Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 10425
  • Click on a sentence to show its analysis
  • Keep the mouse pointer over a lemma to show its meanings.
endra yāhy upa naḥ parāvato nāyam acchā vidathānīva satpatir astaṃ rājeva satpatiḥ / (1.1) Par.?
havāmahe tvā vayam prayasvantaḥ sute sacā / (1.2) Par.?
putrāso na pitaraṃ vājasātaye maṃhiṣṭhaṃ vājasātaye // (1.3) Par.?
pibā somam indra suvānam adribhiḥ kośena siktam avataṃ na vaṃsagas tātṛṣāṇo na vaṃsagaḥ / (2.1) Par.?
madāya haryatāya te tuviṣṭamāya dhāyase / (2.2) Par.?
ā tvā yacchantu harito na sūryam ahā viśveva sūryam // (2.3) Par.?
avindad divo nihitaṃ guhā nidhiṃ ver na garbham parivītam aśmany anante antar aśmani / (3.1) Par.?
vrajaṃ vajrī gavām iva siṣāsann aṅgirastamaḥ / (3.2) Par.?
apāvṛṇod iṣa indraḥ parīvṛtā dvāra iṣaḥ parīvṛtāḥ // (3.3) Par.?
dādṛhāṇo vajram indro gabhastyoḥ kṣadmeva tigmam asanāya saṃ śyad ahihatyāya saṃ śyat / (4.1) Par.?
saṃvivyāna ojasā śavobhir indra majmanā / (4.2) Par.?
taṣṭeva vṛkṣaṃ vanino ni vṛścasi paraśveva ni vṛścasi // (4.3) Par.?
tvaṃ vṛthā nadya indra sartave 'cchā samudram asṛjo rathāṁ iva vājayato rathāṁ iva / (5.1) Par.?
ita ūtīr ayuñjata samānam artham akṣitam / (5.2) Par.?
dhenūr iva manave viśvadohaso janāya viśvadohasaḥ // (5.3) Par.?
imāṃ te vācaṃ vasūyanta āyavo rathaṃ na dhīraḥ svapā atakṣiṣuḥ sumnāya tvām atakṣiṣuḥ / (6.1) Par.?
śumbhanto jenyaṃ yathā vājeṣu vipra vājinam / (6.2) Par.?
atyam iva śavase sātaye dhanā viśvā dhanāni sātaye // (6.3) Par.?
bhinat puro navatim indra pūrave divodāsāya mahi dāśuṣe nṛto vajreṇa dāśuṣe nṛto / (7.1) Par.?
atithigvāya śambaraṃ girer ugro avābharat / (7.2) Par.?
maho dhanāni dayamāna ojasā viśvā dhanāny ojasā // (7.3) Par.?
indraḥ samatsu yajamānam āryam prāvad viśveṣu śatamūtir ājiṣu svarmīᄆheṣv ājiṣu / (8.1) Par.?
manave śāsad avratān tvacaṃ kṛṣṇām arandhayat / (8.2) Par.?
dakṣan na viśvaṃ tatṛṣāṇam oṣati ny arśasānam oṣati // (8.3) Par.?
sūraś cakram pra vṛhaj jāta ojasā prapitve vācam aruṇo muṣāyatīśāna ā muṣāyati / (9.1) Par.?
uśanā yat parāvato 'jagann ūtaye kave / (9.2) Par.?
sumnāni viśvā manuṣeva turvaṇir ahā viśveva turvaṇiḥ // (9.3) Par.?
sa no navyebhir vṛṣakarmann ukthaiḥ purāṃ dartaḥ pāyubhiḥ pāhi śagmaiḥ / (10.1) Par.?
divodāsebhir indra stavāno vāvṛdhīthā ahobhir iva dyauḥ // (10.2) Par.?
Duration=0.065773963928223 secs.