Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17617

Click on a sentence to show its analysis
Keep the mouse pointer over a lemma to show its meanings.

atha tatraikadāsthānasthite candraprabhe nṛpe / (1.1) Par.?

sūryaprabhe ca tatrasthe samagrasacivānvite // (1.2) Par.?

siddhārthodīritakathāprasaṅgena maye smṛte / (2.1) Par.?

akasmād atra vasudhā sabhāmadhye vyadīryata // (2.2) Par.?

tato bhūvivarād ādau saśabdaḥ surabhir marut / (3.1) Par.?

āvirāsīt tataḥ paścād ujjagāma mayāsuraḥ // (3.2) Par.?

kṛṣṇonnataśiraḥśṛṅgajvalatkeśamahauṣadhiḥ / (4.1) Par.?

raktāmbarocchaladdhātur niśāyām iva parvataḥ // (4.2) Par.?

yathārhakṛtapūjaś ca rājñā candraprabheṇa saḥ / (5.1) Par.?

ratnāsanopaviṣṭaḥ san dānavendro 'bhyabhāṣata // (5.2) Par.?

bhuktā bhogā ime bhaumā bhavadbhir adhunā ca vaḥ / (6.1) Par.?

kālo 'nyeṣāṃ tadudyoge matiṃ kuruta sāṃpratam // (6.2) Par.?

dūtān preṣyānayadhvaṃ svān nṛpān saṃbandhibāndhavān / (7.1) Par.?

tato vidyādharendreṇa miliṣyāmaḥ sumeruṇā // (7.2) Par.?

jeṣyāmaḥ śrutaśarmāṇaṃ prāpsyāmaḥ khacaraśriyam / (8.1) Par.?

sumeruś ca sahāyatve bandhubuddhyā sthito 'tra naḥ // (8.2) Par.?

rakṣeḥ sūryaprabhaṃ dadyās tvaṃ caitasmai nijāṃ sutām / (9.1) Par.?

ityādāv eva devena sa hy ādiṣṭaḥ pinākinā // (9.2) Par.?

evaṃ mayāsureṇokte prahastādīn sa khecarān / (10.1) Par.?

candraprabhaḥ prahitavān dūtān sarvamahībhṛtām // (10.2) Par.?

sūryaprabhaś ca vidyābhiḥ svabhāryāmantriṇo 'khilān / (11.1) Par.?

saṃvibheje mayādeśāt saṃvibhaktā na ye purā // (11.2) Par.?

tāvac cātra sthiteṣv eva prabhābhāsitadiṅmukhaḥ / (12.1) Par.?

avatīryāmbaratalān nārado munir āyayau // (12.2) Par.?

gṛhītārghopaviṣṭaś ca sa candraprabham abravīt / (13.1) Par.?

preṣito 'ham ihendreṇa tena coktam idaṃ tava // (13.2) Par.?

jñātaṃ mayā yad yuṣmābhir maheśvaranideśataḥ / (14.1) Par.?

mayāsurasakhaiḥ sūryaprabhasyājñānamohitaiḥ // (14.2) Par.?

asya martyaśarīrasya saṃsādhayitum iṣyate / (15.1) Par.?

sarvavidyādharādhīśacakravartipadaṃ mahat // (15.2) Par.?

tad ayuktaṃ yad asmābhir dattaṃ hi śrutaśarmaṇe / (16.1) Par.?

vidyādharakulābdhīndos tac ca tasya kramāgatam // (16.2) Par.?

asmākaṃ prātipakṣyeṇa dharmabādhena caiva yat / (17.1) Par.?

kurudhve tad vināśāya niścitaṃ vaḥ prakalpate // (17.2) Par.?

pūrvaṃ ca rudrayajñena yajamāno bhavān mayā / (18.1) Par.?

prāg yajasvāśvamedhenety ukte ca kṛtavān na tam // (18.2) Par.?

tad devān anapekṣyaiva rudrapratyāśayaikayā / (19.1) Par.?

yad ācaratha darpeṇa bhavatāṃ na śivāya tat // (19.2) Par.?

ity ukte śakrasaṃdeśe nāradena vihasya tam / (20.1) Par.?

mayo 'vādīn na sādhūktaṃ surendreṇa mahāmune // (20.2) Par.?

sūryaprabhasya martyatvaṃ yad vakti tad apārthakam / (21.1) Par.?

tad dāmodarasaṅgrāme na jñātaṃ tena tasya kim // (21.2) Par.?

martyā eva hi sattvāḍhyāḥ sarvasiddhyadhikāriṇaḥ / (22.1) Par.?

aindraṃ na sādhitaṃ pūrvaṃ padaṃ kiṃ nahuṣādibhiḥ // (22.2) Par.?

yac cāha dattam asmābhiḥ sāmrājyaṃ śrutaśarmaṇe / (23.1) Par.?

kramāgataṃ ca tat tasyety etad apy asamañjasam // (23.2) Par.?

dātā maheśvaro yatra prāmāṇyaṃ tatra kasya kim / (24.1) Par.?

jyeṣṭhāgataṃ hiraṇyākṣasyendratvaṃ ca kathaṃ hṛtam // (24.2) Par.?

yac cāparaṃ prātipakṣyam adharmaṃ cāha tan mṛṣā / (25.1) Par.?

sa eva hi haṭhāt svārthe prātipakṣyaṃ karoti naḥ // (25.2) Par.?

kaś cādharmo jigīṣāmo vayaṃ hi paripanthinam / (26.1) Par.?

na harāmo muner bhāryāṃ brahmahatyāṃ na kurmahe // (26.2) Par.?

yac cāśvamedhākaraṇaṃ devāvajñāṃ ca jalpati / (27.1) Par.?

tad asad rudrayajñe hi vihite 'nyaiḥ kim adhvaraiḥ // (27.2) Par.?

arcite devadeve ca śaṃbhau devo na ko 'rcitaḥ / (28.1) Par.?

yac cāhaikaiva rudrāsthā na śiveti tad apy asat // (28.2) Par.?

kiṃ tatra devanivahair anyair yatrodyato haraḥ / (29.1) Par.?

ravāv abhyudite 'nyāni kiṃ tejāṃsi cakāsati // (29.2) Par.?

tad etad devarājāya sarvaṃ vācyaṃ tvayā mune / (30.1) Par.?

vayaṃ ca prastutaṃ kurmaḥ sa yad vetti karotu tat // (30.2) Par.?

evaṃ mayāsureṇokto nāradarṣis tatheti tam / (31.1) Par.?

pratisaṃdeśam ādāya yayau surapatiṃ prati // (31.2) Par.?

gate tasmin munau so 'tra taṃ candraprabhabhūpatim / (32.1) Par.?

śakrasaṃdeśasāśaṅkam uvācaivaṃ mayāsuraḥ // (32.2) Par.?

na śakrād vo bhayaṃ kāryaṃ sa ca syāc chrutaśarmaṇaḥ / (33.1) Par.?

pakṣe devagaṇaiḥ sārdham asmaddveṣeṇa saṃyuge // (33.2) Par.?

tad asaṃkhyā mahārāja prahlādādhiṣṭhitā vayam / (34.1) Par.?

yuṣmatpakṣe sthitā eva sahitā daityadānavaiḥ // (34.2) Par.?

kṛtaprasāde cāsmākam udyukte tripurāntake / (35.1) Par.?

varākasyāparasyāsti kasya śaktir jagattraye // (35.2) Par.?

tad vīrāḥ kurutodyogaṃ kārye 'sminn ity udīrite / (36.1) Par.?

mayena hṛṣṭāḥ sarve te tat tathaiveti menire // (36.2) Par.?

atha dūtoktasaṃdeśāt sarve tatrāyayuḥ kramāt / (37.1) Par.?

nṛpā vīrabhaṭādyās te ye cānye mittrabāndhavāḥ // (37.2) Par.?

kṛtocitasaparyeṣu sasainyeṣv eṣu rājasu / (38.1) Par.?

punaś candraprabhaṃ bhūpam uvācaivaṃ mayāsuraḥ // (38.2) Par.?

kurudhvam adya rudrasya rātrau rājan mahābalim / (39.1) Par.?

tato yathāhaṃ vakṣyāmi tathā sarvaṃ vidhāsyatha // (39.2) Par.?

etan mayavacaḥ śrutvā rājā candraprabho 'tha saḥ / (40.1) Par.?

rudrasya balisaṃbhāraṃ kārayāmāsa tatkṣaṇam // (40.2) Par.?

tato gatvāṭavīṃ rātrau maye karmopadeṣṭari / (41.1) Par.?

candraprabhaḥ svayaṃ cakre baliṃ rudrasya bhaktitaḥ // (41.2) Par.?

homakarmapravṛtte ca rājñi tasminn aśaṅkitam / (42.1) Par.?

sākṣād āvirabhūt tatra nandī bhūtagaṇādhipaḥ // (42.2) Par.?

so 'rcito vidhivad rājñā prahṛṣṭenedam abravīt / (43.1) Par.?

manmukhenedam ādiṣṭaṃ svayaṃ devena śaṃbhunā // (43.2) Par.?

api śakraśatān mā bhūd bhayaṃ vo matprasādataḥ / (44.1) Par.?

sūryaprabhaś cakravartī bhavitaiva dyucāriṇām // (44.2) Par.?

ity uktaśaṃkarādeśo gṛhītabalibhāgakaḥ / (45.1) Par.?

nandīśvaro bhūtagaṇaiḥ saha tatra tirodadhe // (45.2) Par.?

tataś candraprabho jātapratyayas tanayodaye / (46.1) Par.?

baliṃ samāpya homānte viveśa samayaḥ puram // (46.2) Par.?

prātaś ca devyā putreṇa rājabhiḥ sacivair yutam / (47.1) Par.?

ekāntasthaṃ ca taṃ candraprabhabhūpaṃ mayo 'bhyadhāt // (47.2) Par.?

śṛṇu rājan rahasyaṃ te vacmy adya cirarakṣitam / (48.1) Par.?

tvaṃ dānavaḥ sunīthākhyo mama putro mahābalaḥ // (48.2) Par.?

sūryaprabhaḥ sumuṇḍīkasaṃjñakaś ca tavānujaḥ / (49.1) Par.?

devāhave hatau jātau pitāputrau yuvām iha // (49.2) Par.?

tad dānavaśarīraṃ te saṃrakṣya sthāpitaṃ mayā / (50.1) Par.?

ālipya yuktyā divyābhir oṣadhībhir ghṛtena ca // (50.2) Par.?

tasmāt praviśya vivaraṃ pātālam upanamya ca / (51.1) Par.?

praviśa svaṃ śarīraṃ tadyuktyā madupadiṣṭayā // (51.2) Par.?

taccharīrapraviṣṭaś ca tejovīryabalādhikaḥ / (52.1) Par.?

tathā bhaviṣyasi yathā jeṣyasi dyucarān raṇe // (52.2) Par.?

sūryaprabhas tv anenaiva kāntena vapuṣāciram / (53.1) Par.?

sumuṇḍīkāvatāro 'yaṃ bhavitā khecareśvaraḥ // (53.2) Par.?

etan mayāsurāc chrutvā tathety aṅgīcakāra saḥ / (54.1) Par.?

rājā candraprabho hṛṣṭaḥ siddhārthas tv idam uktavān // (54.2) Par.?

anyadehapraviṣṭaḥ kiṃ kim ayaṃ pañcatāṃ gataḥ / (55.1) Par.?

iti bhrāntau tadāsmākaṃ kā dhṛtir dānavottama // (55.2) Par.?

kiṃ caiṣa vismaraty asmāṃs tadā dehāntarāśritaḥ / (56.1) Par.?

paralokagato yadvat tataḥ ko 'yaṃ vayaṃ ca ke // (56.2) Par.?

etat siddhārthataḥ śrutvā sa jagāda mayāsuraḥ / (57.1) Par.?

praviśantam imaṃ tasmiñcharīre yogayuktitaḥ // (57.2) Par.?

svatantraṃ yūyam āgatya sākṣāt tatraiva paśyata / (58.1) Par.?

na caivaṃ vismaraty eṣa yuṣmāñ śṛṇuta kāraṇam // (58.2) Par.?

asvatantro mṛto 'nyatra garbhe yo jāyate na saḥ / (59.1) Par.?

kiṃcit smaraty antaritaḥ kleśais tair maraṇādibhiḥ // (59.2) Par.?

svātantryeṇa tu yo 'nyasmiñ śarīre yogayuktitaḥ / (60.1) Par.?

antaḥkaraṇam āviśya praviśed indriyāṇi ca // (60.2) Par.?

aviplutamanobuddhir gṛhād iva gṛhāntaram / (61.1) Par.?

sahasā sa smaraty eva jñānī yogeśvaro 'khilam // (61.2) Par.?

tasmād vikalpo mā bhūd vaḥ pratyutaiṣa nṛpo mahat / (62.1) Par.?

divyaṃ śarīram āpnoti jarārogavivarjitam // (62.2) Par.?

yūyaṃ ca dānavāḥ sarve praviśyaiva rasātalam / (63.1) Par.?

sudhāpānena nīrogadivyadehā bhaviṣyatha // (63.2) Par.?

etan mayāsuravacaḥ śrutvā sarve tatheti te / (64.1) Par.?

tatpratyayaparityaktaśaṅkās tat pratipedire // (64.2) Par.?

tadvākyena ca so 'nyedyur militākhilarājakaḥ / (65.1) Par.?

candraprabhaś candrabhāgairāvatyoḥ saṃgamaṃ yayau // (65.2) Par.?

tatrāvasthāpya nṛpatīn bahir nikṣipya teṣu ca / (66.1) Par.?

sūryaprabhāvarodhāṃs tān upetya mayadarśitam // (66.2) Par.?

viveśa vivaraṃ toye saha sūryaprabheṇa saḥ / (67.1) Par.?

candraprabhaḥ samaṃ devyā siddhārthādyaiś ca mantribhiḥ // (67.2) Par.?

praviśya gatvā dīrghaṃ ca tenādhvānaṃ dadarśa saḥ / (68.1) Par.?

divyaṃ devakulaṃ tac ca sarvaiḥ saha viveśa taiḥ // (68.2) Par.?

tāvac ca ye sthitās tatra rājāno vivarād bahiḥ / (69.1) Par.?

teṣāṃ vidyādharā vyomnā sainyaiḥ saha samāpatan // (69.2) Par.?

te tān saṃstabhya māyābhir bhāryāḥ sūryaprabhasya tāḥ / (70.1) Par.?

aharaṃs tatkṣaṇaṃ caivam udagād bhāratī divaḥ // (70.2) Par.?

śrutaśarmann are pāpa yady etāś cakravartinaḥ / (71.1) Par.?

bhāryāḥ sprakṣyasi tat sadyaḥ sasainyo mṛtyum āpsyasi // (71.2) Par.?

tasmān mātṛvad etās tvaṃ paśyan rakṣeḥ sagauravam / (72.1) Par.?

adhunaiva na hatvā tvāṃ yad etā mocitā mayā // (72.2) Par.?

tatrāsti kāraṇaṃ kiṃcit tat tiṣṭhantv atra saṃprati / (73.1) Par.?

ity ukte divyayā vācā khecarās te tirodadhuḥ // (73.2) Par.?

rājānas te ca nītās tā dṛṣṭvā vīrabhaṭādayaḥ / (74.1) Par.?

āsann anyonyayuddhena dehatyāge kṛtodyamāḥ // (74.2) Par.?

naitāsām asti vidhvaṃsaḥ prāpsyathaitāḥ sutāḥ punaḥ / (75.1) Par.?

tat sāhasaṃ na yuṣmābhiḥ kāryaṃ kalyāṇam astu vaḥ // (75.2) Par.?

iti vāṅ nābhasī teṣāṃ tam udyogaṃ nyavārayat / (76.1) Par.?

tataḥ pratīkṣamāṇās te tasthus tatraiva bhūbhujaḥ // (76.2) Par.?

atrāntare ca pātāle tasmin devakule sthitam / (77.1) Par.?

sarvair vṛtam avocat tam evaṃ candraprabhaṃ mayaḥ // (77.2) Par.?

rājann ekamanā bhūtvā śṛṇv idānīm anuttamam / (78.1) Par.?

upadekṣyāmi te yogam anyadehapraveśadam // (78.2) Par.?

ity uktvākhyāya sāṃkhyaṃ ca yogaṃ ca sarahasyakam / (79.1) Par.?

yuktiṃ dehāntarāveśe tasmād upadideśa saḥ // (79.2) Par.?

jagāda ca sa yogīndraḥ saiṣā siddhir idaṃ ca tat / (80.1) Par.?

jñānaṃ svātantryam aiśvaryam aṇimādiniketanam // (80.2) Par.?

atraiśvarye sthitā mokṣaṃ na vāñchanti sureśvarāḥ / (81.1) Par.?

etadarthaṃ japatapaḥkleśam anye 'pi kurvate // (81.2) Par.?

samprāptam api necchanti svargabhogaṃ mahāśayāḥ / (82.1) Par.?

tathā ca śrūyatām atra kathāṃ vaḥ kathayāmy aham // (82.2) Par.?

āsīt ko'pi purākalpe kālo nāma mahādvijaḥ / (83.1) Par.?

sa gatvā puṣkare tīrthe japaṃ cakre divāniśam // (83.2) Par.?

japatas tasya tatrāgād divyaṃ varṣaśatadvayam / (84.1) Par.?

tato 'sya śiraso 'chinnam arcir āvirabhūn mahat // (84.2) Par.?

yena sūryāyuteneva prodgatenāmbare gatiḥ / (85.1) Par.?

siddhādīnāṃ niruddhābhūj jajvāla ca jagattrayam // (85.2) Par.?

brahman yas te varo 'bhīṣṭas taṃ gṛhāṇa jvalanty amī / (86.1) Par.?

lokās tvadarciṣety ūcur brahmendrādyā upetya tam // (86.2) Par.?

japād anyatra mā bhūn me ratir ity eṣa eva me / (87.1) Par.?

varo nānyad vṛṇe kiṃcid iti tān pratyuvāca saḥ // (87.2) Par.?

nirbandhaṃ teṣu kurvatsu tato gatvāpi dūrataḥ / (88.1) Par.?

uttare himavatpārśve japann āsīt sa jāpakaḥ // (88.2) Par.?

tatrāpy asahyaṃ tattejaḥ saviśeṣaṃ kramād yadā / (89.1) Par.?

tadā vighnāya tasyendraḥ prajighāya surāṅganāḥ // (89.2) Par.?

sa dhīro lobhayantīs tā na tṛṇāyāpy amanyata / (90.1) Par.?

nisṛṣṭārthaṃ tatas tasmai mṛtyuṃ visasṛjuḥ surāḥ // (90.2) Par.?

upetya sa tam āha sma brahman martyair iyac ciram / (91.1) Par.?

na jīvyate tad ātmānaṃ tyaja mā laṅghaya sthitim // (91.2) Par.?

tac chrutvā sa dvijo 'vādīd yadi pūrṇo mamāvadhiḥ / (92.1) Par.?

āyuṣas tan na kasmān māṃ nayase kiṃ pratīkṣase // (92.2) Par.?

svayaṃ ca nāham ātmānaṃ tyajeyaṃ pāśahasta re / (93.1) Par.?

ātmaghātī bhaveyaṃ ca śarīraṃ kāmatas tyajan // (93.2) Par.?

ity uktavantaṃ taṃ netuṃ prabhāvān nāśakad yadā / (94.1) Par.?

tadā parāṅmukho mṛtyur jagāma sa yathāgatam // (94.2) Par.?

tato vijitakālaṃ taṃ kālaṃ sānuśayo dvijam / (95.1) Par.?

balād utkṣipya bāhubhyāṃ nināyendraḥ surālayam // (95.2) Par.?

tatra tadbhogavimukho japād aviramaṃś ca saḥ / (96.1) Par.?

devāvatārito bhūyas tam evāgāddhimālayam // (96.2) Par.?

tatrāpīndrādayo bhūyo varārthaṃ bodhayanti tam / (97.1) Par.?

yāvat tāvan nṛpas tena mārgeṇekṣvākur āyayau // (97.2) Par.?

sa tad buddhvā yathāvastu jāpakaṃ tam abhāṣata / (98.1) Par.?

devebhyaś cen na gṛhṇāsi varaṃ matto gṛhāṇa bhoḥ // (98.2) Par.?

tac chrutvā sa vihasyainaṃ jāpako 'bhyavadan nṛpam / (99.1) Par.?

tvaṃ śakto varadāne me tridaśebhyo 'py agṛhṇataḥ // (99.2) Par.?

ity ūcivāṃsaṃ taṃ vipram ikṣvākuḥ pratyuvāca saḥ / (100.1) Par.?

śakto na te 'haṃ śaktas tvaṃ mama tad dehi me varam // (100.2) Par.?

tataḥ sa jāpako 'vādīd yat te 'bhīṣṭaṃ vṛṇīṣva tat / (101.1) Par.?

dāsyāmy eveti tac chrutvā rājāntar vimamarśa saḥ // (101.2) Par.?

ahaṃ dadāmi vipro 'yaṃ gṛhṇātīty ucito vidhiḥ / (102.1) Par.?

viparītam idaṃ gṛhṇāmy aham eṣa dadāti yat // (102.2) Par.?

iti yāvat sa nṛpatir vicikitsan vilambate / (103.1) Par.?

tāvad vivadamānau dvau tatra viprāv upeyatuḥ // (103.2) Par.?

tau taṃ dṛṣṭvā nṛpaṃ tasya puro nyāyārtham ūcatuḥ / (104.1) Par.?

eko 'bravīt pradattā me gaur anena sadakṣiṇā // (104.2) Par.?

tāṃ me pratidadānasya hastād gṛhṇāty asau na kim / (105.1) Par.?

athāparo 'bhyadhān nāhaṃ kṛtapūrvapratigrahaḥ // (105.2) Par.?

na cārthitā me tat kasmād grāhayaty eṣa māṃ balāt / (106.1) Par.?

etac chrutvā nṛpo 'vādīd ākṣeptāyaṃ na śudhyati // (106.2) Par.?

pratigṛhya kathaṃ dātre balāt pratidadāti gām / (107.1) Par.?

ity uktavantaṃ taṃ bhūpaṃ śakro labdhāntaro 'bravīt // (107.2) Par.?

rājañ jānāsi ced evaṃ nyāyyaṃ taj jāpakād dvijāt / (108.1) Par.?

varam abhyarthya samprāptaṃ kasmād gṛhṇāsi nāmutaḥ // (108.2) Par.?

tato niruttaro rājā jāpakaṃ taṃ jagāda saḥ / (109.1) Par.?

bhagavan svajapasyārdhāt phalaṃ vitara me varam // (109.2) Par.?

bāḍham evaṃ japasyārdhān madīyasyāstu te phalam / (110.1) Par.?

iti tasmai tato rājñe jāpakaḥ sa varaṃ dadau // (110.2) Par.?

sarvalokagatiṃ lebhe tena rājā sa so 'pi ca / (111.1) Par.?

jāpakaḥ saśivākhyānaṃ devānāṃ lokam āptavān // (111.2) Par.?

tatra sthitvā bahūn kalpān punar āgatya bhūtale / (112.1) Par.?

prāpya svatantratāṃ yogāt siddhiṃ lebhe ca śāśvatīm // (112.2) Par.?

evaṃ svargādivimukhaiḥ siddhir evārthyate budhaiḥ / (113.1) Par.?

sā tvayāptā svatantras tad rājan svaṃ deham āviśa // (113.2) Par.?

ity uktaḥ prattayogena mayena mumude param / (114.1) Par.?

sadāratanayāmātyo rājā candraprabho 'tha saḥ // (114.2) Par.?

tato dvitīyaṃ pātālaṃ nītvā tena mayena saḥ / (115.1) Par.?

prāveśyata gṛhaṃ divyaṃ putrādisahito nṛpaḥ // (115.2) Par.?

tatrāntar dadṛśus te ca sarve suptam iva sthitam / (116.1) Par.?

mahāntam ekaṃ puruṣaṃ patitaṃ śayanottame // (116.2) Par.?

mahauṣadhighṛtābhyaktaṃ vikṛtākṛtibhīṣaṇam / (117.1) Par.?

viṣaṇṇavadanāmbhojadaityarājasutāvṛtam // (117.2) Par.?

so 'yam atra svadehas te pūrvabhāryāvṛtaḥ sthitaḥ / (118.1) Par.?

praviśaitam iti smāha tataś candraprabhaṃ mayaḥ // (118.2) Par.?

so 'tha tenopadiṣṭaṃ taṃ yogam āsthāya bhūpatiḥ / (119.1) Par.?

tasmin puruṣadehe 'ntas tyaktasvatanur āviśat // (119.2) Par.?

tataḥ sa jṛmbhikāṃ kṛtvā śanair unmīlya locane / (120.1) Par.?

gatanidra ivottasthau puruṣaḥ śayanīyataḥ // (120.2) Par.?

diṣṭyā devaḥ sunītho 'dya pratyujjīvita eṣa naḥ / (121.1) Par.?

iti tatrodabhūn nādo hṛṣṭāsuravadhūkṛtaḥ // (121.2) Par.?

sūryaprabhādyāḥ sarve tu viṣaṇṇāḥ sahasābhavan / (122.1) Par.?

dṛṣṭvā nipatitaṃ candraprabhadeham ajīvitam // (122.2) Par.?

candraprabhasunīthaś ca sukhasvāpād ivotthitaḥ / (123.1) Par.?

dṛṣṭvā mayaṃ vavande sa pitaraṃ pādayoḥ patan // (123.2) Par.?

sa pitāpi tam āliṅgya pṛṣṭavān sarvasaṃnidhau / (124.1) Par.?

kaccit smarasi putra dve janmanī tvaṃ hi saṃprati // (124.2) Par.?

so 'pi smarāmīty uktvaiva yac candraprabhajanmani / (125.1) Par.?

sunīthajanmani ca yat tasya vṛttaṃ tad uktavān // (125.2) Par.?

nāmagrāhaṃ sadevīkān sa ca sūryaprabhādikān / (126.1) Par.?

ekaikam āśvāsitavān pūrvabhāryāś ca dānavīḥ // (126.2) Par.?

candraprabhatve jātaṃ ca dehaṃ dvairājyayuktitaḥ / (127.1) Par.?

bhavej jātūpayogīti sthāpayāmāsa rakṣitam // (127.2) Par.?

tato 'bhyanandan praṇatā jātapratyayanirvṛtāḥ / (128.1) Par.?

candraprabhasunīthaṃ taṃ hṛṣṭāḥ sūryaprabhādayaḥ // (128.2) Par.?

mayāsuro 'tha sarvāṃs tān harṣān nītvā purāt tataḥ / (129.1) Par.?

anyat praveśayāmāsa hemaratnacitaṃ puram // (129.2) Par.?

praviṣṭās tatra vaidūryavāpīṃ te dadṛśur bhṛtām / (130.1) Par.?

sudhārasena tasyāś ca tīre sarve 'py upāviśan // (130.2) Par.?

papuś ca tatsudhāpānam amṛtādhikam atra te / (131.1) Par.?

sunīthabhāryopahṛtair vicitrair maṇibhājanaiḥ // (131.2) Par.?

tena pānena te sarve mattasuptotthitās tataḥ / (132.1) Par.?

saṃpedire divyadehā mahābalaparākramāḥ // (132.2) Par.?

candraprabhasunīthaṃ ca tato 'vādīn mayāsuraḥ / (133.1) Par.?

putraihi yāmaḥ paśya svaṃ mātaraṃ sucirād iti // (133.2) Par.?

tatas tatheti codyuktaḥ sunītho 'gresare maye / (134.1) Par.?

yayau caturthaṃ pātālaṃ saha sūryaprabhādibhiḥ // (134.2) Par.?

tatra citrāṇi paśyanto nānādhātumayāni te / (135.1) Par.?

purāṇy ekaṃ puraṃ prāpuḥ sarve sarvahiraṇmayam // (135.2) Par.?

tatra ratnamayastambhe sarvasaṃpanniketane / (136.1) Par.?

dadṛśur mayabhāryāṃ tāṃ te sunīthasya mātaram // (136.2) Par.?

nāmnā līlāvatīṃ rūpeṇādhaḥkṛtasurāṅganām / (137.1) Par.?

vṛtām asurakanyābhiḥ sarvābharaṇabhūṣitām // (137.2) Par.?

sā dṛṣṭvaiva sunīthaṃ tam udatiṣṭhat sasaṃbhramam / (138.1) Par.?

sunītho 'py apatat tasyā abhivādyaiva pādayoḥ // (138.2) Par.?

tataḥ sā taṃ ciraspṛṣṭam āśliṣyodaśrur ātmajam / (139.1) Par.?

punas tatprāptihetuṃ taṃ praśaśaṃsa mayaṃ patim // (139.2) Par.?

athābravīn mayo devi sumuṇḍīko 'paraḥ sa te / (140.1) Par.?

putraḥ putro 'sya putrasya jātaḥ sūryaprabho 'py ayam // (140.2) Par.?

eṣa vidyādharendrāṇāṃ cakravartī purāriṇā / (141.1) Par.?

etenaiva śarīreṇa bhāvī devi vinirmitaḥ // (141.2) Par.?

tac chrutvaivābhipaśyantyās tasyāḥ sotsukayā dṛśā / (142.1) Par.?

sūryaprabhaḥ papātaitya pādayoḥ sacivaiḥ saha // (142.2) Par.?

kiṃ sumuṇḍīkadehena vatsaitenaiva śobhase / (143.1) Par.?

iti līlāvatī dattvā cāśiṣaṃ tam abhāṣata // (143.2) Par.?

tato 'tra putrābhyudaye mayo mandodarīṃ sutām / (144.1) Par.?

vibhīṣaṇaṃ ca sasmāra smṛtāv ājagmatuś ca tau // (144.2) Par.?

gṛhītotsavasatkāraḥ sa taṃ prāha vibhīṣaṇaḥ / (145.1) Par.?

karoṣi yadi me vākyaṃ dānavendra vadāmi tat // (145.2) Par.?

dānaveṣu tvam evaikaḥ sukṛtī śubhajīvitaḥ / (146.1) Par.?

devaiḥ saha na te kāryā tad akāraṇavairitā // (146.2) Par.?

tadvirodhe hi nāpāyād ṛte kaścid guṇo 'sti vaḥ / (147.1) Par.?

nihatā hi suraiḥ saṃkhyeṣv asurā nāsuraiḥ surāḥ // (147.2) Par.?

tac chrutvā taṃ mayo 'vocan na balāt kurmahe vayam / (148.1) Par.?

haṭhāt kurvati śakre tu kathaṃ brūhi sahāmahe // (148.2) Par.?

ye cāsurā hatā devais te babhūvuḥ pramādinaḥ / (149.1) Par.?

apramattās tu kiṃ naiva baliprabhṛtayo hatāḥ // (149.2) Par.?

ityādyukto mayenātha mandodaryā sahaiva saḥ / (150.1) Par.?

rākṣasendras tam āmantrya jagāma vasatiṃ nijām // (150.2) Par.?

sūryaprabhādibhir yuktaḥ sunītho 'tha mayena saḥ / (151.1) Par.?

ninye tṛtīyaṃ pātālaṃ baliṃ rājānam īkṣitum // (151.2) Par.?

svargād apy adhike tatra sarve te dadṛśur balim / (152.1) Par.?

āmuktahāramukuṭaṃ vṛtaṃ ditijadānavaiḥ // (152.2) Par.?

nipetuḥ pādayos tasya sunīthādyāḥ krameṇa te / (153.1) Par.?

so 'pi tān mānayāmāsa satkāreṇa yathocitam // (153.2) Par.?

mayāveditavṛttāntahṛṣṭaḥ so 'tra balis tataḥ / (154.1) Par.?

prahlādam ānāyitavāñ śīghram anyāṃś ca dānavān // (154.2) Par.?

tān apy atra sunīthādyāḥ pādayos te vavandire / (155.1) Par.?

te cāpy abhinanandus tān prahvān ānandanirbharāḥ // (155.2) Par.?

athātra balir āha sma bhūtvā candraprabho bhuvi / (156.1) Par.?

sunīthaḥ svatanuprāptyā pratyujjīvita eṣa naḥ // (156.2) Par.?

sumuṇḍīkāvatāraś ca prāptaḥ sūryaprabho 'py ayam / (157.1) Par.?

śarveṇa cāyam ādiṣṭo bhāvī vidyādhareśvaraḥ // (157.2) Par.?

etadyajñaprabhāvāc ca jāto 'haṃ ślathabandhanaḥ / (158.1) Par.?

tad etābhyām avāptābhyāṃ dhruvam abhyudayo 'sti naḥ // (158.2) Par.?

etad balivacaḥ śrutvā śukraḥ provāca tadguruḥ / (159.1) Par.?

dharmeṇa caratāṃ satye nāsty anabhyudayaḥ kvacit // (159.2) Par.?

tasmād dharmeṇa vartadhvaṃ kurutādyāpi madvacaḥ / (160.1) Par.?

tac chrutvā dānavās tatra tatheti niyamaṃ vyadhuḥ // (160.2) Par.?

saptapātālapatayo ye tatra militās tadā / (161.1) Par.?

baliś cātrotsavaṃ cakre sunīthaprāptiharṣataḥ // (161.2) Par.?

atrāntare ca tatrāgāt sa punar nārado muniḥ / (162.1) Par.?

gṛhītārghopaviṣṭaś ca dānavāṃs tān uvāca saḥ // (162.2) Par.?

preṣito 'ham ihendreṇa sa caivaṃ vakti vaḥ kila / (163.1) Par.?

sunīthajīvitaprāptyā saṃtoṣaḥ paramo mama // (163.2) Par.?

tad idānīṃ na kāryaṃ naḥ punar vairam akāraṇam / (164.1) Par.?

viroddhavyaṃ na caivāsmatpakṣeṇa śrutaśarmaṇā // (164.2) Par.?

evam uktendravākyaṃ taṃ prahlādo munim abravīt / (165.1) Par.?

sunīthajīvitāt tuṣṭir indrasyeti kim anyathā // (165.2) Par.?

akāraṇavirodhaṃ ca vayaṃ tāvan na kurmahe / (166.1) Par.?

adyaiva niyamo 'smābhiḥ kṛtaḥ sarvair guroḥ puraḥ // (166.2) Par.?

śrutaśarmā sapakṣatvam āśritya sa balād yadi / (167.1) Par.?

asmadviruddhaṃ kurute kāsmākaṃ tatra vācyatā // (167.2) Par.?

sūryaprabhasya pakṣeṇa devadevena śaṃbhunā / (168.1) Par.?

prāg eva hy ayam ādiṣṭaḥ sa pūrvārādhito 'sya yat // (168.2) Par.?

tad asminn īśvarādiṣṭe kārye kiṃ kurmahe vayam / (169.1) Par.?

tan niṣkāraṇam evaitac chakro vakty asamañjasam // (169.2) Par.?

ity ukto dānavendreṇa prahlādena sa nāradaḥ / (170.1) Par.?

tatheti vāsavaṃ nindann adarśanam agān muniḥ // (170.2) Par.?

tasmin gate dānavendrān uśanās tān abhāṣata / (171.1) Par.?

vairānubandhaḥ kārye 'smiṃs tāvad indrasya dṛśyate // (171.2) Par.?

kiṃ tv asmāsu prasādaikabaddhakakṣye maheśvare / (172.1) Par.?

kā tasya śaktiḥ kiṃ kuryād āsthā vā tasya vaiṣṇavī // (172.2) Par.?

iti śukravacaḥ śrutvā dānavās te 'numanya ca / (173.1) Par.?

sahaprahlādam āmantrya baliṃ jagmur nijālayān // (173.2) Par.?

tataś caturthaṃ pātālaṃ prahlāde svālayaṃ gate / (174.1) Par.?

utthāya sadaso rājā viveśābhyantaraṃ baliḥ // (174.2) Par.?

mayaḥ sunīthaś cānye ca sarve sūryaprabhādayaḥ / (175.1) Par.?

praṇamya balim ājagmus tad eva svaṃ niketanam // (175.2) Par.?

tatrocitakṛtāhārapāneṣv eṣu sametya sā / (176.1) Par.?

līlāvatī sunīthaṃ taṃ jagāda jananī nijā // (176.2) Par.?

putra jānāsi yad imā bhāryās te mahatāṃ sutāḥ / (177.1) Par.?

tejasvatī dhaneśasya tumburor maṅgalāvatī // (177.2) Par.?

candraprabhaśarīreṇa pariṇītā ca yā tvayā / (178.1) Par.?

prabhāsasya vasor etāṃ vetsi kīrtimatīṃ sutām // (178.2) Par.?

tisras tad etā draṣṭavyāḥ samadṛṣṭyā suta tvayā / (179.1) Par.?

ity uktvā mukhyabhāryās tās tisro 'smai sā samarpayat // (179.2) Par.?

tatas tasmin dine rātrau sunītho jyeṣṭhayā tayā / (180.1) Par.?

tejasvatyā samaṃ śayyāvāsaveśma viveśa saḥ // (180.2) Par.?

tatropabhuṅkte sma tayā sucirotsukayā saha / (181.1) Par.?

ratakrīḍāsukhaṃ tat tat prāg bhuktam api nūtanam // (181.2) Par.?

sūryaprabhas tu sacivaiḥ saha vāsagṛhe 'pare / (182.1) Par.?

niśi tasyām apatnīko nyaṣīdac chayanīyake // (182.2) Par.?

niḥsnehena kim etena svapriyās tyajatā bahiḥ / (183.1) Par.?

itīva nidrā strī nityasyaikasyāpy asya nāyayau // (183.2) Par.?

prahastasya ca serṣyeva kāryacintaikasaṅginaḥ / (184.1) Par.?

anye tu paritaḥ sūryaprabhaṃ nidrāṃ yayuḥ sukham // (184.2) Par.?

tāvat sūryaprabhaḥ so 'tra prahastaś ca sakhīyutām / (185.1) Par.?

praviśantīṃ dadṛśartuvarakanyām anuttamām // (185.2) Par.?

mā bhūt surāṅganāsargo vicchāyo 'syāḥ puro mama / (186.1) Par.?

ity utpādyāpi vidhinā pātāle sthāpitām iva // (186.2) Par.?

sūryaprabhaś ca keyaṃ syād iti yāvad vimarśati / (187.1) Par.?

tāvat sā tatsakhīn etya suptān ekaikam aikṣata // (187.2) Par.?

acakravarticihnāṃs tān hitvā tallakṣaṇānvitam / (188.1) Par.?

dṛṣṭvā sūryaprabhaṃ sā tam upāgān madhyaśāyinam // (188.2) Par.?

uvāca ca sakhīṃ so 'yaṃ sakhi tat spṛśa pādayoḥ / (189.1) Par.?

etaṃ toyasuśītābhyāṃ karābhyāṃ pratibodhaya // (189.2) Par.?

tac chrutvā tatsakhī sā tat tathā cakre sa cekṣaṇe / (190.1) Par.?

sūryaprabho vyājasuptaṃ vihāya prodaghāṭayat // (190.2) Par.?

vīkṣya covāca kanye te ke yuvāṃ kim ihāgamaḥ / (191.1) Par.?

bhavatyor iti tac chrutvā tatsakhī tam abhāṣata // (191.2) Par.?

śṛṇu devāsti pātāle dvitīye 'dhipatir jayī / (192.1) Par.?

amīla iti daityendro hiraṇyākṣasuto balī // (192.2) Par.?

kalāvatīti tasyaiṣā prāṇebhyo 'py adhikā sutā / (193.1) Par.?

sa ito 'dya baleḥ pārśvād āgatyaitat pitābravīt // (193.2) Par.?

diṣṭyādya jīvitaṃ prāptaḥ sunīthaḥ punar īkṣitaḥ / (194.1) Par.?

sumuṇḍīkāvatāraś ca dṛṣṭaḥ sūryaprabho yuvā // (194.2) Par.?

sṛṣṭaḥ khecarasaccakravartī bhāvī hareṇa yaḥ / (195.1) Par.?

tad ihānandasaṃmānaṃ sunīthasya karomy aham // (195.2) Par.?

sutāṃ sūryaprabhāyaitāṃ prayacchāmi kalāvatīm / (196.1) Par.?

sunīthasyaikagotratvād dātuṃ caiṣā na yujyate // (196.2) Par.?

sūryaprabhaś ca putro 'sya rājajanmani nāsure / (197.1) Par.?

tatsutasya ca saṃmānaḥ kṛtas tasya kṛto bhavet // (197.2) Par.?

etat pitur vacaḥ śrutvā tvadguṇākṛṣṭamānasā / (198.1) Par.?

matsakhīyam ihāyātā tvaddarśanakutūhalāt // (198.2) Par.?

evaṃ tayokte tatsakhyā nidrāti sma mṛṣaiva saḥ / (199.1) Par.?

tadabhiprāyatātparyaṃ jñātuṃ sūryaprabhas tadā // (199.2) Par.?

sātha kanyā vinidrasya prahastasyāntikaṃ śanaiḥ / (200.1) Par.?

gatvā sakhīmukhenoktvā sarvam asmai bahir yayau // (200.2) Par.?

prahastaś cāpy upāgatya deva jāgarṣi kiṃ na vā / (201.1) Par.?

iti sūryaprabhaṃ smāha sa conmiṣya tam abhyadhāt // (201.2) Par.?

sakhe jāgarmi nidrā hi mamādyaikākinaḥ kutaḥ / (202.1) Par.?

viśeṣaṃ tu vadāmy evaṃ śṛṇu gopyaṃ hi kiṃ tvayi // (202.2) Par.?

adhunaiva praviṣṭeha mayā dṛṣṭā sakhīyutā / (203.1) Par.?

kanyakaikā samā yasyās trailokye 'pi na dṛśyate // (203.2) Par.?

kṣaṇena ca gatā kvāpi hṛtvaiva mama mānasam / (204.1) Par.?

tad gaveṣaya sadyas tām ihaiva kvacana sthitām // (204.2) Par.?

iti sūryaprabheṇoktaḥ prahasto 'tha bahir gataḥ / (205.1) Par.?

dṛṣṭvātra tāṃ samaṃ sakhyā sthitāṃ kanyām abhāṣata // (205.2) Par.?

mayā tvaduparodhena svasvāmy eṣa vibodhitaḥ / (206.1) Par.?

tat tvaṃ maduparodhena punar dehy asya darśanam // (206.2) Par.?

paśyāsya rūpaṃ bhūyo 'pi kṛtārthakaraṇaṃ dṛśoḥ / (207.1) Par.?

tava paśyatu caiṣo 'pi dṛṣṭimātravaśīkṛtaḥ // (207.2) Par.?

prabuddhena hy anenāham uktaḥ kṛtvā bhavatkathām / (208.1) Par.?

kuto 'pi darśayānīya tāṃ me prāṇimi nānyathā // (208.2) Par.?

tato 'haṃ tvām upāyātas tad ehy ālokaya svayam / (209.1) Par.?

iti prahastenoktā sā kanyāsulabhayā hriyā // (209.2) Par.?

prasahya nāśakad gantuṃ vimṛśantī yadā tadā / (210.1) Par.?

haste gṛhītvā nītābhūt tena sūryaprabhāntikam // (210.2) Par.?

sūryaprabhaś ca tāṃ dṛṣṭvā pārśvāyātāṃ kalāvatīm / (211.1) Par.?

uvāca caṇḍi yuktaṃ te kim etad yad ihādya me // (211.2) Par.?

tvayā suptasya cauryeṇa praviśya hṛdayaṃ hṛtam / (212.1) Par.?

tad ihānigṛhītā tvaṃ cauri na tyakṣyase mayā // (212.2) Par.?

etac chrutvā vidagdhā sā tatsakhī vyājahāra tam / (213.1) Par.?

pūrvaṃ jñātvaiva pitraiva caurīyaṃ nigrahāya te // (213.2) Par.?

niścitārpayituṃ yasmāt tasmāt kas te niṣedhakaḥ / (214.1) Par.?

asyāś cauryocitaṃ kāmaṃ nigrahaṃ na karoṣi kim // (214.2) Par.?

tac chrutvāliṅgituṃ sūryaprabhe vāñchati satrapā / (215.1) Par.?

mā māryaputra kanyāsmīty avocat sā kalāvatī // (215.2) Par.?

tataḥ prahasto 'vādīt tāṃ mā vikalpo 'stu devi te / (216.1) Par.?

gāndharvo hy eṣa sarveṣāṃ vivāhānām ihottamaḥ // (216.2) Par.?

ity uktvaiva samaṃ sarvaiḥ prahaste nirgate bahiḥ / (217.1) Par.?

sūryaprabhas tadaivaitāṃ bhāryāṃ cakre kalāvatīm // (217.2) Par.?

tayā saha ca pātālakanyayā martyadurlabham / (218.1) Par.?

bheje suratasaṃbhogam acintyanavasaṃgamam // (218.2) Par.?

rātryante ca kalāvatyāṃ gatāyāṃ vasatiṃ nijām / (219.1) Par.?

sūryaprabhaḥ sunīthasya yayau pārśvaṃ mayasya ca // (219.2) Par.?

te militvātha sarve 'pi prahlādasyāntikaṃ yayuḥ / (220.1) Par.?

sa tān yathārhaṃ saṃmānya sabhāstho mayam abravīt // (220.2) Par.?

sunīthasyotsave 'muṣmin priyaṃ kartavyam eva naḥ / (221.1) Par.?

tad adya yāvat sarve 'pi vayam ekatra bhuñjmahe // (221.2) Par.?

evaṃ kurmo 'tra ko doṣa ity ukte ca mayena saḥ / (222.1) Par.?

dūtair nimantrayāmāsa prahlādo 'trāsurādhipān // (222.2) Par.?

āyayuś cātra sarvebhyaḥ pātālebhyaḥ krameṇa te / (223.1) Par.?

pūrvam āgād balī rājā sahāsaṃkhyair mahāsuraiḥ // (223.2) Par.?

anantaramamīlaś ca durārohaś ca vīryavān / (224.1) Par.?

sumāyas tantukacchaś ca vikaṭākṣaḥ prakampanaḥ // (224.2) Par.?

dhūmaketur mahāmāyo ye cānye 'py asureśvarāḥ / (225.1) Par.?

ekaiko nijasāmantasahasreṇāyayau vṛtaḥ // (225.2) Par.?

apūryata sabhā taiś ca vihitānyonyavandanaiḥ / (226.1) Par.?

yathākramopaviṣṭāṃś ca prahlādas tān amānayat // (226.2) Par.?

prāpte cāhārakāle te sarve saha mayādibhiḥ / (227.1) Par.?

gaṅgāsnātāḥ samājagmur bhojanāya mahāsabhām // (227.2) Par.?

śatayojanavistīrṇāṃ suvarṇamaṇikuṭṭimām / (228.1) Par.?

ratnastambhacitāṃ nyastavicitramaṇibhājanām // (228.2) Par.?

tatra prahlādasahitāḥ sasunīthamayāś ca te / (229.1) Par.?

sūryaprabheṇa sacivair yuktena ca sahāsurāḥ // (229.2) Par.?

tat tan nānāvidhaṃ bhakṣyabhojyalehyādi ṣaḍrasam / (230.1) Par.?

divyam annaṃ bubhujire papuḥ pānam athottamam // (230.2) Par.?

bhuktapītāś ca gatvānyat sarve ratnamayaṃ sadaḥ / (231.1) Par.?

daityadānavakanyānāṃ dadṛśur nṛttam uttamam // (231.2) Par.?

tatprasaṅge dadarśātra pranṛttāṃ pitur ājñayā / (232.1) Par.?

prahlādasya sutāṃ sūryaprabho nāmnā mahallikām // (232.2) Par.?

dyotayantīṃ diśaḥ kāntyā varṣantīm amṛtaṃ dṛśoḥ / (233.1) Par.?

kautukād iva pātālam āgatāṃ mūrtim aindavīm // (233.2) Par.?

lalāṭatilakopetāṃ cārunūpurapādikām / (234.1) Par.?

smeradṛṣṭiṃ vidhātraiva sṛṣṭāṃ nṛttamayīm iva // (234.2) Par.?

keśair arālair daśanaiḥ śikharair bibhratīṃ stanau / (235.1) Par.?

uromaṇḍalinau nṛttaṃ sṛjatīm iva nūtanam // (235.2) Par.?

dṛṣṭvaiva ca tadā caṇḍī tasya sūryaprabhasya sā / (236.1) Par.?

api svīkṛtam anyābhir jahāra hṛdayaṃ haṭhāt // (236.2) Par.?

tataḥ sāpy asurendrāṇāṃ madhye dūrād dadarśa tam / (237.1) Par.?

haradagdhe smare sṛṣṭaṃ dhātrāparam iva smaram // (237.2) Par.?

dṛṣṭvaiva tadgatamanās tathābhūd acalad yathā / (238.1) Par.?

āṅgiko 'bhinayo 'py asyā dṛṣṭvevāvinayaṃ ruṣā // (238.2) Par.?

sabhāsthāś ca tayor bhāvaṃ taṃ dvayor apy alakṣayan / (239.1) Par.?

prekṣaṇaṃ copasaṃjahruḥ śrāntā rājasuteti te // (239.2) Par.?

tataḥ sūryaprabhaṃ tiryak paśyantī sā mahallikā / (240.1) Par.?

pitrā visṛṣṭā vanditvā dānavendrān agād gṛham // (240.2) Par.?

dānavendrāś ca te sarve yathāsvam agaman gṛhān / (241.1) Par.?

sūryaprabho 'pi svāvāsam ājagāma dinakṣaye // (241.2) Par.?

pradoṣe ca kalāvatyā punar āgatayā saha / (242.1) Par.?

suṣvāpābhyantare guptaṃ bahiḥ suptākhilānugaḥ // (242.2) Par.?

tāvan mahallikā sāpi tatsaṃdarśanasotsukā / (243.1) Par.?

tatrāyayau savisrambhavayasyādvayasaṃgatā // (243.2) Par.?

antaḥ praveṣṭum icchantīṃ prajñāḍhyākhyo dadarśa tām / (244.1) Par.?

sūryaprabhasya sacivo nidrayā tatkṣaṇojjhitaḥ // (244.2) Par.?

devi tiṣṭha kṣaṇaṃ yāvat praviśyābhyantarād aham / (245.1) Par.?

nirgacchāmīti sa ca tāṃ parijñāyotthito 'bhyadhāt // (245.2) Par.?

ruddhāḥ smaḥ kiṃ bahiḥ kasmād yūyaṃ ceti saśaṅkayā / (246.1) Par.?

tayā pṛṣṭaḥ sa bhūyo 'pi prajñāḍhyo nijagāda tām // (246.2) Par.?

svairaṃ suptasya sahasaivāntikaṃ kiṃ praviśyate / (247.1) Par.?

suptaś cāsmatprabhur asāv eko vratavaśād iti // (247.2) Par.?

tatas tayā viśasva tvam ity uktaḥ savilakṣayā / (248.1) Par.?

prahlādadaityasutayā prajñāḍhyo 'ntar viveśa saḥ // (248.2) Par.?

suptāṃ kalāvatīṃ dṛṣṭvā tasmai sūryaprabhāya saḥ / (249.1) Par.?

prabodhya svairam ācakhyāv āgatāṃ tāṃ mahallikām // (249.2) Par.?

sūryaprabhaś ca buddhvā tac chanair utthāya nirgataḥ / (250.1) Par.?

dṛṣṭvā mahallikām ātmatṛtīyām apy abhāṣata // (250.2) Par.?

nītaḥ kṛtārthatāṃ tāvad ayam abhyāgato janaḥ / (251.1) Par.?

nīyatāṃ sthānam apy etad āsanaṃ parigṛhyatām // (251.2) Par.?

tac chrutvopaviveśātha sahānyābhyāṃ mahallikā / (252.1) Par.?

sūryaprabho 'py upāvikṣat sa prajñāḍhyayutas tataḥ // (252.2) Par.?

upaviśya sa covāca tanvi yady api me kṛtā / (253.1) Par.?

tvayāvajñā sadasyanyā prekṣyānte vardhamānayā // (253.2) Par.?

tathāpi tāval lolākṣi dṛṣṭamātreṇa me tava / (254.1) Par.?

saundaryeṇeva nṛttena locane saphalīkṛte // (254.2) Par.?

iti sūryaprabheṇoktā sā prahlādasutābravīt / (255.1) Par.?

nāryaputrāparādho 'sau mama so 'trāparādhyati // (255.2) Par.?

yenāhaṃ saṃsadi kṛtā bhagnābhinayalajjitā / (256.1) Par.?

etac chrutvā jito 'smīti hasan sūryaprabho 'bravīt // (256.2) Par.?

jagrāha ca kareṇāsyāḥ karaṃ rājasuto 'tha saḥ / (257.1) Par.?

balātkāragrahād bhītam iva sasvedavepathum // (257.2) Par.?

muñcāryaputra kanyāhaṃ pitṛvaśyeti vādinīm / (258.1) Par.?

tato 'surendratanayāṃ prajñāḍhyas tām uvāca saḥ // (258.2) Par.?

kanyānāṃ kiṃ ca gāndharvo vivāho devi vidyate / (259.1) Par.?

na ca pradāsyaty anyasmai pitā tvāṃ lakṣitāśayaḥ // (259.2) Par.?

etasya cātra saṃmānaṃ niścitaṃ sa kariṣyati / (260.1) Par.?

tad alaṃ sādhvasenedṛg vṛthā mā bhūt samāgamaḥ // (260.2) Par.?

evaṃ mahallikāṃ yāvat prajñāḍhyas tāṃ bravīti saḥ / (261.1) Par.?

tāvat sābhyantare tatra prabuddhābhūt kalāvatī // (261.2) Par.?

apaśyantī ca taṃ sūryaprabhaṃ sā śayanīyake / (262.1) Par.?

pratīkṣya kiṃcid udvignaśaṅkitā niragād bahiḥ // (262.2) Par.?

dṛṣṭvā mahallikopetaṃ taṃ cātra nijavallabham / (263.1) Par.?

sakopā ca salajjā ca sabhayā ca babhūva sā // (263.2) Par.?

mahallikāpi dṛṣṭvaiva tām āsīd bhītalajjitā / (264.1) Par.?

sūryaprabhaś ca niḥspandas tasthāv ālikhito yathā // (264.2) Par.?

dṛṣṭā kathaṃ palāye 'haṃ jihremīrṣyāmi vā yadi / (265.1) Par.?

iti tatpārśvam evāgāt kalāvaty api sā tataḥ // (265.2) Par.?

kuśalaṃ sakhi kutra tvam āgataivam ito niśi / (266.1) Par.?

evaṃ mahallikāṃ tāṃ ca sābhyasūyam uvāca sā // (266.2) Par.?

tato mahallikāvocan mamaitad gṛham atra tu / (267.1) Par.?

tvam anyapātālagṛhāt prāptā prāghuṇikādya me // (267.2) Par.?

tac chrutvā sā vihasyaitāṃ kalāvaty evam abravīt / (268.1) Par.?

satyaṃ dṛśyata evedaṃ yat tvaṃ sarvasya kasyacit // (268.2) Par.?

karoṣīhāgatasyaiva prāghuṇātithyasatkriyām / (269.1) Par.?

evam ukte kalāvatyā sā jagāda mahallikā // (269.2) Par.?

yadi prītyā mayoktā tvaṃ tat kiṃ sadveṣaniṣṭhuram / (270.1) Par.?

evaṃ vadasi nirlajje kim ahaṃ sadṛśī tava // (270.2) Par.?

kim ahaṃ bāndhavādattā dūrād etya parasthale / (271.1) Par.?

parasya śayane suptā rahasy ekākinī niśi // (271.2) Par.?

ahaṃ pituḥ prāghuṇikaṃ svasthāne draṣṭum āgatā / (272.1) Par.?

ātithyenādhunaivaiṣā sakhīdvitayasaṃgatā // (272.2) Par.?

yadāsmān vipralabhyādāv asau mantrī praviṣṭavān / (273.1) Par.?

tadaivaitan mayā jñātaṃ tvayā vyaktīkṛtaṃ svataḥ // (273.2) Par.?

evaṃ mahallikoktā sā kalāvaty agamat tataḥ / (274.1) Par.?

tiryak kopakaṣāyeṇa paśyantī cakṣuṣā priyam // (274.2) Par.?

tato mahallikā sāpi bahuvallabha yāmy aham / (275.1) Par.?

saṃpratīti ruṣā sūryaprabham uktvā tato yayau // (275.2) Par.?

sūryaprabhaś ca vimanā yuktaṃ yad abhavat tadā / (276.1) Par.?

kāntābhyāṃ hi samaṃ tasya tadāsaktaṃ mano gatam // (276.2) Par.?

atha jñātuṃ kalāvatyāḥ kalahāntaraceṣṭitam / (277.1) Par.?

prāhiṇod drutam utthāpya prabhāsaṃ sa svamantriṇam // (277.2) Par.?

mahallikāyās tadvac ca prahastaṃ sa visṛṣṭavān / (278.1) Par.?

svayaṃ ca tatpratīkṣaḥ sann āsīt prajñāḍhyasaṃyutaḥ // (278.2) Par.?

athānviṣya kalāvatyāś ceṣṭitaṃ sa samāyayau / (279.1) Par.?

prabhāso nikaṭaṃ tasya pṛṣṭaś caivam uvāca tam // (279.2) Par.?

ito dvitīyapātālavarti tad gatavān aham / (280.1) Par.?

vāsaveśma kalāvatyāḥ svavidyācchāditātmakaḥ // (280.2) Par.?

bahis tatra dvayoś ceṭyor ālāpaś ca śruto mayā / (281.1) Par.?

ekābravīt sakhi kim adyodvignāste kalāvatī // (281.2) Par.?

tato dvitīyāpy avadat sakhi śṛṇv atra kāraṇam / (282.1) Par.?

sumuṇḍīkāvatāro hi caturthe 'dya rasātale // (282.2) Par.?

sthitaḥ sūryaprabho nāma rūpeṇa jitamanmathaḥ / (283.1) Par.?

tasmai gatvā svayaṃ guptam ātmā dattaḥ kilaitayā // (283.2) Par.?

gatāyām adya caitasyāṃ tatsakāśaṃ niśāgame / (284.1) Par.?

prahlādaduhitāpy āgāt svayaṃ tatra mahallikā // (284.2) Par.?

tayā saherṣyākalahaṃ kṛtvā saty ātmaghātane / (285.1) Par.?

udyataiṣā sukhāvatyā svasrā dṛṣṭvaiva rakṣitā // (285.2) Par.?

tataś cāntaḥ praviśyaiva nipatya śayanīyake / (286.1) Par.?

sthitā tayā saha svasrā pṛṣṭavṛttāntavignayā // (286.2) Par.?

evaṃ ceṭyoḥ kathāṃ śrutvā praviśyātra tathaiva te / (287.1) Par.?

kalāvatīsukhāvatyau dṛṣṭe tulyākṛtī mayā // (287.2) Par.?

iti prabhāso yāvat taṃ vakti sūryaprabhaṃ rahaḥ / (288.1) Par.?

tāvat prahasto 'py atrāgāt pṛṣṭaḥ so 'py abravīd idam // (288.2) Par.?

ito mahallikāvāsagṛhaṃ yāvad ahaṃ gataḥ / (289.1) Par.?

tāvat tatra praviṣṭā sā sakhībhyāṃ saha durmanāḥ // (289.2) Par.?

ahaṃ tatraiva cādṛśyo vidyāyuktyā praviṣṭavān / (290.1) Par.?

dṛṣṭā mayātra tasyāś ca sakhyo dvādaśa tatsamāḥ // (290.2) Par.?

tāś ca sadratnaparyaṅkaniṣaṇṇāṃ parivṛtya tām / (291.1) Par.?

mahallikām upāvikṣann ekā covāca tāṃ tataḥ // (291.2) Par.?

sakhi kasmād akasmāt tvam udvignevādya dṛśyase / (292.1) Par.?

vivāhe prastute 'py eṣā bata kā te viṣāditā // (292.2) Par.?

tac chrutvā savimarśā sā tāṃ prahlādasutābravīt / (293.1) Par.?

ko me vivāho dattāsmi kasmai kenoditaṃ tava // (293.2) Par.?

evaṃ tayokte sarvās tā jagadur niścitaṃ tava / (294.1) Par.?

prātar vivāho dattāsi sakhi sūryaprabhāya ca // (294.2) Par.?

tvajjananyā ca devyaitad adyoktaṃ tvadasaṃnidhau / (295.1) Par.?

asmān niyojayantyā te kautukapratikarmaṇi // (295.2) Par.?

tad dhanyāsi ca yasyās te bhāvī sūryaprabhaḥ patiḥ / (296.1) Par.?

yadrūpalubdho nidrāti niśi nehāṅganājanaḥ // (296.2) Par.?

asmākaṃ tu viṣādo 'yaṃ kvedānīṃ tvaṃ vayaṃ kva ca / (297.1) Par.?

tasmin hi bhartari prāpte tvam asmān vismariṣyasi // (297.2) Par.?

etan mahallikā tāsāṃ mukhāc chrutvā jagāda sā / (298.1) Par.?

kaccit sa dṛṣṭo yuṣmābhir manas tasmin gataṃ ca vaḥ // (298.2) Par.?

tac chrutvā tām avocaṃs tā harmyāt so 'smābhir īkṣitaḥ / (299.1) Par.?

kā ca sā strī mano yasyā na sa dṛṣṭo hared iti // (299.2) Par.?

tataḥ sāpy avadat tarhi tātaṃ vakṣyāmy ahaṃ tathā / (300.1) Par.?

yuṣmān apy akhilās tasmai dāpayiṣyāmy amūr yathā // (300.2) Par.?

ittham anyonyaviraho na syān naḥ sahavāsataḥ / (301.1) Par.?

iti bruvāṇāṃ kanyās tāḥ saṃbhrāntāḥ saṃbabhāṣire // (301.2) Par.?

sakhi maivaṃ kṛthā naitad yuktam eṣā trapā hi naḥ / (302.1) Par.?

evam uktavatīr etāḥ sā jagādāsurendrajā // (302.2) Par.?

kim ayuktaṃ na tenaikā pariṇeyāham eva hi / (303.1) Par.?

tasmai sarve 'pi dāsyanti duhitṝr daityadānavāḥ // (303.2) Par.?

anyāś ca rājatanayās tasyodūḍhā bhuvi sthitāḥ / (304.1) Par.?

pariṇeṣyati bahvīś ca sa vidyādharakanyakāḥ // (304.2) Par.?

tanmadhye pariṇītāsu yuṣmāsu mama kā kṣatiḥ / (305.1) Par.?

sukhaṃ pratyuta vatsyāmo vayaṃ sakhyaḥ parasparam // (305.2) Par.?

anyābhis tu viruddhābhiḥ kas tābhiḥ saṃstavo mama / (306.1) Par.?

yuṣmākaṃ ca trapā kātra sarvam etat karomy aham // (306.2) Par.?

iti tāsāṃ kathā yāvad vartate tvadgatātmanām / (307.1) Par.?

tāvat tato 'haṃ nirgatya svairaṃ tvatpārśvam āgataḥ // (307.2) Par.?

etat prahastasya mukhāc chrutvā sūryaprabho 'tra saḥ / (308.1) Par.?

anidra eva śayane tāṃ niśām anayan mudā // (308.2) Par.?

prātaḥ saha sunīthena mayena sacivaiś ca saḥ / (309.1) Par.?

asurādhipatiṃ draṣṭuṃ prahlādaṃ tatsabhāṃ yayau // (309.2) Par.?

sunīthaṃ tatra sa prāha prahlādo darśitādaraḥ / (310.1) Par.?

sutāṃ sūryaprabhāyāhaṃ dadāmy asmai mahallikām // (310.2) Par.?

asya hi prāghuṇātithyaṃ kāryaṃ me tava ca priyam / (311.1) Par.?

etat prahlādavacanaṃ sunītho 'bhinananda saḥ // (311.2) Par.?

tato vedīṃ samāropya madhyajvalitapāvakām / (312.1) Par.?

tatprabhābhrājitodagraratnastambhāvabhāsitām // (312.2) Par.?

mahallikāṃ tāṃ svasutāṃ prādāt sūryaprabhāya saḥ / (313.1) Par.?

prahlādo 'surasāmrājyasadṛśībhir vibhūtibhiḥ // (313.2) Par.?

dadau sadratnarāśīṃś ca sa duhitre varāya ca / (314.1) Par.?

tridaśāvajayānītān sumeruśikharopamān // (314.2) Par.?

tāta tā api dehy asmai sakhīr me dvādaśa priyāḥ / (315.1) Par.?

evaṃ mahallikā svairaṃ prahlādaṃ sā tadābravīt // (315.2) Par.?

putri madbhrātradhīnās tās tena bandīkṛtā yataḥ / (316.1) Par.?

mama dātuṃ na yujyanta iti so 'pi jagāda tām // (316.2) Par.?

kṛtodvāhotsavaś cāsmin yāte sūryaprabho dine / (317.1) Par.?

viveśa vāsakaṃ naktaṃ sa mahallikayā saha // (317.2) Par.?

sarvakāmopacārāḍhyaṃ tatra taṃ suratotsavam / (318.1) Par.?

anayā samanaḥprītisaukhyaṃ so 'nubabhūva ca // (318.2) Par.?

prātar gate ca prahlāde sabhāṃ tasmin sahānuge / (319.1) Par.?

amīlo dānavādhīśaḥ prahlādādīn abhāṣata // (319.2) Par.?

adya yuṣmābhir akhilair āgantavyaṃ gṛhe mama / (320.1) Par.?

tatrātithyaṃ yataḥ sūryaprabhasyāsya karomy aham // (320.2) Par.?

sutāṃ kalāvatīṃ tasmai dadāmi yadi vo hitam / (321.1) Par.?

etat tadvacanaṃ sarve tatheti pratipedire // (321.2) Par.?

tato dvitīyaṃ pātālaṃ tasminn eva kṣaṇe ca te / (322.1) Par.?

sarve jagmuḥ samaṃ sūryaprabheṇa samayādinā // (322.2) Par.?

tatrāmīlo dadau tasmai sutāṃ sūryaprabhāya tām / (323.1) Par.?

kalāvatīṃ prakriyayā dattātmānam api svayam // (323.2) Par.?

kṛtvā vivāhaṃ prahlādagṛhe bhuktvāsurānvitaḥ / (324.1) Par.?

ninye bhogopacāreṇa dinaṃ sūryaprabho 'tra tat // (324.2) Par.?

dvitīye 'hni tathaivaitān durāroho 'sureśvaraḥ / (325.1) Par.?

nimantrya sarvān anayat pañcamaṃ svarasātalam // (325.2) Par.?

tatra sūryaprabhāya svāṃ nāmnā sa kumudāvatīm / (326.1) Par.?

prādād anyavad ātithyahetor vidhivad ātmajām // (326.2) Par.?

tataḥ sarvaiḥ sametas tair bhogair nītvā dinaṃ sa tat / (327.1) Par.?

vāsakaṃ kumudāvatyā bheje sūryaprabho niśi // (327.2) Par.?

tatra trilokasundaryā navasaṃgamasotkayā / (328.1) Par.?

sa snigdhamugdhayā sākaṃ tayā rātrim uvāsa tām // (328.2) Par.?

prātaś ca tantukacchena prahlādapramukhair vṛtaḥ / (329.1) Par.?

nimantrya saptamaṃ ninye pātālaṃ sa svamandiram // (329.2) Par.?

tatrāsurapatiḥ so 'smai sutāṃ nāmnā manovatīm / (330.1) Par.?

dadau saratnābharaṇāṃ taptajāmbūnadadyutim // (330.2) Par.?

tataḥ sūryaprabhaḥ so 'tra nītvādhikasukhaṃ dinam / (331.1) Par.?

manovatīnavāśleṣasukhinīm anayan niśām // (331.2) Par.?

aparedyuś ca taṃ sarvayuktaṃ kṛtanimantraṇaḥ / (332.1) Par.?

pātālam anayat ṣaṣṭhaṃ svaṃ sumāyo 'surādhipaḥ // (332.2) Par.?

tatra so 'pi dadau tasmai subhadrāṃ nāma kanyakām / (333.1) Par.?

dūrvālatāśyāmalāṅgīṃ mūrtiṃ pāñcaśarīm iva // (333.2) Par.?

tayā suratasaṃbhogayogyayā śyāmayātra saḥ / (334.1) Par.?

sahāsīt tad ahaḥ sūryaprabhaḥ pūrṇenduvaktrayā // (334.2) Par.?

anyedyuś ca balī rājā tadvad eva nināya tam / (335.1) Par.?

sūryaprabhaṃ svapātālaṃ tṛtīyaṃ so 'surānugaḥ // (335.2) Par.?

so 'pi tatra sutāṃ tasmai sundarīṃ nāma dattavān / (336.1) Par.?

bālapravālasacchāyāṃ mādhavīm iva mañjarīm // (336.2) Par.?

strīratnena samaṃ tena reme sūryaprabho 'tra saḥ / (337.1) Par.?

surañjitas tad divasaṃ divyabhogavibhūṣitam // (337.2) Par.?

apare 'hni mayaḥ so 'pi rājaputraṃ tathaiva tam / (338.1) Par.?

caturthapātālagataṃ bhūyo 'naiṣīt svamandiram // (338.2) Par.?

vicitraratnaprāsādaṃ nijamāyāvinirmitam / (339.1) Par.?

navaṃ navam ivābhāsamānaṃ lakṣmyā pratikṣaṇam // (339.2) Par.?

tatra so 'pi dadau tasmai sumāyākhyāṃ nijāṃ sutām / (340.1) Par.?

jagadāścaryarūpāṃ svāṃ śaktiṃ mūrtimatīm iva // (340.2) Par.?

mānuṣatvāc ca tasmai tāṃ naivādeyām amanyata / (341.1) Par.?

so 'pi reme tayā sākam atra sūryaprabhaḥ kṛtī // (341.2) Par.?

vidyāvibhaktadeho 'tha sarvābhir yugapat saha / (342.1) Par.?

araṃstāsurakanyābhis tābhiḥ saha nṛpātmajaḥ // (342.2) Par.?

tāttvikena tu dehena bhajate sma sa bhūyasā / (343.1) Par.?

mahallikāṃ priyatamāṃ prahlādāsurakanyakām // (343.2) Par.?

ekadā ca niśi svairaṃ sthitas tāṃ sa mahallikām / (344.1) Par.?

evaṃ sūryaprabho 'pṛcchad abhijātāṃ kathāntare // (344.2) Par.?

priye rātrau sahāyāte ye dve sakhyau tadā tava / (345.1) Par.?

te kutastye na paśyāmi kiṃ ca te kva gate iti // (345.2) Par.?

tato mahallikāvādīt suṣṭhv ahaṃ smāritā tvayā / (346.1) Par.?

te na dve eva tāḥ santi vayasyā dvādaśeha me // (346.2) Par.?

matpitṛvyeṇa ca svargād ānītā apahṛtya tāḥ / (347.1) Par.?

ekāmṛtaprabhā nāma dvitīyā keśinī tathā // (347.2) Par.?

parvatasya muner ete tanaye śubhalakṣaṇe / (348.1) Par.?

kālindīti tṛtīyā ca caturthī bhadriketi ca // (348.2) Par.?

tathā darpakamāleti pañcamī cārulocanā / (349.1) Par.?

etā mahāmunes tisro devalasyātmasaṃbhavāḥ // (349.2) Par.?

ṣaṣṭhī saudāmanī nāma saptamī cojjvalābhidhā / (350.1) Par.?

ete hāhābhidhānasya gandharvasya sute ubhe // (350.2) Par.?

aṣṭamī pīvarā nāma gandharvasya huhoḥ sutā / (351.1) Par.?

navamy añjanikā nāma kālasya duhitā vibhoḥ // (351.2) Par.?

piṅgalāc ca gaṇāj jātā daśamī kesarāvalī / (352.1) Par.?

ekādaśī mālinīti nāmnā kambalanandinī // (352.2) Par.?

nāmnā mandāramāleti dvādaśī vasukanyakā / (353.1) Par.?

apsaraḥsu samutpannāḥ sarvā divyastriyas tu tāḥ // (353.2) Par.?

pātālaṃ prathamaṃ nītās tāś codvāhe kṛte mama / (354.1) Par.?

tubhyaṃ mayā ca deyās tās tadyuktā syāṃ sadā yathā // (354.2) Par.?

pratijñātaṃ mayā caitat tāsāṃ sneho hi tāsu me / (355.1) Par.?

tāto 'py ukto mayā tena na dattā bhrātrapekṣiṇā // (355.2) Par.?

etac chrutvā savailakṣyas tāṃ sa sūryaprabho 'bravīt / (356.1) Par.?

priye mahānubhāvā tvam ahaṃ kuryāṃ kathaṃ tv idam // (356.2) Par.?

evaṃ sūryaprabheṇoktā ruṣāvocan mahallikā / (357.1) Par.?

matsamakṣaṃ vahasy anyā madvayasyās tu necchasi // (357.2) Par.?

yābhir viyuktā rajyeyaṃ nāham ekam api kṣaṇam / (358.1) Par.?

ity uktas tu tayā sūryaprabhas tuṣṭyānvamaṃsta tat // (358.2) Par.?

tatas tad eva pātālaṃ nītvaiva prathamaṃ tayā / (359.1) Par.?

prahlādasutayā tasmai pradattā dvādaśāpi tāḥ // (359.2) Par.?

athāmṛtaprabhāmukhyās tāḥ sa sūryaprabhaḥ kramāt / (360.1) Par.?

pariṇīyopabhuṅkte sma tasyāṃ divyāṅganā niśi // (360.2) Par.?

prātaś ca tāḥ prabhāsena nāyayitvā rasātalam / (361.1) Par.?

caturthaṃ sthāpayāmāsa channāḥ pṛṣṭvā mahallikām // (361.2) Par.?

svayaṃ cālakṣitaḥ sākaṃ tayā tatraiva so 'gamat / (362.1) Par.?

sabhājanāya ca prāgvat prahlādasya sabhāṃ yayau // (362.2) Par.?

tatrāsurendro vakti sma taṃ sunīthaṃ mayaṃ ca saḥ / (363.1) Par.?

yāta sarve ditidanū draṣṭuṃ devyāv ubhe iti // (363.2) Par.?

tathety atha rasātalāt sapadi nirgatās te tato yathāsvam asuraiḥ samaṃ mayasunīthasūryaprabhāḥ / (364.1) Par.?

vimānam anucintitaṃ tad adhiruhya bhūtāsanaṃ sumerugirisānugaṃ prayayur āśramaṃ kāśyapam // (364.2) Par.?

tatra te ditidanū sahasthite sādarair munijanair niveditāḥ / (365.1) Par.?

abhyupetya dadṛśuḥ krameṇa te pādayoś ca śirasā vavandire // (365.2) Par.?

te ca tān asuramātarāv ubhe sānugān samavalokya sādare / (366.1) Par.?

sāśru mūrdhni paricumbya saṃmadād āśiṣo 'nupadam ūcatur mayam // (366.2) Par.?

prāptajīvitam amuṃ tavātmajaṃ vīkṣya putraka sunītham āvayoḥ / (367.1) Par.?

cakṣur adya saphalatvam āgataṃ tvāṃ ca puṇyakṛtam eva manmahe // (367.2) Par.?

sumuṇḍīkaṃ caitaṃ kṛtinam iha sūryaprabhatayā punarjātaṃ divyākṛtidharam asādhāraṇaguṇam / (368.1) Par.?

citaṃ bhāviśreyaḥprathamapiśunair lakṣaṇagaṇair vilokyāntastoṣāt sphuṭam iha namāvaḥ svavapuṣi // (368.2) Par.?

tac chīghram uttiṣṭhata yāta vatsāḥ prajāpatiṃ draṣṭum ihāryaputram / (369.1) Par.?

taddarśanād vo bhavitārthasiddhiḥ kāryaṃ ca vas tadvacanaṃ śivāya // (369.2) Par.?

iti tābhyām ādiṣṭā devībhyāṃ te tathaiva gatvā tam / (370.1) Par.?

kaśyapamuniṃ mayādyā dadṛśur divyāśrame tatra // (370.2) Par.?

drutaśuddhahāṭakābhaṃ tejomayam āśrame ca devānām / (371.1) Par.?

jvālākapilajaṭādharam analasamānaṃ durādharṣam // (371.2) Par.?

upagamya ca tasya pādayos te nipatanti sma sahānugaiḥ krameṇa / (372.1) Par.?

atha so 'pi muhuḥ kṛtocitāśīḥ paritoṣād upaveśya tān uvāca // (372.2) Par.?

ānandaḥ paramo mamaiṣa yad amī dṛṣṭāḥ stha sarve sutāḥ ślāghyas tvaṃ maya satpathād acalito yaḥ sarvavidyāspadam / (373.1) Par.?

dhanyas tvaṃ ca sunītha yena gatam apy āptaṃ punar jīvitaṃ tvaṃ sūryaprabha puṇyavāṃś ca bhavitā yaḥ khecarāṇāṃ patiḥ // (373.2) Par.?

tad dharme pathi vartitavyam adhunā boddhavyam asmadvaco bhokṣyadhve satataṃ sukhāni paramām āsādya yena śriyam / (374.1) Par.?

naiva syāc ca purā yathā paribhavo bhūyaḥ parebhyo 'tra vo dharmātikramiṇo 'surā hi murajiccakrasya yātā vaśam // (374.2) Par.?

ye cāsurā devahatāḥ sunītha martyapravīrās ta ime 'vatīrṇāḥ / (375.1) Par.?

yo 'bhūt sumuṇḍīka ihānujas te sūryaprabhaḥ saiṣa kilādya jātaḥ // (375.2) Par.?

anye 'pi te 'mī asurā vayasyā asyaiva jātāḥ khalu bāndhavāś ca / (376.1) Par.?

yaḥ śambarākhyaś ca mahāsuro 'bhūt saiṣo 'dya jātaḥ sacivaḥ prahastaḥ // (376.2) Par.?

yaś cāsuro 'bhūt triśirā sa jātaḥ siddhārthanāmā sacivo mayasya / (377.1) Par.?

vātāpir ity āsa ca dānavo yaḥ prajñāḍhyanāmāsya sa eva mantrī // (377.2) Par.?

ulūkanāmā danujaś ca yo 'bhūt so 'yaṃ vayasyo 'sya śubhaṃkarākhyaḥ / (378.1) Par.?

yo 'yaṃ vayasyo 'sya ca vītabhītiḥ sa kālanāmāpy abhavat surāriḥ // (378.2) Par.?

yaś caiṣa bhāsaḥ sacivo 'sya so 'yaṃ daityo 'vatīrṇo vṛṣaparvanāmā / (379.1) Par.?

yo 'yaṃ prabhāsaś ca sa eṣa daityo vatsāvatīrṇaḥ prabalābhidhānaḥ // (379.2) Par.?

mahātmanā ratnamayena yena devair vipakṣair api yācitena / (380.1) Par.?

kṛtvā śarīraṃ dalaśo 'vatīrṇaṃ ratnāni jātāny akhilāni yasmāt // (380.2) Par.?

tattoṣataś caṇḍikayāsya devyā varo 'nyadehānugataḥ sa dattaḥ / (381.1) Par.?

yena prabhāso 'dya sa eṣa jāto mahābalo duṣprasaho ripūṇām // (381.2) Par.?

yau dānavāv abhūtāṃ pūrvaṃ sundopasundanāmānau / (382.1) Par.?

tāv etau sarvadamanabhayaṃkarāv asya mantriṇau jātau // (382.2) Par.?

yaś ca hayagrīvākhyo vikaṭākṣaś cāsurāv abhūtāṃ dvau / (383.1) Par.?

sthirabuddhimahābuddhī utpannāv asya tāv imau sacivau // (383.2) Par.?

anye 'py asya ya ete śvaśurāḥ sacivādibāndhavā ye ca / (384.1) Par.?

te 'py avatīrṇā asurā yair indrādyāḥ purā jitā bahuśaḥ // (384.2) Par.?

tad yuṣmākaṃ pakṣaḥ punar apy evaṃ kramād gato vṛddhim / (385.1) Par.?

dhīrā bhavata samṛddhiṃ prāpsyatha dharmād avicyutāḥ paramām // (385.2) Par.?

iti vadati kaśyaparṣau dākṣāyaṇyaḥ kilāsya patnyo 'tra / (386.1) Par.?

aditipramukhāḥ sarvā mādhyaṃdinasavanasamaya ājagmuḥ // (386.2) Par.?

dattvāśiṣaṃ mayādiṣu namatsu bhartuḥ kṛtāhnikājñāsu / (387.1) Par.?

tāsv atha śakro 'trāgāt salokapālo 'pi taṃ muniṃ draṣṭum // (387.2) Par.?

vanditasadārakaśyapamunicaraṇo vandito mayādyaiś ca / (388.1) Par.?

so 'tha saroṣaṃ paśyan sūryaprabham uktavān mayaṃ śakraḥ // (388.2) Par.?

eṣo 'rbhakaḥ sa jāne vidyādharacakravartitākāmaḥ / (389.1) Par.?

tad asau svalpena kathaṃ saṃtuṣṭo nendratāṃ kim arthayate // (389.2) Par.?

tac chrutvaiva mayas taṃ jagāda deveśa tat tvayīndratvam / (390.1) Par.?

parameśvareṇa nirmitam ādiṣṭaṃ cāsya khecareśatvam // (390.2) Par.?

iti mayavacanān maghavā sa tadā vihasann uvāca sāmarṣaḥ / (391.1) Par.?

atyalpaṃ hi tad asyāḥ sulakṣaṇasyākṛter amuṣyeti // (391.2) Par.?

atha sa mayo 'py avadat taṃ śrutaśarmā yatra khecarendratve / (392.1) Par.?

yogyas tatrāsaṃśayam ākṛtir asyeyam arhatīndratvam // (392.2) Par.?

ity uktavate tasmai mayāya kupitaḥ sa vajram udyamya / (393.1) Par.?

maghavottasthau kaśyapamunir akaroc cātha kopahuṃkāram // (393.2) Par.?

dhikkāramukharatāmrair vadanaiḥ kopaṃ yayuś ca dityādyāḥ / (394.1) Par.?

tata indraḥ śāpabhayād upāviśat saṃhṛtāyudho 'vanataḥ // (394.2) Par.?

praṇipatya pādayor atha dārayutaṃ taṃ surāsuraprabhavam / (395.1) Par.?

kaśyapamuniṃ prasādya ca vijñāpitavān kṛtāñjaliḥ śakraḥ // (395.2) Par.?

śrutaśarmaṇe mayā yad bhagavan vidyādharādhirājatvam / (396.1) Par.?

dattaṃ tad eṣa hartuṃ sūryaprabha udyato 'dhunā tasya // (396.2) Par.?

eṣa ca sarvākāraṃ mayo 'sya tatsādhane kṛtodyogaḥ / (397.1) Par.?

tac chrutvā sa tam indraṃ ditidanusahitaḥ prajāpatir avocat // (397.2) Par.?

iṣṭas te śrutaśarmā maghavan sūryaprabhaś ca śarvasya / (398.1) Par.?

na ca tasyecchāmi tathā tenājñaptaś ca pūrvam atra mayaḥ // (398.2) Par.?

tat tvaṃ mayasya kiṃ khalu jalpasi kathayātra ko 'parādho 'sya / (399.1) Par.?

eṣa hi dharmapathastho jñānī vijñānavān gurupraṇataḥ // (399.2) Par.?

bhasmākariṣyad asmatkrodhāgnis tvām aghaṃ vyadhāsyaś cet / (400.1) Par.?

na ca śaktas tvam imaṃ prati prabhāvam etasya kiṃ na jānāsi // (400.2) Par.?

iti muninātra sadāreṇokte lajjābhayānate cendre / (401.1) Par.?

aditir uvāca sa kīdṛk śrutaśarmā darśyatām ihānīya // (401.2) Par.?

etan niśamya śakro mātalim ādiśya tatkṣaṇaṃ tatra / (402.1) Par.?

ānāyayati sma sa taṃ śrutaśarmāṇaṃ nabhaścarādhīśam // (402.2) Par.?

taṃ dṛṣṭvā kṛtavinatiṃ vīkṣya ca sūryaprabhaṃ tam aprākṣuḥ / (403.1) Par.?

kaśyapamuniṃ svabhāryāḥ ka etayo rūpalakṣaṇāḍhya iti // (403.2) Par.?

atha sa munīndro 'vādīc chrutaśarmāsyāpi na prabhāsasya / (404.1) Par.?

etat sacivasya samaḥ kiṃ punar etasya nirupamānasya // (404.2) Par.?

sūryaprabha eṣa yato divyais tai rūpalakṣaṇair yuktaḥ / (405.1) Par.?

yair asyādhyavasāyaṃ vidadhānasyendratāpi nāsulabhā // (405.2) Par.?

iti kaśyaparṣivacanaṃ sarve 'pi śraddadhus tathety atra / (406.1) Par.?

tata eṣa mayāya varaṃ dadau muniḥ śṛṇvato mahendrasya // (406.2) Par.?

yat putra nirvikāraṃ bhavatā sthitam udyatāyudhe 'pīndre / (407.1) Par.?

tenājarāmaro 'ṅgair vajramayair akṣataś ca bhavitāsi // (407.2) Par.?

etāv api te sadṛśau sunīthasūryaprabhau mahāsattvau / (408.1) Par.?

śaśvad aparibhavanīyau bhaviṣyataḥ sakalavairivargasya // (408.2) Par.?

eṣa suvāsakumāraś cāpadrajanīṣu cintitopagataḥ / (409.1) Par.?

sāhāyakaṃ kariṣyati mattanayaḥ śaradijendusamakāntiḥ // (409.2) Par.?

ity uktavato 'sya muner bhāryā ṛṣayaś ca lokapālāś ca / (410.1) Par.?

sadasi mayaprabhṛtibhyas tebhyaḥ sarve varān dadus tadvat // (410.2) Par.?

aditir atha śakram avadad viramāvinayāt prasādayendra mayam / (411.1) Par.?

dṛṣṭaṃ vinayaphalaṃ hi tvayādya yad anena sadvarāḥ prāptāḥ // (411.2) Par.?

tac chrutvā mayam indraḥ pāṇāv ālambya toṣayāmāsa / (412.1) Par.?

sūryaprabhābhibhūtaḥ śrutaśarmā cābhavad dinendunibhaḥ // (412.2) Par.?

praṇamya tam atha kṣaṇāt surapatir guruṃ kaśyapaṃ jagāma sa yathāgataṃ nikhilalokapālānvitaḥ / (413.1) Par.?

mayaprabhṛtayo 'pi te munivarasya tasyājñayā tataḥ khalu tadāśramāt prakṛtakāryasiddhyai yayuḥ // (413.2) Par.?

Duration=2.6284410953522 secs.