Texts

tṛtīyavarṣasya jaṭāḥ kurvanti / (1.1) Par.?

yathā vā kulakalpaḥ // (1.2) Par.?

agnim upasamādhāya parisamuhya paristīrya paryukṣya dakṣiṇato 'gner brahmāṇam upaveśyottarata udapātraṃ śamīśamakavat // (2) Par.?

athainam abhimantrayate hiraṇyavarṇāḥ śucaya iti catasṛbhiḥ / (3.1) Par.?

yā oṣadhaya ityanuvākena / (3.2) Par.?

śaṃ no devīr abhiṣṭaya āpo bhavantu pītaye / (3.3) Par.?

śaṃ yor abhisravantu naḥ / (3.4) Par.?

priyāḥ śaṃ na āpo dhanvanyāḥ śaṃ naḥ santu nūpyāḥ / (3.5) Par.?

śaṃ naḥ samudryā āpaḥ śam u naḥ santu kūpyāḥ / (3.6) Par.?

śaṃ no mitraḥ śaṃ varuṇaḥ śaṃ no bhavatv aryamā / (3.7) Par.?

śaṃ na indraś cāgniś ca śaṃ no viṣṇur urukramaḥ / (3.8) Par.?

iti / (3.9) Par.?

tāsām udakārthān kurvīta paryukṣaṇe 'bhyundane snāpane ca // (3.10) Par.?

ājyaṃ saṃskṛtya brahmāṇam āmantrya samidham ādhāyāghārāv āghāryājyabhāgau hutvā agnā āyūṃṣi pavasa iti saptabhiḥ sapta hutvā // (4) Par.?

āyurdā deveti ca / (5.1) Par.?

ye keśinaḥ prathame sattram āsata yebhir āvṛtaṃ yadidaṃ virājati / (5.2) Par.?

tebhyo juhomy āyuṣe dīrghāyutvāya svastaye / (5.3) Par.?

iti // (5.4) Par.?

vyāhṛtibhiśca // (6) Par.?

uktaḥ karmāntaḥ pūrveṇa // (7) Par.?

śītena vāya udakenedhi / (8.1) Par.?

uṣṇena vāya udakenedhīti taptā itarābhiḥ saṃsṛjya ārdradānava stha jīvadānava sthondatīr iṣam āvadety apo 'bhimantrya dakṣiṇaṃ keśāntam abhyundyāt / (8.2) Par.?

aditiḥ keśān vapatv āpa undantu jīvase / (8.3) Par.?

dīrghāyutvāya svastaye / (8.4) Par.?

iti // (8.5) Par.?

dakṣiṇasmin keśānte darbham ūrdhvāgraṃ nidadhāti // (9) Par.?

oṣadhe trāyasvainam iti darbhamantardadhāti // (10) Par.?

svadhite mainaṃ hiṃsīr iti kṣureṇābhinidadhāti // (11) Par.?

yenāvapatsavitā kṣureṇa somasya rājño varuṇasya vidvān / (12.1) Par.?

tena brahmāṇo vapatedam asyāyuṣmān ayaṃ jaradaṣṭir yathāsat / (12.2) Par.?

ahamasau / (12.3) Par.?

iti pravapati // (12.4) Par.?

dakṣiṇato mātānyā vāvidhavānaḍuhena gomayenābhūmigatān keśān parigṛhṇīyāt // (13) Par.?

mā te keśān anugād varca etattathā dhātā dadhātu te / (14.1) Par.?

tubhyamindro varuṇo bṛhaspatiḥ savitā varca ādadhuḥ / (14.2) Par.?

iti prapatato 'numantrayate // (14.3) Par.?

tena dharmeṇa punar apo 'bhimantryāparaṃ keśāntam abhyundyād uttaraṃ ca // (15) Par.?

anyau tu pravapanau yena pūṣā bṛhaspater agner indrasya cāyuṣe 'vapat / (16.1) Par.?

tena te vapāmyāyuṣe dīrghāyutvāya svastaye / (16.2) Par.?

iti paścāt / (16.3) Par.?

yena bhūyaś caratyayaṃ jyok ca paśyasi sūryam / (16.4) Par.?

tena te vapāmy āyuṣe dīrghāyutvāya suślokyāya suvarcase / (16.5) Par.?

ityuttarataḥ // (16.6) Par.?

yat kṣureṇa marcayatā supeśasā vaptar vapasi keśān / (17.1) Par.?

śundha śiro māsyāyuḥ pramoṣīḥ / (17.2) Par.?

iti lohāyasaṃ kṣuraṃ keśavāpāya prayacchati // (17.3) Par.?

yathārthaṃ keśayatnān kurvanti dakṣiṇataḥ kapardā vasiṣṭhānām ubhayato 'tribhārgavakāśyapānāṃ pañcacūḍā āṅgirasaḥ śikhino 'nye // (18) Par.?

vājim eke maṅgalārtham // (19) Par.?

tryāyuṣaṃ kaśyapasya jamadagnes tryāyuṣam agastyasya tryāyuṣam / (20.1) Par.?

yad devānāṃ tryāyuṣaṃ tan me astu śatāyuṣam / (20.2) Par.?

iti śiraḥ saṃmṛśati // (20.3) Par.?

parigṛhya gomayena keśān uttarapūrvasyāṃ gṛhasya mūṣyām antarā gehāt paladaṃ ca nidadhyāt / (21.1) Par.?

arikte vā vapane / (21.2) Par.?

uptvāya keśāntān varuṇāya rājño bṛhaspatiḥ savitā viṣṇurindraḥ / (21.3) Par.?

tebhyo nidhānaṃ mahad anvavindann antarā dyāvāpṛthivī apa svaḥ // (21.4) Par.?

iti / (22.1) Par.?

kartre varaṃ dadāti // (22.2) Par.?

pakṣmaguṇaṃ tilapiśitaṃ ca keśavāpāya prayacchati // (23) Par.?

saṃvatsaraṃ mātā nāmlāya dhārayet / (24.1) Par.?

roṣāya nāśnīyāt / (24.2) Par.?

lavaṇavarjaṃ tūṣṇīm // (24.3) Par.?

kanyāyā āhutivarjam // (25) Par.?

viduṣo brāhmaṇān arthasiddhiṃ vācayet // (26) Par.?

evam uttareṣu // (27) Par.?