Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10190
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
tvām agne vasupatiṃ vasūnām abhi pra mande adhvareṣu rājan / (1.1) Par.?
tvayā vājaṃ vājayanto jayemābhi ṣyāma pṛtsutīr martyānām // (1.2) Par.?
havyavāᄆ agnir ajaraḥ pitā no vibhur vibhāvā sudṛśīko asme / (2.1) Par.?
sugārhapatyāḥ sam iṣo didīhy asmadryak sam mimīhi śravāṃsi // (2.2) Par.?
viśāṃ kaviṃ viśpatim mānuṣīṇāṃ śucim pāvakaṃ ghṛtapṛṣṭham agnim / (3.1) Par.?
ni hotāraṃ viśvavidaṃ dadhidhve sa deveṣu vanate vāryāṇi // (3.2) Par.?
juṣasvāgna iᄆayā sajoṣā yatamāno raśmibhiḥ sūryasya / (4.1) Par.?
juṣasva naḥ samidhaṃ jātaveda ā ca devān haviradyāya vakṣi // (4.2) Par.?
juṣṭo damūnā atithir duroṇa imaṃ no yajñam upa yāhi vidvān / (5.1) Par.?
viśvā agne abhiyujo vihatyā śatrūyatām ā bharā bhojanāni // (5.2) Par.?
vadhena dasyum pra hi cātayasva vayaḥ kṛṇvānas tanve svāyai / (6.1) Par.?
piparṣi yat sahasas putra devānt so agne pāhi nṛtama vāje asmān // (6.2) Par.?
vayaṃ te agna ukthair vidhema vayaṃ havyaiḥ pāvaka bhadraśoce / (7.1) Par.?
asme rayiṃ viśvavāraṃ sam invāsme viśvāni draviṇāni dhehi // (7.2) Par.?
asmākam agne adhvaraṃ juṣasva sahasaḥ sūno triṣadhastha havyam / (8.1) Par.?
vayaṃ deveṣu sukṛtaḥ syāma śarmaṇā nas trivarūthena pāhi // (8.2) Par.?
viśvāni no durgahā jātavedaḥ sindhuṃ na nāvā duritāti parṣi / (9.1) Par.?
agne atrivan namasā gṛṇāno 'smākam bodhy avitā tanūnām // (9.2) Par.?
yas tvā hṛdā kīriṇā manyamāno 'martyam martyo johavīmi / (10.1) Par.?
jātavedo yaśo asmāsu dhehi prajābhir agne amṛtatvam aśyām // (10.2) Par.?
yasmai tvaṃ sukṛte jātaveda u lokam agne kṛṇavaḥ syonam / (11.1) Par.?
aśvinaṃ sa putriṇaṃ vīravantaṃ gomantaṃ rayiṃ naśate svasti // (11.2) Par.?
Duration=0.049204111099243 secs.