Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9049
  • Click on a sentence to show its analysis
  • Keep the mouse pointer over a lemma to show its meanings.
athāparasmindivase prabhāvatī śukaṃ prāha / (1.1) Par.?
śuka sa matsyahāsyavyatikaro rājñā jñāto na veti / (1.2) Par.?
śuka āha nṛpaḥ ślokārthamajānanna nidrāṃ lebhe / (1.3) Par.?
uktaṃ ca / (1.4) Par.?
nidrā bhadre kutasteṣāṃ ye ṛṇavyādhipīḍitāḥ / (1.5) Par.?
avidheyakalatrāśca ye cānye kṛtavairiṇaḥ // (1.6) Par.?
rājā nidrābhāve kaṣṭena niśāṃ nītvā prātarbālapaṇḍitāmākārya prāha bālike ślokārtho na jñāto mayā / (2.1) Par.?
tasmānmatsyahāsyakāraṇe nivedaya / (2.2) Par.?
sā āha rājanmāṃ mā pṛccha / (2.3) Par.?
yataḥ / (2.4) Par.?
paścāttāpo 'tra bhavitā bhāryāyā vaṇijo yathā / (2.5) Par.?
āgraheṇa kṛtaḥ patyau maṇḍakāgamanaṃ prati // (2.6) Par.?
rājā kathametat / (3.1) Par.?
śukaḥ astyatra jayantī nāma nagarī / (3.2) Par.?
tatra vaṇiksutaḥ sumatirnāma tasya priyā padminī nāma / (3.3) Par.?
tasya ca vaṇijaḥ puṇyakṣayāddhanaṃ kṣīṇam / (3.4) Par.?
sa ca janaiḥ parityaktaḥ / (3.5) Par.?
yato jano dhanamitraḥ / (3.6) Par.?
uktaṃ ca / (3.7) Par.?
yasyārthāstasya mitrāṇi yasyārthāstasya bāndhavāḥ / (3.8) Par.?
yasyārthāḥ sa pumāṃlloke yasyārthāḥ sa ca paṇḍitaḥ // (3.9) Par.?
tathā ca bhārate / (4.1) Par.?
jīvanto 'pi mṛtāḥ pañca śrūyante kila bhārata / (4.2) Par.?
daridro vyādhito mūrkhaḥ pravāsī nityasevakaḥ // (4.3) Par.?
tathā ca / (5.1) Par.?
iha loke hi dhanināṃ paro 'pi svajanāyate / (5.2) Par.?
svajano 'pi daridrāṇāṃ tatkṣaṇāddurjanāyate // (5.3) Par.?
so 'pi ca tṛṇakāṣṭhādikamānīya purīmadhye vikrīṇāti / (6.1) Par.?
anyadā anena tṛṇakāṣṭhādikaṃ kimapi vane na prāptam / (6.2) Par.?
dṛḍhakāṣṭhamayo 'pi vighnavināyakaḥ prāptaḥ / (6.3) Par.?
tataścintitaṃ kimasau mama vidhāsyati uktaṃ ca / (6.4) Par.?
bubhukṣitaḥ kiṃ na karoti pāpaṃ kṣīṇā narā niṣkaruṇā bhavanti / (6.5) Par.?
prāṇārthamete hi samācaranti mataṃ satāṃ yanna mataṃ tadeṣām // (6.6) Par.?
yāvatsa tasya vināyakasya pāṭanāyottiṣṭhati tāvattuṣṭaḥ san jagāda ahaṃ tava pratidinaṃ pañca pañca maṇḍakāndāsye khaṇḍaghṛtayutān / (7.1) Par.?
mamālaye prātaryāyāḥ / (7.2) Par.?
paraṃ kasyāpi idaṃ rahasyaṃ na kathanīyam / (7.3) Par.?
kathite tu madvaco vitathaṃ bhaviṣyati / (7.4) Par.?
so 'pi ca tatheti pratipādya nityaṃ maṇḍakapañcakaṃ bhāryāyā arpayati / (7.5) Par.?
taddaivaṃ maṇḍakapañcakaṃ ghṛtakhaṇḍayuktamādāya tadbhāryā nijakuṭumbaṃ tṛptīkaroti / (7.6) Par.?
nityaṃ ca tānmaṇḍakān gotriṇāṃ gṛhe vāhayāmāsa / (7.7) Par.?
nijasakhyā mandodaryāstṛptyarthaṃ nityaṃ prāhiṇot / (7.8) Par.?
anyadā sā sakhī tāṃ papraccha / (7.9) Par.?
padminyapi maṇḍakāgamanamidaṃ na jānāti / (7.10) Par.?
tatastasyāḥ purā sā sakhī kapaṭādbrūte sakhi yadi tvaṃ mama purato guhyaṃ na kathayasi tatkaḥ snehaḥ / (7.11) Par.?
uktaṃ ca / (7.12) Par.?
dadāti pratigṛhṇāni guhyamākhyāti pṛcchati / (7.13) Par.?
bhuṅkte bhojayate caiva ṣaḍvidhaṃ prītilakṣaṇam // (7.14) Par.?
tataḥ padminyāha madīyaḥ patiridaṃ guhyaṃ mamāgre kathamapi na brūte mayā śataśaḥ pṛṣṭo 'pi / (8.1) Par.?
tayoktaṃ tarhi tvadīyaṃ jīvitaṃ rūpaṃ yauvanaṃ savamapi nirarthakameva yadidaṃ nājñāyi / (8.2) Par.?
tataḥ padminī patiṃ pṛcchati kathaṃ maṇḍakaprāptiḥ patirāha vidheḥ prasādāt / (8.3) Par.?
uktaṃ ca / (8.4) Par.?
dvīpādanyasmādapi madhyādapi jalanidherdiśo 'pyantāt / (8.5) Par.?
ānīya jhaṭiti ghaṭayati vidhirabhimatamabhimukhobhūtaḥ // (8.6) Par.?
kiñca / (9.1) Par.?
kṣutkṣāmasya karaṇḍapiṇḍitatanormlānendriyasya kṣudhā kṛtvākhurvivaraṃ svayaṃ nipatito naktaṃ mukhe bhoginaḥ / (9.2) Par.?
tṛptastatpiśitena satvaramasau tenaiva yātaḥ pathā svasthāstiṣṭhata daivameva hi nṛṇāṃ vṛddhau kṣaye kāraṇam // (9.3) Par.?
yadā na kathayati tadānaśanaṃ cakre / (10.1) Par.?
patirāha asminkathite mahatī hāniḥ paścāttāpaśca bhaviṣyati / (10.2) Par.?
evaṃ bodhitāpi sā yāvannāgrahaṃ muñcati tadā tena daivopahatacittena kathitam / (10.3) Par.?
uktaṃ ca / (10.4) Par.?
yasmai devāḥ prayacchanti puruṣāya parābhavam / (10.5) Par.?
buddhiṃ tasyāpakarṣanti na sa vetyātmano hitam // (10.6) Par.?
tena ca rājanvikramārkabuddhimuktena guhyaṃ kīrtitam / (11.1) Par.?
yato hīnapuṇyo buddhyā mucyate / (11.2) Par.?
uktaṃ ca / (11.3) Par.?
rāmo hemamṛgaṃ na vetti nahuṣo yāne yunakti dvijān viprādeva savatsadhenuharaṇe jātā matiścārjune / (11.4) Par.?
dyūte bhrātṛcatuṣṭayaṃ ca mahiṣīṃ dharmātmajo dattavān prāyaḥ satpuruṣo 'pyanarthasamaye buddhyā parityajyate // (11.5) Par.?
sā ca patimukhāt śrutvā sakhīpurī jagāda / (12) Par.?
tayā cātmapatiḥ kuṭhārahastaḥ preṣito vināyakapārśve / (12) Par.?
so 'pi padminīpatiśca prātastatra jagāma / (12) Par.?
vināyako 'pi dvāvapi mayūrabandhairbandhayāmāsa / (12) Par.?
so 'pi ca padminīpatiruktaḥ re tvadīya evāyamanarthaḥ / (12) Par.?
tatastvayyeva daṇḍo yujyate / (12) Par.?
tataḥ sakhīpatiryayāce / (12) Par.?
tānpañca maṇḍakāntasmai sa pradadau / (12) Par.?
tau dvāvapi svaṃ svaṃ gṛhaṃ jagmatuḥ / (12) Par.?
tataḥ patyā dāpitāḥ / (12) Par.?
paścāttāpaṃ ca kurute / (12) Par.?
tatastvamapi rājendra māṃ mā pṛccha / (12) Par.?
tava paścāttāpo bhaviṣyati / (12) Par.?
idaṃ ślokaṃ svayameva vicintaya / (12) Par.?
iti kathayitvā bālapaṇḍitā utthāya svagṛhaṃ gatā / (12) Par.?
iti kathāṃ śrutvā prabhāvatī suptā // (12) Par.?
Duration=0.24809408187866 secs.