādharendrasya sumeros te niketanam / (32.1) Par.?

yayur mayagirā pūrvagaṅgātīratapovanam // (32.2) Par.?

tatra tān sauhṛdaprāptān sa sumerur apūjayat / (33.1) Par.?

mayoktāśeṣavṛttāntaḥ pūrvājñāṃ śāṃbhavīṃ smaran // (33.2) Par.?

taddeśasthāś ca te svaṃ svaṃ sainyaṃ sūryaprabhādikāḥ / (34.1) Par.?

kārtsnyenānāyayāmāsur bandhūṃś ca suhṛdas tathā // (34.2) Par.?

āyayuḥ prathamaṃ sūryaprabhasya śvaśurātmajāḥ / (35.1) Par.?

rājaputrā mayādiṣṭā vidyāḥ saṃsādhya sodyamāḥ // (35.2) Par.?

teṣāṃ haribhaṭādīnāṃ ṣoḍaśānāṃ rathāyutam / (36.1) Par.?

dve cāyute padātīnām ekaikasyānugaṃ balam // (36.2) Par.?

tadanu sthitasaṃketā ājagmur daityadānavāḥ / (37.1) Par.?

śvaśuryāḥ śvaśurā mittrāṇy anye caitasya bāndhavāḥ // (37.2) Par.?

hṛṣṭaromā mahāmāyaḥ siṃhadaṃṣṭraḥ prakampanaḥ / (38.1) Par.?

tantukaccho durārohaḥ sumāyo vajrapañjaraḥ // (38.2) Par.?

dhūmaketuḥ pramathano vikaṭākṣaś ca dānavaḥ / (39.1) Par.?

bahavo 'nye 'pi cājagmur ā saptamarasātalāt // (39.2) Par.?

kaścid rathānām ayutaiḥ saptabhiḥ kaścid aṣṭabhiḥ / (40.1) Par.?

kaścit ṣaḍbhis tribhiḥ kaścid yo 'tisvalpo 'yutena saḥ // (40.2) Par.?

padātīnāṃ tribhir lakṣaiḥ kaścil lakṣadvayena ca / (41.1) Par.?

kaścit kaścit tu lakṣeṇa lakṣārdhenādhamas tu yaḥ // (41.2) Par.?

ekaikasya ca hastyaśvam āgāt tadanusārataḥ / (42.1) Par.?

asaṃkhyam āyayau cānyat sainyaṃ mayasunīthayoḥ // (42.2) Par.?

sūryaprabhasya cāmeyam ājagāma nijaṃ balam / (43.1) Par.?

vasudattādibhūpānāṃ sumeroś ca tathaiva ca // (43.2) Par.?

tato mayāsuro 'pṛcchac cintitopasthitaṃ munim / (44.1) Par.?

taṃ suvāsakumārākhyaṃ saha sūryaprabhādibhiḥ // (44.2) Par.?

vikṣiptam etad bhagavan sainyaṃ nehopalakṣyate / (45.1) Par.?

tad brūhi kutra vistīrṇaṃ yugapad dṛśyatām iti // (45.2) Par.?

ito yojanamātre 'sti kalāpagrāmasaṃjñakaḥ / (46.1) Par.?

pradeśas tatra vistīrṇe gatvaitat pravilokyatām // (46.2) Par.?

ity ukte tena muninā tadyuktāḥ sasumerukāḥ / (47.1) Par.?

yayuḥ kalāpagrāmaṃ taṃ sarve te svabalaiḥ saha // (47.2) Par.?

tatronnatasthānagatā dadṛśus te pṛthak pṛthak / (48.1) Par.?

saṃniveśyāsurāṇāṃ ca nṛpāṇāṃ ca varūthinīḥ // (48.2) Par.?

tataḥ sumerur āha sma śrutaśarmā balādhikaḥ / (49.1) Par.?

santi vidyādharādhīśās tasya hy ekottaraṃ śatam // (49.2) Par.?

teṣāṃ ca pṛthag ekaiko rājñāṃ dvātriṃśataḥ patiḥ / (50.1) Par.?

tad astu bhittvā kāṃścit tān melayiṣyāmy ahaṃ tava // (50.2) Par.?

tat prātar etad gacchāmaḥ sthānaṃ valmīkasaṃjñitam / (51.1) Par.?

phālgunasyāsitā prātar aṣṭamī hi mahātithiḥ // (51.2) Par.?

tasyāṃ cotpadyate tatra lakṣaṇaṃ cakravartinaḥ / (52.1) Par.?

tūrṇaṃ vidyādharā yānti tatkṛte cātra tāṃ tithim // (52.2) Par.?

evaṃ sumeruṇā prokte sainyasaṃvidhinā dinam / (53.1) Par.?

nītvā prātar yayus tat te valmīkaṃ sabalā rathaiḥ // (53.2) Par.?

tatra te dakṣiṇe sānau himādrer ninadadbalāḥ / (54.1) Par.?

niviṣṭā dadṛśuḥ prāptān bahūn vidyādharādhipān // (54.2) Par.?

te ca vidyādharās tatra kuṇḍeṣv ādīpitānalāḥ / (55.1) Par.?

homapravṛttā abhavañ japavyagrāś ca kecana // (55.2) Par.?

tataḥ sūryaprabho 'py atra vahnikuṇḍaṃ mahad vyadhāt / (56.1) Par.?

svayaṃ jajvāla tatrāgnis tasya vidyāprabhāvataḥ // (56.2) Par.?

tad dṛṣṭvā tuṣṭir utpede sumeror matsaraḥ punaḥ / (57.1) Par.?

vidyādharāṇām udabhūt tadaikas tam abhāṣata // (57.2) Par.?

vidyādharendratāṃ tyaktvā dhik sumero 'nuvartase / (58.1) Par.?

sūryaprabhābhidham imaṃ kathaṃ dharaṇigocaram // (58.2) Par.?

tac chrutvā sa sumerus taṃ sakopaṃ nirabhartsayat / (59.1) Par.?

sūryaprabhaṃ ca tannāma pṛcchantam idam abravīt // (59.2) Par.?

asti vidyādharo bhīmanāmā tasya ca gehinīm / (60.1) Par.?

brahmākāmayata svairaṃ tata eṣo 'bhyajāyata // (60.2) Par.?

guptaṃ yad brahmaṇo jāto brahmaguptas tad ucyate / (61.1) Par.?

ata evaitad etasya svajanmasadṛśaṃ vacaḥ // (61.2) Par.?

ity uktvākāri tenāpi vahnikuṇḍaṃ sumeruṇā / (62.1) Par.?

tataḥ sūryaprabhas tena sahāhauṣīddhutāśanam // (62.2) Par.?

kṣaṇāc ca bhūmivivarād ujjagāmātibhīṣaṇaḥ / (63.1) Par.?

... kasmād ajagaro mahān // (63.2) Par.?

taṃ grahītum adhāvat sa vidyādharapatir madāt / (64.1) Par.?

brahmaguptābhidhāno 'tha sumerur yena garhitaḥ // (64.2) Par.?

sa tenājagareṇātra mukhaphūtkāravāyunā / (65.1) Par.?

nītvā hastaśate kṣipto nyapataj jīrṇaparṇavat // (65.2) Par.?

tatas tejaḥprabho nāma taṃ jighṛkṣur upāgamat / (66.1) Par.?

sarpaṃ vidyādharādhīśaḥ so 'py akṣepi tathāmunā // (66.2) Par.?

tatas taṃ duṣṭadamano nāma vidyādhareśvaraḥ / (67.1) Par.?

upāgāt so 'pi niḥśvāsenānyavat tena cikṣipe // (67.2) Par.?

tato virūpaśaktyākhyaḥ khecarendras tam abhyagāt / (68.1) Par.?

so 'pi tena tathaivāstaḥ śvāsena tṛṇahelayā // (68.2) Par.?

athābhyadhāvatāṃ tadvad aṅgārakavijṛmbhakau / (69.1) Par.?

rājānau yugapat tau ca dūre śvāsena so 'kṣipat // (69.2) Par.?

evaṃ vidyādharādhīśāḥ kramāt sarve 'pi tena te / (70.1) Par.?

kṣiptāḥ kathaṃcid uttasthur aṅgair aśmāvacūrṇitaiḥ // (70.2) Par.?

tato darpeṇa taṃ sarpaṃ śrutaśarmābhyupeyivān / (71.1) Par.?

jighṛkṣuḥ so 'pi tenātra cikṣipe śvāsamārutaiḥ // (71.2) Par.?

adūrapatitaḥ so 'tha punar utthāya dhāvitaḥ / (72.1) Par.?

tena dūrataraṃ nītvā śvāsenākṣepi bhūtale // (72.2) Par.?

vilakṣe cūrṇitāṅge 'sminn utthite śrutaśarmaṇi / (73.1) Par.?

sūryaprabho 'her grahaṇe preṣito 'bhūt sumeruṇā // (73.2) Par.?

paśyataiṣo 'py ajagaraṃ grahītum imam utthitaḥ / (74.1) Par.?

aho ime nirvicārā markaṭā iva mānuṣāḥ // (74.2) Par.?

anyena kriyamāṇaṃ yat paśyanty anuharanti tat / (75.1) Par.?

iti vidyādharāḥ sūryaprabhaṃ te jahasus tadā // (75.2) Par.?

teṣāṃ prahasatām eva gatvā sūryaprabheṇa saḥ / (76.1) Par.?

stimitāsyo gṛhītaś ca kṛṣṭaś cājagaro bilāt // (76.2) Par.?

tatkṣaṇaṃ pratipede sa bhujagas tūṇaratnatām / (77.1) Par.?

mūrdhni sūryaprabhasyāpi puṣpavṛṣṭir divo 'patat // (77.2) Par.?

sūryaprabhākṣayaṃ tūṇaratnaṃ siddham idaṃ tava / (78.1) Par.?

tadgṛhāṇaitad ity uccair divyā vāg udabhūt tadā // (78.2) Par.?

tato vidyādharā mlāniṃ yayuḥ sūryaprabho 'grahīt / (79.1) Par.?

tūṇaṃ mayasunīthau ca sumeruś cābhajan mudam // (79.2) Par.?

śrutaśarmaṇi yāte 'tha vidyādharabalānvite / (80.1) Par.?

etya sūryaprabhaṃ dūtas tadīya idam abhyadhāt // (80.2) Par.?

tvāṃ samādiśati śrīmāñcchrutaśarmā prabhur yathā / (81.1) Par.?

samarpayaitat tūṇaṃ me kāryaṃ cej jīvitena te // (81.2) Par.?

sūryaprabho 'tha pratyāha dūtedaṃ brūhi gaccha tam / (82.1) Par.?

svadeha eva bhavitā tūṇas te maccharāvṛtaḥ // (82.2) Par.?

etat prativacaḥ śrutvā gate dūte parāṅmukhe / (83.1) Par.?

prāhasan rabhasoktiṃ tāṃ sarve te śrutaśarmaṇaḥ // (83.2) Par.?

sūryaprabho 'tha sānandam āśliṣyoce sumeruṇā / (84.1) Par.?

diṣṭyādya śāṃbhavaṃ vākyaṃ phalitaṃ tad asaṃśayam // (84.2) Par.?

tūṇaratne hi siddhe 'smin siddhā te cakravartitā / (85.1) Par.?

tad ehi sādhayedānīṃ dhanūratnaṃ nirākulaḥ // (85.2) Par.?

etat sumeroḥ śrutvā te tasminn evāgrayāyini / (86.1) Par.?

sūryaprabhādayo jagmur hemakūṭācalaṃ tataḥ // (86.2) Par.?

pārśve tasyottare te ca mānasākhyaṃ sarovaram / (87.1) Par.?

prāpuḥ samudranirmāṇe vidhātur iva varṇakam // (87.2) Par.?

mukhāni divyanārīṇāṃ krīḍantīnāṃ jalāntare / (88.1) Par.?

nihnuvānaṃ maruddhūtair utphullaiḥ kanakāmbujaiḥ // (88.2) Par.?

ālokayanti yāvac ca sarasas tasya te śriyam / (89.1) Par.?

tāvat tatrāyayuḥ sarve śrutaśarmādayo 'pi te // (89.2) Par.?

tataḥ sūryaprabhas te ca homaṃ cakrur ghṛtāmbujaiḥ / (90.1) Par.?

kṣaṇāc cātrodagād ghoro meghas tasmāt sarovarāt // (90.2) Par.?

sa vyāpya gaganaṃ megho mahad varṣam avāsṛjat / (91.1) Par.?

tanmadhye ca papātaiko nāgaḥ kālo 'mbudāt tataḥ // (91.2) Par.?

sumeruvākyāc cotthāya gāḍhaṃ sūryaprabheṇa yat / (92.1) Par.?

gṛhīto vidhyamāno 'pi tat sa nāgo 'bhavad dhanuḥ // (92.2) Par.?

tasmin dhanuṣṭvam āpanne dvitīyo 'bhrāt tato 'patat / (93.1) Par.?

nāgo viṣāgnivitrāsanaśyanniḥśeṣakhecaraḥ // (93.2) Par.?

so 'pi sūryaprabheṇātra gṛhītas tena pūrvavat / (94.1) Par.?

dhanurguṇatvaṃ samprāpa meghaś cāśu nanāśa saḥ // (94.2) Par.?

sūryaprabhāmitabalaṃ siddham etad dhanus tava / (95.1) Par.?

acchedyaś ca guṇo 'py eṣa ratne ete gṛhāṇa tat // (95.2) Par.?

ity aśrāvi ca vāg divyā puṣpavṛṣṭipuraḥsarā / (96.1) Par.?

sūryaprabhaś ca saguṇaṃ dhanūratnaṃ tad agrahīt // (96.2) Par.?

śrutaśarmāpy agād vignaḥ sānugaḥ sa tapovanam / (97.1) Par.?

sūryaprabho 'tha sarve ca harṣam āpur mayādayaḥ // (97.2) Par.?

pṛṣṭo 'tha dhanurutpattiṃ taiḥ sumerur uvāca saḥ / (98.1) Par.?

iha kīcakaveṇūnāṃ divyam asti vanaṃ mahat // (98.2) Par.?

tato ye kīcakāś chittvā kṣipyante 'tra sarovare / (99.1) Par.?

mahānty etāni divyāni sampadyante dhanūṃṣi te // (99.2) Par.?

sādhitāni ca tāny eva devais tais taiḥ purātmanaḥ / (100.1) Par.?

asurair atha gandharvais tathā vidyādharottamaiḥ // (100.2) Par.?

bhinnāni teṣāṃ nāmāni cakravartidhanūṃṣi tu / (101.1) Par.?

atrāmitabalākhyāni nikṣiptāni purā suraiḥ // (101.2) Par.?

tāni caitaiḥ parikleśaiḥ sidhyanti śubhakarmaṇām / (102.1) Par.?

keṣāṃcid īśvarecchāto bhaviṣyaccakravartinām // (102.2) Par.?

tac ca sūryaprabhasyaitat siddham adya mahad dhanuḥ / (103.1) Par.?

svocitāni vayasyās tat sādhayantv asya tāny amī // (103.2) Par.?

yeṣāṃ hi siddhavidyānāṃ vīrāṇām asti yogyatā / (104.1) Par.?

yathānurūpaṃ bhavyānāṃ sidhyanty adyāpi tāni hi // (104.2) Par.?

etat sumeruvacanaṃ śrutvā sūryaprabhasya te / (105.1) Par.?

vayasyāḥ kīcakavanaṃ tat prabhāsādayo yayuḥ // (105.2) Par.?

tadrakṣakaṃ ca rājānaṃ caṇḍadaṇḍaṃ vijitya te / (106.1) Par.?

ānīya kīcakāṃs tatra nidadhuḥ saraso 'ntare // (106.2) Par.?

tattīropoṣitānāṃ ca japatāṃ juhvatāṃ tathā / (107.1) Par.?

sidhyanti sma dhanūṃṣy eṣāṃ saptāhāt sattvaśālinām // (107.2) Par.?

prāptais tair uktavṛttāntair mayādyaiś ca sahātha saḥ / (108.1) Par.?

āgāt sūryaprabhas tāvat tat sumeros tapovanam // (108.2) Par.?

tatrovāca sumerus taṃ jito veṇuvaneśvaraḥ / (109.1) Par.?

tvanmittraiś caṇḍadaṇḍo yad ajeyo 'pi tad adbhutam // (109.2) Par.?

tasyāsti mohinī nāma vidyā tena sa durjayaḥ / (110.1) Par.?

nūnaṃ sā sthāpitā tena pradhānasya ripoḥ kṛte // (110.2) Par.?

ataḥ prayuktā naiteṣu tvadvayasyeṣu saṃprati / (111.1) Par.?

sakṛd eva hi sā tasya phaladā na punaḥ punaḥ // (111.2) Par.?

gurāv eva hi sā tena prabhāvāvekṣaṇāya bhoḥ / (112.1) Par.?

prayuktābhūd ataḥ śāpas tena datto 'sya tādṛśaḥ // (112.2) Par.?

tac cintyam etad vidyānāṃ prabhāvo hi durāsadaḥ / (113.1) Par.?

tatkāraṇaṃ ca bhavatā pṛcchyatāṃ bhagavān mayaḥ // (113.2) Par.?

asyāgre kim ahaṃ vacmi kaḥ pradīpo raveḥ puraḥ / (114.1) Par.?

evaṃ sumeruṇā sūryaprabhasyokte mayo 'bravīt // (114.2) Par.?

satyaṃ sumeruṇoktaṃ te saṃkṣepāc chṛṇu vacmy adaḥ / (115.1) Par.?

avyaktāt prabhavantīha tās tāḥ śaktyanuśaktayaḥ // (115.2) Par.?

tatrodgataḥ prāṇaśakter nādo bindupathāśritaḥ / (116.1) Par.?

vidyādimantratām eti paratattvakalānvitaḥ // (116.2) Par.?

tāsāṃ ca mantravidyānāṃ jñānena tapasāpi vā / (117.1) Par.?

siddhājñayā vā siddhānāṃ prabhāvo duratikramaḥ // (117.2) Par.?

tat putra sarvavidyās te siddhā dvābhyāṃ tu hīyase / (118.1) Par.?

mohinīparivartinyau na vidye sādhite tvayā // (118.2) Par.?

yājñavalkyaś ca te vetti tad gaccha prārthayasva tam / (119.1) Par.?

evaṃ mayoktyā tasyarṣer yayau sūryaprabho 'ntikam // (119.2) Par.?

sa munis taṃ ca saptāhaṃ nivāsya bhujagahrade / (120.1) Par.?

agnimadhye tryahaṃ caiva tapaścaryām akārayat // (120.2) Par.?

dadau soḍhāhidaṃśasya saptāhāc cāsya mohinīm / (121.1) Par.?

vidyāṃ visoḍhavahneś ca tryahād viparivartinīm // (121.2) Par.?

prāptavidyasya bhūyo 'pi vahnikuṇḍapraveśanam / (122.1) Par.?

tasyādideśa sa muniḥ sa tathety akaroc ca tat // (122.2) Par.?

tatkṣaṇaṃ ca mahāpadmavimānaṃ tasya kāmagam / (123.1) Par.?

abhūd upanataṃ sūryaprabhasya gaganecaram // (123.2) Par.?

aṣṭottareṇa pattrāṇāṃ purāṇāṃ ca śatena yat / (124.1) Par.?

alaṃkṛtaṃ mahāratnair nānārūpair vinirmitam // (124.2) Par.?

cakravartivimānaṃ te siddham etad amuṣya ca / (125.1) Par.?

pureṣv antaḥpurāṇy eṣu sarveṣu sthāpayiṣyasi // (125.2) Par.?

yena tāny apradhṛṣyāṇi bhaviṣyanti bhavaddviṣām / (126.1) Par.?

ity antarikṣād dhīraṃ tam uvācātha sarasvatī // (126.2) Par.?

tataḥ sa yājñavalkyaṃ taṃ guruṃ prahvo vyajijñapat / (127.1) Par.?

ādiśyatāṃ prayacchāmi kīdṛśīṃ dakṣiṇām iti // (127.2) Par.?

nijābhiṣekakāle māṃ smarer eṣaiva dakṣiṇā / (128.1) Par.?

gaccha tāvat svakaṃ sainyam iti taṃ so 'bravīn muniḥ // (128.2) Par.?

natvā tatas taṃ sa muniṃ vimānaṃ cādhiruhya tat / (129.1) Par.?

tat sumerunivāsasthaṃ sainyaṃ sūryaprabho yayau // (129.2) Par.?

tatrākhyātasvavṛttāntaṃ sasunīthasumeravaḥ / (130.1) Par.?

siddhavidyāvimānaṃ tam abhyanandan mayādayaḥ // (130.2) Par.?

tataḥ sunīthaḥ sasmāra taṃ suvāsakumārakam / (131.1) Par.?

sa cāgatya mayādīṃs tāñ jagādaivaṃ sarājakān // (131.2) Par.?

siddhaṃ vimānaṃ vidyāś ca sarvāḥ sūryaprabhasya tat / (132.1) Par.?

udāsīnāḥ kim adyāpi sthitāḥ stha ripunirjaye // (132.2) Par.?

tac chrutvā sa mayo 'vādīd yuktaṃ bhagavatoditam / (133.1) Par.?

kiṃ tu prāk preṣyatāṃ dūto nītis tāvat prayujyatām // (133.2) Par.?

evaṃ mayāsureṇokte so 'bravīn muniputrakaḥ / (134.1) Par.?

astv evaṃ kā kṣatis tarhi prahastaḥ preṣyatām ayam // (134.2) Par.?

eṣa sapratibho vāgmī gatijñaḥ kāryakālayoḥ / (135.1) Par.?

karkaśaś ca sahiṣṇuś ca sarvadūtaguṇānvitaḥ // (135.2) Par.?

iti tadvacanaṃ sarve śraddhāya vyasṛjaṃs tataḥ / (136.1) Par.?

prahastaṃ dattasaṃdeśaṃ dautyāya śrutaśarmaṇe // (136.2) Par.?

tasmin gate 'bravīt sūryaprabhas tān nikhilān nijān / (137.1) Par.?

śrūyatāṃ yan mayā dṛṣṭam apūrvaṃ svapnakautukam // (137.2) Par.?

jāne 'dya kṣīyamāṇāyāṃ paśyāmi rajanāv aham / (138.1) Par.?

yāvan mahājalaughena vayaṃ sarve hriyāmahe // (138.2) Par.?

hriyamāṇāś ca nṛtyāmo na majjāmaḥ kathaṃcana / (139.1) Par.?

athaughaḥ sa parāvṛttaḥ pratikūlena vāyunā // (139.2) Par.?

tataḥ kenāpi puruṣeṇaitya jvalitatejasā / (140.1) Par.?

uddhṛtya vahnau kṣiptāḥ smo na ca dahyāmahe 'gninā // (140.2) Par.?

etyātha megho raktaughaṃ pravṛṣṭas tena cāsṛjā / (141.1) Par.?

vyāptā diśas tato nidrā naṣṭā me niśayā saha // (141.2) Par.?

ity uktavantaṃ taṃ smāha sa suvāsakumārakaḥ / (142.1) Par.?

āyāsapūrvo 'bhyudayaḥ svapnenānena sūcitaḥ // (142.2) Par.?

yo jalaughaḥ sa saṅgrāmo dhairyaṃ tad yad amajjanam / (143.1) Par.?

nṛtyatāṃ hriyamāṇānāṃ jalais tatparivartakaḥ // (143.2) Par.?

yo yuṣmākaṃ marut so 'pi śaraṇaḥ ko'pi rakṣitā / (144.1) Par.?

yaś coddhartā jvalattejāḥ pumān sākṣāt sa śaṃkaraḥ // (144.2) Par.?

kṣiptāḥ sthāgnau ca yat tena tan nyastāḥ stha mahāmṛdhe / (145.1) Par.?

meghodayas tato yac ca sa bhūyo 'pi bhayāgamaḥ // (145.2) Par.?

raktaughavarṣaṇaṃ yac ca tad bhayasya vināśanam / (146.1) Par.?

diśāṃ yad raktapūrṇatvam ṛddhiḥ sā mahatī ca vaḥ // (146.2) Par.?

svapnaś cānekadhānyārtho yathārtho 'pārtha eva ca / (147.1) Par.?

yaḥ sadyaḥ sūcayaty artham anyārthaḥ so 'bhidhīyate // (147.2) Par.?

prasannadevatādeśarūpaḥ svapno yathārthakaḥ / (148.1) Par.?

gāḍhānubhavacintādikṛtam āhur apārthakam // (148.2) Par.?

rajomūḍhena manasā bāhyārthavimukhena hi / (149.1) Par.?

jantur nidrāvaśaḥ svapnaṃ tais taiḥ paśyati kāraṇaiḥ // (149.2) Par.?

ciraśīghraphalatvaṃ ca tasya kālaviśeṣataḥ / (150.1) Par.?

eṣa rātryantadṛṣṭas tu svapnaḥ śīghraphalapradaḥ // (150.2) Par.?

etan munikumārāt te śrutvā tasmāt sunirvṛtāḥ / (151.1) Par.?

utthāya dinakartavyaṃ vyadhuḥ sūryaprabhādayaḥ // (151.2) Par.?

tāvat prahastaḥ pratyāgāc chrutaśarmasakāśataḥ / (152.1) Par.?

pṛṣṭo mayādibhiś caivaṃ yathāvṛttam avarṇayat // (152.2) Par.?

ito gato 'haṃ tarasā trikūṭācalavartinīm / (153.1) Par.?

tāṃ trikūṭapatākākhyāṃ nagarīṃ hemanirmitām // (153.2) Par.?

tasyāṃ praviśya cāpaśyam ahaṃ kṣattṛniveditaḥ / (154.1) Par.?

vṛtaṃ taṃ śrutaśarmāṇaṃ tais tair vidyādharādhipaiḥ // (154.2) Par.?

pitrā trikūṭasenena tathā vikramaśaktinā / (155.1) Par.?

dhuraṃdhareṇa cānyaiś ca śūrair dāmodarādibhiḥ // (155.2) Par.?

upaviśyātha tam ahaṃ śrutaśarmāṇam abhyadhām / (156.1) Par.?

śrīmatā prahitaḥ sūryaprabheṇāhaṃ tvadantikam // (156.2) Par.?

saṃdiṣṭaṃ tena cedaṃ te prasādād dhūrjaṭer mayā / (157.1) Par.?

vidyā ratnāni bhāryāś ca sahāyāś caiva sādhitāḥ // (157.2) Par.?

tad ehi mila sainye me sahaitaiḥ khecareśvaraiḥ / (158.1) Par.?

nihantāhaṃ viruddhānāṃ rakṣitā namatāṃ punaḥ // (158.2) Par.?

yā cāgamyā hṛtājñāte sunīthatanayā tvayā / (159.1) Par.?

kāmacūḍāmaṇiḥ kanyā muñca tām aśubhaṃ hi tat // (159.2) Par.?

evaṃ mayokte sarve te kruddhās tatraivam abhyadhuḥ / (160.1) Par.?

ko nāma sa yad asmāsu darpāt saṃdiśatīdṛśam // (160.2) Par.?

martyeṣu saṃdiśatv evaṃ kas tu vidyādhareṣu saḥ / (161.1) Par.?

varāko mānuṣo bhūtvāpy evaṃ dṛpyan vinaṅkṣyati // (161.2) Par.?

tac chrutvoktaṃ mayā kiṃ kiṃ ko nāma sa niśamyatām / (162.1) Par.?

sa hareṇeha yuṣmākaṃ cakravartī vinirmitaḥ // (162.2) Par.?

martyo vā yadi tan martyair devatvam api sādhitam / (163.1) Par.?

vidyādharaiś ca martyasya tasya dṛṣṭaḥ parākramaḥ // (163.2) Par.?

nāśaś cehāgate tasmin kadācid vo hi dṛśyate / (164.1) Par.?

ity evokte mayā kruddhā sā sabhā kṣobham āyayau // (164.2) Par.?

adhāvatāṃ ca hantuṃ māṃ śrutaśarmadhuraṃdharau / (165.1) Par.?

evaṃ paśyāmi śauryaṃ vām ity avocam ahaṃ ca tau // (165.2) Par.?

tato dāmodareṇaitāv utthāya vinivāritau / (166.1) Par.?

śāntaṃ dūtaś ca vipraś ca na vadhya iti jalpatā // (166.2) Par.?

tato vikramaśaktir mām avādīd gaccha dūta bhoḥ / (167.1) Par.?

tvatsvāmīva hi sarve 'pi vayam īśvaranirmitāḥ // (167.2) Par.?

tad āyātu sa paśyāmas tasyātithyakṣamā vayam / (168.1) Par.?

evaṃ sagarvaṃ tenokte vihasann aham abravam // (168.2) Par.?

haṃsāḥ padmavane tāvan nādaṃ kurvanti susthitāḥ / (169.1) Par.?

yāvat paśyanti nāyāntaṃ megham ācchāditāmbaram // (169.2) Par.?

ity uktvotthāya sāvajñaṃ nirgatyāham ihāgataḥ / (170.1) Par.?

etat prahastāc chrutvā tais tuṣṭiḥ prāpi mayādibhiḥ // (170.2) Par.?

niścitya cāhavodyogaṃ sarve senāpatiṃ vyadhuḥ / (171.1) Par.?

prabhāsam atha te sūryaprabhādyā raṇadurmadam // (171.2) Par.?

sarve ca raṇadīkṣāyāṃ te suvāsakumārataḥ / (172.1) Par.?

nideśaṃ prāpya tad ahaḥ prāviśan niyatavratāḥ // (172.2) Par.?

rātrau sūryaprabhaś cātra vrataśayyāgṛhāntaram / (173.1) Par.?

praviṣṭām aikṣatāpūrvām anidro varakanyakām // (173.2) Par.?

sā tasya vyājasuptasya prasuptasacivasya ca / (174.1) Par.?

svairaṃ nikaṭam āgatya sakhīm āha sahasthitām // (174.2) Par.?

yadi suptasya viśrāntavilāsāpīyam īdṛśī / (175.1) Par.?

rūpaśobhāsya tat kīdṛk prabuddhasya bhavet sakhi // (175.2) Par.?

tad astu na prabodhyo 'sau pūritaṃ kautukaṃ dṛśoḥ / (176.1) Par.?

adhikaṃ hi nibaddhena kim atra hṛdayena me // (176.2) Par.?

bhaviṣyaty asya saṅgrāmaḥ samaṃ hi śrutaśarmaṇā / (177.1) Par.?

tat tatra ko vijānāti bhavitā kila kasya kim // (177.2) Par.?

prāṇavyayāya śūrāṇāṃ jāyate hi raṇotsavaḥ / (178.1) Par.?

tatrāsyāstu śivaṃ tāvat tato jñāsyāmahe punaḥ // (178.2) Par.?

kāmacūḍāmaṇir yena kiṃca vyomavihāriṇā / (179.1) Par.?

dṛṣṭā tasyāsya hṛdayaṃ mādṛśī kā nu rañjayet // (179.2) Par.?

evaṃ tayokte sāvādīt tatsakhī kiṃ bravīṣy adaḥ / (180.1) Par.?

asaṅgo hṛdayasyāsminn āyattaś caṇḍi kiṃ tava // (180.2) Par.?

yena dṛṣṭena hṛdayaṃ kāmacūḍāmaṇer hṛtam / (181.1) Par.?

so 'nyasyā na haret kasyā yadi sākṣād arundhatī // (181.2) Par.?

vidyāvaśāc ca kalyāṇaṃ vetsi kiṃ nāsya saṃgare / (182.1) Par.?

etasya bhāryāś coktāḥ stha siddhaiḥ saccakravartinaḥ // (182.2) Par.?

kāmacūḍāmaṇis tvaṃ ca suprabhā caikagotrajā / (183.1) Par.?

eṣv eva pariṇītā ca dineṣv etena suprabhā // (183.2) Par.?

tat kim asyāśivaṃ yuddhe na hi siddhavaco mṛṣā / (184.1) Par.?

kiṃ cāhṛtaṃ suprabhayā cittaṃ yasyāsya tasya kim // (184.2) Par.?

nāhared bhavatī tvaṃ hi rūpeṇābhyadhikānaghe / (185.1) Par.?

bāndhavāpekṣayā vā te vikalpo yadi tan na sat // (185.2) Par.?

bhartāraṃ hi vinā nānyaḥ satīnām asti bāndhavaḥ / (186.1) Par.?

etatsakhīvacaḥ śrutvā sāvocad varakanyakā // (186.2) Par.?

satyaṃ sakhi tvayā proktaṃ na kāryaṃ me 'nyabandhubhiḥ / (187.1) Par.?

saṃkhye cāsyāryaputrasya jayaṃ jāne svavidyayā // (187.2) Par.?

siddhāni cāsya ratnāni vidyāś cādyāpi kiṃ punaḥ / (188.1) Par.?

naitasyauṣadhayaḥ siddhās tena me dūyate manaḥ // (188.2) Par.?

candrapādagirau tāś ca sarvāḥ santi guhāntare / (189.1) Par.?

sidhyanti puṇyabhājaś ca cakravartina eva tāḥ // (189.2) Par.?

tad eṣa sādhayed gatvā tatra sarvauṣadhīr yadi / (190.1) Par.?

bhadraṃ tat syād yad āsannaḥ prātar asya mahāhavaḥ // (190.2) Par.?

etac chrutvākhilaṃ tyaktvā vyājanidrāṃ sa utthitaḥ / (191.1) Par.?

sūryaprabhaḥ savinayaṃ tām uvācātra kanyakām // (191.2) Par.?

darśito 'tīva mugdhākṣi pakṣapāto mayi tvayā / (192.1) Par.?

tad eṣa tatra gacchāmi kāsi tvam iti śaṃsa me // (192.2) Par.?

etac chrutvā śrutaṃ sarvam aneneti trapānatā / (193.1) Par.?

tūṣṇīṃ babhūva sā kanyā tatsakhī tu jagāda sā // (193.2) Par.?

eṣā vidyādharendrasya sumeror anujātmajā / (194.1) Par.?

kanyā vilāsinī nāma tvaddarśanasakautukā // (194.2) Par.?

evam uktavatīm eva tāṃ sakhīṃ sā vilāsinī / (195.1) Par.?

ehi saṃprati gacchāva ity uktvā prayayau tataḥ // (195.2) Par.?

tataḥ prabhāsādibhyas tat prabodhya tadudīritam / (196.1) Par.?

sūryaprabhaḥ svamantribhyaḥ śaśaṃsauṣadhisādhanam // (196.2) Par.?

visasarja prahastaṃ ca yogyaṃ tatsādhanāya saḥ / (197.1) Par.?

tad ākhyātuṃ sunīthasya sumeroś ca mayasya ca // (197.2) Par.?

tair āgataiḥ śraddadhānaiḥ samaṃ sa sacivānvitaḥ / (198.1) Par.?

niśi sūryaprabhaḥ prāyāc candrapādācalaṃ prati // (198.2) Par.?

gacchatāṃ ca kramāt teṣām uttasthur mārgarodhinaḥ / (199.1) Par.?

yakṣaguhyakakūṣmāṇḍā vighnā nānāyudhodyatāḥ // (199.2) Par.?

kāṃścid astrair vimohyaitān kāṃścit saṃstabhya vidyayā / (200.1) Par.?

candrapādagiriṃ taṃ te prāpuḥ sūryaprabhādayaḥ // (200.2) Par.?

tatraiṣāṃ tadguhādvāraprāptānāṃ śāṃkarā gaṇāḥ / (201.1) Par.?

etya praveśaṃ rurudhur vicitravikṛtānanāḥ // (201.2) Par.?

etaiḥ saha na yoddhavyaṃ kupyeddhi bhagavān haraḥ / (202.1) Par.?

tannāmāṣṭasahasreṇa tam eva varadaṃ stumaḥ // (202.2) Par.?

tenaiva te prasīdanti tadgaṇā ity avocata / (203.1) Par.?

sa suvāsakumāras tān atha sūryaprabhādikān // (203.2) Par.?

tatas tatheti sarve te tathaiva haram astuvan / (204.1) Par.?

svāmistutiprasannāś ca tān vadanti sma te gaṇāḥ // (204.2) Par.?

mukteyaṃ vo guhāsmābhir gṛhṇītāsyāṃ mahauṣadhīḥ / (205.1) Par.?

sūryaprabheṇa tv etasyāṃ na praveṣṭavyam ātmanā // (205.2) Par.?

prabhāsaḥ praviśatv etām etasya sugamā hy asau / (206.1) Par.?

etad gaṇavacaḥ sarve te tathety anumenire // (206.2) Par.?

tataḥ praviśatas tasya prabhāsasya tadaiva sā / (207.1) Par.?

guhā baddhāndhakārāpi suprakāśā kimapy abhūt // (207.2) Par.?

utthāya ca mahāghorarūpā apy atra rākṣasāḥ / (208.1) Par.?

catvāraḥ kiṃkarā ūcuḥ praṇatāḥ praviśeti tam // (208.2) Par.?

atha praviśya saṃgṛhya divyāḥ saptauṣadhīḥ sa tāḥ / (209.1) Par.?

prabhāso nirgataḥ sūryaprabhāya nikhilā dadau // (209.2) Par.?

mahāprabhāvāḥ saptaitāḥ siddhāḥ sūryaprabhādya te / (210.1) Par.?

oṣadhya iti tatkālaṃ gaganād udagād vacaḥ // (210.2) Par.?

tac chrutvā muditāḥ sūryaprabhādyāḥ sarva eva te / (211.1) Par.?

svasainyam āyayuḥ kṣipraṃ sumervāspadam āśritam // (211.2) Par.?

tatrāpṛcchat sunītho 'tha taṃ suvāsakumārakam / (212.1) Par.?

mune sūryaprabhaṃ hitvā prabhāsaḥ kiṃ praveśitaḥ // (212.2) Par.?

gaṇair guhāyāṃ kiṃ caiṣa kiṃkarair api satkṛtaḥ / (213.1) Par.?

etac chrutvā sa sarveṣu śṛṇvatsu munir abhyadhāt // (213.2) Par.?

śrūyatāṃ kathayāmy etat prabhāso hitakṛt param / (214.1) Par.?

sūryaprabhasyātmabhūto na bhedo 'sty anayor dvayoḥ // (214.2) Par.?

kiṃ ca prabhāsena samo nānyaḥ śauryaprabhāvavān / (215.1) Par.?

asti prāgjanmasukṛtair etadīyā ca sā guhā // (215.2) Par.?

yo 'yaṃ yādṛk purā cābhūt tad idaṃ kathayāmi vaḥ / (216.1) Par.?

babhūva namucir nāma pūrvaṃ dānavasattamaḥ // (216.2) Par.?

yasya dānaprasaktasya mahāvīrasya nābhavat / (217.1) Par.?

adeyam ahitāyāpi yācamānāya kiṃcana // (217.2) Par.?

daśavarṣasahasrāṇi sa taptvā dhūmapas tapaḥ / (218.1) Par.?

lohāśmakāṣṭhāvadhyatvaṃ viriñcāt prāptavān varam // (218.2) Par.?

tato 'sakṛd vijityendraṃ kāṃdiśīkaṃ sa taṃ vyadhāt / (219.1) Par.?

tat prārthya kaśyaparṣis taṃ devaiḥ saṃdhim akārayat // (219.2) Par.?

atha viśrāntavairās te saṃmantryaiva surāsurāḥ / (220.1) Par.?

dugdhāmbhonidhim abhyetya mamanthur mandarādriṇā // (220.2) Par.?

tato 'cyutādayo bhāgān kamalāprabhṛtīn yathā / (221.1) Par.?

prāpus tathoccaiḥśravasaṃ hayaṃ namucir āptavān // (221.2) Par.?

anye devāsurāś cānyān pradiṣṭān brahmaṇā pṛthak / (222.1) Par.?

lebhire vividhān bhāgān mathyamānārṇavotthitān // (222.2) Par.?

manthaparyantalabdhe ca tridaśair amṛte hṛte / (223.1) Par.?

teṣām athāsurāṇāṃ ca punar vairam ajāyata // (223.2) Par.?

tato devāsuraraṇe jaghne yo yo 'suraḥ suraiḥ / (224.1) Par.?

āghrāyoccaiḥśravās taṃ taṃ jīvayāmāsa tatkṣaṇam // (224.2) Par.?

ajeyā jajñire tena devānāṃ daityadānavāḥ / (225.1) Par.?

tato viṣaṇṇaṃ vakti sma rahaḥ śakraṃ bṛhaspatiḥ // (225.2) Par.?

ekas tavātropāyo 'sti taṃ kuruṣvāvilambitam / (226.1) Par.?

svayaṃ yācasva gatvā tvaṃ namuciṃ taṃ hayottamam // (226.2) Par.?

vipakṣāyāpi tubhyaṃ taṃ sa hayaṃ na na dāsyati / (227.1) Par.?

khaṇḍayiṣyati nājanmasaṃcitaṃ dātṛtāyaśaḥ // (227.2) Par.?

ity ukto devaguruṇā mahendras tridaśaiḥ saha / (228.1) Par.?

gatvā yayāce namuciṃ tam uccaiḥśravasaṃ hayam // (228.2) Par.?

na me parāṅmukho gacchaty arthī tatrāpi vāsavaḥ / (229.1) Par.?

tad asmai namucir bhūtvā dadyāṃ nāhaṃ kathaṃ hayam // (229.2) Par.?

jagatsu dātṛtākīrtir yā mayā ciram arjitā / (230.1) Par.?

sā cen mlāniṃ gatā tan me kiṃ śriyā jīvitena vā // (230.2) Par.?

iti saṃcintya śakrāya tam uccaiḥśravasaṃ dadau / (231.1) Par.?

vāryamāṇo 'pi śukreṇa namuciḥ sa mahāśayaḥ // (231.2) Par.?

dattāśvam atha viśvāsya taṃ gāṅgena jaghāna saḥ / (232.1) Par.?

śastrādyavadhyaṃ phenena vajranyastena vṛtrahā // (232.2) Par.?

aho durantā saṃsāre bhogatṛṣṇā yayā hṛtāḥ / (233.1) Par.?

anaucityād akīrteś ca devā api na bibhyati // (233.2) Par.?

tad buddhvā tasya namucer danur mātā tapobalāt / (234.1) Par.?

cakāra duḥkhasaṃtaptā saṃkalpaṃ śokaśāntaye // (234.2) Par.?

sa eva me punar garbhe saṃbhūyān namucir balī / (235.1) Par.?

bhūyāc ca sarvadevānām ajeyaḥ saṃyugeṣv iti // (235.2) Par.?

tataḥ sa tasyāḥ sambhūya garbhe jāto 'suraḥ punaḥ / (236.1) Par.?

sarvaratnamayo nāmnā prabalo balayogataḥ // (236.2) Par.?

so 'pi taptatapāḥ prīṇan prāṇair apy arthinaḥ kṛtī / (237.1) Par.?

śatakṛtvo jigāyendraṃ prabalo dānaveśvaraḥ // (237.2) Par.?

tataḥ saṃmantrya devās tam upetyaivaṃ yayācire / (238.1) Par.?

dehaṃ puruṣamedhārtham asmabhyaṃ dehi sarvathā // (238.2) Par.?

tac chrutvā sa ripubhyo 'pi tebhyo deham adān nijam / (239.1) Par.?

prāṇān udārā visṛjanty arthino na parāṅmukhān // (239.2) Par.?

tataḥ sa khaṇḍaśo devaiḥ kṛtaḥ prabaladānavaḥ / (240.1) Par.?

manuṣyaloke jāto 'dya prabhāsavapuṣā punaḥ // (240.2) Par.?

tad evam ādau namucis tato 'bhūt prabalaś ca saḥ / (241.1) Par.?

saiṣa prabhāsas tatpuṇyaprabhāvād durjayo 'ribhiḥ // (241.2) Par.?

yā ca saṃbandhinī tasya prabalasyauṣadhīguhā / (242.1) Par.?

tena prabhāsasyātmīyā vaśyā sāsya sakiṃkarā // (242.2) Par.?

tadadhaś cāsti pātāle mandiraṃ prabalasya tat / (243.1) Par.?

yatra dvādaśa santy asya mukhyabhāryāḥ svalaṃkṛtāḥ // (243.2) Par.?

vividhāni ca ratnāni nānāpraharaṇāni ca / (244.1) Par.?

cintāmaṇiś ca lakṣaṃ ca yodhānāṃ turagās tathā // (244.2) Par.?

tat prabhāsasya saṃbandhi sarvam asya purārjitam / (245.1) Par.?

tad īdṛśaḥ prabhāso 'yaṃ nāsyedaṃ kiṃcid adbhutam // (245.2) Par.?

evaṃ tato munikumārakato niśamya sūryaprabhaprabhṛtayaḥ samayaprabhāsāḥ / (246.1) Par.?

ratnādy avāptum atha tat prayayus tadaiva pātālagaṃ prabalaveśmabilapraveśam // (246.2) Par.?

tena praviśya parigṛhya ca pūrvapatnīś cintāmaṇiṃ ca turagān asurāṃś ca yodhān / (247.1) Par.?

nirgatya cāttanikhiladraviṇaḥ sa ekaḥ sūryaprabhaṃ kim api toṣitavān prabhāsaḥ // (247.2) Par.?

atha samayasunīthaḥ saprabhāsaḥ sumeruprabhṛtibhir anuyāto rājabhir mantribhiś ca / (248.1) Par.?

drutam abhimatasiddhiṃ prāpya sūryaprabho 'sau punar api nijasenāsaṃniveśaṃ tam āgāt // (248.2) Par.?

tatra so 'suranarādhipādiṣu svasvavāsakagateṣu teṣu tam / (249.1) Par.?

rātriśeṣam anayat kuśāstare saṃnigṛhya raṇadīkṣitaḥ punaḥ // (249.2) Par.?

Duration=1.3043270111084 secs.