Texts

Help

Select a text:
Bibliography
Select a chapter:
 (no revisions)
Associated topic(s): Budha, Mercury, worship

Show parallels  Show headlines
Use dependency labeler
Chapter id: 8392
  • Click on a sentence to show its analysis
  • Keep the mouse pointer over a lemma to show its meanings.
brahmovāca / (1.1) Par.?
naktāśī tvaṣṭamīṃ yāvadvarṣānte caiva dhenudaḥ / (1.2) Par.?
paurandarapadaṃ yāti sadgativratamucyate // (1.3) Par.?
śuklāṣṭamyāṃ pauṣamāse mahārudreti sādhu vai / (2.1) Par.?
matprītaye kṛtaṃ devi śatasāhasrikaṃ phalam // (2.2) Par.?
aṣṭamī budhavāreṇa pakṣayorubhayoryadā / (3.1) Par.?
bhaviṣyati tadā tasyāṃ vratametatkathā parā // (3.2) Par.?
tasyāṃ niyamakartāro na syuḥ khaṇḍitasampadaḥ / (4.1) Par.?
taṇḍulasyāṣṭamuṣṭīnāṃ varjayitvāṅgulidvayam // (4.2) Par.?
bhaktaṃ sadbhaktiśraddhābhyāṃ muktikāmī hi mānavaḥ / (5.1) Par.?
āmraṃ patrapuṭe kṛtvā yo bhuṅkte kuśaveṣṭite // (5.2) Par.?
kalambikāmlikopetaṃ kāmyaṃ tasya phalaṃ bhavet / (6.1) Par.?
budhaṃ pañcopacāreṇa pūjayitvā jalāśaye // (6.2) Par.?
śaktito dakṣiṇaṃ dadyātkarkarīṃ taṇḍulānvitām / (7.1) Par.?
buṃ budhāyeti bījaṃ syātsvāhāntaḥ kamalādikaḥ // (7.2) Par.?
bāṇacāpadharaṃ śyāmaṃ dale cāṅgāni madhyataḥ / (8.1) Par.?
budhāṣṭamīkathā puṇyā śrotavyā kṛtibhirdhruvam // (8.2) Par.?
pure pāṭaliputrākhye vīro nāma dvijottamaḥ / (9.1) Par.?
rambhā bhāryā tasya cāsītkauśikaḥ putra uttamaḥ // (9.2) Par.?
duhitā vijayānāmnī vanapālo vṛṣo 'bhavat / (10.1) Par.?
gṛhītvā kauśikastaṃ ca grīṣme gaṅgāṃ gato 'ramat // (10.2) Par.?
gopālakairvṛṣaścauraiḥ krīḍāstho 'pahṛto balāt / (11.1) Par.?
gaṅgātaḥ sa ca utthāya vanaṃ babhrāma duḥkhitaḥ // (11.2) Par.?
jalārthaṃ vijayā cāgādbhrātrā sārdhaṃ ca sāpyagāt / (12.1) Par.?
pipāsito mṛṇālārtho āgato 'tha sarovaram // (12.2) Par.?
divyastrīṇāṃ ca pūjādīndṛṣṭvā cāpyatha vismitaḥ / (13.1) Par.?
sa tā gatvā yayāce 'nnaṃ sānujo 'haṃ bubhukṣitaḥ // (13.2) Par.?
striyo 'bruvanvrataṃ kartuṃ dāsyāmaśca kuru vratam / (14.1) Par.?
patnyarthaṃ dhanapānārthaṃ pūjayāmāsaturbudham // (14.2) Par.?
puṭadvayaṃ gṛhītvānnaṃ bubhujāte pradattakam / (15.1) Par.?
striyo gatāstau dhanadau dhanapānamapaśyatām // (15.2) Par.?
caurairdattaṃ gṛhītvātha pradoṣe prāptavān gṛham / (16.1) Par.?
vīraṃ ca duḥkhitaṃ natvā rātrau supto yathāsukham // (16.2) Par.?
kanyāṃ ca yuvatīṃ dṛṣṭvā kasmai deyā sutā mayā / (17.1) Par.?
yamāyetyabravīdduḥkhāt sācārād vratasatphalāt // (17.2) Par.?
svargaṃ gatau ca pitarau vrataṃ rājyāya kauśikaḥ / (18.1) Par.?
cakre 'yodhyāmahārājyaṃ dattvā ca bhaginīṃ yame // (18.2) Par.?
yamo 'pi vijayāmāha gṛhasthā bhava me pure / (19.1) Par.?
nodghāṭayāny atra gate yame sā na tathākarot / (19.2) Par.?
apaśyanmātaraṃ svāṃ sā pāśayātanayā sthitām // (19.3) Par.?
athodvignā kośikoktaṃ jñātvā muktipradaṃ vratam / (20.1) Par.?
cakre ca sā tato muktā mātā tasmāccaredvratam // (20.2) Par.?
vratapuṇyaprabhāveṇa svargaṃ gatvāvasatsukham // (21.1) Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe budhāṣṭamīvratanirūpaṇaṃ nāma dvātriṃśaduttaraśatatamo 'dhyāyaḥ // (22.1) Par.?
Duration=1.0522019863129 secs.