Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17577

Click on a sentence to show its analysis
Keep the mouse pointer over a lemma to show its meanings.

tataḥ prātaḥ sarastīrāttasmādutthāya mantriṇam / (1.1) Par.?

naravāhanadattastaṃ gomukhaṃ prasthito 'bravīt // (1.2) Par.?

vayasya jāne kāpyadya rātryante dhavalāmbarā / (2.1) Par.?

kumārī divyarūpā māmetya svapne 'bhyadhādidam // (2.2) Par.?

niścinto bhava vatsa tvamitaḥ śīghramavāpsyasi / (3.1) Par.?

abdhestīre vanāntaḥsthamāścaryaṃ nagaraṃ mahat // (3.2) Par.?

viśrāntas tatra cākleśāt prāpya karpūrasaṃbhavam / (4.1) Par.?

puraṃ karpūrikāṃ prāpsyasyatra tāṃ rājakanyakām // (4.2) Par.?

ity uktvā māṃ tiro 'bhūtsā prabuddhaścāsmi tatkṣaṇam / (5.1) Par.?

evaṃ tamuktavantaṃ ca prītaḥ provāca gomukhaḥ // (5.2) Par.?

devairanugṛhītastvaṃ deva kiṃ te 'sti duṣkaram / (6.1) Par.?

tan niścitam akṛcchreṇa tava setsyatyabhīpsitam // (6.2) Par.?

evam uktavatā tena gomukhena samaṃ pathi / (7.1) Par.?

naravāhanadatto 'tra sa prāyātsatvaras tataḥ // (7.2) Par.?

kramātprāpac ca jaladherupakaṇṭhagataṃ sa tat / (8.1) Par.?

adrikūṭanibhāṭṭālapratolīgopurānvitam // (8.2) Par.?

mervābhasarvasauvarṇarājamandirarājitam / (9.1) Par.?

nagaraṃ vipulābhogaṃ bhūmaṇḍalamivāparam // (9.2) Par.?

praviśya tatra vipaṇīmārgeṇa sa dadarśa ca / (10.1) Par.?

kāṣṭhayantramayaṃ sarvaṃ ceṣṭamānaṃ sajīvavat // (10.2) Par.?

vaṇigvilāsinīpaurajanaṃ janitavismayam / (11.1) Par.?

vijñāyamānaṃ nirjīva iti vāgvirahātparam // (11.2) Par.?

kramāc ca gomukhasakhaḥ so 'ntikaṃ rājaveśmanaḥ / (12.1) Par.?

prāpa tādṛśamevātra hastyaśvādi vilokayan // (12.2) Par.?

viveśa cāsya sauvarṇapuramastakaśobhinaḥ / (13.1) Par.?

abhyantaraṃ sasacivaḥ sāścaryo rājasadmanaḥ // (13.2) Par.?

tatra yantrapratīhāravāranārīpariśritam / (14.1) Par.?

jaḍānāṃ spandane hetuṃ teṣāṃ cetanam ekakam // (14.2) Par.?

indriyāṇām ivātmānam adhiṣṭhātṛtayā sthitam / (15.1) Par.?

ratnasiṃhāsanāsīnaṃ bhavyaṃ puruṣamaikṣata // (15.2) Par.?

so 'pi taṃ puruṣo dṛṣṭvā cottamākṛtimutthitaḥ / (16.1) Par.?

vidhāya svāgataṃ svasminnupāveśayadāsane // (16.2) Par.?

papraccha copaviśyāgre kaḥ kathaṃ kim amānuṣām / (17.1) Par.?

kṣmāmātmanā dvitīyaḥ sannimāṃ prāpto bhavāniti // (17.2) Par.?

tataḥ so 'pi svavṛttāntaṃ nivedya tamaśeṣataḥ / (18.1) Par.?

naravāhanadattastaṃ prahvaṃ papraccha pūruṣam // (18.2) Par.?

kastvaṃ kiṃ cedamāścaryaṃ puraṃ te bhadra kathyatām / (19.1) Par.?

tac chrutvā sa pumānvaktuṃ svodantamupacakrame // (19.2) Par.?

asti kāñcīti nagarī garīyoguṇagumphitā / (20.1) Par.?

kāñcīva vasudhāvadhvāḥ sadalaṃkṛtitāṃ gatā // (20.2) Par.?

tasyāṃ bāhubalākhyo 'sti kāñcyāṃ khyāto mahīpatiḥ / (21.1) Par.?

koṣe baddhā kṛtā yena calāpi śrīrbhujārjitā // (21.2) Par.?

tasya rāṣṭre nṛpasyāvāṃ takṣāṇau bhrātarāvubhau / (22.1) Par.?

mayapraṇītadārvādimāyāyantravicakṣaṇau // (22.2) Par.?

jyeṣṭhaḥ prāṇadharo nāma veśyāvyasanaviplutaḥ / (23.1) Par.?

ahaṃ kaniṣṭhas tadbhakto nāmnā rājyadharaḥ prabho // (23.2) Par.?

tena bhuktvā dhanaṃ pitryaṃ madbhartrā svaṃ ca kiṃcana / (24.1) Par.?

bhuktaṃ madarjitam api snehārdreṇārpitaṃ mayā // (24.2) Par.?

tato 'pi so 'tivyasanī veśyārthārthajihīrṣayā / (25.1) Par.?

rajjuyantravahaṃ dārumayaṃ haṃsayugaṃ vyadhāt // (25.2) Par.?

taddhaṃsayugalaṃ rajjughaṭṭanapreritaṃ niśi / (26.1) Par.?

rājño bāhubalasyātra kośādyantraprayogataḥ // (26.2) Par.?

gavākṣeṇa praviśyāntaś cañcvā paṭalake sthitam / (27.1) Par.?

ādāyābharaṇaṃ tasya madbhrātur gṛham āgamat // (27.2) Par.?

tac ca vikrīya so 'bhuṅkta majjyeṣṭhaḥ saha veśyayā / (28.1) Par.?

tathaivāharniśaṃ koṣamamuṣṇātsa ca bhūpateḥ // (28.2) Par.?

vāryamāṇo 'pi ca mayā nākāryādvyaramat tataḥ / (29.1) Par.?

ko hi mārgam amārgaṃ vā vyasanāndho nirīkṣate // (29.2) Par.?

tathā ca muṣyamāṇe 'pi rātriṣv acalitārgale / (30.1) Par.?

nirmūṣake rājagañje dināni katicidbhayāt // (30.2) Par.?

vicinvan pratyahaṃ tūṣṇīṃ paritapto 'dhikādhikam / (31.1) Par.?

tadbhāṇḍāgāriko gatvā sphuṭaṃ rājñe nyavedayat // (31.2) Par.?

rājāpi taṃ tathānyāṃś ca rakṣakāñjāgrato niśi / (32.1) Par.?

koṣāntaḥ sthāpayāmāsa tatra tattvam avekṣitum // (32.2) Par.?

te niśīthe praviṣṭau tau gavākṣeṇātra rakṣakāḥ / (33.1) Par.?

madbhrātṛyantrahaṃsau dvāv apaśyan rajjughaṭṭitau // (33.2) Par.?

yantrayuktiparibhrāntau cañcūpāttavibhūṣaṇau / (34.1) Par.?

chinnarajjū agṛhṇaṃś ca rājñe darśayituṃ prage // (34.2) Par.?

tatkālaṃ ca sa madbhrātā jyeṣṭho 'vādītsasaṃbhramaḥ / (35.1) Par.?

bhrātargṛhītau haṃsau dvau madīyau gañjarakṣibhiḥ // (35.2) Par.?

rajjur hi śithilībhūtā yantre srastā ca kīlikā / (36.1) Par.?

tasmādito 'pasartavyam adhunaivāvayor dvayoḥ // (36.2) Par.?

caurāviti nigṛhṇīyātprātarbuddhvā nṛpo hi nau / (37.1) Par.?

āvām eva hi vikhyātau māyāyantravidāvubhau // (37.2) Par.?

vātayantravimānaṃ ca tanmamāstīha maṅkṣu yat / (38.1) Par.?

yojanāṣṭaśatīṃ yāti sakṛtprahatakīlikam // (38.2) Par.?

tena dūraṃ vrajāvo 'dya videśam api duḥkhadam / (39.1) Par.?

pāpe karmaṇyavajñātahitavākye kutaḥ sukham // (39.2) Par.?

yanmayā na kṛtaṃ vākyaṃ tava duṣkṛtabuddhinā / (40.1) Par.?

tasyaiṣa pākaḥ prasṛto yo 'yaṃ tvayy apy apāpini // (40.2) Par.?

evam uktvā samārohadvimānaṃ vyomagāmi tat / (41.1) Par.?

sa me prāṇadharo bhrātā tadaiva sakuṭumbakaḥ // (41.2) Par.?

ahaṃ tūkto 'pi tenātra nārohaṃ bahubhirvṛte / (42.1) Par.?

tatas tena khamutpatya sa prāyātkvāpi dūrataḥ // (42.2) Par.?

gate prāṇadhare tasminn ahamanvarthanāmani / (43.1) Par.?

prabhāte bhāvi saṃbhāvya rājato bhayam ekakaḥ // (43.2) Par.?

āruhya svakṛte 'nyasminvātayantravimānake / (44.1) Par.?

drutaṃ tato gato 'bhūvaṃ yojanānāṃ śatadvayam // (44.2) Par.?

preritena punas tena vimānena khagāminā / (45.1) Par.?

tato 'pi yojanaśatadvayamanyadagāmaham // (45.2) Par.?

tataḥ samudranaikaṭyaśaṅkātyaktavimānakaḥ / (46.1) Par.?

padbhyāṃ vrajanniha prāptaḥ śūnyaṃ puramidaṃ kramāt // (46.2) Par.?

kautukāc ca praviṣṭo 'haṃ devedaṃ rājamandiram / (47.1) Par.?

vastrābharaṇaśayyādirājopakaraṇānvitam // (47.2) Par.?

sāyaṃ codyānavāpyambhaḥ snāto bhuktvā phalānyaham / (48.1) Par.?

rājaśayyāgato rātrāv ekākī samacintayam // (48.2) Par.?

nirjane kiṃ karomīha tatprātaryatra kutracit / (49.1) Par.?

vrajāmīto gataṃ me hi bhayaṃ bāhubalānnṛpāt // (49.2) Par.?

iti saṃcintya saṃsuptaṃ niśānte divyarūpadhṛt / (50.1) Par.?

puruṣo barhiṇārūḍhaḥ svapne mām evam abhyadhāt // (50.2) Par.?

ihaiva bhadra vastavyaṃ gantavyaṃ nānyatastvayā / (51.1) Par.?

āhārakāle cāruhya sthātavyaṃ madhyame pure // (51.2) Par.?

ity uktvāntarhite tasmin prabuddho 'hamacintayam / (52.1) Par.?

kumāranirmitamidaṃ divyasthānaṃ suniścitam // (52.2) Par.?

kṛtaś ca tena me svapne pūrvapuṇyairanugrahaḥ / (53.1) Par.?

utthito 'smīha nūnaṃ hi śreyo 'sti vasato 'tra me // (53.2) Par.?

iti baddhāsthamutthāya kṛtvāhnikamahaṃ sthitaḥ / (54.1) Par.?

āruhya yāvadāhārakāle 'smin madhyame pure // (54.2) Par.?

tāvaddhiraṇmayeṣv agre pātreṣūpanateṣu me / (55.1) Par.?

apatat khād dhṛtakṣīraśālibhaktādibhojanam // (55.2) Par.?

cintitaṃ cintitaṃ cānyanmama bhojyamupānamat / (56.1) Par.?

tadbhuktvā cāhamabhavaṃ devātīveha nirvṛtaḥ // (56.2) Par.?

tato gṛhītaiva mayā sthitir asmin pure prabho / (57.1) Par.?

cintitopanamadrājabhogena prativāsaram // (57.2) Par.?

bhāryā paricchado vā me cintitastu na tiṣṭhati / (58.1) Par.?

tena yantramayo 'trāyaṃ janaḥ sarvaḥ kṛto mayā // (58.2) Par.?

itīhāgatya takṣāpi devaikākī karomy aham / (59.1) Par.?

rājño līlāyituṃ rājyadharo nāma vidhervaśāt // (59.2) Par.?

tad devanirmite 'muṣmin bhavanto 'dya pure dinam / (60.1) Par.?

viśrāmyantu yathāśakti paricaryāpare mayi // (60.2) Par.?

ity uktvā tatpurodyānaṃ tena rājyadhareṇa saḥ / (61.1) Par.?

naravāhanadatto 'tra nīyate sma sagomukhaḥ // (61.2) Par.?

tatra vāpījalasnāto vārijārcitadhūrjaṭiḥ / (62.1) Par.?

tāṃ madhyamapurāhārabhūmiṃ ca prāpito 'bhavat // (62.2) Par.?

bubhuje tatra cāhārān dhyātopasthāpitāñ śubhān / (63.1) Par.?

tena rājyadhareṇāgrasthitena sa samantrikaḥ // (63.2) Par.?

tataḥ kenāpy adṛṣṭena pramṛṣṭāhārabhūmikaḥ / (64.1) Par.?

anu tāmbūlabhogaṃ sa tasthau pītāsavaḥ sukham // (64.2) Par.?

atha cintāmaṇiprakhyapuramāhātmyavismitaḥ / (65.1) Par.?

bhukte rājyadhare naktaṃ sa bheje śayanottamam // (65.2) Par.?

karpūrikānavautsukyavinidraṃ cātra tatkathām / (66.1) Par.?

pṛcchantam abravīdrājyadharo 'tha śayanasthitaḥ // (66.2) Par.?

kiṃ na nidrāsi kalyāṇin prāpsyasy evepsitāṃ priyām / (67.1) Par.?

udārasattvaṃ vṛṇute svayaṃ hi śrīr ivāṅganā // (67.2) Par.?

pratyakṣadṛṣṭamatredaṃ tathā ca śṛṇu vacmi te / (68.1) Par.?

yaḥ sa kāñcīpatirbāhubalo rājā mayoditaḥ // (68.2) Par.?

tasyānvartho 'rthalobhākhyaḥ pratīhāro 'rthavānabhūt / (69.1) Par.?

tasya mānaparā nāma bhāryābhūd rūpaśālinī // (69.2) Par.?

so 'rthalobho vaṇigdharmāllobhādbhṛtyeṣv aviśvasan / (70.1) Par.?

vaṇijyāvyavahāreṣu madhye bhāryāṃ nyayuṅkta tām // (70.2) Par.?

sānicchanty api tadvaśyā vaṇigbhiḥ saṃvyavāharat / (71.1) Par.?

madhureṇāhṛtajanā rūpeṇa vacanena ca // (71.2) Par.?

gajāśvaratnavastrādivikrayaṃ yaṃ vyadhatta sā / (72.1) Par.?

taṃ taṃ sopacayaṃ dṛṣṭvā so 'rthalobho 'nvamodata // (72.2) Par.?

ekadā cātra ko 'py āgād dūrād deśāntarād vaṇik / (73.1) Par.?

mahānsukhadhano nāma prabhūtāśvādibhāṇḍadhṛt // (73.2) Par.?

taṃ buddhvaivāgataṃ bhāryām arthalobho 'bravītsa tām / (74.1) Par.?

vaṇiksukhadhano nāma prāpto deśāntarādiha // (74.2) Par.?

priye vājisahasrāṇi tenānītāni viṃśatiḥ / (75.1) Par.?

cīnadeśajasadvastrayugmāny agaṇanāni ca // (75.2) Par.?

tad gatvāśvasahasrāṇi pañca tasmāttvamānaya / (76.1) Par.?

krītvā sadvastrayugmānāṃ sahasrāṇi tathā daśa // (76.2) Par.?

yāvadaśvasahasraiḥ svaistathā taiścāpi pañcabhiḥ / (77.1) Par.?

karomi darśanaṃ rājño vaṇijyāṃ vidadhāmi ca // (77.2) Par.?

evam uktvārthalobhena preṣitā tena pāpmanā / (78.1) Par.?

āgānmānaparā tasya pārśvaṃ sukhadhanasya sā // (78.2) Par.?

mārgati sma ca mūlyena tān vastrasahitān hayān / (79.1) Par.?

racitasvāgatāt tasmāt tadrūpāhṛtacakṣuṣaḥ // (79.2) Par.?

sa ca tāṃ kāmavivaśo nītvaikānte 'bravīdvaṇik / (80.1) Par.?

mūlyena vastram ekaṃ te hayaṃ vā na dadāmy aham // (80.2) Par.?

vatsyasyekāṃ niśāṃ sākaṃ mayā cettaddadāmi te / (81.1) Par.?

śatāni vājināṃ pañcasahasrāṇi ca vāsasām // (81.2) Par.?

ity uktvā so 'dhikenāpi tāṃ prārthayata sundarīm / (82.1) Par.?

strīṣvanargalaceṣṭāsu kasyecchā nopajāyate // (82.2) Par.?

tataḥ sā pratyavocattam evaṃ pṛcchāmy ahaṃ patim / (83.1) Par.?

atrāpi hi sa jāne māṃ prerayedatilobhataḥ // (83.2) Par.?

ity uktvā svagṛhaṃ gatvā patye tasmai tad abravīt / (84.1) Par.?

yaduktā tena vaṇijā rahaḥ sukhadhanena sā // (84.2) Par.?

so 'tha pāpo 'rthalobhas tāṃ kīnāśaḥ patirabravīt / (85.1) Par.?

priye vastrasahasrāṇi pañca vājiśatāni ca // (85.2) Par.?

ekayā yadi labhyante rātryā doṣastadatra kaḥ / (86.1) Par.?

tadgaccha pārśvaṃ tasyādya prabhāte drutameṣyasi // (86.2) Par.?

etac chrutvā vacas tasya bhartuḥ kāpuruṣasya sā / (87.1) Par.?

hṛdi mānaparā jātavicikitsā vyacintayat // (87.2) Par.?

dāravikrayiṇaṃ pāpaṃ hīnasattvaṃ dhig astv imam / (88.1) Par.?

lobhabhāvanayā nityaṃ bata tanmayatāṃ gatam // (88.2) Par.?

varaṃ sa eva bhartā me yo māmaśvaśatairniśām / (89.1) Par.?

cīnapaṭṭasahasraiś ca krīṇātyekāmudāradhīḥ // (89.2) Par.?

ity ālocya na me doṣa ityanujñāpya taṃ tataḥ / (90.1) Par.?

kubhartāramagāt tasya gṛhaṃ sukhadhanasya sā // (90.2) Par.?

sa ca tām āgatāṃ dṛṣṭvā pṛṣṭvā buddhvā ca tattathā / (91.1) Par.?

citrīyamāṇas tatprāpteramaṃstātmani dhanyatām // (91.2) Par.?

prāhiṇoccārthalobhāya tasmai tatpataye drutam / (92.1) Par.?

tacchulkabhūtān aśvāṃś ca vastrāṇi ca yathoditam // (92.2) Par.?

uvāsa ca tayā sākaṃ pūrṇakāmaḥ sa tāṃ niśām / (93.1) Par.?

mūrtayeva ciraprāptanijasaṃpatphalaśriyā // (93.2) Par.?

prātaś cāhvāyakān bhṛtyān arthalobhena nistrapam / (94.1) Par.?

klībena tena prahitān sātha mānaparābravīt // (94.2) Par.?

vikrītā saṃgatānyena bhūtvā tasya kathaṃ punaḥ / (95.1) Par.?

bhāryā bhavāmi nirlajjaḥ sa yathā kimahaṃ tathā // (95.2) Par.?

yūyam eva mama brūta yadyetacchobhate 'dhunā / (96.1) Par.?

tadyāta yena krītāsmi sa eva hi patirmama // (96.2) Par.?

ity uktāste tayā bhṛtyāstato gatvā tathaiva tat / (97.1) Par.?

abruvannarthalobhāya vākyaṃ tasyā adhomukhāḥ // (97.2) Par.?

sa tac chrutvā balādaicchadānetuṃ tāṃ narādhamaḥ / (98.1) Par.?

tato harabalo nāma vayasyastam abhāṣata // (98.2) Par.?

na sā sukhadhanāt tasmād ānetuṃ śakyate tvayā / (99.1) Par.?

pravīrasya na tasyāgre tava paśyāmi dhīratām // (99.2) Par.?

sa hi tyāgānurāgiṇyā nāryā śūrīkṛtas tayā / (100.1) Par.?

balī ca balibhiścānyairyukto mittraiḥ sahāgataḥ // (100.2) Par.?

tvaṃ tu kārpaṇyavikrītaviviktadayitojjhitaḥ / (101.1) Par.?

avamānanirutsāho garhitaḥ klībatāṃ gataḥ // (101.2) Par.?

na ca svato balī tādṛṅ na ca mittrabalānvitaḥ / (102.1) Par.?

tatkathaṃ tvaṃ samarthaḥ syās tasya pratyarthino jaye // (102.2) Par.?

rājā ca kupyed buddhvā te dāravikrayaduṣkṛtam / (103.1) Par.?

tattūṣṇīṃ bhava bhūyo 'pi mā kṛthā hāsyavibhramam // (103.2) Par.?

iti sakhyā niṣiddho 'pi krodhād gatvā sasainikaḥ / (104.1) Par.?

yāvad ruṇaddhy arthalobho gṛhaṃ sukhadhanasya saḥ // (104.2) Par.?

tāvattasya samittrasya sainyaiḥ sukhadhanasya tat / (105.1) Par.?

sainyaṃ tadīyaṃ nirgatya kṛtsnaṃ bhagnamabhūtkṣaṇāt // (105.2) Par.?

tataḥ palāyitaḥ prāyātso 'rthalobho nṛpāntikam / (106.1) Par.?

dārāḥ sukhadhanākhyena vaṇijā deva me hṛtāḥ // (106.2) Par.?

iti vyajijñapaccātra nṛpaṃ nihnutadurnayaḥ / (107.1) Par.?

nṛpo 'py aicchad avaṣṭabdhuṃ sa taṃ sukhadhanaṃ ruṣā // (107.2) Par.?

tataḥ saṃdhānanāmā taṃ mantrī rājānam abravīt / (108.1) Par.?

yathātathā na śakyo 'sāv avaṣṭabdhuṃ vaṇikprabho // (108.2) Par.?

tasyaikādaśabhirmittraiḥ sahāyātairyutasya hi / (109.1) Par.?

lakṣamabhyadhikaṃ deva vartate varavājinām // (109.2) Par.?

tattvaṃ ca nātra vijñātaṃ nahy etat syād akāraṇam / (110.1) Par.?

tatpreṣya dūtaṃ praṣṭavyaḥ kiṃ tāvatso 'tra jalpati // (110.2) Par.?

iti mantrivacaḥ śrutvā rājā bāhubalas tataḥ / (111.1) Par.?

praṣṭuṃ tatprāhiṇoddūtaṃ tasmai sukhadhanāya saḥ // (111.2) Par.?

sa dūtastaṃ tadādeśād gatvā yāvac ca pṛcchati / (112.1) Par.?

tāvanmānaparā sāsmai svavṛttāntaṃ tam abhyadhāt // (112.2) Par.?

śrutvaiva ca tadāścaryaṃ rūpaṃ tasyāś ca vīkṣitum / (113.1) Par.?

gṛhaṃ sukhadhanasyāgāt sārthalobho mahīpatiḥ // (113.2) Par.?

tatrāpaśyatsukhadhane prahve mānaparāṃ sa tām / (114.1) Par.?

vidhātur api lāvaṇyalakṣmyā vismayadāyinīm // (114.2) Par.?

pādānatāyāḥ so 'syāś ca pṛṣṭāyāś ca svayaṃ mukhāt / (115.1) Par.?

aśṛṇot tad yathāvṛttam arthalobhasya śṛṇvataḥ // (115.2) Par.?

śrutvā ca matvā satyaṃ tadarthalobhe niruttare / (116.1) Par.?

tām apṛcchatsa sumukhīṃ kimidānīṃ bhavatviti // (116.2) Par.?

tataḥ sā niścitāvādīddeva yenāsmy anāpadi / (117.1) Par.?

vikrītānyasya niḥsattvaṃ lubdhaṃ kathamupaimi tam // (117.2) Par.?

etac chrutvā nṛpe tasmin sādhūktamiti vādini / (118.1) Par.?

avocatso 'rthalobho 'tra kāmakrodhatrapākulaḥ // (118.2) Par.?

ayaṃ sukhadhano rājannahaṃ cānubalaṃ vinā / (119.1) Par.?

yudhyāvahe svasainyābhyāṃ sattvāsattvam avekṣyatām // (119.2) Par.?

ity arthalobhasya vacaḥ śrutvā sukhadhano 'bhyadhāt / (120.1) Par.?

tarhi yudhyāvahe hy āvāṃ dvāveva kim u sainikaiḥ // (120.2) Par.?

yaḥ prāpsyati jayaṃ mānaparā tasya bhaviṣyati / (121.1) Par.?

śrutvaitadbāḍhamastvevamiti rājāpyabhāṣata // (121.2) Par.?

tato mānaparāyāṃ ca rājñi cāvekṣamāṇayoḥ / (122.1) Par.?

yuddhabhūmiṃ hayārūḍhau tāvavātaratāmubhau // (122.2) Par.?

pravṛtte cāhave tatra kuntāghātotpataddhayam / (123.1) Par.?

arthalobhaṃ sukhadhanaḥ paryāsthad vasudhātale // (123.2) Par.?

tathaiva vārāṃstrīn anyān hatāśvaṃ patitaṃ kṣitau / (124.1) Par.?

dhīrayandharmayodhī sa na taṃ sukhadhano 'vadhīt // (124.2) Par.?

vāre tu pañcame 'śvena patitvopari tāḍitaḥ / (125.1) Par.?

arthalobhaḥ sa niśceṣṭastato bhṛtyairanīyata // (125.2) Par.?

tataḥ sukhadhanaṃ sarvaiḥ sādhuvādābhipūjitam / (126.1) Par.?

sa taṃ bāhubalo rājā yathocitamamānayat // (126.2) Par.?

prābhṛtaṃ ca tadānītaṃ tasmā eva samarpayat / (127.1) Par.?

aharaccārthalobhasya sarvasvam aśubhārjitam // (127.2) Par.?

tatpade cāparaṃ kṛtvā tuṣṭaḥ prāyātsvamandiram / (128.1) Par.?

nivṛttapāpasaṃparkāḥ santo yānti hi nirvṛtim // (128.2) Par.?

so 'pi prasahya viharann āsīt sukhadhanaḥ sukham / (129.1) Par.?

sahito mānaparayā bhāryayā cānuraktayā // (129.2) Par.?

evaṃ dārāḥ palāyante hīnasattvāddhanāni ca / (130.1) Par.?

susattvasyopatiṣṭhante svayametya yatas tataḥ // (130.2) Par.?

tadalaṃ cintayā nidrāṃ bhajasva nacireṇa hi / (131.1) Par.?

rājaputrīm avāptāsi tvaṃ tāṃ karpūrikāṃ prabho // (131.2) Par.?

iti rājyadharāc chrutvā rātrau tatrārthavadvacaḥ / (132.1) Par.?

naravāhanadattaḥ sa bheje nidrāṃ sagomukhaḥ // (132.2) Par.?

prātaś cātra kṛtāhāraḥ kṣaṇaṃ yāvatsa tiṣṭhati / (133.1) Par.?

tāvatsa gomukho dhīmāṃstaṃ rājyadharamabhyadhāt // (133.2) Par.?

kuru yantravimānaṃ tanmatprabhorasya yena tat / (134.1) Par.?

karpūrasaṃbhavapuraṃ prāpya prāpnoty asau priyām // (134.2) Par.?

etac chrutvā sa takṣāsmai vātayantravimānakam / (135.1) Par.?

naravāhanadattāya pūrvakﾱptamaḍhaukayat // (135.2) Par.?

tatrāruhya manaḥśīghre khagāmini sagomukhaḥ / (136.1) Par.?

taddhairyālokasollāsam ivocchalitavīcikam // (136.2) Par.?

makarākaramullaṅghya prāpa tattīravarti saḥ / (137.1) Par.?

naravāhanadattastatpuraṃ karpūrasaṃbhavam // (137.2) Par.?

tatrāvatīrṇānnabhaso vimānādavaruhya saḥ / (138.1) Par.?

purāntaḥ paribabhrāma kautukena sagomukhaḥ // (138.2) Par.?

pṛṣṭāc ca lokato buddhvā tadevābhīpsitaṃ puram / (139.1) Par.?

prāptaṃ niḥsaṃśayaṃ hṛṣṭo yayau rājakulāntikam // (139.2) Par.?

tatraikaṃ ruciraṃ veśma vṛddhayādhiṣṭhitaṃ striyā / (140.1) Par.?

sa viveśa nivāsāya namrayānumatastayā // (140.2) Par.?

yuktiṃ jijñāsamānaś ca kṣaṇāt papraccha tāṃ striyam / (141.1) Par.?

ārye kimabhidhāno 'tra rājāpatyaṃ ca tasya kim // (141.2) Par.?

rūpaṃ ca tasya naḥ śaṃsa yato vaideśikā vayam / (142.1) Par.?

ity uktā tena vṛddhā sā taṃ vilokyottamākṛtim // (142.2) Par.?

pratyuvāca mahābhāga śṛṇu sarvaṃ vadāmi te / (143.1) Par.?

iha karpūrako nāma rājā karpūrasaṃbhave // (143.2) Par.?

sa cānapatyaḥ saṃtānahetoruddiśya śaṃkaram / (144.1) Par.?

buddhikāryā samaṃ devyā nirāhāro 'karottapaḥ // (144.2) Par.?

trirātropoṣitaṃ devo haraḥ svapne tamādiśat / (145.1) Par.?

uttiṣṭha putrābhyadhikā sā te kanyā janiṣyate // (145.2) Par.?

vidyādharāṇāṃ sāmrājyaṃ yasyāḥ patiravāpsyati / (146.1) Par.?

ity ādiṣṭo hareṇāsau prātaḥ prābuddha bhūpatiḥ // (146.2) Par.?

nivedya buddhikāryai ca devyai svapnaṃ tamutthitaḥ / (147.1) Par.?

prahṛṣṭo 'tha tayā sākaṃ cakāra vratapāraṇam // (147.2) Par.?

tatas tasyācirādrājño rājñī garbhamadhatta sā / (148.1) Par.?

kāle cāsūta sampūrṇe kanyāṃ sarvāṅgasundarīm // (148.2) Par.?

yayā prabhājitās tatra jātaveśmani dīpakāḥ / (149.1) Par.?

kajjalodgāramiṣato niḥśvāsān amucann iva // (149.2) Par.?

karpūriketi tasyāś ca nijaṃ nāma tataḥ pitā / (150.1) Par.?

eṣa karpūrako rājā vyadhatta vihitotsavaḥ // (150.2) Par.?

kramāc ca vṛddhiṃ prāptā sā lokalocanacandrikā / (151.1) Par.?

karpūrikā rājaputrī yauvanasthādya vartate // (151.2) Par.?

pitā ceha nṛpas tasyā vivāhamabhikāṅkṣati / (152.1) Par.?

puruṣadveṣiṇī sā tu taṃ necchati manasvinī // (152.2) Par.?

kanyājanmaphalaṃ kasmādvivāhaṃ sakhi necchasi / (153.1) Par.?

iti matsutayā sā ca sakhyā pṛṣṭedam abravīt // (153.2) Par.?

sakhi jātismarāyā me prāgvṛttaṃ śṛṇu kāraṇam / (154.1) Par.?

asti tīre mahāmbhodher mahāṃś candanapādapaḥ // (154.2) Par.?

tasyāsti nikaṭe phullanalinālaṃkṛtaṃ saraḥ / (155.1) Par.?

tatrāhamabhavaṃ haṃsī pūrvajanmani karmataḥ // (155.2) Par.?

sāhamabdhitaṭājjātu tasmiṃścandanapādape / (156.1) Par.?

akārṣaṃ rājahaṃsena svena bhartrā sahālayam // (156.2) Par.?

tatrālaye vasantyā me prajātān potakān sutān / (157.1) Par.?

akasmād etya balavān samudrormir apāharat // (157.2) Par.?

hṛteṣv apatyeṣv oghena krandanty aham anaśnatī / (158.1) Par.?

āsaṃ śucābdhitīrasthaśivaliṅgāgravartinī // (158.2) Par.?

tataḥ sa rājahaṃso māmupetya patirabhyadhāt / (159.1) Par.?

uttiṣṭha kimapatyāni vyatītānyanuśocasi // (159.2) Par.?

anyāni nau bhaviṣyanti sarvaṃ jīvadbhir āpyate / (160.1) Par.?

iti tadvākśareṇāhaṃ hṛdi viddhā vyacintayam // (160.2) Par.?

dhig aho puruṣāḥ pāpā bālāpatyeṣv apīdṛśāḥ / (161.1) Par.?

niḥsnehā niṣkṛpāścaiva strīṣu bhaktimatīṣvapi // (161.2) Par.?

tanme kimamunā patyā kiṃ vā dehena duḥkhinā / (162.1) Par.?

ity ālocya haraṃ natvā kṛtvā bhaktyā ca taṃ hṛdi // (162.2) Par.?

tatraiva puratas tasya patyur haṃsasya paśyataḥ / (163.1) Par.?

jātismarā rājaputrī bhūyāsaṃ jananāntare // (163.2) Par.?

iti saṃkalpya tatkṣiptaṃ śarīraṃ jaladhau mayā / (164.1) Par.?

tato 'haṃ sakhi jātādya tathābhūteha janmani // (164.2) Par.?

pūrvajātau ca tasyāṃ tāṃ bhartus tasya nṛśaṃsatām / (165.1) Par.?

saṃsmarantyā na kasmiṃścidvare rajyati me manaḥ // (165.2) Par.?

ato vivāhaṃ necchāmi daivāyattamataḥ param / (166.1) Par.?

ity uktaṃ rājasutayā matsutāyai tayā rahaḥ // (166.2) Par.?

tayā matsutayāpyetan mahyam āgatya varṇitam / (167.1) Par.?

tadevaṃ te mayā khyātaṃ putra yatpṛṣṭavānasi // (167.2) Par.?

tavaiva bhāvinī bhāryā nūnaṃ caiṣā nṛpātmajā / (168.1) Par.?

sarvavidyādharāṇāṃ hi bhaviṣyaccakravartinaḥ // (168.2) Par.?

mahiṣīyaṃ samādiṣṭā pūrvaṃ devena śaṃbhunā / (169.1) Par.?

tallakṣaṇaiś ca yuktaṃ tvāṃ paśyāmi tilakādibhiḥ // (169.2) Par.?

kiṃ svit tadartham ānītaḥ ko'pi tvam iha vedhasā / (170.1) Par.?

uttiṣṭha tāvan madgehe drakṣyāmaḥ kiṃ bhaviṣyati // (170.2) Par.?

ity uktvopahṛtāhāro vṛddhayātra tayā niśām / (171.1) Par.?

naravāhanadattastām anaiṣīdgomukhānvitaḥ // (171.2) Par.?

prātaḥ saṃmantrya kāryaṃ ca gomukhena samaṃ rahaḥ / (172.1) Par.?

mahāvratikaveṣaṃ ca kṛtvā vatseśvarātmajaḥ // (172.2) Par.?

taddvitīyo 'tra hā haṃsi hā haṃsīti vadanmuhuḥ / (173.1) Par.?

gatvā rājakuladvāri babhrāma janatekṣitaḥ // (173.2) Par.?

tathābhūtaṃ ca taṃ dṛṣṭvā tatra gatvaiva ceṭikāḥ / (174.1) Par.?

karpūrikāṃ rājasutāṃ tām avocan savismayāḥ // (174.2) Par.?

siṃhadvāre yuvā devi dṛṣṭo 'smābhir mahāvratī / (175.1) Par.?

sadvitīyo 'pi yo dhatte saundaryeṇādvitīyatām // (175.2) Par.?

nārījanamahāmohadāyinaṃ mantramadbhutam / (176.1) Par.?

uccārayati hā haṃsi hā haṃsīti divāniśam // (176.2) Par.?

tac chrutvā pūrvahaṃsī sā rājaputrī sakautukā / (177.1) Par.?

ānāyayattametābhistadrūpaṃ pārśvamātmanaḥ // (177.2) Par.?

dadarśa caitamuddāmarūpālaṃkṛtabhūmikam / (178.1) Par.?

śaṃkarārādhanopāttavrataṃ navam iva smaram // (178.2) Par.?

nijagāda ca paśyantī vismayotphullayā dṛśā / (179.1) Par.?

kimetadeva hā haṃsi hā haṃsītyucyate tvayā // (179.2) Par.?

evaṃ tayokte 'pi tadā hā haṃsītyeva so 'bravīt / (180.1) Par.?

tataḥ sahasthitas tasya gomukhaḥ pratyuvāca tam // (180.2) Par.?

ahaṃ te kathayāmyetac chṛṇu devi samāsataḥ / (181.1) Par.?

pūrvajanmani haṃso 'yamabhavatkarmayogataḥ // (181.2) Par.?

tatraiṣa jaladhestīre mahataḥ sarasastaṭe / (182.1) Par.?

kṛtālayaḥ samaṃ haṃsyā tasthau candanapādape // (182.2) Par.?

tasmin daivādapatyeṣu samudrormihṛteṣu sā / (183.1) Par.?

etasya haṃsī śokārtā tatraivātmānamakṣipat // (183.2) Par.?

tato 'sau tadviyogārtaḥ pakṣijātau viraktimān / (184.1) Par.?

tyaktukāmaḥ śarīraṃ tatsaṃkalpamakaroddhṛdi // (184.2) Par.?

jātismaro 'haṃ bhūyāsaṃ rājaputro 'nyajanmani / (185.1) Par.?

eṣā ca tatra me bhāryā bhūyājjātismarā satī // (185.2) Par.?

iti saṃkalpya taṃ dehaṃ tadā saṃsmṛtya śaṃkaram / (186.1) Par.?

virahānalasaṃtaptaḥ samudrāmbhasyapātayat // (186.2) Par.?

tato 'yaṃ vatsarājasya kauśāmbyāṃ tanayo 'dhunā / (187.1) Par.?

naravāhanadattākhyo jāto jātismaraḥ śubhe // (187.2) Par.?

asau vidyādharendrāṇāṃ cakravartī bhaviṣyati / (188.1) Par.?

iti vāgudabhūd divyā jātasyāsya sphuṭaṃ tadā // (188.2) Par.?

krameṇa yauvarājyasthaḥ pitrāyaṃ pariṇāyitaḥ / (189.1) Par.?

divyāṃ kāraṇasambhūtāṃ devīṃ madanamañcukām // (189.2) Par.?

tato hemaprabhākhyasya vidyādharapateḥ sutā / (190.1) Par.?

etya svayaṃ vṛtavatī kanyā ratnaprabhetyamum // (190.2) Par.?

tathāpi tāṃ smaran haṃsīṃ nāyaṃ bhajati nirvṛtim / (191.1) Par.?

etac ca bālabhṛtyāya mahyam etena varṇitam // (191.2) Par.?

athāsya mṛgayāyātasyāsīt saṃdarśanaṃ vane / (192.1) Par.?

kayāpi siddhatāpasyā maddvitīyasya daivataḥ // (192.2) Par.?

kathāprasaṅgāt sā caitam evaṃ sānugrahābravīt / (193.1) Par.?

karmayogāt purā putra kāmo haṃsatvam āgataḥ // (193.2) Par.?

tasya cāmbudhitīrasthacandanadrumavāsinaḥ / (194.1) Par.?

priyā bhāryābhavaddhaṃsī divyastrī śāpataścyutā // (194.2) Par.?

velājalahṛtāpatyaśokāttasyāṃ ca vāridhau / (195.1) Par.?

kṣiptātmani sa haṃso 'pi tatraivātmānamakṣipat // (195.2) Par.?

so 'dya śaṃbhoḥ prasādāttvaṃ jāto vatseśvarātmajaḥ / (196.1) Par.?

pūrvajātiṃ ca tāṃ vatsa vetsi jātismaro hy asi // (196.2) Par.?

sā haṃsyapyevamevābdheḥ pāre karpūrasaṃbhave / (197.1) Par.?

pure karpūrikā nāma jātā rājasutādhunā // (197.2) Par.?

tadgaccha tatra putra tvaṃ priyāṃ bhāryāmavāpsyasi / (198.1) Par.?

ity uktvā sā khamutpatya tiro 'bhūtsiddhatāpasī // (198.2) Par.?

ayaṃ cāsmatprabhurjñātapravṛttistatkṣaṇaṃ tataḥ / (199.1) Par.?

ito 'bhimukhamāgantuṃ prāvartata mayā saha // (199.2) Par.?

tvatsnehākṛṣyamāṇaś ca paṇīkṛtya svajīvitam / (200.1) Par.?

uttīrya kāntāraśataṃ prāpa deśo 'mbudhestaṭam // (200.2) Par.?

tatra hemapurastho 'smai takṣā rājyadharābhidhaḥ / (201.1) Par.?

maddvitīyāya militaḥ prādād yantravimānakam // (201.2) Par.?

tasminn āruhya bhayade hā mūrta iva sāhase / (202.1) Par.?

abdhikāntāramullaṅghya prāptāvāvāmidaṃ puram // (202.2) Par.?

etadarthamasāvevaṃ hā haṃsīti vadanniha / (203.1) Par.?

bhrānto devi mama svāmī yāvatprāptastvadantike // (203.2) Par.?

idānīṃ tvanmukhodārarākāramaṇadarśanāt / (204.1) Par.?

asaṃkhyaduḥkhasāṃnidhyatamo'pahnutim aśnute // (204.2) Par.?

mahātithim // (205) Par.?

taddṛṣṭinīlanalinasrajārcaya evaṃ vaco viracitaṃ gomukhasya niśamya sā / (206.1) Par.?

saṃvādapratyayātsatyaṃ mene karpūrikā tadā // (206.2) Par.?

aho mayyāryaputrasya sneho 'muṣya mudhaiva me / (207.1) Par.?

viraktatābhūd ity antaḥ premārdrā vimamarśa ca // (207.2) Par.?

uvāca cāhaṃ satyaṃ sā haṃsī dhanyā ca yatkṛte / (208.1) Par.?

evaṃ janmadvaye kleśamāryaputro 'nubhūtavān // (208.2) Par.?

tadahaṃ vo 'dhunā dāsī premakrīteti vādinī / (209.1) Par.?

naravāhanadattaṃ taṃ snānādyaiḥ samamānayat // (209.2) Par.?

tataḥ parīvāramukhenaitat sarvam abodhayat / (210.1) Par.?

pitaraṃ svaṃ sa copāgāt tad buddhvaiva tadantikam // (210.2) Par.?

tatrotpannavivāhecchāṃ sutām tāṃ tadvaraṃ tathā / (211.1) Par.?

naravāhanadattaṃ taṃ samprāptam ucitaṃ cirāt // (211.2) Par.?

vidyādharamahācakravartilakṣaṇalāñchitam / (212.1) Par.?

dṛṣṭvā kṛtārthamātmānaṃ so 'manyata tadā nṛpaḥ // (212.2) Par.?

pradadau cātmajām etāṃ tasmai karpūrikāṃ tataḥ / (213.1) Par.?

naravāhanadattāya yathāvidhi sa sādaram // (213.2) Par.?

adādasmai ca jāmātre prativahnipradakṣiṇam / (214.1) Par.?

koṭīstisraḥ suvarṇasya karpūrasya ca tāvatīḥ // (214.2) Par.?

yadrāśayo babhus tatra śobhāṃ draṣṭum ivāgatāḥ / (215.1) Par.?

girijodvāhadṛśvāno merukailāsasānavaḥ // (215.2) Par.?

punastadvastrakoṭīś ca daśa dāsīśatatrayam / (216.1) Par.?

svalaṃkṛtaṃ dadau so 'smai kṛtī karpūrako nṛpaḥ // (216.2) Par.?

tatas tasthau kṛtodvāhaḥ sa karpūrikayā tayā / (217.1) Par.?

naravāhanadatto 'tra samaṃ prītyeva mūrtayā // (217.2) Par.?

kasya nābhūn manaḥprītyai sa vadhūvarayostayoḥ / (218.1) Par.?

saṃgamo mādhavīvallīvasantotsavayor iva // (218.2) Par.?

ehi vrajāvaḥ kauśāmbīmityanyedyuś ca so 'bravīt / (219.1) Par.?

naravāhanadattastāṃ kṛtī karpūrikāṃ priyām // (219.2) Par.?

tataḥ pratyabravītsā taṃ yadyevaṃ tatkhagāminā / (220.1) Par.?

tenaiva tvadvimānena vrajāmastvaritaṃ na kim // (220.2) Par.?

taccetsvalpaṃ tadaparaṃ vistīrṇaṃ ḍhaukayāmy aham / (221.1) Par.?

iha prāṇadharākhyo hi takṣā yantravimānakṛt // (221.2) Par.?

āste deśāntarāyātastacchīghraṃ kārayāmyadaḥ / (222.1) Par.?

ity uktvā sā pratīhāramānāyya kṣatturādiśat // (222.2) Par.?

gatvā taṃ yantratakṣāṇaṃ vada prāṇadharaṃ mahat / (223.1) Par.?

vyomagāmi vimānaṃ naḥ prasthānāyopakalpaya // (223.2) Par.?

evaṃ visṛjya kṣattāraṃ rājñe karpūrikātha sā / (224.1) Par.?

ceṭīmukhena pitre tāṃ prasthānecchāṃ nyavedayat // (224.2) Par.?

sa ca buddhvaiva tad yāvad āyāty atraiva bhūpatiḥ / (225.1) Par.?

naravāhanadatto 'ntastāvadevam acintayat // (225.2) Par.?

takṣā rājyadharabhrātā so 'yaṃ prāṇadharo dhruvam / (226.1) Par.?

rājabhītyā svadeśādyo vidrutas tena varṇitaḥ // (226.2) Par.?

ity asmiṃścintayatyeva rājñi ca kṣipram āgate / (227.1) Par.?

āgāt pratīhārayutastakṣā prāṇadharo 'tra saḥ // (227.2) Par.?

vyajijñapac ca sumahadvimānaṃ kṛtamasti me / (228.1) Par.?

yanmānuṣasahasrāṇi vahaty adyāvahelayā // (228.2) Par.?

ity uktavantaṃ takṣāṇaṃ sādhvity uktvābhipūjya ca / (229.1) Par.?

naravāhanadatto 'tha taṃ papraccha sa sādaram // (229.2) Par.?

kaccid rājyadharasya tvaṃ bhrātā prāṇadharo 'grajaḥ / (230.1) Par.?

nānāyantraprayogāṇāṃ vettā sumahatām api // (230.2) Par.?

sa eva tasya bhrātāhaṃ devo vetti tu nau kutaḥ / (231.1) Par.?

iti prāṇadharaḥ so 'pi praṇataḥ pratyuvāca tam // (231.2) Par.?

tato yathā rājyadhareṇoktaṃ dṛṣṭo yathā ca saḥ / (232.1) Par.?

naravāhanadattas tat tathā tasmai śaśaṃsa saḥ // (232.2) Par.?

atha tena mudā prāṇadhareṇa samupāhṛte / (233.1) Par.?

mahāvimāne 'numataḥ śvaśureṇātra bhūbhujā // (233.2) Par.?

tam āmantrya samāropya dāsīkarpūrakāñcanam / (234.1) Par.?

tena rājavisṛṣṭena saha prāṇadhareṇa saḥ // (234.2) Par.?

tena ca kṣattṛmukhyena śvaśrūracitamaṅgalaḥ / (235.1) Par.?

karpūrikāṃ rājaputrīṃ navāmādāya tāṃ vadhūm // (235.2) Par.?

dattadāno dvijātibhyaḥ sadvastranicayaiśca taiḥ / (236.1) Par.?

naravāhanadatto 'sāvāruroha sagomukhaḥ // (236.2) Par.?

pūrvamabdhestaṭaṃ tāvadyāmo rājyadharāntikam / (237.1) Par.?

tato gṛham iti prāṇadharaṃ taṃ nijagāda saḥ // (237.2) Par.?

tatas tenāhatenāśu vimānenotpapāta saḥ / (238.1) Par.?

nabho manoratheneva pūrṇena saparigrahaḥ // (238.2) Par.?

kṣaṇād uttīrya jaladhiṃ punastattīravarti ca / (239.1) Par.?

prāpa hemapuraṃ dhāma tasya rājyadharasya tat // (239.2) Par.?

tatra rājyadharaṃ prahvaṃ prahṛṣṭaṃ bhrātṛdarśanāt / (240.1) Par.?

dāsībhis tam adāsīkaṃ saṃvibheje ca sotsavam // (240.2) Par.?

āpṛcchya ca tamudbāṣpaṃ katham apy ujjhitāgrajam / (241.1) Par.?

yayau tenaiva kauśāmbīṃ vimānena tadaiva saḥ // (241.2) Par.?

tatrāmbarād aśaṅkitam avatīrṇaṃ varavimānavahanaṃ tam / (242.1) Par.?

sānucaraṃ navavadhvā yuktaṃ dṛṣṭvā visismiye janatā // (242.2) Par.?

paurotsāhaiḥ prakaṭaṃ putraṃ buddhvā pitāsya vatseśaḥ / (243.1) Par.?

prīto niragādagre devīsacivasnuṣādibhiḥ sahitaḥ // (243.2) Par.?

dṛṣṭvā vimānavāhanasūcitabhavitavyakhacarasāmrājyam / (244.1) Par.?

taṃ so 'bhinandata sutaṃ rājā caraṇānataṃ vadhūsahitam // (244.2) Par.?

mātā vāsavadattā padmāvatyā samaṃ tamāśliṣya / (245.1) Par.?

vigalitam iva tadadarśanaduḥkhagranthiṃ jahau bāṣpam // (245.2) Par.?

ratnaprabhā ca bhāryā sānandā madanamañcukā ca tadā / (246.1) Par.?

tasya premahaterṣye caraṇau hṛdayaṃ ca jagṛhatustulyam // (246.2) Par.?

yaugandharāyaṇādīn pitṛsacivānsvāṃś ca so 'tha nṛpasūnuḥ / (247.1) Par.?

marubhūtimukhān praṇatān anandayat kṛtayathārthasatkāraḥ // (247.2) Par.?

sarve ca te vibhūṣitasudaśārhakulena jaladhim ākramya / (248.1) Par.?

samupāhṛtāṃ svapatinā vyaktaṃ sodaryamūrtim amṛtasya // (248.2) Par.?

ajarāṅganāśatayutām āyātāṃ śriyamivābhyanandaṃstām / (249.1) Par.?

karpūrikāṃ navavadhūṃ vatseśādyā yathocitāvanatām // (249.2) Par.?

tasyāś ca paitṛkaṃ taṃ vatseśo 'pūjayatpratīhāram / (250.1) Par.?

arpitavimānavāhitakāñcanakarpūravastrakoṭicayam // (250.2) Par.?

ākhyātaṃ naravāhanadattena tato vimānakartāram / (251.1) Par.?

upakāriṇaṃ sa rājā prāṇadharaṃ tam api mānayāmāsa // (251.2) Par.?

kathameṣā rājasutā samprāptā katham itaś ca yātau svaḥ / (252.1) Par.?

iti papraccha saharṣaḥ saṃmānya sa gomukhaṃ nṛpatiḥ // (252.2) Par.?

atha mṛgayāvanagamanātprabhṛti yathā darśanaṃ tapasvinyāḥ / (253.1) Par.?

rājyadharasamāsāditavimānayuktyā yathā ca tīrṇo 'bdhiḥ // (253.2) Par.?

karpūrikā vivāhe vimukhāpi ca saṃmukhī yathā vihitā / (254.1) Par.?

prāṇadharalābhalabdhenāgamanaṃ prāgyathā vimānena // (254.2) Par.?

yuktyaikānte sa tathā tadaśeṣaṃ gomukho yathāvṛttam / (255.1) Par.?

kathayāṃcakāra tasmai sadārasacivāya vatsarājāya // (255.2) Par.?

kvākheṭaḥ kva ca tāpasī kva ca tathodanvattaṭe yantravit takṣā rājyadharas tadīyavahanenollaṅghanaṃ kvāmbudheḥ / (256.1) Par.?

tatpāre ca vimānakarturaparasyāsya kva pūrvaṃ gatir bhavyānāṃ śubhasiddhyupāyaracanācintāṃ vidhatte vidhiḥ // (256.2) Par.?

iti tair nikhilaiḥ savismayapramadākampitamastakais tataḥ / (257.1) Par.?

jagade vidadhe ca gomukhe prabhubhaktistutir atra sādaraiḥ // (257.2) Par.?

ratnaprabhāṃ ca rājñīṃ pativratādharmajanitaparitoṣām / (258.1) Par.?

praśaśaṃsuste bhartur nijavidyāvihitapatharakṣām // (258.2) Par.?

atha naravāhanadatto vinītagaganāṅgaṇāgamanakhedaḥ / (259.1) Par.?

sa viveśa rājadhānīṃ pitṛbhirbhāryādibhiś ca samam // (259.2) Par.?

tatropāgatamānitabandhusuhṛtsvarṇakūṭabhṛtakoṣaḥ / (260.1) Par.?

vasubhis tau pūritavān prāṇadharaśvāśurapratīhārau // (260.2) Par.?

bhuktottaraṃ ca sapadi prāṇadharastaṃ vyajijñapatpraṇataḥ / (261.1) Par.?

devāvayoḥ kilaivaṃ karpūrakabhūbhṛtā samādiṣṭam // (261.2) Par.?

āgantavyaṃ tvaritaṃ madduhitari bhartṛbhavanamāptāyām / (262.1) Par.?

yenāhaṃ jānīyāṃ samprāptām atra śīghram iti // (262.2) Par.?

tadgantavyaṃ niścitamāvābhyāṃ deva caturam adhunaiva / (263.1) Par.?

dāpaya karpūrikayā rājño lekhaṃ svahastalikhitaṃ nau // (263.2) Par.?

na hi tasya sutāsnigdhaṃ hṛdayaṃ rājño 'nyathā samāśvasiti / (264.1) Par.?

sa hy ārūḍhavimāno na jātucicchaṅkate prapātamataḥ // (264.2) Par.?

tallekhadānapūrvaṃ saṃprati sahitaṃ mayā pradhānam imam / (265.1) Par.?

anujānīhi vimānaprasthānapronmukhaṃ pratīhāram // (265.2) Par.?

ahamādāya kuṭumbakameṣyāmi punastvihaiva yuvarāja / (266.1) Par.?

śakṣyāmi nāmṛtamayaṃ caraṇāmbhojadvayaṃ tava tyaktum // (266.2) Par.?

iti tena sudṛḍhamukte prāṇadhareṇaiṣa vatsarājasutaḥ / (267.1) Par.?

lekhasya lekhane tāṃ nyayuṅkta karpūrikāṃ tadaiva vadhūm // (267.2) Par.?

tāta na cintā mayi te kāryā sadbhartṛsaukhyasadanajuṣi / (268.1) Par.?

kiṃ hi mahābdheḥ kamalā cintāspadam āśritottamaṃ puruṣam // (268.2) Par.?

iti ca svahastalikhite karpūrikayā tayārpite lekhe / (269.1) Par.?

kṣattṛprāṇadharau tau vatseśasuto 'rcitau sa visasarja // (269.2) Par.?

tau cāruhya vimānaṃ gaganagatī jātavismayaiḥ sarvaiḥ / (270.1) Par.?

dṛṣṭau tīrtvā jaladhiṃ yayatuḥ karpūrasaṃbhavaṃ nagaram // (270.2) Par.?

tatra sutāṃ patisadanaprāptāṃ saṃśrāvya dattalekhau tau / (271.1) Par.?

ānandayāṃbabhūvaturatha taṃ karpūrakaṃ narādhipatim // (271.2) Par.?

anyedyuranujñāpya prāṇadharastaṃ nṛpaṃ sa sakuṭumbaḥ / (272.1) Par.?

saṃbhāvitarājyadharo naravāhanadattapārśvamevāgāt // (272.2) Par.?

so 'trāgatāya sadyaḥ kṛtakāryāyātmamandirasamīpe / (273.1) Par.?

naravāhanadatto 'smai pradadau vasatiṃ ca jīvanaṃ ca mahat // (273.2) Par.?

cikrīḍa ca tadvihitairavarodhasakho vimānakair vicaran / (274.1) Par.?

abhyasyad iva bhaviṣyadvidyādharacakravartigaganagatim // (274.2) Par.?

ity atra nanditasuhṛtsvajanāvarodho vatseśvarasya tanayo 'tha sa tānyahāni / (275.1) Par.?

ratnaprabhāmadanamañcukayostṛtīyāṃ karpūrikāṃ samadhigamya sukhaṃ nināya // (275.2) Par.?

Duration=4.3602011203766 secs.